الحلقة { 55 }
( وتاني يوم في المكتب وسام قعده على مكتبها و مسكه الموبايل و عمر على مكتبه )
عمر : انت كنت فين يا جميل ، كدا برضو اجي المكتب انا ووسام نلاقي المكتب مقفول
جميل : معلش يا حاج والله غصب عني الشهر العقاري زحمه اوي
عمر : و انت أيه وداك الشهر العقاري
جميل : اااا كنت بشتري عربيه لقيت عربيه لقطا و ايه ب 16 الف بس
عمر : و هتعمل بيها ايه دانت طول النهار في المكتب
جميل : انا قولت أجرها يا حاج وتجبلي قرش كدا يساعد على المعايش عاوز اكون نفسي واتجوز بقى
عمر : طب نوعها ايه العربيه دي ؟
جميل : على قدي يا حاج 128
عمر : وهتأجرها فين لقيت مكتب ؟
جميل : يعني اكون شغال في مكتب بسم الله ما شاء الله و في الاخر اروح ادور على مكتب ؟
وسام : والله فكره يا جميل دا في ناس كتير بتيجي تطلب عربيات رخيصه ب 100 او ب 50 جنيه ولما متلقيش بتمشي
جميل : ما انا قولت انا اولي بالناس دي واكيد انت يا حاج مش هتقولي لا
وسام : ونقولك لا ليه الارزاق بتاعت ربنا ، بس بص يا جميل الشغل شغل و انت زي الغريب انت التلت واحنا التلتين
عمر : تلت ايه وتلتين ايه انا مش
وسام : لا يا بابا معلش الشغل شغل وبعدين هو هيأجر من خلال اسم المكتب بتاعنا يعني لازم احنا برضو نشتغل ، بص يا جميل تمام احنا موفقين
جميل : الله يخليكي يا ست البنات يا رب تكوني اشهر مؤلفه يا رب اشوفك متصوره مع عادل امام يا رب
وسام : امين يا رب
جميل : شربتو شاي ، اروح اجبلكم ؟
وسام : لا انا حرانه حتلي موكا ساقعه
جميل : حاضر ، وحضرتك يا حاج ؟
عمر : هاتلي قهوه
جميل : حاضر ( خرج جميل من المكتب )
وسام : مالك يا بابا يا حبيبي في حاجه ؟
عمر : انا مش هتكلم ما خلاص اللي حصل حصل
وسام : ليه هو حصل حاجه ؟
عمر : معرفش اسألي نفسك
وسام : "
"
"
**** ( بقلم : هند محمد ) ****
شريف : ( بيكلم حسام في التليفون ) بقولك اللي انت حاكيتو دا انا مش شايف انها غلطانه
حسام : لا يا شريف غلطانه لما تكلم راجل غريب و تحجز شاليه هي تبقى غلطانه ، لان الحجز والحاجات دي حاجات رجاله
شريف : رجاله ؟ لا عادي طب انا امي مره كان السباكه عندنا ضربه في الشقه وابويا ماكنش فاضي امي راحت اتفقت مع سباك و والراجل جه و اشتغل و خلص و ابويا دفع وهو ساكت ، لا قال شغلت رجاله ولا ستات
حسام : وأبوها ميتكلمش ليه ولا اخوها ؟
شريف : عاوز تعرف ليه يبقى براحه وتكلمها بهدوء مش بعصبيها
حسام : انت هتقولي زي ماما
شريف : هي طنط قالتلك كدا ؟
طب شفت كلامي صح أزاي ؟
حسام : شريف انا بغير عليها ، مش متخيل حد يكلمها و لا يبصلها غيري
شريف : لا يبقى تعمل حسابك لو فضلت على كدا هتقضيها خناق في خناق
اعقل كدا و اديها مساحه من الحريه و الثقه
**** ( بقلم : هند محمد ) ****
حسن : هي البنت دي اتجوزة قبل كدا ؟
مها : تقصد مين ؟
حسن : وسام اللي بتكتب القصص دي ؟
مها : لا اللي اعرفه انها متجوزتش
حسن : اه ، استغفر الله ، طب خودي هتيلي قصه تانيه من قصصها بس هتي واحده قصيره شويه انا زهقت من القرايه
مها : تاخد حب لا يموت ؟ دي 3 حلقات بس
حسن : ماشي هاتي
مها : اهو اتفضل هي دي
حسن : اطلوبيلي شاي بقى لحسن صدعت
مها : سلمتك يا حبيبي
**** ( بقلم : هند محمد ) ****
جميل : ( بيكلم وسام بصوت واطي و عمر كان في الحمام ) معلش يا انسه وسام اني قولت كدا
وسام : لعلمك صح اللي انت عملتو عشان كدا انا جاريتك في الكلام ، و قولتلك موفقين مع ان بابا زعل مني بس بابا لما يلاقي العربيه بتشتغل هيقتنع
جميل : انا قولت برضو كدا عشان عيب اوي نشتغل من وراه ، وقتها لما يعرف هيزعل وانا مقدرش على زعل الحاج
وسام : عندك حق الحمد لله على موضوع العربيه ال128 ربنا يستر على الباقي
جميل : انا بقول ندق على الحديد وهو سخن عمر : ( خرج من الحمام وبيعدل هدومه ) حديد ايه يا جميل اللي سخن ؟
جميل : ااااا دا دا جيرياني يا حاج
عمر : مالهم جيرانك ؟
جميل : عندي جراني كانو جايبين عربيات وعاوزين يأجروهم فا انا قولت احنا اولى واحنا داخلين على عيد فا اية رأي حضرتك اخد العربيات من جيراني دول وناجرهم
عمر : لالا طبعا انا ماحبش اشتغل بعربيات مش عربياتي
وسام : يا بابا طب ما نجرب شهر واحد ، حتى شهر العيد دا ، وبعدين دا موسم والناس بتسافر ، وبتتجوز
عمر : يا ستي انا مش بحب اشيل المسؤليه الكبيره دي
وسام : انا بقى بحب اشيل المسؤليه
عمر : ولو العربيات بتاعت الناس اتسرقت ولا اتخبطت ؟
وسام : الحافظ ربنا
جميل : ما التأمين موجود يا حاج والعربيتين اللي بكلمك عنهم دول متأمن عليهم
عمر : بصو انا مش بحب اقطع الارزاق ، انا ماليش داعوه بالعربيات دي وحتى مش هاخد فلوس عليهم ، انتي يا وسام عاوزه تتحملي المسؤليه خلاص منك للناس بقى متجبيليش مشاكل
وسام : ماشي مني ليهم
وانا موفقه ، بس كدا مش هتاخد مني فلوس الايجار ؟
عمر : لا مش عاوز انا كفايا عليا عربياتي
وسام : خليك شاهد يا جميل ؟ ههههه
جميل : هههه ربنا يخليكم لبعض يا رب ، ها يا حاج اكلم الناس و أخليهم يجيبو العربيات ؟
عمر : انا قولت ماليش داعوه منك لي وسام انا ماليش داعوه
**** ( بقلم : هند محمد ) ****
( حسام في العربيه وعمال يفكر )
