اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقة { 22 } ( وسام واقفه أمام مدينة الانتاج الاعلامي ، والولاد التلاته رافعين يافته مكتوب عليها 《 وكالت ناسا هتسفر ماما أمنيه ولؤي كوكب حنتوسه غصب عنها رجعولي ماما 》 ووسام واقفه جنبهم وفاتحه بث مباشر وبتدعو الناس للتضامن معاها والنزول للاشتراك في التظاهر ودعمها ) العسكري اللي واقف أمن : يا باشا البت دي كدا هتعمل لنا مشاكل الظابط : شويه وهتزهق سبها طول ما هي واقفه مبتعملش قلق خلاص العسكري : بقولك ايه يا باشا هو أيه كوكب حنتوسه دا ؟ الظابط : مش عارف ممكن مكان فى امريكا ما اصل ناسا دي فى امريكا العسكري : وايه ناسا دي كمان ؟ الظابط : اااااا انته هتقف تحكي معايا تمام يا عسكري وروح اقف مكان الخدمه بتاعك العسكري : تمام يا فندم
***** فاطمه : بعدين يا وسام هنفضل واقفين كدا ؟ وسام : انا كنت مفكرة أول ما اجي قدام المدينه هنا عند القنوات الفضائيه المعدين والمذيعين هيتجننو علينا عشان يسجلو معانا مصطفى : طول ماحنا واقفين في صمت وساكتين على الرصيف كدا محدش هيعبرنا وسام : عندك حق ، دا حتى الفانز بتوعي عماله اقولهم بقالي 3 ساعات أنزلو وتعالو ادعموني محدش عبرني فاطمه : يعني محدش شاف البث ؟ وسام : لا شافوه كتير وكمان عمالولي لايك جنى : والكمنتات ؟ وسام : الكل بيسأل على الحلقه اقولهم اخويا مخطوف وهيروح حنتوسه يقلولي طب ما يخودنا معه بدل القعدة جنى : ايه الناس الجبله اللي مش بتحس دي ؟ فاطمة : طب بعدين الساعه 8 كدا ماما هتسافر كمان 4 ساعات وسام : لالا لسه بدري انتي ناسيه فرق التوقيت ؟ مصطفي : اقولك تعالي نتخانق مع الامن وبكدا القنوات هتيجي تشوف سبب الخناقه وهيسمعونا وسام : طب هتخانق معاهم ازاي ؟ مصطفي : تعالي نرمي عليهم مليتوف وسام : مليتوف يا خراشي ، انت يا واد شراني كدا ليه ؟ جنى : خلاص تعالي نهتف ونقول ارحل وسام : اه عشان امك ولؤي يروحه حنتوسه وانا وانتم نروح ورا الشمس فاطمه : طب بعدين هنعمل ايه ؟ وسام : مش عارف ، يا رب حلها من عندك يا رب ( وشويه و وصل عمرو اديب المدينه اول ما وسام شافت العربيه من بعيد جريت عليه وطبعا هو داخل من البوابه على طول وسام والولاد جريو وراه ) وسام : استاذ عمرو استاذ عمرو في مصيبه هتحصل الظابط : وقفه وقفه ايه في ايه وسام : انا عاوزه اتكلم مع استاذ عمرو الظابط : بقولك ايه يا شطره انتي انا سيبك واقفه من بدري ومش عاوز اعملك مشاكل مصطفي : ولا تقدر تعمل لها حاجه انا معاها الظابط : ( باصله من فوق لتحت ) ماشي يا حبيبي ، بصي يا مدام خودي الولاد وأمشه انا مش عاوز اعملك مشاكل وسام : حضرتك بدل ما تمشيني حاول تساعدني ظابط : ( باستنكار ) اسعدك ؟ جنى : اه تساعدنا مش الشرطه في خدمة الشعب واحنا شعب وانته شرطة الظابط : وانا مش شرطه جنى : مش شرطه ازاي اومال ايه اللي في ايدك دا مسدس مياه ؟ الظابط : يا انسه خودي الولاد والبت القرشانه دي وامشي من هنا وسام : يا فندم احنا في مصيبه كارثه انا اخويا مخطوف وام الولاد دول مخطوفه وكالة ناسا للفضاء خطفتهم و هتسفرهم رحله لأستكشاف كوكب حنتوسه الظابط : انتي بتقولي ايه ، انا مش فاهم مفيش حاجه اسمها كوكب حنتوسه وسام : دا كوكب جديد الظابط : هههههه انتي مصرصره يا بت ولا ضربه ايه امشي يا بت بدل ما هجرجرك على القسم وسام : ( وقفت شويه وبتفكر وعماله تبص حوليه وشافت كميرات المرقبه )" " " " ( بصوت عالي ) حرام عليك متعملش فيه كدا ظابط : انا جيت جنبك يا مجنونه انتي وسام : وكمان مجنونه يعني بتهددني وبتشتمني ، طبعا مانته امك مربتكش ظابط : متجبيش سيرة امي وخليكي محترمه وسام : انا محترمه اكتر من اهلك ظابط : متخلنيش افقد اعصابي مصطفى : ولا تقدر تعمل حاجه ظابط : بس يا صرصار انت جنى : متقولش على اخويا صرصار الظابط : بس يا عرسه انتي جنى : انا عرسه دا سف وكسف اللي انته بتقوله دا الظابط : أيه ياختي ؟ جنى : سف وكسف انا سمعتها كدا فاطمه : قصدها سبق وقذف الظابط : " " " هو بجد اللي انتو بتقولوه دا ؟ جنى : تقصد ايه السف والكسف ؟ الظابط : لا اقصد الكوكب وناسا وسام : والله بجد والله الظابط : طب انتي عاوزه ايه ؟ وسام : عاوزه اطلع في اي برنامج واقول اللي حصل يمكن صوتي يوصل لمسئول كبير ولا حتى الرأيس ويقدر ينقذ اخويا و امنية الظابط : طب خليكي وقفه هنا انا هتصرف وسام : حاضر ( الظابط دخل المدينه و وسام فضلت وقفه وشويه خرج ومعه واحد ) الظابط : دا معد برامج روحي معه وهو هيتصرف المعد : اتفضلي يا انسه وسام : شكرا وشكرا لحضرتك الظابط : عشان تعرفي اني متربي واهلي ربوني وسام : على فكره انا كنت بستفذك عشان تتخانق معايا و الكميرات تصورنا و حد من القنوات اللي جوه يطلع يصورني واقدر وقتها اتكلم عن مشكلتي الظابط : ياااااه دانتي خيالك واسع اوي كل اللفه دي عشان تطلعي في قناه ؟ وسام : انا اسفه الظابط : لا مفيش حاجه الشرطه في خدمة الشعب صح يا عرسه ؟ جنى : تاني سف و كسف **** ( بقلم : هند محمد ) **** ( في اوضت عمر في المستشفي ) صفوت : ( رجله متجبسه لحد تحت الركبه ومعه عكاز طبي ) يعني ايه مش هيخرج ؟ علاء : يخرج ازاي دا ضارب وزير ومش اي وزير دا وزير الخارجيه وفي مكتبه ام موني : يعني ايه عمرو كمان راح العيال كدا لا أب ولا ام ؟ علياء : لالا متقوليش كدا أم موني : ماقولش كدا ازاي ما هي باينه اهو هو الوزير دا هيسكت دا مش بعيد يعتقلوه ولا حتي يلبسوه قضيه من عندهم عمر : متخفيش البلد فيها قانون مش هيقدرو يعمله كدا ام موني : فوضة امري ليك يا رب انته حسبي ووكيلي يا رب ولاء : ( قعده على جنب ومنهاره ) علاء : ولاء هو انتي معاكي فلكسات ؟ ولاء : مش عارف علاء : طب شوفي كدا وحوليلي شويه عشان انا فلكساتي خلصه وانا على الواتس أمل : هو دا وقت واتس ميريهان : ماما وسام بعتتلي رساله وبتقولي كمان شويه هتطلع مع عمرو اديب علياء : طب افتحي التليفزيون بسرعه علاء : مي معاكي فلكسات ؟ ميريهان : ( باصتله ومتكلمتش ) علاء : ما حد يحولي يا اما والله هنزل اشحن واسبكم من غير راجل ؟ صفوت : ما تتلم يالا هو انا وعمك مش مالين عينك علاء : معلش يا بابا ماختش بالي ، ولاء حوليلي فلكسات ولاء : ( بانفعال ) اسكت بقى اسكت حرام عليك لؤي ضاع هو وموني وانت قاعد بارد ولا همك عمي عمر تعبان وبابا مكسور وانته ولا حاسس انت ايه مابتحسش علاء : ( ببرود ) قولتي اللي عندك ، حوليلي فلكسات بقى
