الحلقة { 57 }
ميريهان : وسام انتي عمله عامله صح ؟
وسام : صح
الجميع : ايه هي العامله بقى ؟
وسام : طب انا هرن على العامله واخليها تيجي بس من غير تهزيق ولا قلت قيمه !
الجميع : ماشي
وسام : ( رنت على العامله ) بصو وراكم كدا
الجميع : هاااا علاء مش معقول
علاء : ( وطبعا معه صابا ) وحشتوني وحشتوني وحشتو عيوني
صفوت : انت ايه جابك ؟
صفوت : ويسو كلمتني وقالتلي اجي عشان نكون مع بعض زي كل سنه غلطان انا يا صابا ؟
صابا : لا يا روحي مش غلطان
علياء : احسن انك جيت عشان نكون مع بعض
أمل : احسن حاجه عملتيها يا ويسو والله
وسام : دانا من الصبح بعمل حاجات كتير
أمل : ما دي احسنهم يا ويسو
عمر : تعالو نطلع الغرف انا تعبان من الطريق
وسام : مانا قولتلك انا ومي نريحك ونسوق احنا
عمر : هتسوق بيه بنت وانا قاعد لا مينفعش
علاء : ليه ما ينفعش دانا طول الطريق نايم على الكنبه ورا و صابا هي اللي سايقه
مصطفى : ونايم ليه كدا كنت سهران طول الليل شكلك هههه
علاء : ياخبيث ياللي فهمني انت
أم موني : يا رجلي ياما ، فين المفاتيح يا ويسو
وسام : في الرسيبشن تعالو نروح ناخدها
( كلهم راحو الرسبشن معادا جنى اللي مسكت ايد وعمرو )
جنى : بابا بابا
عمرو : ايه ما يلا نروح معاهم
جنى : استني هقولك وطي بس عشان محدش يسمع
عمرو : ( نزل على ركبه ) نعم ؟
جنى : هى دي العروسه اللي كانت في فرح انكل علاء ؟
عمرو : اه هي مش شيفاها واقفه جنبو وبتقوله يا روحي
جنى : اصلها شبه سارة صحبتك خالص
عمرو : يا بت هموتك يا بت ملكيش داعوه بحد فهمه ولا لا
جنى : الله هو انا عملت حاجه
عمرو : انا نفسي اعرف النصاحه والذاكرة الحديديه دي مش بتشتغل في المدارس ليه ؟
وسام : مفتاحك يا عمرو انت و مصطفى البنت مع عمتي
عمرو : ( قام وقف واخد المفتاح ) اوكي شكرا يا ويسو
جنى : ويسو هو ينفع الناس تكون شبه بعض ؟
وسام : اه طبعا في ناس كتير شبه بعض كتير
جنى : زي مين طيب تعرفيه ؟
وسام : مش في دماغي حد دلوقتي يا جوجو يلا نطلع نرتاح و شويه كدا على البحر هقولك
جنى : ماشي
**** ( بقلم : هند محمد ) ****
حسن : ايه بعتت ايه تاني ؟
حسام : خلاص بقى يا بابا مش كدا ، بجد كدا كتير
حسن : يبقى بعتالك كلام قلت أدب ، طبعا عشان تغريك و تخليك تلف حولين نفسك
حسام : لا والله دي بعتالي بتقولي انها هتنام شويه عشان تعبانه من الطريق فا هتقفل الفون
مها : حسام انت شايف وسام كويسه ولا لا ؟
حسام : انا شايفها اجمل انسانه في الكون
حسن : اجمل انسانه ؟ هو بالجمال ؟ طب ما يسرا اللوزي قمر الله اكبر مي عمر هي كمان قمر
حسام : يا بابا مقصدش الجمال اللي هي الحلاوه انا اقصد العقل والشخصيه و النضوج
بابا انا مش عاوز اتجوز واحده ليه انا ، انا عاوز أجيب ام لأبني تعوضه عن امه
حسن : والله كويس انك عارف الكلام دا
- انا خايف تكون اخلاقها وحشه ، يابني دا كاتبه قصص و مشاهد ليلة الدخله
تقدر تقولي و هي بنت كدا عرفت ازاي أيه اللي بيحصل في ليلة الدخله ؟
حسام : بابا احنا جيل بنعرف كل حاجه ، في تلفزيون و فيه انتر نت و في اصدقاء بنتكلم معاهم و بنعرف كل حاجه
- طب انت عارف إمام خش اسأله ايه بيحصل في اليله دي والله مش بعيد يقولك كل حاجه و بالتفاصيل
حسن : إمام راجل لاكن انا عاوز اجوزك قطه مغمضه عشان تقدر عليها
حسام : انا عاوز دي
وبحب دي
مها : وانا عوزه وسام و بحبها
حسن : انت قولتلها انك غني و اني الحمد لله ربنا كارمني ؟
حسام : اه يا بابا
حسن : "
"
"
طب انت أول مره تشوفها شفتها فين ؟
مها : مانا قولتلك
حسن : انا عاوز اسمع منه هو
حسام : اول مره كان معايا شريف صاحبي ودا مخرج كلمها و قالها انه عاوزها تكتبلو فيلم وانا البطل بتاعه
حسن : وطبعا جات تجري
حسام : بابا هي فعلا جات تجري بس هي جات تجري عشان كانت فكره ان شريف دا مخرج كبير
حسن : مخرج كبير ، البت دي بتجري ورا الشهره والنجوميه ، اهي دي لو اتجوزتها و وصلت وباقت مشهوره هتطلب الطلاق طبعا مانت مش هتبقى من مستواها
حسام : طب ممكن نقفل الكلام والنقاش في الموضوع دا
؛ انا نازل
مها : رايح فين ؟
حسام : في داهيه (ومشي ورزع الباب )
مها : انا متكلمتش قدام حسام عشان معملش خلاف بينكم
بس انا مش موافقه على ولا حرف من اللي قولته
حسن : بكرا الايام تثبتلك ، انا عاوز المصلحه دا ابني يعني اكتر واحد في الدنيا هخاف عليه
مها : ( بصوت واطي عشان إمام ميسمعش ) و مخفتش عليه ليه لما جوزته زمان الجوازه المنيله دي ؟
حسن : بالله عليكي و شهاده قدام ربنا هتتحسبي عليها يوم القيامه
¤ هي منال كانت شكلها وحش ؟
مها : لا كانت حلوه
حسن : كانت قليلت الادب ولسنها طويل ؟
مها :لا بصراحه كنت اقولها مهما اقولها ماكنتش ترد
بس ساعات كانت بترد عليا و تنكفني خصوصا في الاكل
حسن : كانت حرميه ؟
مها : لا انا كل دهبي و حاجاتي قدمها وعمر ما حاجه ضاعت
حسن : يعني البنت كانت حلوه و مابتردش و امينه ، عاوزه ايه تاني يا مفتريه اتقي الله
مها : بقى كدا يا حسن ماشي انا هقوم اشوف إمام و هسيبك لوحدك
**** ( بقلم : هند محمد ) ****
مها : حبيب تيته بيعمل أيه ؟
إمام : بجهز شنطتي عشان رايح النادي
مها : في حد يروح النادي في العيد و يسيب العيله بتعته ؟
إمام : ( باصلها وهو زعلان ) هي فين العيله دي ؟
بابا خرج و جدو اكيد شويه وهينام وحضرتك هتنامي ، انا بقى هفضل لوحدي ؟
مها : ( اخدته في حضنها ) لا يا حبيبي مش هنام ، وهفضل معاك وبعدين احنا في عيد الاضحي وانته بتحب الفته صح انا هدخل اعملك طبق فته بقى تاكل صوبعك وراها
إمام : وبعد الغدا ، ما انا هفضل لوحدي
مها : لا بعد الغدا هنروح سينما شوفلنا فيلم حلو كدا وبيضحك عشان نروحه
إمام : بجد هنروح انا وانتي ؟
مها : وجدك كمان اومل مين هيحاسب هو طبعا ههههه
إمام : خلاص ماشي بلاش نادي النهاردة
بس انا مش عاوز لحمه ممكن تعمليلي فراخ ؟
مها : بس كدا عيني يا حبيبي
**** ( بقلم : هند محمد ) ****
( حسام ماشي بالعربيه وعمال يفكر وكل كلام ابوه عمال يتكرر في دماغه )
حسام : اعمل ايه بس يا ربي
انا بحبها اه صحيح انا لسه عارفها من فترة قريبه بس حبيتها
وكمان هي زكيه و طيبه و حنينه و الاهم انها متقبله إمام
- انا لازم اخد فرصه اختبرها و اقرب منها اكتر من كدا الحب بس مش كفايه ، وبعدين دي عنيده وشخصيتها قويه
بس القصص اللي بتكتبها و تفاصيلها ؟
انت عبيط يا حسام هتقول زي بابا انت عارف يعني ايه تأليف و تمثيل
انا لازم اخد وقتي عشان مندمش بعد كدا و كمان عشان مجرحهاش هي و اهلها
- كان عندها حق وسام لما قالت مش هقول لاهلي غير و اهلك موفقين عليا
- انا هفضل اكلم نفسي كدا كتير ؟
فينك يا بدر فينك يا صاحبي انت اللي كنت بتسمعني و تحس بيه ؟
