الحلقة : { 85 }
ميريهان : ( قامت وقفت جنب وسام ) دي ويسو اختى اللي وريتك صورتها يا بابا حسن
حسام : وريتيه صورتها ؟
ميريهان : اه
علياء : أهي دي بقى الفنانه بتاعتنا بتكتب قصص وحكايات حلوه أوي على ألنت
مها : ( قعده متفجأه ومش عارفه تنطق كلمه وبتقول يا أرض أنشقي وبلاعيني )
وسام : ( قعدت على كرسي جنبها وهي عماله تبص عليهم هما التلاته ومش مصدقه اللي شيفه وعماله الاسأله والشكوك تيجي في دمغها ورا بعض )
v هو دا بجد حسام ولا انا بيتهيقلي لسه من أمبارح ؟
v طب دا أبوه وأمه كمان أهم ، لا انا كدا أكيد مش بيتهيقلي ولا أكون أتجننت ؟
v بس هو قالي أنه غلط مع واحده وهي حامل ، يا لهوي ليكون غلط مع ميريهان وأحنا مانعرفش ؟
v لالا طبعا انا أختى ما تعملش كدا ، طب أقوم اولع فيه دلوقتى ولا أسكت ما يمكن جاي يصلح غلطته مع ميريهان ، ولو مشيته هيقول انا جيت وأنتم اللي مشتوني ويستندل
v لا انا لازم افهم هو جاي ليه ؟ ، وليه عمل معايا كدا ، ولو مغلطش مع مي طب جاي يتقدم ليه ؟
v يبقى أكيد هو كان بيلعب بيه كان بيخلع مني معقول يكون ( وبصتله وهي الدموع متجمده في عنيها )
حسام : ( ساكت و باصص في الارض ومرتبك )
عمر : مالكم يا جماعه أنتم عمالين تبصه لبعض كدا ليه ؟
ميريهان : هو في حاجه ولا حاجه ؟
حسن : لا هيكون في أيه يعني ؟
وسام : ( خراجت موبايلها من شنطتها وبعتت لحسام رساله على الواتس بعد ما فكت الحظر ) { حسام هو أنت اللي عندنا في البيت وقاعد قدامي بجد ولا أنت فين أرجوك لما تشوف الرساله رد بسرعه }
حسام : ( جاتلو الرساله وشافها وقتها حسام كان كل كيانه بيتهز من جوه فا بعت لها رساله من 4 كلمات ، { انا أسف أنا بحبك } )
حسن : طيب مش نقرا الفاتحه
وسام : ( وهي بتحاول تتماسك وتتكلم بتماسك وبأسلوب مهزب ) فاتحة مين حضرتك ؟
حسن : ( باصلها وبتحدي ) فاتحة حسام و أختك ميريهان ، عقبالك ما نفرح بيكي قريب
ميريهان : على فكره بابا حسن دعالك قبل كدا بس هو قالي مقولكيش عشان الدعاء بضهر الغيب بيستجاب أسرع
علياء : ربنا يتقبل منه أن شاء الله
وسام : ودعتلي بأيه يا عمي ؟
