الفليل ف بيت ابو فارس تحديداً غرفة فارس وأميره .. كانت حاطه راسها على صدره وسرحانه وهو كان يمسح شعرها ويطالع الفلم بهدوء.. فجأءه طلعت لقطة ام تحضن عيالها ابتسمت بحزن وقالت.. أميره: يا حظها فارس: بتكونين يوم من الايام مكانها .. ان شاء الله أميره: متى؟!! ... متى بي اليوم هذا .. ابا اجرب شعورها .. ابا اجرب شعور خوله اليوم .. كيف كانت خايفه على عيالها كيف حضنتهم يوم شافتهم كيف كانت حنونه معاهم كيف هم كانوا حنونين عليها وخايفين عليها .. ولا اذا زعلت يراضونها ولا اذا مر... قاطعها فارس وهو يحط صبعه على شفايفها: اششش اشششششششش .. احمدي الله واشكريه على النعمه الي انتي فيها .. كل شيء خير من عند رب العالمين .. وبعدين ليش مستعيله على موضوع اليهال اصبري الصبر مفتاح الفرج أميره: ما اقدر فارس ما اقدر ... ما اقدر اتحمل اشوف عموه تبتسم ابتسامة حزن كل ما شافت ياهل.. ولا هند الي تروح بيت أعمامك ولا بيت يدوه بس عشان تلعوز اليهال وتلعبهم .. ما اقدر اتحمل اشوف فيصل يؤدي العيال الدكان ويهدد اذا حد سوا ازعاج ما بيوديه .. ما ا... فارس وهو يمسك ويهها : أميره أميره .. صدقيني محد جذي ... كلهم يعرفون ان هذا الشيء مب بيدنا .. ليش اتفكرين هالتفكير .. نحن الحمدلله فحصنا وطلع ما فينا شيء .. المسأله مسألة وقت وبس .. هذي كلها اوهام الي قاعده تفكرين فيه أميره : ما اقدر اتحمل اسمع نبرة الحزن الي فصوتك يوم تواسيني فالموضوع هذا وانا اعرف مليون فالميه انك تبا ياهل يشل اسمك ... ما في حد ما يبا يجرب شعور الابوه فارس: بس متفائل ان الله ما حرمنا من الشيء هذا 4 سنوات الا ان قدام في شيء احسن من هذا أميره: بس اخاف بعدين تمل وت.. فارس: ليش سكتي ... ادري قصدج اتزوج عليج .. لا تخافين ما بيصير من هذا الشيء ابداً .. ما اقدر ابدل القمر بنجوم ................................................... بعد ثلالث أسابيع .. الساعه10 الصبح كانوا كلهم متجمعين ف حوش بيت اليد كالعاده .. ولكن هالمره هند كانت متأخره عليهم .. اما عند هند ف كانت مروقه لأبعد حد و اتسوي كل شيء على راحتها .. خذت دواها وقالت انها بتتريق عند يدتها .. طلعت تمشي وتغني ومستانسه على الجو فجأة سمعت صوت كلب ينابح ... قعدت ادور الصوت .. وكان الصوت ياي من بيت ابو خليفه .. عاد هند واللقافه يصيرون ربع .. تقربت من الباب عشان تتأكد ولقت الباب مردود وفتحته .. شوي ولا اتشوف كلب بوليسي كبير ( مثل هذا 👇)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
