اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقة { 24 } حسام : عمرو مين دا ؟ صابا : ( بفرحه ) عمرو ضياء يا حسام عمرو حسام : مش ممكن وريني كدا حسن : استغفر الله ( نتش التليفون من أيد صابا ) هاتي التليفون دا مش وقت الكلام دا صابا : دا يا عمي هات التليفون لو سمحت حسام : بابا اديها التليفون حسن : لا مفيش تليفونات ، والله عيب اوي وحرام اللي بيحصل دا الكعبه قدمنا وكل واحد فاتحلي التليفون وعمال يحسس ويتكتك عليه فين الخوف من ربنا فين الخشوع ؟ مها : انته مالك انته هات تليفون البنت ؟ حسن : مفيش تليفون وهاتي تليفونك انتي كمان ( ونتشه من اديها فجأه ) التليفونات دي انا هصدرها معايا مش هتخدوها غير في مطار القاهرة صابا : أمام هت تليفونك أمام : جدو قالي فى الفندق هنا مكان للعباده مش الفيس والكلام دا فا قفلته و وسايبه في الاوضه مها : هات التليفون يا حسن وسام كاتبه الحلقه هنتزل النهارده وانا لازم اقراها حسن : عيب عليكي بصي على ام بدر مابتسبش المصحف والسبحه من اديها وطول ما هي قعده تذكر الله مها : هات التليفون بقولك ، حسام خليه يديني تليفوني حسام : بابا اديها التليفون حسن : انا الكلمه اقولها مش بتنيها تاني يلا يا امام عشان تعمل العمرة لخالك وانا هعمل عمرة لجدك الله يرحمهم أمام : يلا يا جدو ( وسابوهم وخرجو من الفندق وراحه الحرم ) صابا : حات تليفونك انته يا حسام حسام : ما اصل اااا صابا : اصل ايه انته كمان ؟ حسام : اول ما جينا هنا بابا ساحب مني التليفون مها : يووو يوووو يوووو حسام : معلش بقى استحمله عقبال ما نوصل مصر اكيد بابا مش هيضرب على التليفونات **** ( بقلم : هند محمد ) **** سالم : الكلام اللي بتقوله دا صح يا با ؟ عبد السلام : دا الكلام اللي حسن قاله ، هو هيرجع لمها و هيقعد في مصر ومش هيجي ألا كل شهر يبص على الارض وخلاص سالم : وهو محتاج يجي ولا يبص ما هو ليل نهار فاتح التبلت وبيراقب الارض والمزرعه وكل شبر في البلد عبد السلام : مش ارضو سالم : محدش قال حاجه يابا بس كدا الحمل هيبقى كتير اوي احنا هنشوف شغلنا وارضنا ولا شغل عمي وارضه دا غير تعبنا والشغل اللي هنعمله ملهوش تمن يعني مش مستفدين حاجه عبد السلام : ازاي مش مستفدين ، في الاول والاخر دي كلها ارض ابويا وجدي صحيح بعد ما ابويا مات كل واحد خد حقه وكل واحد خد ارضه بس في الاول والاخر هيفضل الزمام كلو بأسم عائلة القناوي سالم : والله يابا انا زهقت من البلد ومن الارض انا بفكر اروح مصر وأعمل مشروع هناك عبد السلام : مشروع ايه دا ناوي تفتح سيبر ولا تفتح صالة جيم سالم : متتريقش يابا انا بس عاوز اعمل شغل ليه عشان لما أتجوز يعني يبقى ليه قرش لوحدي عبد السلام : ما كل الارض دي ليك لوحدك بعدي سالم : ليه واخواتي البنات نستهم و لا ايه ؟ عبد السلام : البنات مبتورثش ارض البنات بتتراضى بفلوس نسيت عويدنا ولا ايه ؟ سالم : بس انا سمعت الشيخ بيقول دا حرام عبد السلام : ياخدو فلوس احسن ما يخدوش حاجه خالص وبعدين انته مش ناوي تتجوز ؟ اللي زايك عيالهم في الاعداديه سالم : هتجوز مين يابا هو في بنات الواحد يتجوزها دا كل اللي في البلد غفر عبد السلام : انا هخلي امك تدوراك علي عروسه حلوه على زوقها سالم : والنبي يابا بلاش امي اخر عروسه جابتهالي كانت شبه حمدي المرغني بتاع مسرح مصر وكمان لجل الصدفه سنتها مكسوره عبد السلام : والله انته مفتري دي البت كانت زي الفل سالم : هي في فل سنتها مكسوره اتجوز انا ليه وحده سنتها مكسوره ناقصني ايه ،لا انا هقول لأبن عمي حسام يدورلي على عروسه من مصر بنات مصر حلوين عبد السلام : اه زي مها مرات عمك اللي مطلعه عينه وكانت بتتكبر على امي الله يرحمها سالم : مش مهم المهم انها حلوه وبيضه وانا نفسي اتجوز واحده كدا بيضه و بلوند عبد السلام : ايه بلوند دي ؟ سالم : يعني شعرها بني و وشها كدا بدر منور **** ( بقلم : هند محمد ) ****
