اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقة { 21 } أم موني : يالهوي يا خرابي ، يعني ايه يا بطه فين فين الكلام دا وريني ؟ فاطمة : أهو يا تيته اقري اهو ؟ أم موني : ( قراءة الاخبار ) يا مصبتي يا مصبتي مصطفى : يعني ايه يا تيته انا مش فاهم ؟ أم موني : يعني أمكم ضاعت يا مصطفى مش هتشفها تاني ، يا حبيبتي يا بنتي دانا مخلفتش غيرها جنى : يعني ماتت ولا ايه ؟ فاطمة : وسام كاتبه انهم هيسفروها حنتوسه وهي متخدره جنى : متخدره يعني لونها أخضر مصطفى : أسكوتي خالص يا غبيه أنتي لما نشوف هنعمل ايه ؟ تيته لازم نقول للبوليس أم موني : ابوكم فين خرج من الصبح مرجعش ليه ؟ فاطمة : انا هكلم بابا **** ( بقلم : هند محمد ) **** علاء : يعني انا لسه مخرجك من القسم وانته عاوز تعمل محضر ؟ عمرو : ( بأنفعال ) طب اعمل ايه ؟ قولي في ايدي اعمل ايه علاء : ولو سمعت كلامك وروحنا عملنا محضر المحضر دا هتعملو ضد مين ؟ علاء : ضد ضد الوكاله اللي خطفة مراتي ولؤي علاء : ( موبايله رن ) الو يا بابا صفوت : انته فين ؟ علاء : انا مع عمرو ومروحين البيت عنده بس هو كان صفوت : ( قطعه ) لا متخلهوش يروح وهاته وتعالي علاء : فين ؟ صفوت : وزارة الخارجيه انا وعمك عمر هناك هات عمرو وتعالي علاء : طيب احنا جايين ( وقفل ) بابا وعمي عمر في وزارة الخارجيه وعاوزنا نروحله عمرو : طب يلا بسرعه استر يا رب استر **** ( بقلم : هند محمد ) **** علياء : ( في التليفون ) اهدي هيرجعه ان شاء الله أم موني : انتي بتضحكي عليا ، اخص عليكي تبقى عارفه كل النصايب دي ومخبيه عليا ؟ كدا برضو طب قوليلي كنت ادعي لبنتي وابنك يرجعه بالسلامه علياء : والله انا قلبي موجوع بس هعمل ايه أم موني : انا عاوزه اجلكم بس مش عارفه علياء : استني للصبح طيب أم موني : صبح دانا اكون اتجننت لو فضلت كدا للصبح ، دا غير أن العيال عمالين يعيطه و كمان عمرو مش عارفه راح فين ؟ علياء : هو كان بيكلم وسام ومره واحده قفل التليفون أم موني : هو عمرو كمان عارف ؟ علياء : اه وسام قالتله أول واحد أم موني : لا انا هجيب العيال و أجلكم علياء : طب استني هخلي ميريهان تجيبك أم موني : طيب بسرعه بدل ما والله هطلع اصوت في الشارع واقول هاتولي بنتي يا ناس **** ( بقلم : هند محمد ) **** حسن : ( في الفندق ) ايه يابني كنت فين ؟ حسام : ( بهزار وهو لابس لبس الاحرام ) كنت فين ايه كنت بصلي اومال هكون في الهرم حسن : تقوم تسبنا كدا وتختفي ؟ حسام : انا محتاج اكون لوحدي مع ربنا اتكلم برحتي اشتكيلو وأدعيلو برحتي مش عاوز احس ان في حد يعرفني معايا ، عاوز اكون انا وربنا بس حسن : " " " حسام : ايه زعلت ؟ حسن : لا فكرتني ب آيه في القرأن بتتكلم عن الانسان يوم القيامه [ يَوْمَ يَفِرُّ الْمَرْءُ مِنْ أَخِيهِ (34) وَأُمِّهِ وَأَبِيهِ (35) وَصَاحِبَتِهِ وَبَنِيهِ ( 36) لِكُلِّ امْرِئٍ مِنْهُمْ يَوْمَئِذٍ شَأْنٌ يُغْنِيهِ (37) ] حسام : بس انا مش عاوز اهرب منكم عشان بس ذنوب وخايف منها انا عاوز اقرب من ربنا عاوز اقول لربنا يسامحني وكمان اي انسان غلط في حقه يسامحني عاوز اكون مش عارف اوصلهالك أزاي بس حسن : خلاص يا حسام فهمتك حسام : تعرف يا بابا انا اول ما جيت هنا ومع اول ركعه ركعتها والكعبه قدامي شفت مين .؟ حسن : مين ؟ حسام : منال ، الله يرحمها كان نفسها اوي تعمل عمرة ليها ولامها واخوها وابوها حسن : الله يرحمها ، خلاص انته اعملها عمرة بعد عمرتك ، وانا هعمل لأبوها وهخلي أمام بعد ما يخلص عمرته يعمل عمرة لخاله أمام حسام : طب أم منال ؟ حسن : امك تعمل حاجه بقى حسام : انا كنت عامل حسابي اعمل عمرة لبدر حسن : أمه وابوه واخته هنا هما يعملوله ، وبعدين العمر قدامك ابقى اعمله مره تانيه ، أم أبنك اولى من صاحبك حسام : الله يرحمها ، ويسامحني على اهمالي ليها حسن : هو انته ليه مشيل نفسك سبب موتها حسام : عشان انا السبب ، المفروض من اول لحظه قالتلي فيها انا تعبانه كنت اوديها لدكتور مش بعد 6 شهور ، 6 شهور بتتوجع وانا مكبر دماغي وبحسبها بتدلع عشان اروح اشوفها في البلد حسن : مش هنعيدو تاني يا حسام خلاص اللي حصل حصل حسام : صح اللي حصل حصل وهي عمرها ما هترجعلي تاني حسن : نستني انا كنت مستنيك ليه ، انته دائما كدا حسام : ( مسح دموعه و وشه كله ) خير في ايه ؟ حسن : أمك سايقه العوج ، كل ما اقرب منها ولا اقولها كلمه تصدرلي الطرش يرضيك ؟ حسام : اصبر عليها هي بتختبرك ، وبتشوف هتستحملها ولا لا حسن : دي مش مديالي وش خالص حسام : معلش استحملها حسن : ربنا يصبرني عليها
**** ( بقلم : هند محمد ) **** عمر : ها يا فندم ايه الاخبار ؟ احمد : ( احد المسؤلين في الوزارة ) والله انا بلغت الوزير وهو قالي ان الصبح بدري هيجي عمرو : حضرتك الرحله بكرا الساعه 12 بليل لازم تتصرفه وتوقفه الرحله احمد : ازاي بس احنا ملناش علاقه بوكالة ناسا دا غير ان عقبال ما نكلم السفير هناك والسفير يعمل اجرأته هتكون الرحله انطلقت عمرو : يعني ايه كدا امنية راحت ، لا اعملو حاجه بدل ما اولعلكم في ام الوزارة دي صفوت : اهدي يا عمرو براحه عمرو : محدش يقولي براحه ومراتي مخطوفه احمد : انا مقدر موقفك بس يعني بدل انته خايف على مراتك كدا سفرتها ليه ؟ عمرو : عشان دا شغلها عمر : انا ابني كمان معاها ارجوك تخليني اكلم الوزير يمكن يعرف يتصرف احمد : حاضر انا هخليك تكلمه **** ( بقلم : هند محمد ) **** ام موني : ( بعد ما ميريهان راحت جابتها ) كدا يا وسام كدا متقوليليش ؟ وسام : ما يا عمتي انا خفت عليكي أم موني : لا كنتي قولتيلي على الاقل معرفش من الفيس كدا زايي زي الغريبه أمل : معلش اهدي كدا وربنا مش هيتخلى عنهم ، موني ولؤي ولاد حلال وربنا مش هيحرق قلبنا عليهم علياء : ( وهي بتعيط ) يا حبيبي يا لؤي ، دا كان عاوز يخطب بعد ما يرجع من امريكا ام موني : يا رب رجعهم بالسلامه يا رب ( موبايل وسام رن ) وسام : الو عمر : ايوه يا وسام عملين ايه ؟ وسام : زي ماحنا يا بابا وعمتي ميريهان راحت جابتها عمر : ليه قولتلها بس ؟ وسام : هي عرفت من الفيس - المهم حضرتك عملت ايه ؟ عمر : احنا بنحاول نكلم السفير في امريكا وكمان الوزير زمانه جاي وسام : طب عمرو ماكلمكمش ؟ عمر : هو معانا هو وعلاء وسام : طيب يا بابا ، وصلت لاي حاجه اتصل بيه وطمني عمر : حاضر **** ( بقلم : هند محمد ) **** مها : في حاجه وقعت من شنطتك يا صابا صابا : اه دا الكرت اللي اداهوني اللي اسمه علاء دا الصبح مها : اها انتي تعرفي المعرض دا فين ؟ صابا : مكتوب على الكرت في شارع جامعة الدول العربيه مها : في مكان مميز ، لما نرجع مصر نبقى نروح نشتري من هناك ، انا محتاجه لبس جديد عشان البنك صابا : عشان البنك برضو ولا عشان انكل حسن ؟ مها : ههههه لا طبعا البنك انتي ناسيه ان انا المديرة ؟ صابا : يا ماهي اطلعي من دول ههههه قوليلي لسه بتحبي انكل ؟ مها : انتي شكلك نسيتي احنا فين وجايين نعمل ايه صابا : لا منستش بس يعني هو الحب والكلام عن الحب حرام ؟ مها : لا مش حرام بس دا وقت الصلاه ، قراءت قرءان ، تسبيح ،قيام ليل ، مش تقوليلي انكل حسن **** ( بقلم : هند محمد ) **** أمام : ولا يهمك يا جدو انا هخلي تيته ترجعلك حسن : ازاي ؟ امام : انا هفضل اكلمها عنك و افكرها بالذكريات الحلوه اللي بينكم ، وانت برضو حاول تكون شيك و تحسسها انك بتحبها حسن : والله انا بعمل كل اللي بقدر عليه وانت شايف **** ( بقلم : هند محمد ) **** أم بدر : لميس اصحي يا لميس لميس : ايوه يا ماما محتاجه حاجه ؟ ام بدر : مش هنصلي الفجر يا بنتي ؟ لميس : هي الساعه كام ( باصت في الساعه اللي في الموبايل ) ياااه دا فاضل نص ساعه ام بدر : طب يلا عشان نصلي لميس : حاضر هقوم **** ( بقلم : هند محمد ) **** ميريهان : جني ومصطفى نامه ؟ وسام : اه نيمتهم فين وفين لما نامه ولاء : طب بعدين هنفضل قعدين كدا ؟ - ما تحولي تكلمي الشخص اللي كلمك بالصيني دا يا وسام وتشوفي يمكن يرد عليكي وسام : مانا بعتلو رساله مردش أم موني : ابعتي تاني يمكن يرد وسام : يا رب ، حاضر ادعو بس يشوف الرساله ويرد ( وسام بعتت رساله وترجمتها من عربي لصيني وبعتتها ) **** ( بقلم : هند محمد ) **** تيشو : ( بالصيني ) لسيو اخت لؤي بعتتلي رساله لسيو : طب هي عرفتك ازاي ؟ وانتي عرفتيها منين ؟ تيشو : موني هي اللي عرفتهاني لما انا قولتلها بحب اقراء قصص عربيه ، فا موني قالتلي ان أخت لؤي بتكتب قصص ودخلتني على الصفحه بتاعتها ، فانا الصبح لما خدره موني ولؤي بعت رساله ل اخت لؤي وقولتلها ، ودلوقتي هي بعتالي رساله وبتقولي طمنيني على اخي من فضلك لسيو : واضح ان موني و لؤي وقفه امام العاصفه وتحدوها تيشو : انا متعطفه معاهم جدا ونفسي اساعدهم لسيو : مش هتقدري تعملي حاجه لأنك مسافره معاهم تيشو : طب اقول ايه لاخت لؤي دلوقتي ؟ لسيو : قولي لها الحقيقه تيشو : طب بص خود الصفحه بتاعتها و عشان تتواصل معاها بعد ما امشي تيشو : طيب اوك هي اسمها ايه ؟ تيشو : وسام الحريري **** ( بقلم : هند محمد ) **** وسام : بعت رساله الحمد لله علياء : طب بعتلك ايه قولي ؟ وسام : استنه اترجمها عشان بالصيني أم موني : ها ترجمي طيب وسام : ان تيشو صديقة موني ولؤي واحنا حاليا في طريقنا الي موقع انطلاق السفينه الفضائيه و موني و لؤي ما زالو تحت تأثير المخدر وسوف ينتهي تأثيره بعد انطلاق الرحله أم موني : طب كدا يعني هما هيسفره ولا لا ؟ أمل : ما الكلام واضح اهو هيسفروهم وهما مش داريانين علياء : احنا هنفضل متكتفين كدا وحطين ادينا على خدنا ؟ ولاء : طب نعمل ايه بس ؟ ميريهان : اي حاجه ان شالله ننزل نعتصم في الشارع ، لازم نوقف التهريج دا وسام : ايه دا انا اتبعتلي رساله تاني بالصيني برضو ولاء : بتقول ايه ؟ وسام : عاوزه رقم التليفون علياء : طب اديها بسرعه ليكون حد هيطمنا على لؤي وموني فاطمه : يا رب رجع لينا ماما يا رب الجميع : يا رب وسام : انا بعتلو الرقم علياء : طب متكلمش يعني ؟ وسام : هبعتلو رسالة اقوله كلمني **** ( بقلم : هند محمد ) **** الوزير : ( وفي مكتب الوزير ) صدقني انا هعمل كل اللي هقدر عليه عمرو : المهم السرعه الرحله بكرا الساعه 12 عمر : بكرا ايه احنا الساعه 6 الصبح يعني فاضل 18 ساعه على الرحله الوزير : انا هكلم السفير ، تشربو ايه ؟ عمرو : ( وبعيون بطق شرار ) انا عاوز أمنية مش عاوز لا اكل ولا اشرب **** ( بقلم : هند محمد ) **** ( علاء و صفوت مستنين في العربيه وعلاء ماسك موبايله وشغال شات كتابه ) صفوت : انته بتعمل أيه ؟ علاء : اصلي لقيت نفسي هنام قولت افوق شويه صفوت : اه يعني بتعمل ايه ؟ علاء : بتشات يا بابا صفوت : هههه مع لميس ، طبعا مانت عريس علاء : لا طبعا لميس ايه ، دي بنت كدا لسه متعرف عليها من ساعه لما نزلنا العربيه انا وانت صفوت : تصدق انك معندكش دم علاء : ليه بس هو انا عملت حاجه **** ( بقلم : هند محمد ) **** ريماس : كيفين كفايا كدا بلاش موني ولؤي دول ملهمش فائدة في الرحلة كيفين : انا محدش يتحداني ريماس ريماس : انا خايفه يحصل لهم حاجه او يأذونا واحنا في الفضاء لما يصحه ؟ كيفين : ولا هيقدره يعمله حاجه كين : طب اهلهم ؟ كيفين : مش هيقدرو يعمله حاجه ولو عاوزين موني ولؤي يروحه الفضاء يجبوهم هههههه ريماس : انا مش بحب العند كيفين ؟ كيفين : هما اللي بدأه
**** ( بقلم : هند محمد ) **** ميريهان : انا خلاص مش قادرة افتح عيني وسام : انا بعمل قهوه عشان نصحصح شويه ( موبايل وسام رن اول ما رن وسام ردت من غير ما تشوف مين ) الو جميل : صباح الخير يا انسه وسام وسام : صباح النور مين معايا ؟ جميل : انا جميل اللي شغال في المكتب وسام : اها اهلا يا جميل خير ؟ جميل : الساعه 10 و استاذ عمر وحضرتك ماجتوش وفي ناس عاوزه تسلم العربيات وسام : لا احنا مش هنيجي اتصرف انت جميل : ليه كدا ؟ وسام : ظروف يا جميل ، بص مشي انت المكتب و انا هتبعك بالتليفون جميل : يعني استلم العربيه من الزبون ؟ وسام : اه بس شوفها الاول مخبوضه ولا فيها حاجه كدا ولا كدا جميل : حاضر **** ( بقلم : هند محمد ) **** عمر : ها طمني ؟ الوزير : بصراحه ااااا صفوت : يا سيادة الوزير احنا من امبارح وأحنا هنا ما تقول في ايه احنا على اعصبنا الوزير : الرحله خلاص على وضع الاستعداد والسفير مش في ايدو حاجه يعملها عمر : انا ابني مخطوف هو وبنت اختي ؟ الوزير : السفير ميقدرش يعمل حاجه لان مفيش اي طلب استغاثه او حد اشتكي منهم عمرو : يعني خلاص مش هشوف مراتي تاني الوزير : انا قدامي على النت الرحله هتستغرق 4 سنين رايح جاي ان شاء الله تروح وترجعلك بالسلامه عمرو : الله يسلمك يا حبيبي **** ( بقلم : هند محمد ) **** مها : ايه دا ؟ صابا : ايه مالك مها : وسام منزلتش الحلقه امبارح ، وبتقول اخوها مخطوف ووكالة ناسا خطفته وهتبعته كوكب حنتوسه صابا : هههههههه البنت دي خيالها واسع اوي ايه كوكب حنتوسه دا ؟ مها : مش عارفه هههه تفتكري دي الروايه الجديده ؟ صابا : يمكن مها : انا هكتبلها رساله وهسألها
**** ( بقلم : هند محمد ) **** علياء : حد بعتلك رساله يا وسام ؟ وسام : اه يا ماما دي من الفانز ، واحده رايقه بتقولي هو كوكب حنتوسه دا الروايه الجديده أم موني : ما هو كدا يا بنتي ناس هيصه وناس لايصه امل : دا علاء بيتصل ، الو علاء : ايوه يا ماما ولاء عندكم ؟ امل : ايوه عندي في ايه ؟ علاء : طب وسام ؟ أمل : كلنا موجودين في ايه ؟ علاء : اصل عمي عمر في المستشفى أمل : ايه عمر في المستشفى ؟ علاء : اه لما شاف عمرو بيضرب الوزير جاتله ازمه ههههههه المجنون ضرب الوزير وعمله ارتجاج في المخ الوزير و عمي عمر الاتنين في العنايه دلوقتي أمل : وانت فين دلوقتي ؟ علاء : انا مع بابا في اوضة الجبس أمل : جبس ليه ؟ علاء : ما بابا شاف عمرو ماسك الوزير بيضرب فيه جري عليه يحوش عمرو زقه وقع على رجله اتكسرت ههههههههه أمل : يا لهوي طب وانت كنت فين ؟ علاء : انا كنت في العربيه بعمل شويت تليفونات وانا في العربيه لقيت الاسعاف جات و نزلت الوزير على نقاله و عمي عمر على نقاله امل : طب و عمرو عمرو : هههههه انا اخر مره شفته أتنين مسكينه وملبسينه قميص المجنين وسحبينه على عربيه اسعاف باين ههههههههه وهو عمال يقول سبوني خطفه مراتي خطفه موني أمل : انته بتضحك على ايه يا ولاه ؟ علاء : طب اعمل ايه هههههههههه
**** ( بقلم : هند محمد ) **** ( طبعا بعد مكلمت علاء لامه الكل راحو المستشفي لعمر ، بس وسام مارحتش معاهم لا هى ولا الولاد ) علياء : سلمتك يا عمر كدا برضو تقلقني عليك عمر : ( بعد ما خرج من العنايه ) ابننا راح يا علياء هو وامنية علياء : ربنا مش هيسبنا كدا ميريهان : متخفش يا بابا الرحله لسه فاضل فيها حوالي 10 ساعات ان شاء الله وسام تقدر تعمل حاجه أم موني : هي خادت العيال وراحت فين ؟
