اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقة { 30 } سمر : هههههه طب لو اطلقت من عمرو تيجي وتتجوزني ؟ فضل : اكيد طبعا ، بس ارجع واقولك الطلاق مش سهل ، كلو مشاكل سمر : وانهي مشاكل ، انا لو اطلقت ماما و وبابا ممكن يجرالهم حاجه فضل : الف سلامه عليهم - قوليلي بقى تحبي تتكلمي في ايه ؟ سمر : اي حاجه **** ( بقلم : هند محمد ) **** **** ( بقلم : وسام الحريري ) **** ( وبعد كام يوم ) سماح : وحشتينا يا سمر سمر : وانتم كمان ام سمر : اليومين دول باين عمرو مش فاضي فا قال لسمر خليكي عندك بدل ما تقعد لوحدها في الشقه عزة : ولوحدها ليه ماحنا موجودين ، وبعدين عمرو مش مشغول ولا حاجه العادي يعني سمر : انا بكلم عمرو على طول هو قالي ارجع اول الدراسه عزة : اه يعني هتقضي الاجازه هنا ام سمر : لو عاوزنها خلاص قومي يا سمر ارجعي شقتك سماح : والله احنا عاوزنها بس عوزنها في حاجه تانيه سمر : مش عمرو قالكم محدش يفتح الموضوع دا ، ودي حاجه خاصه بيني وبين سمر ؟ سماح : انتي بتتكلمي على ايه ؟ احنا نقصد موضوع الحمل سمر : وانا أقصد نفس الموضوع عزة : يعني يرضيكي يا أم سمر اديهم اهو داخلين على 7 شهور جواز ولحد دلوقتي مفيش حمل ، وكمان عاوزينا نسكت أم سمر : الخلفه رزق من ربنا لما ربنا يأذن هيكرمهم باذنه سماح : يأذن أزاي وسمر محتاجه علاج أم سمر : علاج ، علاج ايه ؟ عزة : الله مش سمر عندها تكيسات ولازم تتعالج عشان تخلف ؟ أم سمر : مين قالكم الكلام دا ؟ سماح : من عمرو يعني هنعرف منين وسمر هي اللي قالت لعمرو أم سمر : ( نظرة لسمر بغيظ وبلوم ) طب بدل عمرو عارف انها عاوزه علاج ساكت ليه ؟ مودهاش للدكتوره ليه وعالجها ؟ عزة : عمرو مش ملوزم يعالجها هو واخدها على عيبها دا قبل الجواز يبقى ابوها هو اللي المفروض يتكفل بكل حاجه سمر : هو عمرو عارف الكلام اللي انتم بتقوله دا ؟ سماح : اه طبعا ، وغير كدا عمرو معهوش فلوس وانتي عارفه يا سمر أم سمر : طب ما يشتغل ويجيب فلوس ولا هو عاوز يقعد ويرتاح واحنا اللي نصرف ونعالج و ندفع مصريف التعليم طب والله لبس العيد لسمر احنا اللي جيبينه عزة : ومالو ربنا يخليكم ليها ما هي بنتك ، و هي اللي شيلالكم البيت وبنتك الوحيده مفيهاش حاجه لما تجيبي ليها لبس العيد سماح : والاهم من الكلام دا ، الحمل و الخلفه - ها يا سمر هتروحي للدكتور امتي ؟ سمر : ربنا يسهل عزة : ما هو مسهل وكل حاجه المهم يبقى عندك النيه و فعلا تروحي للدكتور سمر : حاضر هروح بس لما اقول لعمرو الاول عزة : الله وعمرو ماله ، لو عاوزه حد يروح معاكي انا هاجي معاكي سمر : لا مش على كدا ، بس لازم اخد اذنه الاول ، ولا أيه رأيكم ؟ **** ( بقلم : هند محمد ) **** **** ( بقلم : وسام الحريري ) **** عمرو : يعني انتي بعد الغيبه دي كلها جايه تقوليلي عاوزه اروح للدكتور ؟ - طيب يا ستي روحي سمر : طب هات فلوس ، او حتى ابقى تعالي معايا عمرو : لا انا مابحبش القعده عند الدكاتره سمر : طب هات فلوس ، انا هجيب منين ؟ عمرو : وانا هجيب منين ؟ البلد كلها مظاهرات واعتصامات ومفيش حد بيتجوز ، دا غير أن ال dj الله يخرب بيتهم في كل حاجه افراح ، اعياد ميلاد ، افتتاح محلات سمر : طب والحل ، اخواتك عاوزني اتعالج ، اجيب فلوس منين انا ؟ عمرو : يوووو بقى هو انتي اليوم اللي هتباتيه هنا هتقرفيني ، بحسبك تعوضيني على الغياب والايام اللي انتي سبتيني فيهم سمر : على اساس انه كان غصب عنك ، مش انته اللي قولتلي خليكي عند أمك عمرو : طب المفروض تردي الجميل بقى ، تصدقي انك وحشتيني ؟ سمر : انا بكلمك بجد متغيرش الموضوع عمرو : موضوع ايه بس خلينا في اللي احنا فيه ، بقولك وحشتيني **** ( بقلم : هند محمد ) **** **** ( بقلم : وسام الحريري ) **** ( وبعد كام يوم ) اسماء : رجاله هم ايدك منهم والقبر شيرين : ولا يهمك يا سمر ، اقولك انزلي اشتغلي وأصرفي على نفسك أم سمر : تشتغل أيه بس ابو سمر : ولزمته ايه الشغل هو انا قصرت في حاجه ؟ سمر : لا يا بابا بس الدكتوره انا لسه راجعه انا وأسماء و شيرين من عندها وهي كتبالي حقن وعلاج وحاجات كتير اوي و كل الحاجات دي غاليا اوي الحقنه الواحده ب 300 جنيه أبو سمر : ياااااه ليه كدا شيرين : الدوا مستورد يا عمي أم سمر : هو حتى الدوى بيستوردوه أسماء : اه كل حاجه سمر : هو مفيش حل غير اني انزل أشتغل **** ( بقلم : هند محمد ) **** **** ( بقلم : وسام الحريري ) **** عمرو : وهتشتغلي ايه ؟ سمر : أسماء عاوزه حد يوصل الاولدرات للزباين فا قولتلها انا ممكن اعمل كدا عمرو : اه وتطلعي البيوت بقى وتخبطي على الشقق سمر : عندك حل تاني ولا شغل تاني ؟ عمرو : والله لو عندي شغل تاني كنت اشتغلته انا سمر : طب يعني ايه موافق يعني انزل اشتغل ؟ عمرو : انزلي ربنا معاكي على الاقل لو العلاج ماجبش نتيجه يبقى تصرفي على المعهد بتاعك سمر : وهو انته مش ناوي تشارك بأي حاجه خالص ؟ عمرو : انا كفايا عليا مصريف الاكل هنا والشرب سمر : " " " طيب بس فلوسي مالكش داعوه بيها عمرو : ماشي ربنا يوسع عليكي - قومي بقى اعملي عشا حلو كدا وروقي نفسك سمر : انا راجعه تعبانه من عند الدكتوره وعاوزه انام عمرو : الله يسد نفسك ، نامي ياختي دا اللي بخدو منك **** ( بقلم : هند محمد ) **** **** ( بقلم : وسام الحريري ) **** ( وفعلا اشتغلت سمر مع اسماء وكانت بتوصل الاولدرات على البيوت وبتاخد هي مصريف الشحن و وتصرف بالفلوس دي على العلاج وعلى مصريف المعهد ، وبعد فتره طويله ) فضل : انا زعلان منك ، كل دا غياب سمر : والله انا في دوامه بين بيتي وبيت بابا و المعهد و الشغل فضل : ايه دا انتي اشتغلتي ؟ سمر : انته نسيت ولا ايه مش قولتلك بوصل اولدرات ؟ فضل : اه صح كنت ناسي بس انا حاسس ان فلوس الشغل دا مش اوي سمر : اه فعلا مانا بدور على شغل تاني جنب الشغل دا فضل : اها ربنا معاكي يا روحي سمر : بجد يا فضل انا روحك ؟ فضل : روحي وقلبي كمان ، تعرفي انا نفسي في ايه دلوقتي ؟ سمر : أيه ؟ فضل : نفسي اشوف عيونك سمر : تاني يا فضل فضل : خلاص متزعليش انا اسف قوليلي . انتي في شقتك ولا عند ماما ؟ سمر : عند ماما ، عمرو اخيرا جالو شغل وبقى يروح الحمد لله فضل : طب الحمد لله ، جالو شغل فين ؟ سمر : مصنع للبلاستك بيعمل ادوات مطبخ فضل : طب حلو ربنا معه ، المهم يكون ساب موضوع الطبله دا ؟ سمر : لا مسبهاش ، بس الافراح باقت قليله والناس بقت تجيب الdj اكتر فضل : اه فعلا ، المهم سيبك من دا كلو ، الاهم سمر ، طمنيني عليكي سمر : أقولك الحق ؟ فضل : متخبيش عليا حاجه سمر : انا تعبانه اوي ، نفسي اعيط واسرخ بس مش قادره فضل : ليه بس كدا ؟ سمر : احساسي باني مش قادره اجيب اطفال دا تاعبني اوي يا فضل فضل : قولي يا رب وهو هيديكي اللي انتي عوزاه ، ويمكن اكتر من اللي انتي اللي انتي فيه دا اختبار من ربنا سمر : مفيش حد عاوز يصبر ، ومفيش حد حنين عليا فضل : وهو انا مش حنين عليكي ؟ سمر : انت بعيد اوي ، وكمان على الفيس وكل اللي بينا مجرد كلام مكتوب فضل : مانا بقولك بقالي كتير تعالي نتقابل او حتى نتكلم صوت انتي رفضه سمر : لا كتابه بس صوت لا فضل : خلاص برحتك ، بس ممكن تمسحي دموعك ؟ سمر : ايه دا عرفت منين اني بعيط ؟ #تفتكرو عمرو عرف منين ان سمر بتعيط ؟
