اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقه { 1 }
في شقه شيك جدا في مدينة نصر تعيش أسرة يجمع بينهم الحب والاحترام والشقوة بين الاخوات الثلاثه وسام و لؤى و ميريهان أو كما يقولو لها مي أحيانا
علياء : (الام ) ( خارجه من المطبخ ) وسام كلمي مي شوفيها خلصت الامتحان ولا لسه
وسام : وهو يا ماما انا برضو هستني حضرتك لما تقوليلي كلمي مي دانا مكلمها من ساعه والحمد لله جايه في السكه كمان يمكن تلقيها بتركن العربيه تحت البيت دلوقتي
عمر : ( الاب ) عملالنا ايه على الفطار النهاردة يا علياء ؟
علياء : انا زهقت من الطبيخ فا عملت حاجه خفيفه
وسام : أيوه بقى هو دا طبخه ايه يا لي لي ؟
علياء : مسقعه باللحمه المفرومه ورز
عمر : حلو
وسام : هو أيه اللي حلو يا بابا ، هو دا الحاجه الخفيفه ، ما المسقعه طبيخ برضو
عمر : لا مش طبيخ
وسام : لا والله طبيخ مش بيتحط فيها طماطم تبقى طبيخ
علياء : ليه هي أي حاجه تتحط فيها طماطم تبقى طبيخ ؟
وسام : اه طبعا
ميريهان : ( فتحت الباب وداخلت ) السلام عليكم احبائي وأعزائي
الجميع : عليكم السلام
عمر : عملتي ايه في الامتحان ؟
ميريهان : الحمد لله يا بابا تقدر تقول جيد ، كدا بقى أخر أمتحان ومش هذاكر تاني ابدا في حياتي وطول عمري
علياء : جيد بس ؟
ميريهان : اه يا ماما مش صيمة وأيام رمضان والجو حر
عمر : بس مش جيد يعني
وسام : طب يا رب جيد مش مقبول هههههه
ميريهان : ويسو حبيبتي تفائلوا بالخير تجدوه ها
وسام : صح صح
_ وبعدين يا بابا جيد من مقبول من أمتياز متفرقش هتتخرج ومش هتلاقي شغل غير بطلوع الروح
