الحلقة { 49 }
( وفي الطريق الصحراوي وعمرو هو اللي سايق السيارة و وسام قعده جنبه )
عمرو : طب ماقالكيش ايه علقته بموني و لؤي ؟
وسام : كل اللي قالهولي انا اسمي لسيو و جايب متعلقات موني و لؤي
ولما قولتله طيب اقبلك فين قالي في مطار برج العرب القريب من الاسكندريه التي يقال عنها اسكندريه ماريه و تربها زعفران
عمرو : يعني انا على اخري و اعصابي متدمره وانتي بتهزري ؟
وسام : والله ما بهزر ، هو قالي كدا ، فانا قولتله انا في القاهره والطريق طويل ممكن تستناني ؟
قالي سوف انتظرك 4 ساعات لاني سوف اعود الى بكين، فا كلمتك ولبست وجتيلك على طول
عمرو : طب فات من 4 ساعات دول قد ايه ؟
وسام : ساعه ونص
عمرو : ( زود السرعة وداس بنزين ) يا رب نلحق هي الساعه كام ؟
وسام : 9 ونص
**** ( بقلم : هند محمد ) ****
عمر : منها لنفسها كدا هتنزل تروح مشوار مع عمرو
علياء : هي صحتني قالتلي كدا وكانت مستعجله حتى قولتلها العيال فيهم حاجه مردتش عليا ومشيت
عمر : طب كلمي ام موني شوفيها كدا في ايه
علياء : حاضر
الو
**** ( بقلم : هند محمد ) ****
حسام : حبيبي صباح الخير
إمام : صباح النور ، لسه نايم ولا ايه ؟
حسام : اه والله لسه صاحي على تليفونك ، ليه انت صاحي من بدري ؟
إمام : اه صاحي من 6 قمت ونزلت البحر ورجعت خات شور و بعد كدا نزلت افطر و دلوقتي بفكر انزل البسين بس قولت اكلمك الاول
حسام : ربنا يخليك ليه يا حبيبي ، قولي ماما وبابا بيعملو ايه ؟
إمام : ولا أعرف من امبارح مشفتهمش
حسام : يعني منزلوش يفطره الصبح ؟
إمام : لا وجدو معلق علامت عدم الازعاج على الباب
حسام : امممم ما هو عريس بقى هههههه
إمام : عقبالك يا بابا ما تبقى عريس زيه كدا وتجبلي اخوات العب معاهم بدل الفراغ اللي انا فيه دا
حسام : يعني مش هتدايق منهم ؟
إمام : لا طبعا دول هيكونو أخواتي و يا سلام بقى لو بنات دانا هعيش عليهم هههه
حسام : ماشي يا لمض هشوف الموضوع دا كدا ادعيلي بس الاقي عروسه
إمام : ما لميس موجوده وانا عجباني
حسام : عجباك انت اخطبها وانا اجبلك الدبل يا حبيبي
إمام : لا دي كبيره عليا انا لو فكرت ممكن افكر في البنت اللي كانت في الفرح اللي عرفتني عليهم
حسام : مين فاطمه بنت عمرو ؟
إمام : لا اختها الصغيره شكلها عسوله اوي
حسام : لا يا راجل هههههه
إمام : اه والله دي كانت بترقص حلو اوي لاكن اختها هديه كدا ومقمتش من مكانها طول الفرح
حسام : دانته مركز بقى ؟
**** ( بقلم : هند محمد ) ****
صابا : ( خارجه من اوضتها وكانت لبسه بيجامه بكمام ) علاء
علاء انت فين
علاء : ( خارج من المطبخ و معه فطار ) صباح النور يا نن عيني من جوه
صابا : ( بأستغراب ) ايه دا ؟
علاء : فطار خفيف ، انا قولت بسكوته زيك مش معقول بتفطر فول و طعميه و الحاجات اللي تجيب تناحه على الصبح كدا ، فا قولت اعملك عسل و قشطه و جبنه بزيت الزيتون و الزعتر
صابا : 😉 زعتر ؟
علاء : دا دوخني الزعتر دا قلبت عليه المطبخ
صابا : انت بتبصلي كدا ليه متبصليش بالشكل دا لو سمحت
علاء : ( حط الاكل على السفره و قرب من صابا وقال لها ) الله مش مراتي حبيبتي نبض قلبي
صابا : اللي يسمعك دلوقتي ويشوفك كدا ميشوفكش امبارح و يشوف عميلك وصوتك العالي
علاء : غصب عني بغير عليكي ، يعني انتي تقبلي ان امبارح بدل ما ادخل الفرح وانا لابس بدله وكرافته ، كانت ادخل عليكي ببكسر و شبشب حمام ؟
صابا : ايه هههههههه انا فستاني بتشبها ببكسر و شبشب حمام هههههه
علاء : امبارح خلص وعدا ومش هيرجع تنعلم منه بقى و ننسي متلبسيش عريان كدا تاني اتفقنا ؟ يا قلبي ( وحضنها )
صابا : اتفقنا بس ابعد
علاء : ابعد ليه مش انتي مراتى
صابا : اه بس مش دلوقتي ابعد
علاء : طب هاتي بوسه وانا ابعد
صابا : لا ابعد بقى ( وزقته ) متعملش كدا تاني
علاء : ماشي هسيبك تدلعي بس مش كتير ها
روحي بقى غيري وتعالي نفطر يا قمر
صابا : اغير ليه مانا لابسه حلو اهو
علاء : يعني في الفرح تلبسي صلط ملط وفي البيت بجامه بكم متجوزه واحد منتهي الصلاحيه ؟
صابا : هههههه انت عليك كلام فظيع
علاء : ادخلي بقى البسيلي حاجه كات كدا وهوت شورت
صابا : 😰 هوت شورت
علاء : اه ولو في هوت من غير شورت يكون افضل
**** ( بقلم : هند محمد ) ****
( وفي كافيه قريب من مطار برج العرب )
عمرو : انت متاكد ان أمنيه و لؤي في امان ؟
لسيو : نعم انا متاكد لان استحاله تقوم وكالة ناسا برحله هكذا وهي غير واثقه في امان الجروب
وسام : طب احنا عاوزين نطمن اكتر نكلمهم حتى
لسيو : مستحيل تكلمهم ولاكن تستطيعو متابعة الموقع الخاص بالوكاله وهي تقوم يوميا بنشر معلومات واخبار عن الرحله
عمرو : انا معرفش الموقع ده
لسيو : سوف ارسل لك لينك الموقع على فيس مس وسام
وسام : ياريت مستر لسيو
لسيو : وسوف اتحدث واتواصل معكم من حين للاخر اذا جاء لي اي أخبار بخصوص أمنيه او لؤي
عمرو : انا بجد مش عارف اقولك ايه انا متشكر اوي
لسيو : لا شكر على واجب كما يقول المصريين
وهذه حقائب امنيه و لؤي كانت في الفندق
عمرو : بس كدا امنيه مش معاها ملابس تلبسها؟
لسيو : يوجد في سفينة الفضاء ملابس مخصوصه حتى تلائم الظروف المناخيه والجويه
وسام : متشكرين بجد على تعبك مستر لسيو
لسيو : ممكن سؤال ؟
عمرو و وسام : اه طبعا اتفضل
لسيو : انتي متزوجه ؟
وسام : لا مش متجوزه
لسيو : ممكن اطلع على كف يدك ؟
عمرو : كف يدها ليه ؟
لسيو : سوف اخبركم ولاكن استطيع ان اتطلع لكف يدك ؟
وسام : ( بسخريه ) اتفضل شكلو هيقرالي الطالع والمستخبي ههههه
لسيو : ( مسك كف اديها وشافو كويس اوي وكأنه بيقرا كتاب ) لا تحزني سوف تتزوجين قريبا بشخص بدين الجسد ولاكن سوف يحبك و يضحي من اجلك بالكثير
وسام : ( بهزار عمرو فهمه ولاكن لسيو مفهمش ) حقا ما تقول سوف اتزوج والبس الفستان الابيض ؟
لسيو : نعم لا تنسي تدعوني للفرح وسوف احضر لكي هديه من الصين ، هل تحبي الصين ؟
عمرو : سيب بس كف اديها اللي انت قافش فيه دا
( لسيو ساب أيد وسام )
عمرو :( كمل كلامه ) انا عن نفسي بموت في الصين و كل منتاجات الصين عشان رخيصه
لسيو : غريبا امركم ايها المصريين ، لماذا اذا جلستم مع اي شخص يحبكم و لا يستطيع الذهاب و ترككم
وسام : اهو بقى ارزاق ههههه
لسيو : لا افهم شئ
عمرو : هي تقصد ان احنا شعب محب لكل الشعوب الاخرى فا طبيعي يكون في حب متبادل
لسيو : حقا هذا صحيح ، وللاسف يجب الذهاب لالأحاق بالطائرة
عمرو : بجد هنشتق اليك
لسيو : وانا ايضا
وسام : نورت مصر ، ولازم تيجي مره اخرى لسيو : في فرحك سوف أأتي لا تنسي تخبريني على الفيس الخاص بي
وسام : اكيد طبعا انت اول واحد معزوم
**** ( بقلم : هند محمد ) ****
عمر : وسام لسه مكلماني و بتقولي انها في الطريق
أم موني : والله انا لولا مي جات وخدتني انا والعيال كنت ركبت تاكسي وجيت
ميريهان : كدا يا عمتي والله كنت هزعل
علياء : المهم يعني الراجل الصيني دا جايب شنط امنيه و لؤي ليه ؟
عمر : شويه و وسام و عمرو يجو وهنعرف
( جرس الباب رن )
ميريهان : دا تلاقي مصطفى راجع من الصلاه افتحي يا بطه
جنى : لالا انا هفتح
**** ( بقلم : هند محمد ) ****
حسن : ياااه انا نمت لحد الساعه 2
مها : انا ولا حسيت خالص ، صباح الخير يا سونسون
حسن : يا صباح الفل والعنبر والمرمر على اجمل عيون يا مهاميهو
مها : بلاش تقولي مهاميهو يا سونا
حسن : طب عوزاني اقولك ايه يا نن عيني
مها : قولي يا ماهي
حسن : ياسلام حتى في الدلع شيك و بنت ناس كدا و برستيج يا اااا
مها : يا ايه ؟
حسن : يا ماهي
**** ( بقلم : هند محمد ) ****
