الحلقة { 87 }
وسام : الو
حسام : بتكلميني ليه ؟
وسام : عشان اقولك مبروك على الخطوبه و افكرك بوعد كنت وعدتني بيه يا سمسمه
حسام : عارف كل وعودي ليكي ، وفاكر كل حاجه عشنها سوى
وسام : طب كويس يا سمسمه انك فاكر ، ورغم كدا مكمل وعاوز تيجي تخطب اختي
حسام : اممم هخطبها عندك مانع ؟
وسام : كمان بتتكلم ببجاحه ولا همك ؟
- بس ماشي يا حسام على العموم مبروك بس قابل مني بقى انت وابوك
حسام : انتي مش هتقدري تعملي حاجه اصلا
وسام : تفتكر ؟
حسام : اعلى ما في خيلك اركبيه
وسام : اوك يا حسام سلام بقى عشان مش عاوزه اوسخ ودني بصوتك اكتر من كدا ( وقفلت )
- ماشي يا حسام ، مهما كان انت مش هتبقى اغلى عندي من اختي انت ولا حاجه اصلا
**** (بقلم : هند محمد ) ****
إمام : مش كفايا سبيتها و هتتجوز اختها ؟ ليه تعاملها كدا بالشكل دا ؟
حسام : مش عاوزها تحبني ، عاوزها تكرهني
إمام : طب ليه تكرهك ؟
حسام : عشان لما اعيش معاهم هي متتعذبش بوجودي جنبها ، لاكن لو كرهتني هيبقى عادي وجودي من عدمه
إمام : طب ليه يا بابا كل دا ؟
حسام : عشان بحبها يا إمام
إمام : طب أختها ذنبها ايه تتجوز واحد بيحب اختها ؟
حسام : "
"
"
مش عارف بقى ، بس ميريهان حلوه و طيبه كدا و روشه
إمام : أممممم فهمت خلاص
حسام : فهمت ايه ؟
إمام : انت عاوز واحده تروش معاها و تخرج وتعمل كل اللي انت عاوزه وفي نفس الوقت تكون جنب اللي بتحبها
حسام : "
"
"
إمام : هو انت كنت بتعمل مع ماما كدا ؟
حسام : كدا ازاي ؟
إمام : ماما ام أبنك و ست بيت و مراتك ، وباره البيت كنت في واحده للخروج والروشنه
حسام : أدخل اوضتك نام عشان انت شكل السهر خلاك تخرف
إمام : على فكره انت اللي عندي في الاوضه بتعتي مش انا اللى عندك
حسام : طب تصبح على خير
**** (بقلم : هند محمد ) ****
سمسون : شان شان ليه فاخمة الكلوزر ما جاتش لحد دلوقتي
شان شان : بتجهز فاخمتك
- سات كان باره وبيستأذن في الدخول
سمسون : خليه يدخل
سات : ( دخل سات ) سمو الارشدوك
سمسون : ها عملت ايه ؟
سات : كل الحاجات اللي اتسارقة رجعناها ولاكن الاكل للاسف هما اكلوه
سمسون : عارفين مين اللي سرق الاكل و اكلوه ؟
سات : ايوه فاخمتك الحناتيس
سمسون : تروحه وتعدموهم حالا عشان بعد كدا محدش يفكر يسرق تاني
سات : امر فاخمتك
سمسون : اعلنه عن حكم الاعدام وهات منادي يقول الخبر عشان كل اهل الكوكب يعرفه و الصبح يتنفذ الحكم
سات : امر فاخمتك
( خرج سات ومشي )
شان شان : فاخمت الكلوزر على الباب فاخمتك
سمسون : خلوها تدخل حالا
( داخلت موني وهي لبسه فستان وشبه الاميرات في جمالها وشياكتها ومش فستنها بس اللي كان مبهر لا شعرها كمان و مكياجها كل حاجه فيها كانت جميله ورقيقه ومبهره )
موني : انا جيت ، مالك بتبصلي كدا ليه ؟
سمسون : اول مره اشوف ست في حياتي
موني : هههه
سمسون : تتجوزيني ؟
موني : مانا قولتلك مينفعش خلينا اصدقاء احسن
سمسون : وانا قولتلك انتي كنتي متجوزه على كوكب الارض لاكن انتي هنا في حنتوسه
موني : يعني يرضيك اجي حنتوسه و اخون الراجل اللي مخلفه منه 3 عيال
يرضيك اتجوز عليه اروح من ربنا فين انا
سمسون : طب انا عاوزه اتجوزك اعمل ايه دلوقتي ؟
موني : هو في حل واحد بس محتاج وقت
سمسون : ايه هو ؟
موني : اني اخلعه ، وبعد ما اخلعه استنى 3 شهور العده و بعد ما العده تخلص كدا ممكن نتجوز
سمسون : ايه تخلعيه وايه عده وايه الكلام الفاضي دا انا مش فاهم حاجه
موني : افهمك يا سمسونتي ، تعالى نقعد وانا هفهمك
**** (بقلم : هند محمد ) ****
و : بجد وحشتونا
لؤي : وانت كمان يا و
خ : وعرفته تروحه للحكيم ؟
تيشو : اه طبعا روحنا ، عرفين مين ساعدنا ؟
ت : مين ؟
سابا : الروك
ث : معقول ؟ دول مش بيسعده حد خالص ؟
لؤي : هو احنا اي حد يا ث داحنا جمدين اوي هههه
تعرفه انا كمان هتجوز بنت الحكيم
و : بجد مبروك بس ازاي هتقدر تاكل خروف
لؤي : لا دانا اكل خروفين مش خروف واحد
( سمعو صوت منادي بينادي بيقول )
👾 يا ولاد الحلال الارشدوك حكم على الحناتيس اللصوص بالاعدام بسبب السرقه
يا ولاد الحلال
ت : ايه دا يا تري هيعدمه مين ؟
لؤي : وهو يا تري سرقه ايه
و : الخوف ياخدو اي حد كدا وخلاص مش الحرميه بس
لؤي : هو انتم كمان عندكم كدا ؟
سابا : انا اعتقد الحاجات اللي اتسرقة دي اكيد حاجات السفينه
ف : هي ايه السفينه دي ؟
كارينا : دي السفينه اللي كنا ركبنها عشان نيجي بيها من الكوكب بتعنا للكوكب بتعكم
خ : حاجه كدا كبيره و ملفوفه ومليانا حاجات غريبه ؟
لؤي : اه هي دي اللي هي عند جبل الماس
ف : يعني انا كمان هتعدم ؟
تيشو : ليه هو انت سارقت ؟
ف : ايوه وخات حاجات كتير حلوه وطعمها جميل
لؤي : ايه دي ؟
ف : لونها اسود كدا و مبططه ولما بتحطها غي بؤك بتسيح
لؤي : اهااااا شكولاته
ف : انا مش عاوز اموت انا مش عاوز
لؤي : خلاص خلاص متخفش انا هتصرف
تيشو : هتعمل ايه ؟
لؤي : هتشوفي بصو احنا هنمشي وهنجلمك تاني
ف : لؤي متسبنيش اموت
لؤي : متخفش مش هتموت
**** (بقلم : هند محمد ) ****
نيرو : سامع يا بابا الارشدوك الظالم هيعدم الحناتيس الغلابه
زيوس : مش هما سارقه يبقى يستهله
نيرو : وهما ايه اللي خلاهم يسرقه ما هو السبب ، الارشدوك عايش في قصر وبياكل وبيشرب و ناهب الكوكب و الحناتيس مش لقيه حتى تاكل
ضي : ما هما لو يشتغله زينا هيلاقه ياكلو
نيرو : وهما مابيشتغلوش دول طالع عنيهم طول الوقت
زيوس : بلاش كلام لا يودي ولا يجيب
نيرو : لا يا بابا انا زهقت ومش هسكت على اللي بيحصل ، الارشدوك من جبروته اخد من القبيله عندنا 250 شاب عشان يعلمهم أزاي يمسكه سلاح و عاوزنا نموت بيه بعض
زيوس : لو الارشدوك عاوز كدا ودا هدفه ، يبقى احنا لازم يكون عندنا عقل ونغتنم الفرصه
ضي : يعني يعملو أيه ؟
زيوس : يتعلمه يمسكه سلاح و ازاي يستخدموه كويس وبدل ما يموته بيه بعض ، يروحه يقفه قصاد الظلم والقهر و الفقر والجهل
نيرو : عندك حق ازاي انا مافكرتش في كدا ؟
**** (بقلم : هند محمد ) ****
سمسون : انت بتقول ايه ؟
لؤي : بنقولك احنا مسمحين الحناتيس بلاش تأزيهم
سمسون : بس انا اصدارت امر
لؤي : صدقني في مصلحتك انك متموتش الحناتيس عارف ليه ؟
سمسون : ليه ؟
لؤي : عشان انا سمعت من ريماس انك عاوز تهجم على كوكب الارض ، والحناتيس الاغبيه دول احنا ممكن نستحدمهم دروع بشريه
سمسون : ازاي ؟
لؤي : هقولك أزاي بس بشرط
سمسون : ايه هو
لؤي : لما تهجم على الارض و تاخد الحكم بتاع الكوكب متنساش حبيبك لؤي في الياغمه اللي هتبقى عندك
سمسون : يعني عاوز ايه ؟
لؤي : حته من التورته
**** (بقلم : هند محمد ) ****
( وفي كوكب الارض صحيت وسام على خبط ورزع )
وسام : ماما ، ماما ايه الدوشه دي ؟
علياء : دا المهندس بتاع الديكور جه ومعه اكتر من 10 رجاله و طلعه يوضبه الشقه
وسام : بسرعه كدا
علياء : اه خلينا نخلص ونفرح بأختك في بيتها مع عريسها
، قوليلي فكرتي في موضوع عمرو ؟
وسام : لسه بفكر
علياء : عمرو كويس وطيب ومننا وعلينا وفقي عشان خاطري
وسام : لسه لما افكر دا جواز يا ماما مش سلق بيض
**** (بقلم : هند محمد ) ****
عمرو : ( في الشغل 📱 ) ورد ودباديب ايه وكلام حلو ايه اللي هقوله لوسام يا ماما
أم موني : ( 📱 ) الله مش لازم كدا عشان تحبك وتتعلق بيك مش انت خطبتها ؟
عمرو : ايوه بس هي لسه موفقتش
أم موني : طيب خليك ناصح بقى واسمع كلامي وخليها تحبك
**** (بقلم : هند محمد ) ****
حسن : طول مانتي قعده اتسلي كدا بسكويت ، عصير ، شيبسي ، شكولاته ، بصي اعتبري السوبر ماركت دا بقى بتاعك
ميريهان : انا متشكره اوي يا بابا حسن بس كدا كتير
حسن : انتي لسه شفتي حاجه ، ان شاء الله لما تتجوزي حسام و تجيبو اول عيل هكتب السوبر ماركت دا كلو باسم المولود و انتي هيبقى ليكي حق الادارة
ميريهان : "
"
"
"
حسن : ايه سرحتي في ايه ؟
ميريهان : لا ولا حاجه بس يا ريت متعملش كدا عشان إمام ميزعلش ويغير من اخوه
حسن : ما شاء الله عليكي بنت اصول صحيح ، بس متخفيش انا قريب اوي هفتح فرع تاني للسوبر ماركت دا في المعادي و فرع المعادي هكتبه بأسم إمام
ميريهان : لالا ربنا يطول في عمرك ويديك الصحه انا كل اللي عوزه رضاك عليا
حسن : ربنا يكرمك يا بنتي
حسام : ( وصل من الشغل ) وانا ماليش نفس ناصيب من الدعاوي الحلوه دي ؟
حسن : حسام ، هههه هو انا ليه غيرك ادعيلو انت و إمام و دلوقتي ميريهان القمر
ميريهان : احم احم انا كدا هتغر
حسن : برحتك طلعي عينه انا بقولك اهو ولو زعلك تعالي قوليلي وانا هطين عشته
ميريهان : ربنا ما يجيب زعل يا رب ، وحتى لو زعلني انا مش ممكن اطلع اسرارنا باره لأي حد
حسن : شايف العقل
حسام : امممم ما واضح
حسام : طب ممكن نخرج نروح نتغدا انا وانتي وإمام عشان نتعرف على بعض اكتر ؟
ميريهان : لا مينفعش دلوقتي
حسن : ليه مانتي خلتصتي شغل
شغل ؟
ميريهان : ايوه بس لازم يكون في ارتباط رسمي عشان ينفع اخرج معاك
حسن : كلمي بابا وقوليلو وهو مش هيرفض
ميريهان : لا طبعا برضو مينفعش افرض حد من قريبي شافنا هقوله ايه ؟
حسام : قوليلو خطيبي
ميريهان : لا طبعا امتى دا ؟
لما تحصل خطوبه وقتها هبقى اخرج معاك غير كدا لا ، بعد ازنكم السلام عليكم ( وسابتهم ومشيت )
حسن : شايف التربيه و الاخلاق ، مش زي اللي تقول لها يلا تيلا
**** (بقلم : هند محمد ) ****
وسام : مش هقدر يا بيتر متشكره والله
بيتر : هو انا بقولك تعالي اوصلك دانا عازمك على الغدا فى البيت مع بتول ،
ولا مش عاوزه تشوفي المرحومه ههههههه
# تنصحه وسام تروح الغدوه مع بيتر و بتول ولا لا
