الحلقة { 48 }
علاء : انتي مالقتيش فستان عريان اكتر من دا ؟
صابا : يوووو بقى كل ما حد يبارك ويمشي تقول نفس الجمله
علاء : مانا اصلا خطبك محجبه ومحترمه جيت النهارده لقيتك فكره نفسك على البحر ومصيفه من ورا وقدام
صابا : مش عروسه
علاء : محدش قالك العروسه بتلبس عريان بعد الفرح مش في الفرح
صابا : انا مش هرد عليك
علاء : وانا مش هسكت على الصلط ملط اللي انتي فيه دا
صابا : هتعمل ايه يا مجنون الناس هتفضنا
علاء : هتصرف انشاله البسك جاكت البدله بتعاتي
صابا : انت ناوي تفضحنا اوعي تعمل كدا بابا عازم وزراء و ناس مهمه وشكلو هيبقى وحش لو عملت كدا ؟
علاء : وكتاب الله بتتكلمي جد ؟
صابا : اه والله العظيم
علاء : طب حلو اوي فرصه اخد تاري دا ربع مليون دولار وشاور لولاء انها تجيلو )
صابا : هتعمل ايه يا علاء
علاء : انتي تخرسي بدل ما تطلقي دلوقتي
ابو بدر : مبروك يا علاء ( وعينو على فستان صابا )
علاء : الله يبارك فيك عقبال لميس
لميس : مبروك يا صابا والله فرحتلك اوي فستانك يجنن
صابا : قولي لعلاء مش عجبو
أبو بدر : ليه بس دا حتى حلو و ميحرارش ههههه
علاء : 😠 اه مش بيحرر بس ممكن يجبلها برد
لميس : 😁 ههههه
ابو بدر : بعد ازنك بقى حنروح عشان ام بدر لوحدها
علاء : لا اتفضل متأخرش نفسك انا عارف انك بتنام بدري
لميس : مبروك تاني يا صابا ( وباستها و اتصورت معاها سيلفي وسابتها ومشيو )
ولاء : ايه عمال تشاورلي ليه ؟
علاء : حاتي الشال دا
ولاء : نعم ؟
علاء : هتفضلي متفجئه كتير ، حاتي الشال بقولك
ولاء : خود بس هتعمل بيه ايه ؟
علاء : هعمل بيه كدا ( و غطي بيه درعات صابا )
صابا : انت بتعمل ايه كدا شكل الفستان وحش
علاء : انتي خايفه على شكل الفستان ومش خايفه على شكلي ، انا علاء صحيح بس مش قورني
ولاء : ههههههههه
علاء : 😠 اخفي من وشي بدل ما هحصر امك عليكي انتي كمان
ولاء : هههه حاضر هههههههه
صابا : انت
علاء : خليكي حلوه بدل ما تطلقي ها خليكي حلوه
**** ( بقلم : هند محمد ) ****
كيفين : ازاي دا ؟
المسافه اللي وصلولها في وقت قياسي
كين : اعتقد ان خلال اشهر قليله هيكونو على سطح حنتوسه
كيفين : ريماس بتقول موني مصره انها تضاعف السرعه لانجاز المهمه اسرع في وقت قياسي
كين : صحيح هي غبيه وفشله ولاكن لو تم وانجزه الرحله في وقت اقل من الوقت اللي مقرارينه هيكون انجاز والتاريخ هيكتب اسرع رحله فضائيه في التاريخ واسمنا هيتكتب
كيفين : انا سعيد جدا يا كين ، و بالمنسبه دي انا عزمك عشان تحتفل
كين : وانا معنديش مانع
**** ( بقلم : هند محمد ) ****
( عمرو قاعد مع ولادة على تربيزه جنب تربيزة ام موني و أمل و علياء )
جنى : بابا هي الست بتتجوز كام مره ؟
عمرو : يعني ايه كام مره ؟
جنى : يعني الراجل بيتجوز 4 مرات الست بقى تتجوز كام مره ؟
عمرو : وانتي ايه عرفك ان الراجل بيتجوز 4 مرات ؟
جنى : من الحج فواز والحج متولي
عمرو : اه ، الست بتتجوز مره واحده بس
جنى : لا غلط
عمرو : هو ايه اللي غلط ؟
جنى : ما العروسه دي متجوزه 2
عمرو : 2 ازاي ؟
جنى : مش دي يا بابا صحبتك اللي انت قولتلي اديها الانسيال عشان جوزها بيغير عليها ؟
عمرو : ( بصدمه ) لالا مش هي دي واحده شبها
جنى : لا هي انا متاكدا أن هي دي
عمرو : و انتي ايه اللي مخليكي متأكدا
جنى : يعني هكدب عنيا ؟
عمرو : يا بت بقولك مش هي مش دي التانيا اسمها ساره ومتجوزه دي اسمها صابا و لسه هتتجوز
جنى : بس دي شبها خالص يخلق من الشبه 44
عمرو : ااه منك يا سوسه هااااا دا حماقي جه لووووووولي ( وقامت جريت تتصور معه )
**** ( بقلم : هند محمد ) ****
( حسام قاعد على تربيزه لوحده وبيكلم وسام كتابه و كأنه في عالم تاني مش في فرح )
مها : انت بتعمل ايه وسايبنا ؟
حسام : عاوزه ايه يا ماما
مها : محمد حماقي جه تعالي صورني معه
حسام : خالي بابا يصورك
مها : مش راضي غيران عليا
حسام : خلاص قولي ﻹمام
**** ( بقلم : هند محمد ) ****
( قعده على السرير وبتكلم حسام كتابه على الفيس )
وسام : انت روحت فين ؟
حسام : معلش بكلم ماما
المهم ، هتروحي السوق امتى بكرا عشان اجيلك
وسام : تعمل ايه انت بتعرف في العربيات ؟
حسام : هو في راجل مابيعرفش في العربيات
وسام : طب وهقول لجميل ايه عليك ؟
حسام : قوليلو خبير استراتيجي
وسام : هههه تقصد خبير ميكانيكي
حسام : اهو كلو خبره مش مشكله
انا بكرا فاضي و مش ورايا حاجه
وسام : اصل انا مش هشتري عربيه غاليا دي عربيه 128
حسام : يابنتي مانتي شرحتيلي الموضوع دا مرتين ، فهمت والله انا مش غبي
وسام : هو انت كنت جايب كام في ثانوي ؟
حسام : انا كنت ig مش ثانويه عامه بس كنت جايب تقديرات عاليه ، انا امي ماكنش عندها غيري فا كان تعليمي بشكل مميز هدف عندها ولما داخلت الجامعه الامريكيه كان بالنسبالها يوم عيد
وسام : يااااه ما شاء الله ، طب وباباك
حسام : بابا ميفرقش عنده التعليم المهم صحتي تكون كويسه ههههههه
وسام : بس اكيد باباك له دور لان ال ig و الجامعه الامريكيه مصاريفها كتير
حسام : دا غير المدارس بقى انا كنت في مدارس الماني لعلمك انا بتكلم 3 لغات انجليزي و الماني و فرنساوي
وسام : واو انا بقى بتكلم لغاتين بس
حسام : بجد ايه هي
وسام : مصري و شامي
حسام : شامي ؟ ازاي يعني في لغه اسمها شامي ؟
وسام : اه طبعا (وبالشامي ) ايه بحكي شامي مليح و بحكي مثل الشوام حسام بيك
حسام : ههههههه فهمتك ههههههه لا بجد غير الدبلجه اللي انتي عملتيها دي بتعرفي لغات ؟
وسام : انا اداب أنجليزي ؟ بس عشان اكون صريحه معاك مش بتكلم انجليزي برفكت لان مفيش ممرسه على طول بتكلم عربي بس بعرف يعني
**** ( بقلم : هند محمد ) ****
حسن : حسام تعالى شوف امك انا مش عاوز ازعلها
حسام : في ايه يا بابا ؟ مش عارف اكلم البت
حسن : بت مين ؟
حسام : نعم يا بابا ماما مالها ؟
حسن : عماله ترقص هي وخالك عزت على اغنية من قلبي بغني واقولها مترقصيش تقولي احنا في فرح متبقاش رجعي
حسام : روح ارقص معاها انت
حسن : انا مراتي ما ترقصش خالص ، روح حات امك بدل ما والله هخدها وامشي
حسام : معلش استحمل شويه وخلاص
حسن : يا واد امك بترقص وفي رجاله بتبص عليها
حسام : هي بترقص على واحده ونص ؟ يا بابا دى حركات كدا وخلاص بتعبر عن فرحتها
حسن : انت دمك بارد ( وسابه ومشي )
حسام : شكرا يا حج ( ورجع يكلم وسام )
- سوري يا وسام بابا كان بيكلمني
وسام : "
"
"
حسام : وسام
وسام
وسام
وسام "
"
"
حسام : ( رن عليها ومردتش ) الله هي مش بترد ليه ؟
*****
( قام حسام يشوف حاجه يعمله يرقص او يشوف اي حاجه بدل القعده فا بيبص على التربيزات فا شاف عمرو )
حسام : ( قرب منه ) مش ممكن عمرو
عمرو : حسام ازايك ( وقام سلم عليه و أخده بالحضن ) واحشني
حسام : وانت كمان ، فينك يا عم واحشني والله
عمرو : الدنيا بقى و الجواز ، شوف ولادي
حسام : ما شاء الله
مين العسوله دي ( وبسها من خدها ) اسمك ايه يا قمر
جني : انا اسمي جنى وانت اسمك ايه ؟
حسام : انا اسمي حسام
عمرو : دي غلابويه دي ملكش داعوه بيها
خليك مع فاطمه و مصطفى
حسام : ما شاء الله ربنا يخليهملك يا رب
انا كمان عندي إمام
عمرو : بجد انت اتجوزت ؟
حسام : انت فايتك كتير اوي ، انت تعرف حد من اهل العريس و ولا ايه ؟
عمرو : اه طبعا دا علاء دا قريبي علاء يبقى ابن اخو مرات خال مراتي
حسام : ولا فهمت حاجه ههههه المهم انكم قرايب
عمرو : علاء دا حبيبي
حسام : حبيبك وقبلت يتجوز صابا ؟
عمرو : إختياره انا مالي
حسام : طول عمرك دماغك كبيره
إمام : ( جالو ) بابا تيته بتقولك عوزاك عشان هيلبسه الشبكه
حسام : حاضر ، بس الاول سلم على عمك عمرو و اخواتك
عمرو : ما شاء الله دا كبير ؟
حسام : رايح 6 ابتدائي
عمرو : زي فاطمه يعنى
حسام : بجد طب حلو ذاكرو سوي بقى
إمام : نذاكر مع بعض مش ناخد فيس بعض الاول
عمرو : هههههه لا دانت داخل على طمع بقى
حسام : طالع لابوه ما بيضيعش وقت
إمام : بابا تيته عوزاك عماله تشاور
حسام : طب بعد ازنك يا عمرو هجيلك تاني
عمرو : ماشي يا حبيبي
إمام : انت فيسك ايه على الفيس ؟
مصطفى : أمشي من هنا معندناش بنات تدخل على الفيس
إمام : ليه يعني
مصطفى : انا كدا اخواتي البنات مش بيدخله الفيس
عمرو : هههههه
إمام : اوك سوري ( وسابهم ومشى )
مصطفى : ايه يا بابا بتبصلي كدا ليه يعني اسيبو ياخد فيسها ؟
عمرو : لا شاطر محدش ياخد فيس اخواتك البنات
فاطمه : وانا اصلا ماكنتش هدهوله
عمرو : ليه طيب
فاطمه : مش بضيف ولاد بنات بس
**** ( بقلم : هند محمد ) ****
( بعد مع حماقي خلص و مشي جات الشبكه و علاء لبسهالها و بعدها جات اصاله و فتحو البوفيه و بعد العشا جه عمرو دياب غنا كام اغنيه و مشي والفرح خلص على كدا صحيح الفرح كان فيه 3 نجوم حماقي و اصاله و عمرو دياب يعني كان المفروض يكون في روح من الفرح والسعاده الحقيقيه ولاكن بداخل كل واحد من الموجودين حاجه مديقه و كبته فرحته حتى الابتسامه المرسومه على الوجوه مجرد شكل على الوش ولاكن القلوب من الداخل موجوعه وحزينه )
**** ( بقلم : هند محمد ) ****
( والساعه 2 بليل أمام اﻻمطار )
حسام : هتوحشوني
مها : ( وهي زعلانه ) وانت كمان
حسام : خلاص بقى يا ماما متزعليش بابا بيغير عليكي
حسن : ترضيها على كرمتي تتصوري و انتي حطه ايدك على عمرو دياب وانا جنبك ؟
مها : دا الهضبه يا حسن عارف يعني ايه الهضبه
حسن : بلاه هضبه بلا المقطم بلا تكاتيكا فاضيه ، وبعدين لو هو الهضبه فانا الجبل يا مها ولا انتي مش عارفه مين هو حسن يوسف مالك القناوي
مها : لا عارفه
حسن : يبقى تتعدلي وتبطلي مسخره ولا انتي فكراني اخوكي اللي خلا مرات تبوس حماقي وواقف يصورها
حسام : ههههه خلاص بقى صلو على النبي احنا في المطار متفرجوش المضيفات عليكم
إمام : هتوحشني يا بابا
حسام : وانت كمان يا حبيبي خلي بالك من جدو وتيته ها و العب بقى عاوزك تلعب برحتك ولو عوزت حاجه قول لجدك على طول
حسن : جدك مين ؟
حسام : جدو انت ما إمام هيروح معاكم
مها : معانا فين في الهاني مون ؟
حسام : عشان يسليكم خلو بالكم منه بقى ماشي ، الشنط اها سلام انا بقى هتوحشوني ( وركب عربيته ومشي وطيران )
حسن : كدا برضو يا حسام ؟
مها : احسن عشان ما اكنش لوحدي ولو زعلتني الاقي حد اتسند عليه
حسن : طب يلاه يلاه الكلام مالوش لازم
إمام : عنك الشنطه انتي يا تيته
مها : حبيب تيته انت
**** ( بقلم : هند محمد ) ****
علياء : هاااااا يا حبيبتي دي نايمه و اللاب على رجليها
ميريهان : ما هي صاحيه بدري
- وسام وسام اصحي
وسام : ايه دا انتو جيتو ؟
علياء : انتي ايه منيمك كدا
وسام : والله ماحستش يا ماما ياااه الساعه كام
ميريهان : الساعه 2 ونص ، دا كان فرح خطير يا ويسو ومبطلتش ضحك طول الفرح
وسام : فستان العروسه كان حلو
علياء : هههههه حلو ماقولكيش دا كان مفتوح على البحري
وسام : ازاي عريان يعني ؟
ميريهان : شوفي الصور ( وادتها الصور )
وسام : يا حوستي ايه دا
ميريهان : شوفي شوفي الباقي
وسام : الله ايه الشال دا ؟ في عروسه تلبس شال ؟
ميريهان : هههههه طب يارتها كانا رسيت على الشال و بس شوفي دي ؟
وسام : هاااااا يا لهوي ايه دا
**** ( بقلم : هند محمد ) ****
صابا : ( في شقتهم ) انا صابا عزت ابو عوف تلبسني جاكت بدلتك وتحلف عليا بالطلاق يوم فرحنه
علاء : مانتي بتستهبلي كل شويه تعري كتافك وتقوليلي بيتزحلق يا علاء اعمل ايه ؟ صابا : انت بوظت اجمل يوم في عمري
علاء : انتي السبب المفروض كنتي عملت حساب اني راجل و مقبلش على كرمتي ان مراتي تقعد عريانه واللي يسوي واللي مايسويش يبص عليها
صابا : وكرمتك تسمحلك تتجوز في شقتي و على عفشي و كمان الشبكه والفرح اللي انا دافعه اكتر من ٨٠% من اللي انت دافعه كرمتك كانت فين وقتها ؟
علاء : الشبكه والفرح و الشقه والعفش انا وانتي اتفقنا عليهم لاكن ياهانم متفقناش على الفستان اللي عريان من ورا وقدام
يا هانم دانتي ضهرك كلو عريان لحد الاخر
صدرك كلو باين دا انا و وانا بلبسك الاسوره بابص على بطنك شفت سورتك يا هانم
انتي ازاي جسمك رخيص عندك كدا ؟
صابا : انت الكلام معاك مالوش فايده انا داخله انام
علاء : تنامي ؟ والدخله ؟
صابا : مافيش زفت ( وقلعت الجاكت ورامته في وشه وداخلت اوضتها وقفلت الباب بالمفتاح )
علاء : ( وهو بيحاول يغيظ صابا ) عادي على فكرة ولا يهمني
مانا اللي كنت عاوزه اشوفه شفته خلاص ، ومش انا لوحدي ، دا كل اللي كان في الفرح شافوه ولسه اللي هينزل على الانستا والفيس و يلا يا رايح كتر من الفضايح
صابا : بطل بقى ووطي صوتك دا حولينا جيران محترمين
علاء : تقصدي بقرون يا مدام بقرون
( رما نفسه على الكنبه وبصوت واطي ) يا بركة دعاكي ياما
**** ( بقلم : هند محمد ) ****
أمل : يااا لااااااااهوي
نص مليون دولاء قايمه ومؤخر ؟
صفوت : دا غير الشبكه بمليون جنية؟
أمل : مليون ليه هي مين بنت امبراطور النرويج ؟
صفوت : وشوفي بقى الفرح دا البوفيه لوحدو الفاتورة شفتها لقتها ب 300 الف جنيه
أمل : قلبي الحقني قلبي يا صفوت
صفوت : انتي لسه شفتي حاجه انتي تعرفي الفستان العريان دا بكام ؟
أمل : كفايا مش عاوز اعرف هيجيب اجلي ابن العبيطه
**** ( بقلم : هند محمد ) ****
( وقبل الفجر بدقايق حسام اتصل بوسام )
وسام : الو
حسام : انتي نايمه لسه ؟
وسام : انت بتكلمني ليه دلوقتي اصلا
حسام : عشان انتي عاوزه تكلميني و صوتي وحشك
وسام : مين بقى قالك الكلام دا ؟
حسام : ما انتي لو مش عاوزه تكلميني كنتي قفلتي عليا او حتى تقفلي التليفون لاكن انتى رديتي ، ورديتي ليه عشان أكيد اكيد صوتي وحشك
وسام : عاوز ايه يا حسام انا مش فيقالك انا عاوزه انام
حسام : قومي نصلي الفجر سوي باقي 10 دقايق
وسام : حاضر هقوم سلام بقى
حسام : لا سلام ايه دانا فاضي وقولت احكيلك شويه
وسام : تحكيلي ايه ؟
حسام : حكيتي انا ومنال
وسام : هو دا وقته انا عاوزه انام
حسام : انا فاضي دلوقتي ، ركزي بقى عشان نخلص
وسام : يووووو طيب قول
حسام : هههههههه ههههههه
وسام : بتضحك ليه ؟
حسام : فكرتيني بماما اصل كل ما تدايق تقول
**** ( بقلم : هند محمد ) ****
( وفي جناح مها و حسن )
مها : يوووو يوووووو يوووووو
حسن : في ايه بس ؟
مها : حسن احنا متفقناش على كدا
حسن : على ايه طب انا مالي الغرفه بسرير واحد انا مالي
مها : انا قولتلك وقولت لحسام لازم يكون في سيريرين
حسن : ليه بس ماحنا اتجوزنا و انتي دلوقتي مراتي يعني حلال تنامي جنبي
مها : انا بحب انام لوحدي
حسن : الله لا انا كدا بقى هزعل
مها : ما ما ما اصل ، انا مكسوفه اوي يا حسن
حسن : من ايه بس يا بنت الناس دانا جوزك طب هنطفي النور
مها : لا انا بخاف من الضلمه
حسن : طب اعمل ايه انا في الليله الغبره دي ؟ انام على الكنبه حاضر اهو ( ونام على الكنبه وهو زعلان )
مها : ( نامت على السرير و اتغطت ومش باين منها غير راسها ) حسن
حسن
حاااااسن
حسن : عاوزه ايه من زفت .؟
مها : ( بدلع ) انا خايفه
حسن : طب اعمل ايه انا ؟
مها : تعاله جنبي
حسن : يا مسبت العقل في النافوخ يا رب ( وقام وقرب منها ) انتي مش قولتي مش عاوزه حد جنبك )
مها : يعني بلاش ادلع عليك ؟
حسن : هو الساعتين اللي فاتو دول كانو دلع مش مرمطه ؟
مها : هههههه لا كانو دلع
حسن : طب ايه يعني طب انا اعمل ايه دلوقت
مها : مش عارفه بقى شوف انت عاوز تعمل ايه و اعمله
حسن : ااااا انا عاوز ااااا
مها : هههههه
حسن : يا حبيبتي يا مهاميهو
**** ( بقلم : هند محمد ) ****
وسام : ابوس ايد امك تقول جمله مفيده انا مالي بالاوتيلات اللي متوسط النزلاء بيسرقه الحاجاات من الغرف انا مالي
حسام : هههههه مش بشرحلك مشاكل الاوتيلات
وسام : وانا مالي انا مالي تقدر تقولي ، انت حكايتك ايه مع منال ؟
حسام : على فكرة انتي محبتيش عمرك لو كنتي حبيتي ماكنتيش عملتي كدا
وسام : ماشي انا محبتش انجز بقى عرفت منال ازاي ؟
حسام : بقولك صحيح هو باباكي و مامتك كانو عرفين موضوع محمد و طه اللي كانو بيحبوكي دول ؟
وسام : وانت مالك بتسأل في خصوصياتي ليه ؟
حسام : جوبي الاول وانا اقولك بسأل ليه
وسام : اه اكيد كانو عارفين ، وللاسف لما فركشت في المره التانيه بابا زعل جدا وجالو سكر من الزعل
حسام : لسه كدا ؟
وسام : عشان هو عرف ان طه سبني عشان الاعاقه
مش عشان حاجه تانيه زي محمد بالظبط فا هو بقى زعل عليا
حسام : طب و مامتك ؟
وسام : زعلت برضو بس ماما متمسكه شويه لاكن بابا عاطفي اوي و بيصعب عليه ودموعه قريبه اوي
حسام : ربنا يخلهولك
وسام : امين ، تعرف انا مش باقيت اقول حاجه لبابا تخصني عشان ميزعلش عليا
حسام : أزاي ؟
وسام : يعني انا مثلا عندي ضغط عالي و باخد دوا كمان ليه بس مش قايله لحد و باخد الدوا في السر عشان ميزعلوش
حسام : بس لازم اخواتك يعرفه او ماماك على الاقل
وسام : احنا في البيت مش بنخبي حاجه على بعض ، ودا اللي مدايقني ، انا اخواتي كل حاجه بيقلوهالي ، اعرف عنهم كل حاجه لاكن انا مش بقول لحد اي حاجه عني
حسام : اممممم بس كدا انتي بتضغطي على اعصابك
وسام : عشان كدا جالي الضغط
حسام : سلامتك
وسام : عادي بقى مش مهم
حسام : كنتي بتخرجي بقى و تسهري وكدا مع محمد وطه ؟
وسام : مش بخرج بالمعني اللي انت فهمه بس يعني ااا
حسام : يعني ايه ؟
وسام : الله ، في ايه يا حسام هو مين اللي بيحكي لمين ؟ انت اللي مفروض تحكيلي ؟
حسام : بقولك ايه هو انا لو قولتلك سر هتحفظي عليه ؟
وسام : اه طبعا قول
حسام : طب قبل ما اقولك السر ، انتي كنتي بتخرجي بقى و تتفسحه و تمسكه ايد بعض بقى وتقوله كلام الحب اللي بتكتبيه في رواياتك دا ؟
وسام : اقولك انا بقى مفاجأه وتصدقني ؟
حسام : على فكره انتي مش مجبره تكدبي عليا
قولي كل حاجه بصراحه وانا هصدقك
وسام : اصلي لو قولتلك مش هتصدق
حسام : لا هصدق عشان انا واثق انك انسانه صادقه و مش ملوعه ولا كدابه
وسام : المفاجأه أن انا مش بعرف اقول كلام حب ولا بعرف اتكلم بدلع ولا حركات البنات دي خالص
حسام : امممم دكر يعني ؟
وسام : عيب كدا على فكره اسمها راجل مش دكر
حسام : سوري خاني التعبير
يعني افهم من كلامك لو ، وانا بقول لو
اتجوزتك و بقينا في بيت واحد مش هتعملي معايا زي الروايات بتعتك ؟
وسام : زي رواياتي ازاي يعني ؟
حسام : يعني مزيكا هديه و شمع وعشا و بلالين طايره و و جليتر على الارض و الحطان
وسام : جليتر على الارض الحطان انت عاوزني ابوظ السجاجيد والحيطه ؟
حسام : مش رومانسيه بقى وحب متبادل ؟
وسام : والحب المتبادل دا لو في يوم قولتلك اغسل السجاجيد ولا صبن معايا الجليتر دا هيكون في حب متبادل ؟
حسام : هههههههه اكيد لا سجاجيد ايه اللي هغسلها ؟
وسام : خلاص يبقى مافيش جليتر
حسام : طب والشمع ؟
وسام : برضو شمع لا لانه ممكن يحرق مفرش السفره والمفارش غاليا
حسام : طب البلالين طيب حرام عليكي
وسام : والله لو نفسك في البلالين اقعد انفخهم انت
حسام : دانتي مفتريه ههههههه
وسام : ايه دا في اتصال على الموبايل ثواني يا حسام
حسام : مين على الويتنج ؟
الو الو ، دي قفلت
الله مين هيكلمها الساعه 8 الصبح
**** ( بقلم : هند محمد ) ****
وسام : الو يا عمرو انت فين ؟
عمرو : انا نايم في البيت في ايه يا ويسو عمي جرالو حاجه
وسام : لا الحمد لله بابا كويس ، المهم البس بسرعه و تعالي نروح مطار برج العرب انا وانت عشان مش هعرف اروح لوحدي
عمرو : برج العرب ؟ ليه ؟
#تفتكرو ليه وسام عاوزه تروح مطار برج العرب و ايه علاقة المطار بالمكلمه ؟
