الحلقه { 69 }
حسام : ( بعصبيه ) قولت هات مياه
جميل : حاضر متزوقش ( جاب مياه في كبايه ) اتفضل
حسام : ( بل ايدو بالمياه و و بايدو مشي على وشها بأيدو المبلوله )
وسام حبيبتي ، انا اسف
انا اسف والله
وسام : ( فتحت عنيها وشافت حسام )
حسام : حبيبتي انا معاكي اهو
وسام : ( بضعف و حزن ) حسام
حسام : قومي يا روحي قومي
وسام : انت اللي سرقت الصفحه ؟
حسام : معلش كنت بستفذك عشان تردي عليا
وسام : بتستفزني ؟
حسام : غصب عني مانتي حظرتيني و مش عاوزه تردي عليا
وسام : ( قامت قعدت على الارض حلو شافت كبايت المياة قدمها من غير تفكير و بدون اي مقدمات مسكت الكبايه و في دماغ حسام ) بتستفزني طب خود
حسام : 😡 ااااااه ( ووقع على الارض وهو ماسك دماغه اللي بتنزف )
وسام : قامت ومسكته من هدومه و بالرسيه في دماغه ) بتسرق صفحتي بتسرق شقى عمري ؟ طب خود
جميل : سبيهولي انا افتكرته دا الحرامي اللي كان عاوز العربيه الخضره ( وبالبكس في بطنه )
حسام : حرامي ايه يا متخلف انت عارف انا مين ؟
وسام : اقولك انا مين واحد معندوش شخصيه كلمه توديه وكلمه تجيبه ( وراحت عضاه في كتفه )
حسام : ( خلص نفسه من ايد وسام وقام من على الارض ) انا معنديش شخصيه ؟
وسام : ايوه وانا بقى اللي مش عاوزه اشوف وشك مش انا رخيصه و بتاعت شقق وباجي بتليفون ؟
حسام : ( واقف مش عارف يرد )
جميل : قطع لسان اللي يقول عليكي كدا هو في في أدبك ولا أخلاقك ؟
حسام : وسام انا أسف
وسام : انا اللي مش عاوزه اشوف وشك تاني باره بدل ما والله اجرجرك على القسم
حسام : ( وهو بيمسح الدم اللي نازل منه )
وسام : غريبه اول مره اشوف واحد جبله عندو دم و بينزف
حسام : انا جبله ؟
وسام : ( بسخريه و أستهانه ) ههاء متزعلش اوي كدا الحيونات برضو عندهم دم عادي
حسام : شكرا ابقى قبليني لو رجعتلك الصفحه
وسام : طوظ فيك و في الصفحه ميهمنيش
حسام : ( سابها ومشي )
جميل : هو مين دا يا انسه و سام ؟
وسام : دا غلطت عمري ، بس معلش مفيش حد بيتعلم ببلاش
"
"
جميل لو سمحت مش عاوزه بابا يعرف اي حاجه عن اللي حصل
جميل : هو انا فتان ؟
لالا سرك في بير ، بس انتي كنتي ماشيه معه يعني ولا ايه ؟
وسام : انا مش قولت خلاص يا جميل ؟
جميل : انا عاوز اطمن عليكي
وسام : اطمن انا كويسه
**** ( بقلم : هند محمد ) ****
مها : هاااااا ايه دا ؟
حسام : ( رابط دماغه و القميص فيه دم ) مفيش يا ماما
مها : انت اتخنقت ؟ مين ضربك و مين قطع القميص كدا ؟ مين مبهدلك كدا انطق ؟
حسام : 😠 وسام
مها : 😲 وسام العصفوره دي تضربك وتبهدلك كدا ؟
حسام : اهي العصفوره دي وقت العصبيه بتتحول تنين مجنح و بطلع كلام زي الزباله
مها : ليه ايه حصل فهمني ؟
حسام : ( حاكلها حصل ايه من اول ما خد الصفحه منها لحد ما مشي مأموص من المكتب ) بس وراحت قالتلي طوظ فيك و في الصفحه
يا ماما دي واحده قلبها جامد وشخصيتها عنيده و دمغها زي الطوبه
بابا كان عنده حق دي متنفعنيش
مها : صح صح دي فعلا متنفعش انت اللي نتفعك فعلا واحده زي منال
واحده تبهدل فيها برحتك تشتمها برحتك
ترميها بالشهر و الاتنين محدش يكلمك واحده لا كرامه ولا شخصيه انت عاوز واحده تعيش معاك بلقمتها
حسام : وهو انا كنت بعمل في منال كدا ليه مش بسببك ؟
مها : انا وانت غلطنا في حق منال الله يرحمها بس انا معزوره
انا ست ربية ابني طول حياته في مدارس لغات ودخلته الجامعه الامريكيه كان نفسي اجوزك وحده من مستواك الفكري و العقلي مش واحده مش عارفه تكتب اسمها
كنت شيفها قليله اوي عليك
بس دلوقتي ، لا بجد انته تستاهل منال ، دي كمان منال خساره فيك على الاقل البنت كانت مؤدبه و بتصلي وانت وقتها ماكنتش بتركعها
( وسابته و داخلت اوضتها )
حسام : ( قاعد و حاطط راسه بين ايدو وعمال يفكر )
