الحلقة { 82 }
وسام : يااااه انا اول واحده مكنتش اعرف اني مسيطره كدا
حسام : لا يا ستي انتي مسيطره وكل حاجه
بقولك يا وسام كنت عاوز اشوفك عشان في موضوع كدا عاوزك فيه
وسام : حاضر بكرا نتقابل
حسام : مش هينفع استنى لبكرا لازم النهاردة موضوع مينفعش يستنى
وسام : طيب ماشي هلبس وانزل بس ايه الموضوع المهم دا اللى ميستناش ؟
حسام : مشكله كدا ومش عارف اعمل فيها ايه ؟
وسام : اخص عليك يا سومه يعني غايب عني 3 ايام وفي الاخر تقولي مشكله دانا فكراك هتدلعني وتفسحني
حسام : "
"
"
( وهو حزين وعينه مدمعه ) بس كدا يا قلبي ؟ حاضر هفسحك وادلعك واعملك كل اللى بتحلمي بيه
وسام : ايوه بقى هو دا سومه حبيبي
بص اديني نص ساعه وهكون جاهزه
حسام : طب هنتقابل فين ؟
وسام : اااااا عند الكرته كدا
حسام : كارته ايه ؟
وسام : ههههه انت نسيت يا نسااااي اعمل فيك ايه بس
الكرته يا حسام افتكر
حسام : اه اه في شارع الطيران صح صح ، بس فين يعني ما الشارع دا كبير
وسام : عند الحاج كنتاكي
**** (بقلم : هند محمد ) ****
علياء : ( في المطبخ بتعمل محشي ورق عنب ) ايه دا انتي لبسه كدا ورايحه فين ؟
وسام : مش هتصدقي يا ماما من شويه جالي تليفون من فرحتي كنت هنط من الشباك واروحلها
علياء : يا سلام دي مين دي ؟
وسام : شيماء يا ماما صحبتي ايام الجامعه اللى اتجوزت شهاب و اتجوزه وسافره الامارات
علياء : شيماء مين يا وسام مش فكراها
وسام : شيماء يا ماما اللى هي كانت مامتها طنط سعاد السمري صاحبت المحل بتاع الملابس اللى في شارع مصر والسودان
علياء : لا مش فكراها خالص دي ، بس مش مهم مالها يعني ؟
وسام : جات من يومين مصر و هتولد قريب واشترت فيلا في التجمع الخامس و كلمت كل البنات اللى كانو اصحبنا في الدفعه و عامله حفله بقى و هنقضي بقى اليوم سوي
فا معلش بقى يا ماما هروح لها وهقضي اليوم معاها
علياء : طب قولتي لبابا ؟
وسام : بابا هيقولي لا عشان خايف عليا ، بس انا نفسي اروح يا ماما وحياتي دي شيماء وحشاني اوي
علياء : ماشي روحي بس خلي بالك من نفسك
وسام : ( حضنتها ) حبيبتي يا ناس حبيبت بنتها يا خواتي بحبها حاتي بوسها
علياء : 💋
**** (بقلم : هند محمد ) ****
ميريهان : بابا حسن المورد بتاع الفراخ باره
حسن : طب داخليه ، بس استني تعالى اقولك
ميريهان : نعم
حسن : اختك عمله ايه ؟ لسه تعبانه ؟
ميريهان : لا الحمد لله باقت زي القرده هههه
حسن : قرده ؟ شكلك مش بتحبي اختك
ميريهان : 😲 هاااااا انا لا والله دي اختي ويسو دي حياتي كلها دي أمي التانيه بس انا وهي وخدين نهزر كدا مع بعضينا
حسن : امممم وهي لسه متجوزتش ؟
ميريهان : لا ادعلها ربنا يرزقها بالزوج الصالح
حسن : ربنا يكرمها ويرزقها بالزوج الصالح اللى يسعدها ويبعد عنها كل شر
ميريهان : امين يا رب ، انا اول ما اروح هقولها ان بابا حسن دعالك
حسن : لا لا متقوليش
ميريهان : ليه ؟
حسن : الدعوه بدهر الغيب بتستجاب
ميريهان : امممم ماشي تمام
بقولك ايه هو انا كنت داخله اقولك ايه ؟
حسن : انتي نسيتي ؟
ميريهان : تقريبا انا جرالي ايه هههه ؟
حسن : مورد الفراخ كان باره وانتي جايه تقوليلي
ميريهان : صح صح انا هخرج انده هولك بقى
حسن : اوعي تكوني بتنسي كدا في الحسابات ؟
ميريهان : بص ذيادة تأكيد ابقى راجع عليا ربنا يستر
**** (بقلم : هند محمد ) ****
وسام : ( ركبت عربية حسام ) انا جيت ؟
حسام : خضتيني ههههه
وسام : مانا وانا بركن شيفاك سرحان قولت اخضك
ايه بقى سرحان في مين ؟
حسام : فيكي وانا بسمع الاغنيه دي سرحت فيكي
وسام : ( علت الكاست ) بتسمع ايه بقى
<< ليه هخاصمك ولا اصالحك بكره جرحي يداوي جرحك ترضي عني وارضي عنك وتسامحني لما اسامحك
امتي مره حلفت بيا بالحنان سيطر عليا ليه في حضنك بنسي نفسي لما بتبص في عينيا
نفسي اتغير واجيلك تشتكيلي واشتكيلك ونبقي تاني زي بعض لما روحي هتناديلك >>
وسام : يا ساتر يا رب ربنا ما يجيب خصام
حسام : عادي دي مجرد اغنيه
وسام : لما تحب تسمع اغاني اسمع دا ( وخراجت فلاشه من شنطتها )
حسام : متقوليش عمرو دياب والله من كتر ما بتسمعهولي كرهته هههه
وسام : هزعل وانا زعلي وحش
حسام : ايه بتتحولي ولا ايه ؟
وسام : اممم بتحول ، اسمع بس و يلا بقى نتحرك هنفضل كدا
حسام : حاضر انتي المفروض تروحي كان 4 زي كل مره ؟
وسام : لا 10 بليل
حسام : ايه دا ازاي ؟
وسام : انزل جبلنا وجبتين كنتاكي و حاجه ساقعه و تعالي نأجر مركب في النيل وانا اقولك واحنا بناكل
حسام : حاضر يا قلبي عاوزه الفراخ اسبيسي ؟
وسام : لا مش بحب الشطشطه
( حسام نزل جاب الوجبتين و رجع )
حسام : هتكلي هنا
وسام : لا هناجر مركب بمجديف وتقدف بيه
حسام : ولما انا أقدف بيكي انا هاكل ازاي
وسام : انا هأكلك بايدي
حسام : احم احم بصي انا نفسي اوي في اللحظه دي بس بلاش مركب بمجديف خليها مركب كبيره احسن عشان انا عندي فوبيا
وسام : اوك ماشي عشان الخاطر الفوبيا يلا بينا بقى لحسن الفراخ والبطاطس هتبرد
حسام : حاضر
وسام : اسمع الاغنيه دي كمان
<< نقول ايه خلاص انا وانته حبيبي ما فيش حاجه نقولها
واصلين لدرجة .. حب محدش في الدنيا وصلها
انا ليك ولا عمري مااكون يا حبيبي غير ليك روحي شاغلها >>
