اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقة { 33 }
أم موني : افتح الباب يا عمرو انا مش قدره اقوم عمرو : حاضر ( قام عمرو وفتح الباب ) ايه دا علاء اتفضل علاء : أزايك يا كذانوفا عمرو : انا يا راجل دانا كنت بطبخ في المطبخ فين كذانوفا دا ؟ ادخل ادخل اتعشا معانا أم موني : ايه دا علاء ازايك يا حبيبي عامل ايه ؟ علاء : ابحمد لله تمام أزي صحتك انتي ؟ أم موني : والله الضغط هادد حيلي يا علاء ، بس الحمد لله على كل حال علاء : الحمد لله ، عمووور كنت عاوزك عمرو : خير يا حبيبي ؟ علاء : لا عاوزك لوحدنا عمرو : طب تعالي في الصالون ( داخلو في الصالون و علاء قفل الباب عمرو استغرب جدا وحس انا الموضوع خطير ) في ايه يا علاء قلقتني ؟ علاء : انت ايه حكيتك مع الموزه ههههه ؟ عمرو : موزه ، موزة ايه انا معرفش موزز خالص غير أمنيه و انت عارف علاء : يا راجل اطلع من دول دي البت كانت هتموت على نمرة تليفونك وعنوانك في المعرض عمرو : والله ما فاهم حاجه ، بت مين ؟ علاء : أها صابا عمرو : صابا مين ؟ علاء : اطلع من دول بقى ، قوولي قولي انته واعدها بأيه ، جواز ، ولا تكون اتجوزتها عرفي وبتتهرب منها ؟ عمرو : انت هتجبلي مصيبه ؟ عرفي ايه يا علاء انا عندي بنات حرام عليك ، براحه كدا وفهمني علاء : من شويه جاتلي بنت اسمها صابا البنت دي انا شفتها قبل كدا وانا بوصل لميس خطبتي للمطار لما كانه طالعين العمرة وقتها انا ادتها كارت المعرض عشان لو عازة تشتري حاجه - لما جات من العمره بقى النهاردة لقتها جيالي وعماله تتكلم تتكلم و في وسط الكلام قالت اسمك عمرو : اسمي انا أزاي **** ( بقلم : هند محمد ) **** #فلاش_باك# في المعرض
صابا : ههههه معقول عمرو طلع قاريبك ؟ علاء : مش انتي تقصدي عمرو احمد علي صابا : ايوه هو دا ياااااه دي ايام دا كان زميلي في الجامعه علاء : قولي والله ؟ صابا : والله ، دانا مصدقتش لما شفت صوره معاك على الفيس لما لميس ورتهاني علاء : دا عمرو دا حبيبي ونسيبي دانا وهو حبايب الروح بالروح صابا : اخبارو ايه بقى لحسن انا من ساعت ما اتخرجنا معرفش حاجه عنه ؟ علاء : لا اخبارو الحمد لله دا اتجوز بقالو بتاع 13 سنه وعندو 3 عيال دلوقتي صابا : لا والله ؟ اممممم وولاد بقى ولا بنات ؟ علاء : بنتين وولد ، ربنا يخليهمله صابا : أمين ، ممكن تديني رقم تليفونه بقى عشان انا مش عارفه اوصله خالص علاء : طب مانتي عندك الفيس ؟ صابا : الفيس قافل الرسايل وكمان قافل طلبات الصداقه علاء : اممممم طيب اديكي الفون مفيش مشكله **** ( بقلم : هند محمد ) **** عمرو : ( وهما لسه قعدين في الصالون ) اوعي تكون ادتها الرقم علاء : هو انا ادتلها الرقم وفي نفس الوقت مدتهولهاش عمرو : ازاي دي افهم ايه دلوقت ؟ علاء : انا ادتها رقمك بس اخر رقمين ادتهملها غلط عمرو : بقولك أيه يا علاء ، انا راجل متجوز ومش عاوز مشاكل علاء : احكيلي بس ايه علقتك بصابا دي ؟ عمرو : كانت زملتي في الجامعه بس هو دا كل الموضوع علاء : لاااااا من خبرتي باين اوي ان كان في حب بينكم عمرو : دا موضوع قديم وانا نسيته علاء : يعني كان في حب ؟ عمرو : مش هكدب عليك ، اه كان فيه بس هي اللى دمرت الحب دا علاء : ازاي خانتك ؟ عمرو : لا بس كانت عاوزه تشتريني ، هي ابوها غني جدا و سفير وعندو علاقات وهي بقى عاوزه نتجوز وهي اللى تشتري الشقه والعفش وكمان تشغلني و تخرجني من الجيش و تجبلي عربيه علاء : وسبتها عشان كدا ؟ عمرو : اه طبعا انا محدش يشتريني علاء : دانته عاوز الضرب بالجزمه ؟ انته ازاي تضيع فرصه زي كدا ؟ طب سيبك من الفلوس والامكنيات ، دا البت صاروخ اوووف يا خرابي عمرو : والله صاروخ لنفسها ، انا راجل ومحدش يشتريني وبعدين انته الحمد لله ادتها الرقم غلط لو كلمتك او جاتلك تاني اهرب منها علاء : ايوه انا صحيح ادتها رقمك غلط بس اااااا عمرو : بس ايه ؟ علاء : اصل هي سألتني انته بتشتغل فين وانا بحسن نيه قولتلها عمرو : يااااااه طب وقولتلها ايه كمان ؟ علاء : هي سالتني عن المشكله اللي كنت واقع فيها لما ضربة الوازير اصلها شافت الخبر على النت عمرو : وقولتلها ايه ان شاء الله ؟ علاء : كل حاجه من اول فرماوي لحد ما خارجت من مستشفى المجنين ههههههه عمرو : يا يومي اللي مش معدي علاء : انت خايف ليه هي مش موني سافرت حنتوسه خلاص حنتس انت بقى برحتك عمرو : احنتس ؟ علاء : اه حنتس عادي ههههههه - شفت صحيح وسام والجنان اللي هي فيه ؟ عمرو : وسام مالها جنان أيه ؟ علاء : بتحب واحد اسمه بيتر حنا عمرو : لا يا راجل ؟ علاء : دي هي اعترفتلي بلسانها ، بس انا مسكتش انا وانا جايلك كلمت عمي عمر وحكتله كل حاجه **** ( بقلم : هند محمد ) **** علياء : كدا برضو يا وسام ، ايه اخرك كدا وسام : باالله عليكي يا ماما سبيني في حالي دلوقتي عشان انا محبطه ميريهان : عملتي ايه مع شريف عرفه ؟ وسام : متفكرنيش عشان معيطش عمر : ليه معجبتهوش ؟ وسام : هو من نحيت عجبته فانا عجبته جدا بس المشكله مش فيه ميريهان : اومال المشكله في مين ؟ وسام : فيه هو ، اصله الجميع : اصله ايه ؟ وسام : مطلعش شريف عرفه المخرج المعروف ميريهان : اومال طلع مين ؟ وسام : انا اول ما وصلت الكافيه اللي في الهرم عمر : الهرم ؟ وسام : اه والله يا بابا الهرم ولو كان قالي الوحات كمان الواحات كنت هروح مريهان : طبعا دا شريف عرفه وسام : مانا كنت فكره زيك كدا علياء : لا احكلنا كدا من الاول وسام : انا اول ما وصلت لقيت واحد طخين كدا واسمه حسام و وراح مسك موبايلة واتصل بامه وادهاني تكلمني **** ( بقلم : هند محمد ) **** مها : انا بحبك اوي اوي ومتبعاكي من زمان اوي وسام : ربنا بخليكي وتفضلي متبعاني كدا على طول مها : اه طبعا هو انا اقدر مأتبعكيش ، بس دلوقتي حكاية سمر خلصت هتكتبي الجديدة امتى ؟ وسام : شويه كدا عقبال ما الاقي فكره او قضيه انقشها زي حكاية سمر كدا مها : اه كانت جميله ، واحلى حاجه فيها انك بتقولي محدش يتجوز لمجرد الجواز المفروض يكون فيه تكافئ وسام : وكمان العلاقات اللي على النت دي مجرد تسالي مش اكتر ولازم كل بنت تاخد بالها لان الموضوع دا كتر اوي مها : اها تقصدي فضل دا انسان مستهتر و بيتسلي ربنا يستر على البنات يا رب ، بس انا معجبه بدماغك اوي وسام : ربنا يخليكي ليه يا رب حسام : كفايا رغي بقى ماما ما بتصدق تتكلم ههههه وسام : اتفضل ( واديته الموبايل ) حسام : ايوه يا ماما مها : الله فين وسام ؟ حسام : ماما شريف جه سلام دلوقتي مها : طب هتتاخر ؟ حسام : لا ساعتين كدا مها : طيب ماشي سلام شريف : اهلا اهلا يا فنانه انا سعيد اني شفتك وسام : ( باصت يمين وشمال ) اهلا بحضرتك ، بس هو فين استاذ شريف عرفه شريف : انا وسام : لا مش انت انا اعرف استاذ شريف هو رفيع كدا و طويل ولابس نظارة شريف : هو انتي فاكره اللي كلمك استاذ شريف عرفه المخرج الكبير ؟ وسام : اه طبعا حسام : لالا انتي فهمه غلط هههههه خالص وسام : ( بانفعل ) انت هتفضل تضحك كدا كتير على فكره الضحك من غير سبب قلت ادب حسام : قلت ادب ؟ وسام : " " " اسفه بس انا اتدايقة عشان كنت جايه وفكره ان هقابل شريف عرفه شريف : طب مانا شريف عرفه وسام : شريف عرفه الاصلي شريف : وهو يعني انا مضروب ههههههه وسام : هي ليه قلبه معاك كومدي انته و الاستاذ شريف : اصل انفعل حضرتك كدا بجد يضحك هههههههه حسام : هههههههه وسام : الصبر يا رب المتر : تشربه ايه ؟ حسام : انا قهوه مظبوط شريف : وانا نسكافيه المتر : وحضرتك ؟ وسام : هتلي اي حاجه توطي الضغط المتر : حاضر وسام : طيب دلوقتي حضرتك كلمتني وقولتلي عاوزني اكتبلك فيلم شريف : ومش اي فيلم دا مشروع التخرج بتاعي عشان اخد الكارنيه ويعتمدوني في النقابه مخرج وسام : تمام ، بس طبعا اسمي هيتكتب على التيتر والافيشات شريف : اه طبعا وسام عمر الحريري وسام : لا انا الناس عرفني وسام الحريري شريف : انتي باباكي اسمه عمر فا ليه منستغلش الصدفه دي و نخلي الناس تفتكر ان ليكي علاقه بالنجم عمر الحريري بنته مثلا وسام : بس دا مش صح حسام : دي بقى اصول الدعايا ان تستغلي كل الصدف والثغارات البسيطه في انك تعملي اكتر دعايا باقل تكلفه انا مثلا اسمي حسام حسن و شريف ، شريف عرفه وسام : امممم فهمت بس الفيلم دا الابطال مين ؟ شريف : هو بطل واحد اللي هو حسام دا بس وسام : دا 👈 ؟ شريف : اه وخلي بالك انا معاييش فلوس وهصور عندي في البيت عشان مش معايا فلوس ااجر استديو وسام : ( هي مصدومه ) يعني عاوز بطل واحد و هتصوره في البيت ؟ طب انا اعرف ان الكميرات بتبقى حجمها كبير شريف : لا مانا هصور بالموبايل وسام : موبايل ؟ ( وحطت اديها على راسها 🙆) اه يا دماغي حسام : مالك في ايه ؟ عينك مالها احمرة كدا ليه ؟ وسام : ضغط بعيد عنك ، معلش ممكن توضحلي هو الفيلم دا مش فيلم للسينما برضو ؟ شريف : لالا دا فيلم للتخرج وكمان ناوي ادخل بيه مهرجان الافلام القصيره وسام : كمان قصيره ؟ يعني فيلم ساعه واحده ؟ شريف : لا 10 وسام : 10 ساعات ؟ شريف : لا 10 دقايق ، والمهم بقى من غير كلام خالص وسام : اه يعني فيلم صامت شريف : بالظبط - ها قولتي ايه ؟ هتألفيلي الفيلم ؟ وسام : تصدق وتامن بايه ؟ شريف وحسام : لا اله الا الله وسام : انا قي قمة الاحباط **** ( بقلم : هند محمد ) **** عمر : طب وبعدين ؟ وسام : ولا قبلين قولتلهم هفكر وهرد عليكم بكرا ، انا قولت برضو أخد رايكم علياء : انا عن نفسي تقولي لا فيلم ايه اللي يتصور بالموبايل وكمان من غير كلام ؟ عمر : بلا وجع قلب ومخ وبعدين انتي اللي هتعملي الفكرة صح ؟ وسام : اه ما هما مش عارفين لحد دلوقتي الفيلم هيتكلم على ايه عمر : يبقى قولي لا وريحي نفسك وسام : وانتي ايه رايك يا مي ؟ ميريهان : بصراحه انا شايفه ان هي فرصه ليه لا وبعدين الافلام دي بتتحط على اليوت يوب و بتتشير و بتبقى على الموبايلات والافلام القصيره دي مش هدفها الهدف الحقيقي في الرساله اللي جوه الفيلم وسام : صح عندك حق عمر : تقصدو زي الاعلانات كدا ؟ ميريهان : اه حاجه زي كدا وسام : طب الفكرة هتكون ايه ؟ وكمان الاسم هيكون ايه ؟ عمر : فكري انتي وشوفي دا شغلك ، المهم ايه موضوع بيتر اللي قولتيه لعلاء دا ؟ وسام : ههههههه هو قالك ؟ عمر : اه وعلاء بيقولك لو ملمتاش الموضوع ووسام عقلت ممكن تقلب فتنه طائفية وسام : ههههههه والله دا عبيط دا صدق دانا كنت بضحك عليه علياء : ما تفهمينا يا بنتي ؟ **** ( بقلم : هند محمد ) **** صابا : الو علاء : الو ، بجد بجد صوتك يهبل في التليفون صابا : متشكرة اوي مستر علاء علاء : لاااا انا كدا هزعل وانا لما بزعل بعيط يرضيكي اعيط ؟ صابا : ليه بس هو انا عملت ايه ؟ علاء : مش بتقولي مستر ؟ في اصحاب يقولو مستر ؟ صابا : طب خلاص علاء بس علاء : ايوه كدا اهو كدا افرح وانا لما بفرح بغني تحبي اغنيلك ؟ صابا : اكيد بس مرة تانيه ، اااا انا بكلمك عشان انا حاولت اكلم عمرو بس لقيت حد تاني بيرد وقالي الرقم غلط علاء : بجد ليه هو الرقم اللي معاكي ايه ؟ صابا : الرقم اللي هو ( وقالتله الرقم ) علاء : بصراحه مش عارف اصل الارقام على التليفون التاني و والتليفون نسيته في العربيه صابا : خلاص هكلمك بكرا و تدهوني علاء : ان شاء الله صابا : خلاص تصبح على خير علاء : وانتي من اهل الخير ( وقفل ) - انا مش عارف عمرو مش عاوز يكلمها ليه وخايف من ايه ، ما مراته مسافره يعني هو حر يعمل اللي هو عاوزه ، هاااااه رجاله مهزوزه **** ( بقلم : هند محمد ) **** ( عمرو نايم على السرير وبيتفرج على البوم صوره هو و موني الفوتوغرافيه ) عمرو : وحشتيني اوي يا موني ، متخفيش يا حبيبتي مش هنساكي ولا هعرف غيرك ، انا هفضل على وعدي ليكي انك تكوني حبيبتي ومراتي لوحدك ومفيش حد هيشركك فيه لاخر يوم في عمري **** ( بقلم : هند محمد ) **** ( وفي الفضاء ) تيشو : تشرب كافي يا لؤي ؟ لؤي : لا انا مش عاوز ريماس : فين موني ؟ لؤي : داخلت نامت في الكيس بتاعها تيشو : ايه رايك نقوم ببعض التمرينات الرياضيه ؟ لؤي : رياضيه ؟ والله انتي رايقه ريماس : المفروض تتمرن عشان واحنا في الفضاء عضلتنا بتضعف من انعدام الجاذبيه فا لازم نتمرن لؤي : طيب شويه شويه بقولك ايه يا ريماس هي السفينه دي شغاله بالوقود ايه بنزين ؟ ريماس : لا اكيد لؤي : طب ايه غاز ؟ ريماس : لا طاقه شمسيه لؤي : اها طيب بس يعني الشمس بعيده ريماس : والخلايه الشمسيه تقدر تنتج طاقه لو تعرضت للشمس لساعه و احده في اليوم ، شكلك نسيت المحاضرات اللي اخدناها في امريكا لؤي : بصراحه ماكنتش مركذ عشان كانت متاكد اني مش هسافر ريماس : انته جيت هنا بسبب العند وانك اتحديت مستر كافين لؤي : معلش معلش اهي تجربه ولازم نعيشها بقولك ايه هو انتي بتتصلي ازاي بالوكاله في كوكب الارض ريماس : عن طريق الستاليت لؤي : ستاليت ؟ قولي بجد ؟ ريماس : بجد **** ( بقلم : هند محمد ) **** ( والصبح بدري ) حسن : انتي نايمه ولا ايه ؟ مها : اه نايمه كويس انك صحتني عشان البنك حسن : لو تحبي أصحيكي كل يوم انا تحت امرك مها : بجد يا حسن ، عاوز تصحيني كل يوم ؟ حسن : يا سلام هو انا عندي كام مها ؟ دي هي واحده ، هي الغاليه مها : هههههه ربنا يخليك ليا يا رب حسن : انا كل يوم الساعه 7 هصحيكي مها : خلاص هعتمد عليك **** ( بقلم : هند محمد ) **** وسام : وهو حضرتك بتكلمني دلوقتي ليه ؟ حسام : عشان اسمع الفكره مش انا البطل ؟ وسام : بس انا كنت نايمه وبعدين لسه مفكرتش حسام : طيب اسف اني صحيتك وسام : لا مفيش حاجه حسام : هو ممكن رقم تليفونك عشان اكلمك في تفاصيل الفيلم ؟ وسام : تفاصيل ايه دا هو 10 دقايق وكمان من غير كلام حسام : هو انا ليه حاسس انك مش متحمسه ؟ لو على اجرك انا ممكن ادفعلك تمن الفكره والسيناريو ، بس متقوليش لشريف عشان هو صحبي من زمان وانا عاوز اسعده وسام : حضرتك الموضوع مش موضوع فلوس الموضوع اني محبطه حسام : ليه بس ؟ وسام : عشان انا كنت راحه اقبل شريف عرفه المخرج الكبير اللي كل افلامه بتبقى علامه من علامات السينما ، واتفجات ب فيلم صامت 10 دقايق وهيتصور بالموبايل حسام : طب وايه المشكله برضو مش فاهم ؟ وسام : هو حضرتك بتشتغل في ايه ؟ حسام : انا بشتغل في السياحه وسام : حلو اوي نفرض ان حضرتك واحد صحبك قالك انه هيجبلك فوج سياحي فا انته بقى فضلت تحلم انهم سياح روس ولا امريكان او حتى انجليز و اول ما الفوج دا نزل من الاتوبيس لقيته سايح واحد ومن الصومال هتعمل ساعتها ايه ؟ حسام : " " " #تفتكره حسام هيرد يقول ايه ؟
