اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الحلقة { 34 }
وسام : هو حضرتك بتشتغل في ايه ؟ حسام : انا بشتغل في السياحه وسام : حلو اوي نفرض ان حضرتك واحد صحبك قالك انه هيجبلك فوج سياحي فا انته بقى فضلت تحلم انهم سياح روس ولا امريكان او حتى انجليز و اول ما الفوج دا نزل من الاتوبيس لقيته سايح واحد ومن الصومال هتعمل ساعتها ايه ؟ حسام : ههههههه مالو بس الصومالي مش بشر ومن حقه يعمل سياحه ؟ وسام : اها انته هتستخدم اسلوب المساوه والعداله والناس سواسيه كا اسنان المشط ؟ لا انا مش بحب كدا ، رد قول هتعمل ايه لو لقيتو سايح واحد وصومالي ؟ حسام : مع اعتراضي في التفرقه العنصريه اللي انتي بتعمليها ، بس انا هقولك هعمل ايه انا كا حسام انا هاخد السايح دا واسكنه في فندق و اعملو برنامج سياحي حلو جدا وكل شويه اصوره وهو بيتفسح وبياكل و بيلعب واخد الصور دي واعمل بيها احلى دعايا للسياحه واجيب سياح من جنوب أفريقيا ومن العالم كلو عشان اجذب الناس اللي شبه ولون السايح الصومالي دا وسام : انت مش فهمني على فكره حسام : لا والله فهمك ، انتي كنتي حطه امل ان تشتغلي مع استاذ شريف عرفه المخرج العبقري اللي انا زمان كنت عندي امل اشتغل معه لو حتى مشهد واحد فا جيتي ولقيتي شريف عرفه المخرج المغمور الصغير اللي لسه اصلا متخرجش وسام : طب مانت فاهمني اهو حسام : انا فاهم بس هقولك حاجه محد بيكبر مره واحده ولو في فنان كبر مره واحده سهل اوي يفع لاكن الفنان اللي بيكبر واحده واحده دا هو اللي بيكمل لاكن بيبقى عندو رصيد وسام : عنك حق بس هو انت ازاي كنت بتحلم تشتغل مع شريف عرفه ؟ حسام : انا زمان كنت بمثل في مسرح الجامعه وكان عندي فرقه تبع قصر الثقافه و شريف دا كان ممثل معانا في الفرقه وكان اصغر واحد فينا هو بقى كمل دراسه ودرس اخراج وانا خلاصت الجامعه و عملت شركه سياحه و نسيت التمثيل وسام : امممممم تمام بس بصراحه انا مش بعرف اعمل حاجات صغيره 10 دقايق كدا انا اصغر قصه عندي 15 حلقه حسام : بصي الافلام دي بتبقى موقف ، او فكره شوفي موقف كدا وفكره واكتبيها وسام : ماشي هشوف كدا والمهم متكنش مكلفه و تنفع تتصور في البيت حسام : افهم من كدا انك موفقه وهتكتبي الفيلم ؟ وسام : اه ان شاء الله حسام : طب ممكن رقم التليفون بتاعك ؟ وسام : ليه ؟ حسام : عشان اكلمك انا وشريف ؟ وسام : طب ما انت بتكلمني على المسنجر أهو حسام : ما افرضي انتي قفله النت او الباقه خلصت مثلا وسام : لا انا مش بقفل النت خالص متقلقش حسام : طيب برحتك وسام : اوك بعد ازنك السلام عليكم حسام : عليكم السلام **** ( بقلم : هند محمد ) **** مها : ( وهي بتفطر ) كل دا نوم ؟ حسام : ( قعد جنبها على السفره وبدء يفطر ) انا صاحي من نص ساعه وكان معايا تليفون مها : اممممم كنت بتكلم مين ؟ حسام : وسام الحريري مها : ( بفرحه ) هاااا بجد يعني بدأت تتقرب منها ؟ حسام : " " " والله ما عارف اقولك ايه ؟ مها : انت مش امبارح قولتلي انها هتكتب فيلم وانت هتكون البطل حسام : بصي هو الموضوع كان شريف بيعرض عليا عشان مش لاقي ممثل ، ولما قالي أنه كلم وسام الحريري انا قولت فرصه اشوفها واتعرف عليها مها : وشوفتها وانت بلسانك امبارح لما رجعت قولتلي انها حلوه وأحلى من القمر كمان حسام : بس انا مقولتلكيش كل حاجه ، هي اااا مها : مالها ؟ حسام : عندها اعاقه في رجلها بتمشي بتعرج شويه مها : لا حول ولا قوة الا بالله ، مع انها زي القمر " " " طب ما يمكن ما تكنش اعاقه ممكن تكون حادثه وسببت في كدا حسام : يمكن بس ارجع واقولك المهم انها بتمشي وبتتحرك ، و بتحرك اديها وجسمها بشكل عادي وكمان بتتكلم حلو جدا وبتفكر حلو ، دي كمان بتسوق دي عندها عربيه مها : يعني مستواها المدي كويس ؟ حسام : لا مستواها المدي كويس جدا هي صحيح عربيتها صغيره بس شكلها بناتي يعني كل البنات ركبنها ، ولبسها حلو وشيك وكمان كانت لبسه اكسسوار دهب رقيق اوي ومكياجه هادي كدا و حلو مها : حيلك حيلك ، دانت ناقص تقولي لون الجزمة بتاعتها ايه ؟ حسام : كانت لبسه كوتشي ابيض على فكرة مها : واضح اوي انك شفتها كويس اوي و بالتفاصيل حسام : يعني المهم عندي الدماغ والشخصيه مها : لا لو على الدماغ انا اضمنلك الموضوع دا دي عليها شوية قصص تجنن حسام : محسساني انها عليها شويت اكل يجننه هههههه مها : كفايا اكل بقى وحاول تخس ، عشان تعجب وسام ، وهي يا حبيبتي صغيره كدا وزي العصفوره حسام : هي عصفوره وانا ايه ؟ مها : تنين **** ( بقلم : هند محمد ) **** سالم : ياعمي انا كدا الشغل هيبقى كتير عليا حسن : انت قدها يا سالم ، وبعدين انت يا دوب هتشرف على الارض وانا كل كام يوم هاجيلك سالم : انا كنت عاوز اعمل مشروع في مصر وكنت عامل حسابي ان حضرتك و ابويا اللي تتابعه الارض والبهايم حسن : مشروع ايه دا ؟ سالم : محل ابيع فيه الخضار والفاكها بتوع ارضنا وكنت عاوز اعمل مصنع تعبئه وتغليف للخضار وتغلفاها و كل حاجه تبقى بالكيلو زي المحلات الكبيره ؟ حسن : تصدق ان إمام قالي نفس الفكرة ؟ سالم : بجد طب يعني موافق يا عمي ؟ حسن : بدل انت و إمام جه في دماغكم نفس الفكرة يبقى على خيرة الله ، انت شوف أرض كدا هنا ينفع نعملها مخزن ومصنع و انا لما اروح مصر هشوف مول حلو كدا و هأجر في محل كبير و اعملو سوق و هسميه سوق القناوي على اسم العيله سالم : بس يعني انا هكون شريك و الحقوق المديه لازم نثبتها بالعقود . حسن : وانا مواقف وكل اللي ليه قرش يثبته ويضمن حقه **** ( بقلم : هند محمد ) **** لميس : لسه فاكر جاي تشوفني ؟ علاء : انا قولت اسيبك برحتك امبارح واجيلك بقى النهاردة عشان نخرج لميس : مش هينفع بابا لسه جاي من الشغل لسه هغديه و كمان ماما السكر عالي عليها مقدرش اسيبها لوحدها علاء : امممم لا سلامتها طب هنخرج زي باقي خلق الله امتى ؟ لميس : هنخرج نروح فين ؟ البيت احسن انا مش بحب الخروج علاء : اومال بتحبي أيه ؟ لميس : بحب اعمل اي اكل كدا حلو واقعد قصاد التلفزيون واتفرج على افلام اجنبي علاء : يااااا سلااااااام امممممم طب mbc2 ولا mbc اكشن ؟ لميس : بتفرج على الاتنين ابو بدر : ( خرج من الاوضه بالجلابيه ) منور يا علاء علاء : دا نورك يا عمي ابو بدر : فين الغدا يا لميس انا جاي جعان لميس : حاضر يا بابا هقوم اهو علاء : طب انا هقوم بقى عشان سايب المعرض لوحده أبو بدر : لا اقعد اتغدا معانا علاء : لا معلش عندي شغل أبو بدر : لا والله مانت نازل لازم تاكل معايا **** ( بقلم : هند محمد ) **** ( وعمرو خارج من الشغل بتاعه ورايح يركب عربيته ) عمرو : ( فتح باب العربيه بالريموت وركب وقفل الباب ولسه هيدور عشان يطلع ) صابا : ( فتحت الباب اللي جنبه وركبت بسرعه وبكل سعادة قالت ) اخيرا لاقيتك ؟ عمرو : ( بفزع ) بسم الله الرحمن الرحيم ، ايه دا انتي مين ؟ صابا : مش فاكرني ؟ يمكن عشان اتحجبت ، اصل انا لسه راجعه من عمرة عمرو انت واحشني أوي دورت عليك كتير بس الحمد لله لقيتك عمرو : صبا ؟ صابا : ياااااه يا عمرو اسمى منك له شكل تاني انت الوحيد اللي بتقولي صبا وحشتني أوي أوي عمرو : ( بعد ما جمع افكاره و امتلك اعصابه ) صبا انا راجل متجوز وعندي عيال ومش اي عيال دول قرود صابا : وحشتني ، ممكن تعزمني على الغدا ؟ عمرو : انا بتغدا مع ولادي صابا : نستني و اتجوزت ، تعرف انا منستكش لحظة بص ( وطلعت من شنطتها الموبايل ) شايف انا لسه محتفظه بالصور بتاعتنا صحيح هي كانت فوتوغرفيا بس انا عملتلها اسكان عمرو : انتي عاوزه ايه ؟ جيالي ليه ؟ صابا : مش عاوزه حاجه ، كل اللي عاوزه ان نرجع اصحاب تاني زي زمان عمرو : قولتلك انا راجل متجوز صابا : هو انا بقولك اتجوزني ؟ انا بقولك نكون اصحاب ، فاكر الشله بتاعت زمان ؟ حسام و بدر و شيمو و رهف عمرو : انا مش بكلم حد و مش بقابل حد ومش عاوز اصاحب حد ، ولو سامحتي انزلي من العربيه صابا : على فكرة اوعى تكون فاكر اني ممكن اقبل اتجوز واحد متجوز و عندو 3 عيال عمرو : اومال جيالي ليه ؟ صابا : مانا قولتلك عشان نرجع اصحاب تاني عمرو : وانا مش بصاحب ويلا بقى انزلي صابا : لسه عصبي زي زمان ، لسه بتحب منير و فؤاد زي زمان ؟ عمرو : ياااااااااربي لا يا ستي بحب حماقي ارتحتي ؟ صابا : تصدق انا كمان بموت في حماقي خصوصا اغنية << كنت سيبني لحد آخر لحظه جنبك سيبني اقولك قد ايه وازاي بحبك مهما طال بينا البعاد مش هنسى حبك واشوفك يوم على خير
