مها : بس بقى يا حسن حسن : هنتكسف تاني هههههه طب خودي جايبلك هديه مها : وانا اقول ايه الشنطه الكبيره دي ؟ حسن : اتفضلي يا ستي مها : هاااااا ايه دا الله حسن : كل قصص و روايات أحسان عبد القدوس و يوسف السباعي و يوسف ادريس ونجيب محفوظ كمان مها : بس دول كتير اوي يا حسن هقراهم كل دول امتى ؟ حسن : في اوقات الفراغ - المهم اكلم حسام عشان يعمل حسابه ونكتب كتابنا بكرا ؟ مها : ( وهي ماسكه الروايات وعماله تقلب فيها ) ايوه بس انا كنت عاوزه اعمل فرح واعزم اصحابي حسن : لو عملنا فرح شكلنا هيكون مسخره ، بصي احنا نعمل حفله على الديق كدا و نعزم اصحبنا القريبين مننا وكمان اهلنا وبس ولا انتي عاوزه زفه بقى وفستان وسيرتنا تبقى على كل لسان ؟ مها : " ، " خلاص عندك حق بس نعمل حفله واعزم فيها اصحابي اللي في البنك حسن : وابو بدر و ام بدر ولميس اهم يجو يفرحه معانا مها : صح عندك حق ، طب و صابا دي سافرت امبارح اسبانيا ؟ حسن : كلميها والله هتيجي بسرعه نستناها هتتاخر يبقى خلاص كل واحد يشوف مصلحته **** ( بقلم : هند محمد ) **** حسام : خلاص يا شريف هجيلك بكرا نصور شريف : بس لازم تيجي قبل 7 الصبح عشان اخواتي يكونو نايمين ونشتغل برحتنا حسام : طب مانا اقولك ، انت تجيلي البيت وانا عندي هدوء مفيش غير ماما و امام ، وماما بتروح الشغل و إمام التمرين شريف : يعني عندك هدوء حسام : اكيد هدوء جدا كمان شريف : خلاص بكرا هجيلك ونصور **** ( بقلم : هند محمد ) **** حسن : زي ما بقولك كدا البنت حلوه و متربيه ومتدينه وبنت ناس اصيله سالم : المهم يا عمي بيضه ؟ حسن : اه بيضه وعينها عسلي كدا مديه على رصاصي شويه سالم : واسمها ايه ؟ حسن : اسمها لميس سالم : الله اسمها حلو اوي ، طب شعرها يا عمي ؟ حسن : بصراحه معرفش اصلها محجبه فا شعرها مش باين سالم : طب حاول تبعتلي صورتها يا عمي الله يخليك بدل ما اجي المشوار للقاهره على الفاضي حسن : طيب هحاول أخلي إمام يجبلك الصوره سالم : وهيعرف ؟ حسن : اكيد ما كلو على النت اقفل وانا هجبلك الصورة من إمام سالم : ماشي يا عمي متشكر اوي سلام
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
عبد السلام : ايه هيبعتلك صورتها ؟ سالم : اه إمام هيجبلي الصورة من على النت عبد السلام : هتتجوز واحده صورتها محطوطه على النت بيشوفها كل اللي يسوى واللي مايسواش هتلي بنت في البلد عندنا بيحطه صورهم على النت ؟ سالم : يابا ما كل البنات بتحط صوارها على النت وبعدين دي من مصر مش من البلد عندنا عشان تخاف تحط صورتها على النت عبد السلام : مش فاهم كلامك تقصد ايه ؟ سالم : البنات هنا في البلد هيحطه صورهم الوحشه على النت ليه عشان يتبهم بأية ؟ لكن بنات مصر قمرات يابا قمرات شعر سايح ونايح و عيون ملونه ، دا غير انهم بيض يا با بيض عبد السلام : طب يا واد ما مهجه بنت عمك شلبي بيضه سالم : دي كارته يابا كارته **** ( بقلم : هند محمد ) **** إمام : يا جدو بقولك هي مش حطه صورها على الفيس ولا الانستا حسن : طب اكتب في جوجل كدا وهتلاقي ان شاء الله إمام : يا جدو مينفعش ، هي اللي لازم تنزل صوارها على النت حسن : يعني جوجل مايعرفش يجبها ؟ إمام : لا ميعرفش مها : انا مش موفقه سالم المكعبر الطخين دا يتجوز لميس الكتكوته دي حسن : متترياقيش على خلقة ربنا ، وبعدين احنا رجالة العيله كله خشبها عريض مها : طب ما عبد السلام ما شاء الله مش طخين حسن : عبد السلام طالع لجدي ام امي ( وصل حسام من باره ) حسام : السلام عليكم الجميع : عليكم السلام حسن : بقولك يا حسام ملاقيش عندك صوره للميس ؟ حسام : 😒 صوره للميس ليه ؟ حسن : بفكر اجوزها لسالم ابن عمك حسام : 😑 امممم معايا صور اه بس قبل ما تتحجب حسن : بجد طب ابعتها لسالم ابن عمك كدا عشان يشوفه حسام : مابلاش يا بابا ، لميس مش هتقدر تسيب امها وتسافر البلد حسن : ومالو تسكن هنا وابن عمك يبقى يجلها و ولا حتى تاخد امها معاها البلد دا الجو هناك يرد الروح حسام : ماشي هبعتلو الصوره ( ووبعت حسام صورة لميس ) **** ( بقلم : هند محمد ) ****
