الحلقة { 76 }
حسن : ها شفتيها و اتكلمتي معاها ؟
مها : ايوه
حسن : وايه رأيك فيها ؟
مها : ( بحيره وتردد ) هي من نحية حلوة فا هي حلوه بس انا بيتهيقلي شفتها قبل كدا
حسن : شوفتيها فين ؟
مها : مش فكره بس انا متأكدا اني شفتها قبل كدا بس فين مش فكره
حسن : طيب طيب خلينا في اللى احنا فيه ؟
ايه رايك فيها و في ادبها ؟
مها : هي مؤدبه بس دي صغيره يا حسن اوي على حسام دي 23 سنه و حسام 35 يعني في فرق 12 سنه
حسن : ومالو لا هو عيب ولا حرام
وبعدين دي ميزه عشان حسام يربيها على إيدو ويشربها طبعو وتخاف منه ، وكمان تعرف تتعامل مع إمام تعرف تفهمه ودمغها تبقى قريبه من دماغه
مها : هاااه تعرف انا حسه ان ميريهان دي فيها كتير انا من وسام
حسن : دي هتقولي وسام ، ايه جاب المنجايا للأوطه ؟
مها : ههههه أوطه اسمها طماطم
حسن : انا امي كانت بتقول عليها أوطه
- ماهي يا حبيبتي اسمعي كلامي ميريهان بنت ناس ومتربيه وصحتها حلوه ومش ناقصها حاجه ، دي عروسه لقطه
مها : بس حسام بيحب وسام و كمان إمام بيحبها
حسن : لو حسام متمسك بيها خلاص شويه كدا ويرجع لها ويتجوزها والشرع مديله الحق ده يتجوز اتنين وتلاته و اربعه لو عاوز
مها : وسام مش هتقبل هى في اكتر من قصه اتكلمت عن تعدد الزوجات وهي مستحيل تقبل تتجوز راجل متجوز
حسن : ما كمان سناتين هي هتبقى 32 سنه وهتلاقي نفسها هتعنس ومحدش باصص في وشها فا هتقبل اسمعي مني انا عارف
- كلمي حسام وخليه يسمع كلامي
مها : ايوه بس
حسن : عاوزه حفيدك يبقى عيان ؟
ونجري بيه على الدكتره ولا يبقى زي إمام كدا الله اكبر عليه ربنا يحميه ؟
- متروديش دلوقتي فكري
ولو على وسام انا عارف انك بتحبيها بوعدك قصاد ربنا فرحها وشبكتها وكمان شهر العسل بتاعه على حسابي
اقعدي كدا وفكري
**** ( بقلم : هند محمد ) ****
إمام : يااااه انا كنت جعان اوي
وسام : بالهنا والشفا يا حبيبي
حسام : تحلو بأيه بقى ايس كريم ولا حلويات شرقي ولا جاتوه ؟
إمام : انا عاوز فخفاخينا
وسام : هههه بعد السمك خلي بالك كدا هتتخن وانا مش بحب التخان
حسام : أيييي ليه كدا خلى بالك مالهم الطخان ما هما حلوين أهو وزي الفل
وسام : يا خلاثي هي جات فيك معلش مختش بالي سوري
حسام : سوري ماشي ماشي ، وبعدين الفخفاخينا مش بتخن دي فواكه
وسام : لا إمام عاوز فخفاخينه من اللي قولته يعني قطعة كيك عليها حلويات شرقي عليهم ايس كريم دي الفخفاخينا اللي هو عاوزها
حسام : ( بص لإمام ) انت عاوز العك دا ؟
إمام : اه دا بيبقى حلو اوي
حسام : برحتك انت اللى هتاكل انا عن نفسي هاخد ايس كريم
- بس انتي فهمتي قصد كلام إمام أزاي دانا مفهمتهش ؟
وسام : قدرات بقى
إمام : ههههه حلوه كافك ✋
وسام : هههههه 👎👎👎 حط كلونيه هههه
أمام : لا وكمان بتقلشي دانتي مش سهله
وسام : هههههه
حسام : ( قاعد فرحان ان فيه تواصل بين إمام و وسام وفيه حوار متبادل وحاسس ان وسام سنها من سن إمام و دمغها قريبه منه اوي ، وبعد ما طلبه الحلو وأكلوه )
وسام : الساعه 6 انا لازم اروح
حسام : لسه بدري
وسام : عشان بابا و ماما
إمام : دانا كنت عاوز اقولك حاجه استني عشان خطري
وسام : حاجت ايه ابويا هينفخني ؟
إمام : معلش عندي 📝 كويز بكرا
حسام : عندك ايه ؟
إمام : 📝 كويز
حسام : أممممم تبقى تتقل هدومك واشرب شاي بليمون
وسام : ههههههههه هو بيقولك عندو برد دا بيقولك عندو 📝 كويز يعني امتحان
حسام : طب مانا عارف بس بحب أسمع ضحكتك
وسام : احم احم ، ( بصوت واطي ) حسام إمام سمعك على فكره
حسام : طب مانا عارف على فكره
وسام : اااا طب يا أيمو عاوزني اعملك ايه في الكويز
إمام : ( طلع كتاب الماس ) بصي خدنا درس النسبه المئويه وانا مش عارف اعملها ولا احلها خالص
وسام : امممم انا أساس أدب انجلش فا ماليش في الماس بس وريني كدا ( شافت كام مثال محلول ) بص الطريقه بتعت اضرب 100 × الناتج والطريق دي متخلفه سيبك منها انا هقولك على طريقه اسهل
حسام : اسهل ايه دي طريقة انيشتاين انتي هتفتي ؟
وسام : مين انشتاين الكانيش اللي بتتكلم عليه دا ؟ دا علي ربيع برقبته
إمام : ههههههههه حلوا يا ويسا
حسام : لا والنبي ؟ طيب اشرحي وريني
وسام : ماشي اشرح لكم انتم الاتنين بس ركزو
الاول يعني ايه نسبه مئويه ؟ يعني جزء او عدد من ال عدد 100
يعني عندك مثلا ال100 جنيه لو قولنا مثلا ٢٠ % من ال ١٠٠ جنيه = كام ؟
حسام : كام ؟
وسام : ٢٠ جنيه
لو قولنا ٣٠% من ١٠٠ جنيه = ٣٠ جنيه
٤٠% من ١٠٠= ٤٠ جنيه
إمام : اه فهمت يعني دا جزء من ال100
وسام : بالظبط فهمت ؟
إمام : دي فهمتها بس دي سهله في مسائل صعبه
وسام : عارفه بس انا بشرحلك يعني ايه نسبه مئويه هى جزء عددي من ال100
طيب مثلا السؤال دا
تاجر باع بضاعه ب 3500 جنيه مكسبه فيها 20% اذا بكم اشتري البضاعه ؟
هتعمل ايه هنا ؟
حسام : اه بقى نعمل ايه يا مس وسام ؟
وسام : هههه هقولكم
احنا حنشوف 20% دول يبقو كام من ال3500 ونطرحهم من المبلغ واللي يطلع يبقى هو دا سعر البضاعه ، اقول تاني ؟
إمام وحسام : اه قولي تاني
وسام : اهو بصو
هنعمل كدا في كل الارقام اللي اكتر من 100
0.20 × 3500 = 700
يبقى المكسب كدا 700 جنيه
هتطرح بقى ال 700 دول من 3500 يبقى 2800 ودا بقى سعر البضاعه
إمام : طب ايه ال 0.20 دي ؟
وسام : دي ال 20% المكسب مش قولنا لو العدد اكتر من 100 بنعمل العدد اللي في النسبه جزء من الميه يعني على الاله تحط صفر و بوينت وتكتب العدد
إمام : ااااه فهمت فهمت ، دي طريقه اسهل من اني اضرب في 100 والعك بتاع مس شهوند
حسام : أسمها ايه ؟
إمام : شهوند
