الحلقة { 88 }
وسام : مش هقدر يا بيتر متشكره والله
بيتر : هو انا بقولك تعالي اوصلك دانا عازمك على الغدا
ولا مش عاوزه تشوفي المرحومه ههههههه
وسام : يا اخي انت اعوزو بالله منك ، كل ما انسى انك قرطسطني تفكرني تاني
بيتر : بس ايه رايك مش اقنعتك ؟ انفع مؤلف ولا لا ؟
وسام : ههههه دانت نصاب
علياء : (من الخارج ) الغدا يا ويسو هيبرد
وسام : بيتر انا هروح اتغدا هكلمك تاني
بيتر : ماشي يا ويسو بالهنا والشفا
**** ( بقلم : هند محمد ) ****
ميريهان : ومشيت يا بابا وسبتهم ومرضتش اخرج معه
وسام : ( جات وقعدة معاهم عشان تتغدا ) مين دا اللي مرضتيش تخرجي معه
ميريهان : حسام ، جالي النهارده السوبر ماركت وانا مروحه و قال ايه عاوزني اخرج اتغدا معه انا و إمام عشان نقرب من بعض بس انا سبته ومشيت
وسام : امممم طب ليه كنتي روحتي عشان تتعرفي على الولد وعليه هو كمان
عمر : تتعرف ايه يا وسام ومفيش حاجه رسمي
وسام : مش تعرف يا بابا قبل الرسمي قبل ما تتخطب وتدبس
علياء : لا طبعا افرضي حد من قريبنا شافهم سوى هتقول ايه للناس ؟
ميريهان : انا قولتلهم كدا والله يا ماما
حسام قالي قوليلهم خطيبي ، فانا قولتله لا لما تحصل خطوبه رسمي الاول لاكن قبل لا ، وقتها بقى بابا حسن فرح بيه اوي وقال عليه متربيه و أخلاق
عمر : طبعا أومال هما فكرين ايه ان احنا عندنا بنات اول ما حد يقولهم يلا تيلا
وسام : طب خلاص كلي بقى يا معالي الادب والاخلاق
ميريهان : هههههه
علياء : عمر عاوزين ننزل نشتري لبس للخطوبه
عمر : ماشي انزله ويسو معاها الفيزا بتعتي اشترو براحتكم
وسام : بابا يوم الخميس انا معزومه على الغدا
عمر : عند مين ؟
وسام : دا بيتر عازمني على الغدا هو ومراته
علياء : مراته ؟ هي مش ماتت ؟
وسام : لا ما هو اتجوز تاني بعد ما ماتت وشفتي الحظ اتجوز واحده اسمها بتول برضو
ميريهان : هههههه هو بيتر دا واخد تويكل بتول ولا ايه ؟
وسام : حظه بقى
- فكر كدا يا بابا ، بصراحه انا مش عاوزه اروح
علياء : خلاص متروحيش احنا اصلا مش فاضيين اليومين دول
وسام : ( بهدوء ) طيب يا ماما حاضر
عمر : ( حس ان وسام زعلانه ) ماجاتش من ساعتين يا علياء ، بيتر برضو خلص ورق ميريهان بتاع الخدمه المدنيه و كان جنب وسام لما كنا في المستشفى انا وانتي ، لو عاوزه تروحي روحي واهو برضو تتعرفي على مراته
وسام : شكرا يا بابا ، هفكر كدا واشوف اروح ولا لا
علياء : طب فكرتي بقى في موضوع عمرو ولا لسه ؟
وسام : فكرت يا ماما
عمر : طب كويس ورأيك ايه ؟
وسام : ( بحزن ) موفقه
عمر : طب مالك زعلانه كدا ليه ؟
وسام : عشان موني ، ازاي انا هتجوز جوزيها
علياء : وليه متقوليش انك هتحفظي على جوزها و ولادها و أمها بدل ما عمرو يروح يتجوز واحده منعرفش اصلها ولا فصلها وتطلع عين العيال ، لاكن انتي بتحبي العيال وهما كمان بيحبوكي
وسام : لا يا ماما هما بش بيحبوني ، خاتي بالك من جنى قالت ايه ؟
ميريهان : البت جنى دي تكسابيها بشكولاته ولا بكيس شيبسي ، المهم بطه ومصطفى
عمر : والاهم عمرو ، وعمتك
وسام : اللى تشوفه يا بابا اعملو انا مش فارق عندي
عمر : طب اكلم عمرو ونقرا فتحتك مع فتحت اختك يوم الجمعه ؟
وسام : ماشي اللى تشوفه
بس مفيش جواز قبل ما مي تتجوز عشان اكون جنبها في فرحها
ميريهان : والله والله احلي اخت في الدنيا كلها
وسام : ربنا يخليكم لبعض يا رب
**** ( بقلم : هند محمد ) ****
لؤي : بتحبيني يا سكسكه ؟
سكسكه : اوي اوي يا لؤي
لؤي : بس انا مش هفضل في حنتوسه انا هرجع كوكبي وبلدي
سكسكه : انا معاك في أي مكان
لؤي : يعني مش هتقوليلي انا عاوزه اشوف امي او اخواتي ، احنا مش هنيجي هنا تاني
سكسكه : انت عندي بالدنيا انا لا عاوزه امي ولا اختي ولا حد غيرك
لؤي : هخليكي تشربي مسحوق الخنافس وهتصغري أدي
سكسكه : ومالو هو انا عامله بالطول والعرض ايه انا عاوزه اكون قدك كدا
لؤي : طيب ماشي نتجوز خلي ابوكي يجهز الخروف
**** ( بقلم : هند محمد ) ****
أمل : زي ما بقولك كدا ميريهان و وسام قراية فتحتهم يوم الجمعه الجاي
صفوت : الاتنين ؟ طب على مين ؟
أمل : وسام على عمرو ، وميريهان على حسام ابن عمة صابا
صفوت : ودول عرفه بعض ازاي ؟
أمل : اهو بقى معرفش ، ها هنروح ؟
صفوت : طبعا دانا خال البنات يعني في مقام ابوهم
ولاء : بابا طب انا موضوعي هتعمل فيه ايه ؟
صفوت : تاني يا ولاء مش قولنا حمدي دا طمعان
ولاء : يا بابا مش طمعان ولا حاجه علاء هو اللي فهم غلط
صفوت : طيب استني بس كدا لما نشوف ميريهان و وسام
ولاء : وانا مالي بيهم انا عاوزه اكون مع حمدي في الجامعه بشكل رسمي عشان محدش يتكلم عليا في الجامعه
أمل : شوف مصلحة بنتك ميريهان و وسام عندهم اب
متشغلش بالك بالغرب
صفوت : ومن أمتى بنات اختي كانه غرب يا أمل ؟
أمل : مش عارفه بقى انا فجأه كدا قفلت منهم
**** ( بقلم : هند محمد ) ****
ريماس : انا سيباك برحتك ومش عاوزه اتكلم معاك بس عشان احنا اصدقاء لازم انبهك
لؤي : تنبهيني لي ايه ؟
ريماس : انت فاكر انك لو اتجوزت هنا واختهم ورجعت بيهم الارض ، الناس اللى هناك هيسبوك ويسبوهم عادي كدا ؟
لؤي : ههههه اومال هيخدوهم مني في الجمارك ؟
ريماس : هههه ضي و سكسكه كنوز بشريه فظائيه يعني كل الباحثين و الوكلات البحثيه والاطباء هيخدوهم منك عشان يعملو عليهم ابحاث و تجارب و هيكشفه عليها عشان يعرفه الفرق بين اهل الارض واهل حنتوسه
لؤي : وفين حقوق الانسان
ريماس : اثبت بقى ان دول بشر زينا وليهم حقوق وانت وشطرتك
لؤي : طب والحل
ريماس : بلاش تتجوز حد و تدبس نفسك
ممكن اصلا بلدك تمنعهم من الدخول للحدود بتاعتكم عشان حرص على الامن القومي
لؤي : لا دانا افضح الدنيا
ريماس : ولا هتقدر تعمل حاجه
- فكر كدا و احسبها بالعقل
لؤي : واللى انتي عاوزه تعمليه مع سمسون دا فيه ريحة العقل ؟
ريماس : طبعا سمسون دكتاتور والشعب لازم ياخد حقه
لؤي : ربنا يقويكي
**** ( بقلم : هند محمد ) ****
سمسون : مالك حزينه ؟
موني : ( ماسكه الفون و بتتفرج على صور الولاد ) عيالى وحشوني
شوف يا سمسون دي بطه ، ودي جنى و دا مصطفى
سمسون : انتي مخلفه 3 ازاي ؟
موني : هو ايه اللى ازاي زي الناس
سمسون : هو الارشدوك عندكم سامح لكم بكام طفل ؟
موني : والله يا سمسون هما سيبنها مفتوحه ، صحيح كل الرئساء بيقولو كفايا 2 او 3 بس احنا بقى الشعب المصري عملين ودن من طين وودن من عاجين
سمسون : والارشدوك بيعمل معاكم ايه ؟
موني : احنا معندناش ارشدوك احنا عندنا رئيس
سمسون : وبتعملو أيه مع بعض في موضوع الخلفه دا ؟
موني : والله هما بقالهم حوالي 50 سنه عمالين يقولولنا بلاش تخلفه كتير ، كفايا 2 او 3
سمسون : وطبعا انتم بتسمعه الكلام
موني : لا طبعا مبنسمعش الكلام
سمسون : ليه ؟
موني : العيال رزق وعزوه يا سمسون هنقول للرزق لا
سمسون : طب والرئيس بيعمل معاكم ايه ؟
موني : هاء ولا بيقدر يعمل حاجه
سمسون : حقيقي شعب لا يقهر
موني : احنا احفاد الفرعنه يابني انت هتهرج **** ( بقلم : هند محمد ) ****
تيشو : مالك يا لؤي حزين ؟
لؤي : ريماس قالتلي حاجه ماجتش في بالي خالص
تيشو : ايه هي ؟
لؤي : ( حكلها ) و احتمال ياخدوهم مني
تيشو : امممم دا كلام صح جدا على فكره
لؤي : طب هعمل ايه يا تيشو ؟
تيشو : سبني افكر وانا هلقي حل اكيد
لؤي : يعني انا عمال افكر و مش لاقي حل انتي يا تيشو هتلاقي ؟
تيشو : طبعا انت تشك في قدرات احفاد التنين ؟
لؤي : تنين ، وطواط ، بطريق ، مش مهم الاهم تلقيلي حل
**** ( بقلم : هند محمد ) ****
أم موني : يعني انت هتقرى فتحتك عليها بعد بكرا و لحد دلوقتي مكلمتهاش ولا مره ؟
عمرو : هكلمها اقولها ايه ؟
أم موني : اتعرف عليها
عمرو : هو انا لسه هتعرف مانا عارفه ، وعارف عنها كل حاجه
أم موني : عارفه وسام قريبتنا مش حبيبتك وخطبتك
عمرو : ماما انا مصدقت نيمت العيال سبيني ادخل انام لو سمحتي
أم موني : طب عشان خطري كلمها قبل ما تنام عشان خطري
عمرو : اكلمها اقولها ايه ؟
**** ( بقلم : هند محمد ) ****
( وسام في اوضتها )
وسام : ( موبايلها رن وطبعا كان عمرو فا ردة عليه ) الو
عمرو : ( قاعد في الاوضه بتعته وبيكلم وسام ) الو ازايك
وسام : الحمد لله تمام ، انت عامل ايه و ازي الولاد وعمتي ؟
عمرو : الحمد لله تمام
وسام : عمتي عملت التحليل ولا لسه ؟
عمرو : لا لسه ، بتقولي لما نكتب كتبنا انا وانتي
وسام : اممممم ، طيب
عمرو : انتي كنتي مشغوله في حاجه ؟
وسام : لا انا وماما ومي لسه رجعين من باره كنا بنشتري لبس و حاجات للخطوبه بتاعت مي و حسام
عمرو : امممم طب كويس ، وانتي كمان جبتي حاجه ؟
وسام : اه جبت فستان
عمرو : طويل ولا قصير ؟
وسام : طويل طبعا عشان ميبينش رجلي
عمرو : اه عشان انا بغير
وسام : تغير ؟
عمرو : اه طبعا احنا كمان هنخطب ومن حقي اغير عليكي
وسام : ممكن اسالك سؤال وترد بصراحه مهما كانت الاجابه ؟
عمرو : عارف السؤال ، وهو ؛ انت عاوز تتجوزني عشان بتحبني ولا عشان العيال وعمتي ، صح مش هو دا السؤال ؟
وسام : ايوه
عمرو : وسام انتي اكيد عارفه اني بعزك اد ايه صح ولا لا
وسام : عارفه
عمرو : فا احنا لازم ناخد وقت ان الحب الاخوي دا يتحول حب من نوع تاني ، بس والله العظيم ، انا مش عاوزك عشان تخدمي ولادي ولا عشان شغل البيت والكلام دا ، انا هعمل كل حاجه مش هتعبك خالص
وسام : طب بدل انت بتحبني حب اخوي و مش عاوزني عشان البيت والولاد يبقى عاوز تتجوزني ليه ؟
عمرو : "
"
"
"
وسام : ليه ساكت ؟
عمرو : مش عارف اقولك ايه ؟
وسام : عمتي هي اللي غصبه عليك صح ؟
عمرو : اما محدش يقدر يغصب عليا في حاجه
وسام : "
"
طيب يا عمرو مفيش مشكله ،
عمرو : طب ليه حاسس بنبرة حزن كدا ؟
وسام : لا ابدا بس بفكر اصل في واحده صحبتي عزماني على الغدا في بيتها بكرا ومحتاره اروح ولا لا
عمرو : روحي فرفشي معاها شويه و اتكلمه
هي سكنه فين ؟
وسام : في الشيخ ذايد
عمرو : خلاص روحي
وسام : طيب هشوف كدا
عمرو : طيب بس ابقي قوليلي عشان ابقى عارف
وسام : حاضر ان شاء الله تصبح على خير
عمرو : وانتي من اهل الخير
**** ( بقلم : هند محمد ) ****
علياء : كل دا بتعملي ايه يا ويسو الشاي باللبن برد
وسام : عمرو كان بيكلمني
عمر : طب كويس ايوه كدا كلمه بعض عشان تخدو على بعض
وسام : حاضر يا بابا
- بتعملي ايه يا مي ؟
ميريهان : بكلم حسام على الواتس
وسام : حسام ؟
بيقولك ايه بقى ما تقوليلنا ؟
ميريهان : بنتعرف عادي
عمر : بقولك ايه يا وسام انتي مقولتليش عاوزه فرش ايه عشان اجبهولك
وسام : ( وهي غيرانه وزعلانه ان حسام بييكلم ميريهان ) فرش ايه يا بابا ؟
علياء : فرش شقتك يا حبيبتي ، هو انتي مش عروسه ولازم نجبلك فرش جديد ؟
وسام : مش مهم انا مش عاوزه حاجه
ميريهان : هههههه يا ابن الكدابه عمال تفشر عليا ماشي ماشي
وسام : في ايه بيقولك ايه ؟
ميريهان : قال ايه وهو في الجامعه كانت كل البنات في الدفعه بتحبه وبيرسمه عليه
وسام : دا مغرور بقى ، انا قولتلك دا مينفعكيش
ميريهان : يا ستي خليه يفشر هو الفشر بفلوس ، بصي باعتلي صوره لما اتخرج من الجامعه في حفلة التخرج شوفي حبيبي اد ايه مز وقمر
