الحلقة { 46 }
حسام : انتي تعرفي منال ماتت فين ؟
وسام : فين ؟
حسام : في حضني ، وقتها كانت تعبانه اوي وعيانه كدا وبتتالم كانت بتقولي انا موجوعه اوي يا حسام ، مكنتش عارف اعمل ايه غير اني اخدها في حضني وفي لحظه ماتت وانا حاضنها
وسام : طب هي كان عندها ايه ؟
حسام : عاوزه تعرفي نتغدا بكرا ونتكلم و هقولك على كل حاجه
- ها هتيجي ؟
وسام : لا مش هاجي
حسام : ( بتحدي ) لا هتيجي يا وسام
وسام : جبت منين الثقه دي يعني ؟
حسام : قلبي قالي
وسام : انا عندي شغل ومش فاضيه
حسام : وانا هستناكي بكرا الساعه 5 في مطعم هبعتلك اللوكيشن بتاعه على الواتس دلوقتي ، ماشي
وسام : 😧 اهؤء اهؤء
حسام : يااااه دانتي تعبانه اوي
وسام : عندي برد جامد
حسام : سلامتك
وسام : الله يسلمك
بعد ازنك عشان ماما بتنادي
حسام : خلاص اوكي بس هتيجي ها
وسام : هفكر سلام بقى ( وقفلت )
- هو مالو بيتكلم بنحنحه كدا ليه ؟
شكله عاش قصة حب جمده فعلا
طب اروح ؟
لالا اروح ايه ، وبعدين دا بيقول عزمني على الغدا يعني ممكن يحطلي منوم في الاكل ولا في العصير و يعمل فيها حاجه
- ولا يصورني وانا قعده معه ويبتزني بالصور بعد كدا
- ولا حتى ، حتى ايه يا ويسو انتي هتأفلمي على الراجل ما بيتر قالك مش نصاب
الله يخرب بيت الهسهس اللي بيلعب في دماغي بمفك دا
علياء : ( من باره ) الاكل يا ويسو هيبرد
وسام : حاضر جايه
**** ( بقلم : هند محمد ) ****
مها : الفستان يجنن
صابا : انا عاوزه فستان احس بيه اني اميرة ، دا عادي جدا
مها : لالا يا صابا دا مش معقول يجنن طب يا رتني كنت رفيعه وطويله كنت اشتاريته
ولا كان حسام خاطب كنت هشتريه لعروسته
صابا : ربنا يرزقه ببنت الحلال
مها : يا رب يا صابا نفسي اطمن عليه
واشوفه في بيته مع مراته وولاده
صابا : اتجوز انا الاول واوعدك ادورلو على عروسه ، ولا اقولك لا ندور ولا نعمل ايه رايك في ولاء اخت علاء
مها : بس دي صغيرة اوي عليه
صابا : مش مهم صغيرة دي ميزه مش عيب ، في الفرح وريهالو
مها : ماشي ويا رب يوافق ، المهم انتي دلوقتي اختاري فستان فرحك يلا الوقت بيجري
**** ( بقلم : هند محمد ) ****
صفوت : اشتري بدله جديده ليه مانا عندي
علاء : ايوه يا بابا عندك بس يعني دي بدل قديمه انزل اشتري بدله جديدة عشان الفرح
صفوت : انا مش موافق على الجوازه دي فا مش هشتري حاجه لو مصمم اروح ببدله جديده اشتريلي انت بدله
علاء : يا بابا انا هشتري وهدفع ايه ولا ايه ؟
صفوت : بجملة المليون بتاع الشبكه ولا إجار القاعه ولا الفلوس اللي اد كدا اللي هتدفعها في الفرح اعتبرني مغني من اللي هتجبهم الفرح وبجملت المصريف
يعني هو حماقي احسن مني ؟
**** ( بقلم : هند محمد ) ****
ميريهان : هنلبس ايه في الفرح ؟
وسام : انا مش هروح روحي انتي مع ماما
علياء : و الله ابدا ما اروح ولا حتى هقول لعلاء مبروك
عمر : احنا مش اتكلمنا بليل واتفقنا وانتي اقتنعتي
علياء : بس لما فكرت تاني رجعت في كلامي ، هروح الفرح وهسيبك طب افرض احتاجت حاجه ، علاء هينفعني في ايه ؟
عمر : انا هنام مش هحتاج حاجه روحي انتي والبنات
وسام : اروح فين وانا بكح وبنف كدا لا مش هقدر انا هفضل معاك عشان اعديك
عمر : أيه ؟
وسام : اقصد اسليك هههههه
**** ( بقلم : هند محمد ) ****
أم موني : لو ما روحتش معايا مش هروح
عمرو :معلش يا ماما انا مش هقدر لان يوم الجمعه هنزل اشتري للعيال حاجات المدرسه
أم موني : مش أخر النهار ؟
عشان خطري نروح الفرح حتى نهوي العيال
جنى : اه يا بابا نروح انا عاوز اتهوى
عمرو : تعالو نروح جنينه ولا البحر ولا اي مكان اهويكي فيه
جنى : لا انا عاوزه اروح الفرح دا عارف ليه ؟
عمرو : ليه ؟
جنى : عشان محمد حماقي هيغني في الفرح وانا عاوزه اغني معه و اتصور معه سيلفي
عمرو : سيلفي كمان
خلاص انا هوصلكم و اروح اقعد مع عمي عمر هو اكيد مش هيقدر يروح
أم موني : يعني هتسبني لوحدي انا والعيال
مصطفى : مانا معاكي يا تيته
أم موني : لا ابوك الخير والبركه برضه
ها يا عمرو هتروح ولا لا ؟
عمرو : من هنا لوقت الفرح اكون فكرت
**** ( بقلم : هند محمد ) ****
( وتاني يوم وسام قعده في المكتب وبتسمع اجمل عيون و عماله تفكر تروح لحسام ولا متروحش )
جميل : ( وهو بيكلم نفسه ) يادي النيله على برج الحوت وسنين الحوت المره 46 اللي بتعيد الاغنيه ايه الملل دا
- بقولك ايه يا انسه وسام
وسام : هاااااا خضتني يا جميل في ايه ؟
جميل : معلش حقك عليا بس يعني مفيش غير الحوت وجمال الحوت ما تقلبي انا زهقت
وسام : لا دا الابوم في 10 اغاني اجبلك نغمة الحرمان ؟
جميل : اي حاجه بس ترقص والنبي
وسام : يبقى اسمع معدي الناس اغنيه ملهاش حل
**** ( بقلم : هند محمد ) ****
ميريهان : هي وسام مش هتتغدا معانا ؟
عمر : لا مستنيه تستلم عربيه وكمان هتروح مشوار تشتري حاجات
ميريهان : طب ماقلتلكش هتشتري ايه ؟
عمر : مسألتش ، سبيها برحتها تعالو نتغدا احنا
علياء : هقوم اغرف
**** ( بقلم : هند محمد ) ****
حسام : متاخره ربع ساعه ليه ؟
وسام : اولا انا ماكنتش هاجي ثانيا المشوار بعيد اوي وانا كنت في مدينة نصر
حسام : طب كنتي قولتيلي كنت اتقبلنا في مكان قريب منك بدل ما تيجي التجمع
وسام : يلا مش مهم انا كدا كدا كنت هشتري حاجات فا اجبها من المول هنا لما نخلص كلام
حسام : تمام ، تتغدي ايه ؟
وسام : انا مش جعانه ، يلا احكيلي عرفت نوال ازاي
حسام : منال مش نوال
وسام : اها منال سوري ، بس على العموم انا بغير الاسامي في كل القصص لما بتكون حقيقيه عشان الخصوصيه
حسام : تمام غيريلي اسمي انا بس منال لا
خليها زي ما هي بأسمها
وسام : ماشي مش مشكله زي ما تحب ، المهم قبلتها فين واول مره شفتها كان فين
حسام : اول مره شوفتها كانت في اوضة النوم
وسام : اوضة النوم ؟ ، اوضه نوم مين بالظبط ؟
حسام : اوضت نومي انا وهي
وسام : اول مره اول مره مش بتكلم على ليلة الدخله ؟
حسام : هو انا حمار ؟ انتي ليه بتتعملي معايا على اني غبي ؟
وسام : مانت اللي بتجاوب غلط
حسام : اعمل ايه مانا جعان وانا لما بكون جعان مش بركذ
وسام : طب وبعدين ؟
حسام : نتغدا الاول ، تحبي تاكلي ايه ؟
وسام : 😡 ( بصتله بغضب ) اي حاجه
حسام : اوكي هأكلك على ذوقي
بتحبي الباستا ؟
وسام : اه بحبها
حسام : يبقى باستا واسكلوب بانيه ، وسلطه خضره و شربة طماطم و ااااا تحبي الحلو حاجه شرقي ولا كريم كرمل ؟
وسام : احنا هناكل كل دا ؟
حسام : اه
وسام : انا هاخد باستا بس
حسام : انا اللي هحاسب متقلقيش
وسام : هو انت ليه مصر تستفذني ؟
حسام : انا لا و الله ابدا ، متر
المتر : تحت امرك
حسام : 2 باستا و 2 اسكلوب بانيه و 2 سلطه خضره و 2 شوربة طماطم و 2 كريم كراميل
المتر : تحب اي مشروب ؟
حسام : 2 كوكاكولا
المتر : تحت امرك ( اخد الطلبات ومشي )
حسام : منوره يا ست الكل
وسام : شكرا دا نورك ، المهم احكي
حسام : ماشي احكيلك شوية ، انا يا ستي زمان كنت كل حياتي بره البيت مع اصحابي في النادي والجيم والجامعه ، كان لسه صديق و اكتر من اخ اسمه بدر ، بدر دا كان جاري و احنا الاتنين كنا من سن بعض اتولدنا تقريبا في شهر يوليو انا 19 و هو 10 يوليو
وسام : ايه دا انت سرطان ؟
حسام : تقصدى البرج ؟
مش عارف مش باخد بالي من حاجات البنات التفها دي
وسام : لعلمك بقى انا من برجك ممكن اعرف شخصيتك واعرف طبعك كمان
حسام : ياااا سلام
وسام : تحب اقولك طيب اهتمامتك ؟ وموهبتك ؟
حسام : ايه بقى ؟
وسام : انت بتحب السفر والرحلات وبتحب المغامره و كمان بتحب تجرب كل حاجه جديده وغريبه
اسرتك واهلك اهم حاجه عندك ممكن تيجي على نفسك وتتنازل عن احلامك حتى في سبيل ارضاء اهلك ، اكتر عيب فيك هو التردد مع انك مغامر ولاكن التردد اللي عندك بيخليك تخسر وتتنازل عن احلامك
حسام : الموهبه ؟
وسام : بتحب الفن بكل اشكاله التمثيل والغنا والرسم و بتقدر تقلد و تتقمص شخصيات مش شخصيتك
حسام : دانتي مش سهله ! بقى الابراج تعرفك عني كل دا ؟
وسام : شفت بقى ان الابراج دي مش حاجه تفها ؟
حسام : انتي اكتر مطرب بتحبيه ايه ؟
وسام : عمرو دياب طبعا
حسام : امممم
وسام : وانت بتحب مين ؟
حسام : انا اكتر واحد بحبه عامر منيب
وسام : يااااااه الله يرحمه ، انا كمان بحبه اغنيه جميله
حسام : هقوم اعمل حاجه وجاي
وسام : هتستعجل الاكل ولا ايه ؟
حسام : ههههه لا بقى دانتي بتقري افكاري انا كدا اهاف منك ( وقام )
وسام : عمال يلوكلوك والساعه 5 ونص انا كدا هتاخر على البيت
حسام : انا جيت
وسام : اهلا
كمل بقى الحكايه
حسام : حكايت ايه ؟
وسام : حكايت منال
حسام : لما نتغدا الاول
وسام : وهو فين الغدا
حسام : جاي ، قوليلي انتي عندك اخوات ؟
وسام : اه 2 لؤي و مي
حسام : ربنا يخليهملك انتي الصغيره ؟
وسام : لا انا الكبيره
حسام : بابا بيشتغل أيه ؟
وسام : مانا قولتلك قبل كدا عندنا مكتب تأجير سيارات
حسام : وقبل المكتب ؟
وسام : وانت مالك
حسام : دا ايه الاحراج دا
وسام : انا جايه هنا عشان اعرف حكايتك مع منال لو سمحت قول بقى
حسام : عاوزه تعرفي ايه ؟
وسام : انا هقوم ( وقمت )
حسام : ( مسك اديها ) استني خلاص هقول هقول
وسام : سيب ايدي انت اتجننة
حسان : اهو انا اسف بس خليكي
وسام : لا انا همشي ( اخدت شنطتها ومشية خطوتين فا حسام وقف قدمها )
