الحلقة { 81 }
( وفي المستشفى )
عمرو : السلام عليكم
عمر وميريهان و علياء : عليكم السلام ،
عمر : ايه جابك انتي تعبانه ؟
أم موني : انت عاوزني اعرف انكم نقلتو وسام المستشفي و افضل مكاني ؟ دي وسام دي بنتي انا كمان مش بنتك لوحدك انت وعلياء
عمرو : هي مالها بس يا عمي حد يطمني ؟
علياء : والله ما نعرف مالها هي داخلت تاخد دوش فضلت في الحمام ساعه ونص
أم موني : دي غابت اوي
عمر : ما لما اتأخرت مي خبطت عليها مردتش عليها
عمرو : وبعدين ؟
ميريهان : فتحت الباب لقتها غرقانه في البنيو والبنيو مليان دم
أم موني : يا مصبتي قطعت شراينها
ميريهان : مانا اول ما شفتها قولت كدا بس لما جريت عليها ملقتش فيها جروح ولا حاجه
فا لبستها انا و ماما بسرعه ، وبابا طلب الاسعاف وجينا على هنا
عمرو : وكل دا هي مغمى عليها ؟
علياء : اه والله ومش عارفه مالها بس هي كانت بتتنفس وكان قلبها شغال
عمرو : خير ان شاء الله هتبقى كويسه
علاء : ( وصل علاء وهو بيجري ) السلام عليكم مالها و سام ؟
عمر : تعبت شويه فا جبناها على هنا
علاء : ليه كدا عيانه عندها ايه يعني
علياء : داخلت الحمام تاخد دش وأتأخرت اختها دخلت عليها الحمام لقتها
ميريهان : ( قطعتها لان مش عاوزه سر اختها حد يعرفه ) لقتها مغمي عليها
علاء : لا ممكن تكون جالها هبوط او حاجه
عمر : الله اعلم
أم موني : ما هي يا حبيبتي ضعيفه ومش بتاكل
علياء : لا انا بعد كدا هقعد لها بالاكل مش هسكت عليها تاني مش هستني لما تضيع مني زي اخوها
( خرج الدكتوره من اوضت الكشف )
الدكتوره : خير يا جماعه اطمنه مفيهاش حاجه
عمر : يعني ايه مفهاش حاجه اومال مش بترد علينا ليه ؟
الدكتوره : الواضح انها واخده منوم ونايمه
علياء : نايمه ؟
نايمه ايه يا دكتوره دي كانت غرقانه في دمها في البنيو ؟
الدكتوره : ( بخجل ) واضح انها كان عندها البريود و المنوم اللي واخده مقدرتش تقومه ونامت
عمر : وهو في واحده تاخد منوم و تدخل تاخد دوش
وكمان تملى البنيو و تنزل فيه
الدكتوره : ان شاء الله اول ما تصحه من النوم هتعرفه كل حاجه بس هي مفيهاش اي حاجه اطمنه
علياء : ربنا يطمنك يا رب يا دكتوره
الدكتوره : احنا هننقلها غرفه عاديه عقبال ما تصحه ولا تحبه تستنه في الاستقبال
علاء : لا خلينا في الاستقبال احنا لسه هنطلع غرفه ويتحسب اليوم بقد كدا ليه الاستقبال اوفر
عمر : ( بصله باستعجاب ) لا يا دكتوره معلش هنطلع غرفه بدل وقفتنا كدا
علاء : وعلى ايه خساره الفلوس
عمرو : انت مالك انت
علاء : خلاص برحتكم انتم اللي هتدفعه ( موبايله رن ) انا هروح ارد عشان دي صابا
علياء : روح برحتك
ميريهان : الحمد لله يا رب اشكرك يا رب
أم موني : الواحد قلبه اطمن شويه
**** ( بقلم : هند محمد ) ****
مها : ايه دا انت رايح فين بالشنطه دي
حسام : مسافر يومين كدا
مها : مسافر فين وليه ؟
حسام : سانت كاترين
مها : في البرد اللي احنا فيه دا ؟
حسام : ماما انا عاوز اكون لوحدي عاوز افكر مش عاوز حد يتدخل في تفكيري و قراري
مها : قرار ايه ؟
حسام : جوازي انا و وسام
مها : هو انت لسه هتقرر ، كل الوقت دا ولسه مقرارتش ؟
حسام : ماما انا
مش عارف اقولك ايه بس انا بحبها بس عقلي بيقولي "
"
"
مها : عقلك ولا ابوك ؟
حسام : كلام بابا كلو صح على فكره ، انا ذنبي ايه اتجوزها وهي كدا
مها : انت في وعيك يا حسام ؟
انت مدرك انت بتقول ايه ؟
حسام : ماما انا مش هسبها انا بس هأجل سنه او اتنين اكون اتجوزت و اخلفت و أبقى ارجع لها وهي اكيد مش هتتجوز
مها : بجد انا متفاجأه بكلامك دا
حسام : ماما وسام التحليل بتاعتها مش ساليمه زي ما قولت لبابا و قولت لوسام
الاشاعه اللي على الرحم ظهرت ان الرحم بتاعها طفولي حجمه صغير يعني مش هتقدر تخلف
مها : حسام انت مش صغير شوف انت عاوز ايه واعمله عشان بعد كدا متلومش غير نفسك
حسام : عشان كدا عاوز ابعد وافكر بهدوء
مها : خلاص تمام سافر وفكر وخد قرارك
بس اوعدني وعد
حسام : ايه هو ؟
مها : متجرحش وسام ولا تهين كرمتها ، لو قرارت تبعد ابعد بس خلي سبب البعد منك انت مش منها هي
كفايا اوي وجع البعد عليها
حسام : ماما انا لسه بفكر لسه ما قررتش
مها : طيب برضو برحتك
لما توصل تبقى طمني عليك
حسام : حاضر سلام
مها : طب مش هتستنى إمام وأبوك لما يجو
حسام : هما فين ؟
مها : حسن اخدو هو و عاصم صحبه يتغدو في النادي ويحضر معاهم التمرين
حسام : لا انا مش هقدر استنى عشان هسافر مع جروب السلام عليكم
مها : عليكم السلام
**** ( بقلم : هند محمد ) ****
موني : ( حجمها زاد وطولت ضعف حجمها و طولها ) سمسون الحقني البنطلون بقى شورط و البلوزه باقت هاف بدي
سمسون : ولسه يا موني انتي لسه هتكبري وتطولي وتحلوي و تبقي زايي عشان نتجوز
موني : نتجوز ايه بقولك انا هتعرى كدا هتلي حاجه البسها
سمسون : متقلقيش شوفي انا مجهزلك ايه ( ونادي بعلو حسه )
يا شان شان
( شان شان دخل ومعه 4 من العملاقه الجواري )
شان شان : امرك فاخمتك جبتلك اللي امرت بيه فاخمتك
موني : هااار اسود مين دول ؟
سمسون : دول اللي هيعملولك شعرك و يعملولك اجمل لبس ليكي من افخم واغلي الاقمشه على الكوكب
وكمان الاربعه دول هيبقو الجواري بتوعك يعملولك كل حاجه يا فاخامت الكلوزر
موني : يا سوادي يا نهاري اللي مش بينلو ليل
سمسون : ليه بس
موني : انا مش عاوزه اكون عملاقه انا
سمسون : اومال هنتجوز ازاي
موني : مانا مينفعش اتجوزك انا اصلا متجوزه مينفعش
سمسون : متجوزه على كوكب الارض لاكن انتي هنا في حنتوسه ، فهمه يعني ايه حنتوسه
موني : بص انا هروح استر نفسي وبعد كدا نتكلم
انتم اسمكم ايه ؟
* انا شان والمسئوله عن شعرك
* وانا جان والمسئوله عن جمالك
* وانا لان المسئوله عن لبسك
* وانا كان المسئوله عن اكلك
موني : هو انتم ستات ؟
سمسون : طبعا اومال انتي مفكره اني هخلي حد يلمسك او يشوفك غيري فخامت الكلوزر
موني : فينك يا جني فينك تشوفي امك وهي كلوزر يا سوادي
**** ( بقلم : هند محمد ) ****
لؤي : انتي ايه اللي هتعمليه دا ؟
ريماس : دي فرصه تخيل لما نخلي موني هي مرات الارشدوك ومن خلالها نقدر نتحكم في كل الكوكب
تيشو : على اساس ان احنا هنفضل هنا طول عمرنا ؟ لا انا عاوزه ارجع لابني
ريماس : دي فرصه عمرها ما هتتكرر
سابا : ريماس احنا جايين هنا عشان هدف معين سواء وصلنالو او موصلنالوش في الاخر لازم نرجع
لؤي : احنا لازم نرجع لاهلنا انا ليه ابويا وامي واخواتي البنات ولازم ارجع
ريماس : وانا مش همنعكم اللي عاوز يرجع يتفضل يرجع
بس هترجعو ازاي و السفينه البطريات بتاعتها اتسرقت وكمان الاكل دا غير الهدوم وكل دا كوم و النت اللي مش شغال كوم تاني
لؤي : لازم اتصرف لازم انا مش هفضل واقف كدا
ريماس : سعدوني وانا اساعدكم
كارينا : عوزانا نعملك ايه ؟
ريماس : سعدوني اتخلص من الارشدوك وانا اخد منه الحكم
لؤي : نعم يا ننوسة عين ماما ، انتي عاوزه تحكمي الكوكب ؟
ريماس : ايوه والخطه ان احنا نعمل اسلحه ونديها للعقلاء و الروك والحناتيس و كلنا نقف قدام الارشدوك و نخلص منه وبعد كدا
لؤي : لا متكمليش انا السيناريه دا عارفه وحافظه تحبي اسمعلك ؟ وبعد ما تخلصي من الارشدوك ، الحناتيس والروك و العقلاء يقعه في بعض وكل واحد يتخانق على السلطه و يفضلو يموته في بعض بسبب السلاح اللي انتي ادتهلهم و في الاخر انتي المستفاده والشعب الاصلي هو اللي بيموت نفسه بنفسه وانتي يا حمامة السلام هتديهم الحريه التعبير عن الرأى صح هاء لا يلدغ مؤمن من جحر مرتين العبي غيرها
**** ( بقلم : هند محمد ) ****
