الحلقه { 70 }
بيتر : لا متروحيش
وسام : طب ليه ما أروحش ؟
بيتر : بطلي استهبال انتي عارفه ليه متروحيش ، بس انا عارف انتي متصله بيه عشان تسمعي مني كلام مختلف عن اللي بيدور جواكي مع ان اللي جواكي صح
- العيد ميلاد دا ممكن يكون جر رجل عشان حسام يشوفك ويصلحك
وسام : بس في احتمال ان حسام ميكونش هناك
بيتر : يبقى برضو مرواحك غلط لان هيترجم ان انتي بتستخدمي الولد عشان ترجعيلو و واخده الولد حجه
او انك بتتمحكي فيه
وسام : والله يا بيتر الكلام دا انا قولته لنفسي بس الواد صعبان عليا اوي
بيتر : جمدي قلبك شويه ، انتي مش هتكوني احن عليه من ابوه و ستو وجدو اللي نسيين عيد ميلاده
بطلي خيبه وروحي بيتك وخليكي فيه معززه مكرمه
وسام : صح انت كلامك صح
**** ( بقلم : هند محمد ) ****
حسام : انت ايه اخرك كدا ؟
إمام : متصالتش بيه ليه طيب عشان تعرف انا متأخر ليه ؟
حسام : ( وهو متفاجئ من اسلوب إمام ) أنت ازاي تكلمني كدا ؟
مها : كلم بابا بأسلوب محترم يا إمام عيب كدا ؟
إمام : انا بكلمه كويس هو شايف اني اتأخرت طيب اتصل شوف انا متأخر ليه ؟
حسام : ما انا عارف اكيد عندك درس
إمام : درس ؟
لا يا بابا انا عيد ميلادي كان النهاردة بس طبعا حضرتك انت وتيته نسيته زي كل سنه
عادي
مها : هااا بجد دانا نسيت خالص والله
انا اسفه حالا هجبلك تورته و اعملك عيد ميلاد يجنن
إمام : لا انا احتفلت بيه مع اصحابي ، انا هدخل اشوف الواجبات اللي عندي بعد ازنكم ( ودخل الاوضه بتعته و قفل الباب )
مها : انا ازاي نسيت بس يوووو يووو يوووو ( ودخلت المطبخ )
حسام : ( واقف و حاسس بالتقصير في حق إمام ، لان من ابسط الامور انه يفتكر عيد ميلاد ابنه الوحيد ، فضل يفكر شويه و خبط عليه و فتح الباب ) ممكن أدخل ؟
إمام : اكيد اتفضل
حسام : ( دخل و قفل الباب وراه و قعد قصده على السرير و إمام قاعد على المكتب بيذاكر ) انا عارف اني مقصر معاك بس انا فعلا والله انا نسيت ان عارف انك زعلان مني بس
إمام : بابا انا مش زعلان منك انت كل سنه بتنسى عيد ميلادي فانا واخد على كدا
حسام : طب انت زعلان ليه ؟
إمام : ( بتردد ) مفيش حاجه
حسام : لا انت فيك حاجه انا عارف تعاله جنبي ( قام إمام من على المكتب وقعد جنب حسام وحسام لف دراعه على كتفه ) مالك يا حبيبي زعلان كدا ليه ؟
إمام : اااا انا اصل كنت
حسام : ما تقول يا إمام في ايه ؟ نصيبه تكون خايف مني لضربك ولا حاجه ؟ ههههه
إمام : لا طبعا
حسام : هههه لا طبعا دا أيه الثقه دي ( وباس راسه ) قولي مالك ؟
إمام : انا كنت عامل عيد ميلادي في النادي مع اصحابي عادي زي ما بعملو على طول
و كنت مكلم وسام في التليفون عشان تيجي و تحتفل معايا
حسام : اممممم وطبعا ماجتش ؟
إمام : لا ماجتش ، دا حتى بكلمها في التليفون مش راضيه ترد ولما غتت و كلمتها اكتر من مره عملتلي حظر
حسام : اممممم ، انساها يا إمام دي بنت مجنونه شوف اللي في دماغي دا منها
إمام : هي اللى معلمه عليك كدا ؟
حسام : اه يا لمض هي اللى علمت عليك
إمام : اكيد انت عملت حاجه كبيره خلاها تتهور عليك كدا
حسام : ( شال دراعو من على إمام وشبك ايدو في بعض ) امممم عملت معاها عمله سوده الحقيقه ، دا غير اني غلط فيها و هنتها وسرقت الصفحه منها بس رجعتها تاني
إمام : طب يا بابا ما ليها حق
حسام : خلاص بقى كل واحد راح لحاله ربنا يسعدها مع حد تاني
إمام : بس انا عاوزك تتجوز وسام
حسام : اشمعنى يعني ؟
إمام : حاسس انها طيبه اوي وحنينه زي ماما الله يرحمها
حسام : ( حسام سمع الكلام دا عينه دمعة و جسمه كله قشعر ) يااااه للدرجادي ؟
على فكرة وسام مش ملاك
إمام : و اكيد ماما ماكنتش ملاك ، لان ربنا خلقنا بشر ، ومستحيل بشر يبقى ملاك
حسام : انا زي ما قولتلك انا فركشت معاها
إمام : بسيطه ارجع لها
حسام : بقولك شتمتها
إمام : عادي اعتزر
حسام : وهي شتمتني
إمام : عادي مش انت اللي بدأت
حسام : طب اصالحها ازاي دي دمغها نشفه
إمام : انا اللي هقولك أزاي مش دي الموزه بتعتك يعني اكيد عارف المفاتيح بتاعتها ؟
حسام : المشكله ان دي ملهاش مفاتيح دي بكلمت سر كلها حروف و ارقام و بلاوي
مها : ( فاجأه الباب اتفتح وكانت مها و حسن وشايلين تورته فيها شمع 🎂🎉🎉 ) كل سنه وانت طيب يا قلبي من جوه
حسن : كدا برضو عيد ميلادك ومتقوليش ؟
إمام : انا قولت تفتكره لوحدكم
حسن : لا انا مبفتكرش جدك عجز خلاص
مها : يلا يا حبيبي عشان تطفي الشمع
حسام : انتي جبتي التورته دي منين ؟
مها : كلمت حسن وقولتلو يجي حلا ويجيب تورته معه
إمام : ومقولتلوش يجيب هديه ؟
حسن : هههههه شوف الواد ، ههههه عاوز ايه شوف نفسك في ايه وانا اجبهولك
إمام : انا قولت لبابا انا نفسي في ايه
حسن : جبلو اللي قالك عليه فاهم ؟
حسام : بس دي حاجه صعبه اوي
حسن : صعبه ايه انت اللي خايب مش مدردح كدا ، قولي انا عاوز ايه يا إمام وانا اجبلك
إمام : عاوز حته من التورته
مها : طب طفي الشمع الاول
**** ( بقلم : هند محمد ) ****
( وتاني يوم )
جميل : اتفضلي
وسام : ما شاء الله المكتب بدء يشتغل اهو وبجيب فلوس
جميل : قولي الله اكبر ما يحسد المال الا اصحابه
وسام : الله اكبر ، خود يا جميل العربيه جابت الشهر دا 1500 جنيه اجار انت 750 وانا 750
جميل : مش قولنا انا التلت و المكتب التلتين
وسام : دا بس عشان بابا ، بس انت شريك
جميل : لالا مينفعش نعمل حاجه من ورا الحاج عمر
وسام : بس دا مش اتفقنا في الاول ؟
جميل : لا الكلام اللي اتقال قصاد الحاج هو اللي هيمشي اتفضلي 250 الزياده
وسام : خلاص برحتك
دول فلوس النوبيره و المتسوبيشي الجداد ، هتاخد الفلوس تديها لجرانك ولا هما هيجو ياخدوها ؟
جميل : لا هما هيجو بدل ما الفلوس تضيع وانا اكون المسئول
وسام : طيب تمام ، انا حطه الفلوس في درج المكتب وقفله عليهم لو نسيت ابقى فكرني
جميل : اوك عيوني
وسام : انا جعانه اوي انت مش جعان ؟
جميل : يعني مش اوي
وسام : طب روح حتلنا اكل انا باقيت لما اجوع بدوخ
جميل : نقصك غذاء على فكره ، اجبلك تاكلي ايه ؟
وسام : اي حاجه مش مهم وهتلي شاي مع الاكل
جميل : ماشي هروح واجي على طول سلام
وسام : سلام
( فضلت وسام بعض الدقايق و شويه تليفونها رن من رقم غريب )
- الو
حسام : ( واقف بعيد عن المكتب ولكن شايف وسام من بعيد وبيكلمها وهو مغير صوته ) الو مس وسام الحريري الكاتبه والمؤلفه الفازه ؟
وسام : ايه ؟
حسام : حضرتك ست البنات وسام الحريري المؤلفه ؟
وسام : مين معايا ؟
حسام : انا من مكتب المخرج الكبير رامي إمام
وسام : ( بسخريه ) ههاء رامي إمام ؟ ابن الزعيم عادل إمام ؟
حسام : ايوه هو ، الاستاذ مستنيكي كمان نص ساعه في سيتي اسارز
وسام : ( عرفت انه حسام ) هاهاها لا يا راجل معرفتكش انا كدا ✋
حسام : معرفتنيش ايه بقولك الاستاذ رامي مستنيكي
وسام : بص يا بتاع انت انا ما بروحش لحد و اتلم و ربي ابنك بدل ما هخلي ابنك يتحصر عليك ( وقفلت في وشه ) قال رامي امام قال نقصه زرافه هي اوووف حاجه تفقع المراره
"
"
"
حسام : ( دخل المكتب وقفل الباب بتاع المكتب ) انا بتقفلي السكه في وشي ؟
وسام : ( قامت مفزوعه من على المكتب ) هاااا ايه دا انت ايه جابك هنا وبتقفل الباب ليه ؟
اطلع باره
حسام : ( بنفس أداء عادل إمام ) لا انتي كدا عاوزه اللي يربيكي
وسام : ( راحت وقفة قدامه وهي عنيها بطق شرار 😠 ) انته تربيني انا ؟ ليه هو انا نقصه تربيه ؟
حسام : ( وهو مبتسم و بيبص لوسام بحب وعمال يقرب منها ، قالها وهو مسبل لها عينه ) بحبك
وسام : ( بغضب وعصبيه وهي بترجع لوراء ) حبك برص اطلع باره
حسام : ( وهو مستمر في الاقتراب منها ) بموت فيكي
وسام : ( راحت للحيطه و حسام قدمها واللي يبعدها عنه بعض السنتيمترات ) يا رب تموت و ارتاح منك
حسام : ( قرب منها اوي ) واهون عليكي ؟
وسام : ( وهي بتزقه و تبعدو عنها ) انت عبيط ابعد كدا
حسام : عبيط ؟ انتي قد الكلمه دي ؟
وسام : اه قدها اوعي بقى اوعي ( وهي عماله تزق فيه وهو ولا حتى بيتهز )
حسام : ( و وسام قدامه والحيطه ورا وسام راح سند ايدو الاتنين على الحيطه عشان يمنع وسام تفلت من إيدو وبص في عين وسام وقالها وهو انفاسه تخالط انفاس وسام ) يعني مش خايفه مني ؟
وسام : ( وهي حسه بخوف منه بس مش عاوزه تبين وعماله تزق فيه ومش قادره ) لا مش خايفه وريني هتعمل ايه ؟
حسام : هعمل كدا ( وفجأه مسك وشها وباسها بوسه قويه زي الافلام من شفايفها )
شفتي بقى اقدر أعمل ايه ؟
وسام : ( فاجأه جسمها كلو تلج و ارتعش ) ابعد عني يا حسام لو سماحت
حسام : طب سمحيني
وسام : لا مش هسمحك و ابعد عني
حسام : خلاص انتي اللي جبتيه لنفسك ( حضنها جامد وباسها تاني بوسه قويه من شفايفها ) سمحيني انا بحبك ؟
انتي مالك متلجه كدا ليه
وسام : ( بانفاس متقطعه و هي لسه في حضن حسام اللي مش عارفه تخرج منه ) انت بتتهجم عليا و و عاوزني متلجش انت مجنون سبني بقى سبني ( ورعشتها وخوفها بان في عنيها )
حسام : قولي بحبك يا حسام وانا اسيبك
وسام : هصرخ يا حسام لو ماسبتنيش هصرخ
حسام : ( سابها وبعد عنها خطوتين لما شاف انها فعلا خايفه منه ولما شاف دموعها نزلت منها ) انا سبتك اهو متعيطيش لو سماحتي
وسام : ( من كتر ما هي مرتبكه جات تمشي تقعد على الكرسي رجلها فقدت السيطره عليها فا وقعت على الارض )
حسام : ( قرب منها بلهفه وخوف وحب وقال لها ) حبيبتي مالك ؟ انتي كويسه ؟
( وقبل ما تتكلم وترد عليه شالها وقعدها على الكنبه وهو قعد على ركبه على الارض جنبها ) انتي كويسه ؟
وسام : ( متلخبطه و مكسوفه انها وقعت قدامه و عماله تمسح في دموعها و تعدل في شعرها )
حسام : في حاجه بتوجعك ؟
وسام : لا
حسام : وسام انا بحبك ، ومش قادر أعيش من غيرك
حولت انساكي مش عارف
انا بحبك والله بحبك
وسام : اللي بيحب مش بيجرح ، وانت جرحتني و قولت عليا رخيصه
حسام : اسف والله العظيم اسف
سمحيني ارجوكي
طب ورحمة لؤي سمحيني
وسام : طب ابعد عني شويه
حسام : لا مش هبعد هفضل كدا وشي في وشك لحد ما تسمحيني
وسام : طب خلاص ابعد
حسام : مش فاهم يعني ايه خلاص
وسام : سبني افكر طيب
حسام : ( مسك راسها بين ايدو و بيمرجحه ) انتي ايه دماغك دي نشفه ليه يا شيخه دي وحده غيرك بعد البوستين اللي اتباستهم دول كانت زمانها مسلمه
وسام : بطل غباوه اوعي كدا
اسلم لواحد بيتهجم عليا ؟
حسام : طب اعمل ايه بحبك
وسام : هتجرحني تاني ؟
حسام : عمري ما هعمل كدا
وسام : هتدي ودنك لابوك تاني ؟
حسام : 😉 اااا لا مش هعمل كدا تاني عمري
وسام : هتستحمل تشوفني تعبانه ومش قادره احرك رجلي ؟ ومش هتسبني وتمشي ؟
حسام : ( باس ركبتها ) ولو عاوزاني انقعلك رجلك كل يوم في مياه وملح مش هقولك لا
وسام : خيفه ارجعلك و وتجرحني
حسام : دانا اشنق نفسي لو عملت كدا
وسام : ههههه تشنق نفسك هههه
حسام : مش عاوزه شنق ممكن تقطعيلي رقبتي بس انا بقول عشان الدم والظروته خليها شنق
وسام : او حرق ممكن
حسام : ممكن حرق ما اصل اللي يجرح بسكوته زيك كدا فعلا يبقى يستاهل الحرق لالا مش الحرق ، يستاهل الشوي على الجريل
وسام : ههههههه
طب ممكن تمشي بقى عشان جميل لو شافك هيقول لبابا
حسام : طب ما يقولو انا عاوز ابوكي يعرف
وسام : انا قولتلك مش هقول لبابا حاجه غير وانت جاي تخطبني ؟
حسام : للدرجادي مش واثقه فيه ؟
وسام : اتجرح انا اه بابا وماما و اختي مي لا
حسام : ماشي يا حبي زي ما تحبي ، انا همشي بس عاوز اشوفك انا وإمام وخصوصا إمام على فكرة
وسام : بكرا الخميس نتقابل في النادي ؟
حسام : نتغدي سوى ؟
وسام : ماشى
حسام : خلاص اتفقنا ( باس راسها ) مع السلامه يا قلبي
وسام : مع السلامه
حسام : مع السلامه يا حبيبي لو مقولتيش حبيبي هبوسك من مكان تاني وانتي عارفه
وسام : هههه مع السلامه يا حبيبي
حسام : ( خرج من المكتب وركب عربيته و مشي )
وسام : ( حولت تتماسك و تتملك اعصبها اللي اتهزت من حسام وشويه و دخل جميل )
جميل : اتأخرت عليكي ؟
وسام : اه اوي انت كل دا بتعمل ايه ؟
جميل : باجيب كريب
**** ( بقلم : هند محمد ) ****
حسن : وبابا بيشتغل ايه ؟
ميريهان : هو كان لواء في الجيش بس دلوقتي عندو معرض سيارات
حسن : وماما ؟
ميريهان : ماما ست بيت
حسن : عين العقل والله مامتك ست عقله
وانتي بقى الصغيره ولا الكبيره ؟
ميريهان : لا الصغيره عندي اخت اكبر مني
حسن : متجوزه ؟
ميريهان : لا مش متجوزه
حسن : ربنا يخليكم لبعض
ميريهان : شكرا يا مستر
حسن : ايه مستر دي هو انتي شيفاني لابس برنيطه ؟
ميريهان : اسفه يا حاج والله
حسن : لا متقوليش يا حاج قولي بابا حسن هو انا مش زي بابا ؟
ميريهان : ههه اه طبعا
حسن : خلاص قوليلي بابا حسن
ميريهان : حاضر ان شاء الله ، بس حضرتك بعتلي ليه ؟
حسن : ايه ؟ اااا اه قولي للموظفين بما فيهم انتي طبعا يا بنتي اي حاجه هتشتروها من السوبر ماركت هيبقى ليكم خصم 20 %
**** ( بقلم : هند محمد ) ****
إمام : بجد يا حبيبي يا بابا
حسام : انا وعدتك واديني رجعتها ، بكرا بقى هنتغدا سوي
إمام : يا ريت بس فين هنا في البيت ؟
حسام : لا في النادي
**** ( بقلم : هند محمد ) ****
أمل : مبروك يا صابا والله ما كنت اعرف
صابا : انا كتبه خبر حملي على الفيس
أمل : لا مانا معنديش والله مبفهمش فيه انا اخري في الفيس ليك
صابا : ليك بس ؟
أمل : اه والله حولت اتعلمه معرفتش
**** ( بقلم : هند محمد ) ****
حسن : مها مها
مها : ششششششش
حسن : هو ايه اللي ششششس او انا دبانه ؟
مها : شششششششش
