الحلقة { 78 }
حسام : ( نايم على السرير وبيكلم وسام ) والله زي ما بقولك كدا
وسام : ( حضنه الخاروف و بتكلمه وهي قعده وسنده ضهرها على السرير ) دي مدرسه متخلفه يعني ايه الخطوات مختلفه ؟
حسام : انا هروح بكرا المدرسه و مش هسكت
وسام : وادخل للمديره قولها المفروض احنا بنعلم الولاد انهم يبتكرو ويفكرو ويكتشفو ازاي بقى انتم بتجبروهم انهم يمشو على خطوات ثبته
حسام : طب ما تروحي انتي بدالي عشان المديره دي ست غلسه
وسام : وافرض المديره قالتلي انتي بتتكلمي بصفتك ايه واحراجتني هقولها ايه ؟
حسام : انا برضو اللي هقولك تقوليلها ايه يا ويسا دانتي بتاعت الحوارات كلها ، دانتي لسانك الله اكبر رشاش ألي
وسام : هاااااااا انا لساني رشاش قالي ؟
حسام : امممم دانتي مبتسكتيش ، وغير كدا مش المفروض انك مؤلفه الحوار والكلام دا لعبتك خلاص عيشي بقى
وسام : طيب المدرسه دي فين ؟
حسام : هقولك
**** (بقلم : هند محمد )****
علاء : وانتي تعرفيه منين دا ؟
ولاء : زميلي في الجامعه
علاء : امممم في سنه اولي ؟
ولاء : لا اه
علاء : طب هو جاهز للجواز ؟
ولاء : لا طبعا دا هو لسه بيدرس
علاء : طب بدل لسه مش جاهز للجواز ولسه في اولي مستعجل ليه على الخطوبه ؟
صفوت : والله انا قولت كدا بس أمك بقى شبطانه هي واختك
أمل : في ايه يا صفوت عاوزه اطمن على بنتي قبل ما اموت
صفوت : وهو انتي هتموتي امتي عشان اعمل حسابي واشتري الكفن
**** (بقلم : هند محمد )****
مها : مالك يا حسن انته من ساعت ما جات من الشغل وانت مش طبيعي
حسن : واقع بين اختيارين يا مها ومش عارف ارسى على بر
مها : ليه كدا يا حبيبي طب قولي وانا اختار معاك
حسن : حبيبي بجد يا مها بتحبيني ؟
مها : طبعا بحبك هو انت عندي غيرك حبيبي دانت حبي الاول والاخير
حسن : اهو انا بعد الكلمتين دول مستعد اعمل اي حاجه في الدنيا
مها : ربنا يخليك ليا يا حبيبي ، بس المهم قولي أيه الاختيارين اللى انت محتار بينهم ؟ حسن : اااا متوسكل للواد بتاع الدليفري وتوصيل الطلبات للمنازل للسوبر ماركت محتار بقى اجيب متوسكل هندي ولا صيني ؟
مها : لا الصيني بيبوظ بسرعه
حسن : بس الموظف اللي في السوبر ماركت عاوز الصيني و بيقولي حلو
مها : ليه هو الهندي وحش ؟
حسن : دا احلى من الصيني ومريح في القعده و المتور بتاعه متسمعلوش صوت لكن الصيني زباله و مبيبطلش
مها : خلاص هات الهندي وملكش داعوه بالموظف المتخلف دا
حسن : ازاي بس ماليش داعوه بيه ما هو اللي هيركبه وهو اللي لازم يختار ؟
مها : يادي الحيره ، طب انهي ارخص ؟
حسن : والله يا ماهي الاتنين تمن واحد يعني الله اعلم صاحب المعرض هيطلب كام ولوني متأكد لو خدنا الصيني صاحب المعرض هيحطلي صوره في المعرض و شهادة شكر اللي قبلت بالصيني
مها : هههههه يا لرجادي مقلب هههه
طب هقولك انت خد الموظف بتاع الدليفري دا و يشوف الاتنين في المعرض جنب بعض و يركب دا ويركب دا ويجرب و اللي يرتاح فيه اشتريه
حسن : يركب ايا مها ما لو ركب واحد مش هينفع يركب التاني
مها : ليه ؟
حسن : صاحب المعرض مش هيرضي
مها : هو دا الحل الوحيد تاخد صاحب الشأن وهو اللي يختار وهو اللي يتكلم
طب ولو اختار الصيني ؟
مها : والله دا اختياره وهو حر بس تشرط عليه الصيانه عليه هو مش عليك انت
حسن : يعني اخدو واروح واسيبه يختار ؟
مها : انا رأيي كدا وبرضو شوف انت
حسن : لا انتي صح انا هحطهم قدامه وهو اللي يختار ويارب يختار الهندي
مها : يا رب
**** (بقلم : هند محمد )****
زيوس : عرفتو الطريق ؟
لؤي : بالشبه كدا
ريماس : طب ليه منمشيش مع اللي كان بينادي دا
لؤي : هو جه مره ومجاش تاني
نيرو : انا ممكن اروح معاكم و اوصلكم
لؤي : بجد طب يا ريت
ضي : نيرو خدني معاك نفسي اشوف قصر الارشدوك
زيوس : لا بلاش عشان الروك
لؤي : انتم مالكم خايفين اوي من الروك ليه ؟
تيشو : انا حسه انكم بتخافه من الروك اكتر من الارشدوك والعمالقه ؟
نيرو : الارشدوك شره واضح اي حد يقف قدامه بيعدمه ولاكن الروك ممكن يخونوك وانت صديقهم ، دا غير انهم عاوزين يوصلو للحكم وياخدو الحكم من الارشدوك ويحكمونا بعادتهم وتقالدهم هما
ريماس : طب انتم مش عاوزين توصله للحكم ؟
زيوس : الحكم للضعيف والجاهل هلاك مش نعمه
لؤي : الله اكبر والله انت كلامك حكم صدق اللي قال عليك حكيم
بس ما شاء لله انا شايفك متعلم يعني وراسي كدا
زيوس : انت متعلم ؟
لؤي : الحمد لله دانا مهندس خاريج جامعة عين شمس أحسن جامعه في مصر
زيوس : لو قولتلك تبني بيت لينا تعرف ؟
لؤي : اه طبعا دا اسهل حاجه رمل واسمنت على طوبتين دا بيتكم دا اعملو في يوم ونص زيوس : بلاش البناء ، تعرف تزرع أرض ؟
لؤي : هي الزراعه محتاجه البذور هنرميها في الارض و نسقيها مايه يومين تلاته هتزرع ؟
زيوس : بلاش الزراعه بتعرف تربي حيونات
لؤي : هي محتاجه هي عصايه و طول النهار اهش الغنم مش كمياء هي
زيوس : يااااه للدرجادي انتم متعلمين في مصر ؟
لؤي : لا دانا عبقري دانت متعرفنيش
ريماس : هههههههه مصر
لؤي : ريماس لمي تعابينك ها
تيشو : الفرعون الصغير و جميع الفرعنه عباقره
لؤي : حبيبتي يا تيشو حقا انتي تستحقي تبقى صينيه من ارض التنين
تيشو : ما انا تنينه صغيره و حضارتنا بقالها 5000 سنه
ضي : اول مره اشوف حد بيعرف يعمل اكتر من حاجه في وقت واحد
لؤي : دا عشان انتي بس بنت حلال و ابوكي راجل بركه
نيرو : طب ايه ؟
لؤي : ايه ؟
نيرو : مش هتروحه للارشدوك ؟
