اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقة { 27 } وسام : ها يا بابا قولت ايه ؟ عمر : " " " لا مش موافق علياء : الله ليه يا عمر ما وسام بتقولك اللي اسمه بيتر موافق على اي شرط وضمنات وهيقبل باي فلوس تدهالو عمر : وليه اشيل مسئولية عربيه مش بتعتي ؟ وسام : يا بابا احنا هنشغلهالو يعني هتبقى بتاعتنا برضو عمر : لا مش موافق وبعدين انتي ايه عرفك ببيتر دا عرفتيه منين ؟ وسام : بيتر دا الظابط اللي كان واقف عند مدينة الانتاج الاعلامي وهو اللي ساعدني ودخلني البرنامج بتاع عمرو اديب علياء : كتر خيره والله ربنا يكرمة ميريهان : بصراحه يا بابا انا شايفها فرصه انك تشغلو العربيه دى ويسو بتقولي في ناس بتبقى عاوزه تاجر عربيات ومش بتلاقي عمر : استني انتي بس لما اعرف ، وهو دلوقتي بيتر دخلك لعمرو اديب و كتر خيرو وكل حاجه والموضوع خلص ، ايه خلاكي تتكلمي معه تاني بقى و تفتحه موضوع الشغل ؟ وسام : ما هو يا بابا في البرنامج قالو اسم الصفحه بتعتى ، وهو زي ما تقول كدا بيحب القراية القصص والروايات فا هو دخل بقى على صفحتي و قرا الروايات بتعتي وعجبته وكلمني على الفيس عشان يقولى رأيه في الروايات وكمان كان عاوز يكتب قصة حبه مع مراته بتول وهو بقى بيحكيلي فا جبنا سيرة الشغل بقى وكدا عمر : اه وهو كام سنه بيتر دا ؟ وسام : تقريبا كدا 30 ، 32 ، 35 بالكتير عمر : اه طيب وسام : طيب ايه موافق اشغلو العربيه ؟ عمر : ما قولتلك مينفعش وسام : طب هقولك على اتفاق ايه رايك اشغلهالو انا على مسئوليتي انا عمر : " " " لو على مسئوليتك انا موافق بس دا يتوقف على حاجه وسام : ايه هي يا بابا ؟ عمر : انتي كتبتي الحلقه بتاعت النهاردة ولا لسه ؟ وسام : لا الحمد لله كتبتها ورفعتها كمان عمر : خلاص هتيها واقراهالي والله عجبتني ولقتها كلامها حلو ومحترم هوافق ، لقيت فيها كلام خارج زي بتاع امبارح مش هوافق وهقطع عنك النت وهشيلو من البيت خالص ميريهان : ليه كدا يا بابا طب انا مالي انا مقدرش اعيش من غير نت عمر : هو كدا انا شعاري الحسنه بتخص والسيئه بتعم وسام : اوك يا بابا وانا واثقه ان الحلقه هتبهرك عمر : لما اشوف **** ( بقلم : هند محمد ) **** **** ( بقلم : وسام الحريري ) **** #حكاية_سمر الفصل السابع عشر فضل : ها تقبلي اكون انتيمك ؟ سمر : : : : فضل : مش بتردي ليه ؟ سمر : اصل انا عمري ما كان ليه اصدقاء رجاله خالص فضل : بس احنا مش هنبقى مجرد اصدقاء انا بقولك أنتيم ، يعني مش هنخبي حاجه على بعض و هنشكي كل همنا لبعض من غير خجل او كسوف سمر : تعرف انا بجد فعلا نفسي اشكي همي لحد ، انا ليه صحبتي بحكي لها لما بكون مدايقه ولاكن برضو مش بقول كل حاجه عشان متجيش في يوم تعايرني او تشمت فيه فضل : هو انتي ملكيش اخوات ؟ سمر : لا عندي 3 رجاله بس اكبر مني بكتير ومتجوزين انا الصغيره فضل : بصره انا كمان اصغر اخواتي و على طول لوحدي مش لاقي حد اتكلم معه منهم كلهم بقى متجوزين ومخلفين ومش فضيين ليه سمر : ومامتك وباباك فين ؟ فضل : موجودين بس كبار برضو انا تفكيري وارأي مختلفه عنهم انا على طول في الشغل ولما بروح بدخل الاوضه بتعتي اقعد على النت او بخرج واليومين دول بقى عشان قلق ومظاهرات مابقتش اخرج من البيت للشغل ومن الشغل للبيت سمر : مش بتخرج مع اصحابك ؟ فضل : مابحبش بصراحه سمر : ليه ؟ فضل : اكمني مش متجوز فا اصحابي بيستغلوني وادفع بقى يا فضل سمر : ههههههه شكلك بخيل زي جوزي فضل : لا والله بس مش بحب الاستغلال ، يعني ينفع كل مره اخرج انا و4 اصحابي وانا اللي احاسب على كل حاجه حتى لو خرجنا بعربية واحد فيهم انا اللي ادفع البنزين ؟ سمر : لا طبعا ايه دا ؟ فضل : طب على ايه بقى انا قولت بلاها انا اوفر الفلوس دي واحوش للبنت اللي هحبها واتجوزها سمر : هو انته خاطب ؟ فضل : لا لسه بدور معندكيش عروسه حلوه زيك كدا ؟ سمر : زايي ازاي هو انته شفتني قبل كدا ؟ فضل : انا فعلا مشوفتكيش بس اقدر اوصفك سمر : ازاي بقى ؟ فضل : باحساسي - بصي انتي شعرك اسود ومش طويل جاى على كتفك كدا صح ؟ سمر : ايه دا صح عرفت منين ؟ فضل : مش بقولك احساسي **** ( بقلم : هند محمد ) **** **** ( بقلم : وسام الحريري ) **** ( وتاني يوم ) سمر : ( بتكلم رحمى في البلكونة ) والله يا رحمى زي ما بقولك كدا وصفني كا انه شايفني رحمى : بس لون عينك او لون بشرتك والحاجات دي في معظم البنات يعني سمر : طب وشعري القصير اللي عند كتافي ؟ رحمى : اصله لو بالاحساس زي ما بيقول كدا يا سمر دا يبقى الواد دا حساس ورومنسي اوي سمر : انا برضو حسه كدا ، تعرفي انا هو كلمني الساعه 12 بليل خلصنا كلام على الفجر رحمى : ياااه وكل دا بتقوله ايه ؟ سمر : شويه نتكلم على الفن والفنانين شويه نحكي ذكريات شويه تكلم على الاكل اهو فضلنا نتكلم
