الحلقة { 94 }
حسام : وسام أنتي لازم تعرفي انا بعدت عنك ليه وتعزوريني
وسام : مفيش وقت للكلام ، خلص الكلام ولازم تيجي دلوقتى فاهم ولا لا
حسام : "
"
"
وسام : الو الو حسام ، يا نهار أسود لو ماجاش يا فضحتنا
عمرو : ( قرب من وسام ) في حاجه يا وسام ؟
وسام : ( وهي منزعجه ) عاوزه أروح الحمام
عمرو : نعم ؟
وسام : الحمام
**** ( بقلم : هند محمد ) ****
( دخلت وسام الحمام وأتصلت بالرقم اللي حسام كلمها منه )
وسام : حسام أنت فين ؟
حسام : انا ماشي بالعربيه مش عارف أروح فين
وسام : طب تعالي الفرح متفضحناش ومتفضحش أبوك دانا عرفت أن كل البلد مستنياك في القاعه
واحنا كمان اهلنا راحه القاعه لو ماجتش ميريهان هتتفضح
حسام : وسام انا ظلمتك بس والله غصب عني والله انا كنت ناوي أرجعلك انا ماكنتش هسيبك
وسام : طيب تعالي بس نعدي الليله وبعد كدا نشوف هنعمل ايه ؟
حسام : مانتي أتجوزتي عمرو و انا لو روحت الفرح كدا هتجوز مي وبكدا يبقى ضعنا من بعض طول العمر ، وانا عاوزك تكوني معايا انا بحبك أفهمي انا بحبك
وسام : "
"
طيب تعالي وعدي الموقف وبعد كدا طلق مي وانا هطلق من عمرو ونهرب نروح اي مكان ونتجوز وأنشالله نهاجر باره البلد أصلا
حسام : بجد يا وسام ولا بتضحكي عليا ؟
وسام : هو دا وقت ينفع نضحك فيه على بعض ؟
حسام : طب خلاص انا هروح على القاعه دلوقتى
وسام : وميريهان مش هتيجي تاخودها ؟
حسام : مش عارف انا مش عارف حاجه خالص انا عقلي هيتشل
وسام : خلاص خلاص روح انت على الفندق اللي فيه القاعه وانا هتصرف أول ما توصل كلمني
حسام : وانتي هتعملي أيه ؟
وسام : انا هتصرف المهم توصل القاعه
حسام : انا مش جاهز انا حتى لسه ملبستش
وسام : انا هتصرف انا هتصرف المهم تروح وتحضر الفرح ، متنساش أول ما توصل الفندق كلمني
حسام : حاضر يا حبيبتي
**** ( بقلم : هند محمد ) ****
مها : هنعمل أيه يا حسن ؟
