أحتجتلك يا أطيب بشر وين ألاقيك؟؟

17

الساعه 3 فالمستشفى ... كلهم زاروا جود وتحمدوا لها بالسلامه .. اما هند ف محد يدري انها طاحت عليهم بطلب من ذياب وإذا اي حد سأل عنها يقولون انها طالعه مع ذياب .. اما ذياب يوم عرف سبب طيحت هند عصب على البنات وقعد يهزبهم لدرجة ان صارت مشاده فالكلام بينه وبين نوره

عند هند وذياب .. كان قاعد عندها وماسك ايدها ويمسح عليه بإبهامه .. محتار ما يعرف شو يسوي .. هل يعاتبها عشان الي سوته ولا يتحمد لها بالسلامه لانها بحاله جيده من بعد ما كانت حياتها معرضه للخطر .. وشوي وسمعها تكح رفع راسه لها وشافها قاعده اتطالعه وتبتسم
ذياب: الحمدلله على السلامه
هند: الله يسلمك
ذياب باسها على راسها ويا يبا يطلع بس وقفته هند
هند: وين بتروح
ذياب بدون ما يطالعها: بروح اخبر البنات انج قمتي
هند: ما ابا البنات
ذياب: انا برد البيت ما اقدر اقعد عندج .. بخلي وحده منهم تي عندج
وطلع ما عطاها فرصه انها تتكلم وهند استغربت منه.. دقايق ودخلت نوره وتحمدت لها بالسلامه
هند: ذياب وين راح
نوره: خلي يولي هالمعقد .. افففف بس يعصب ما يعرف يتفاهم .. ما ادري كيف بتعيشين معاه
هند: ليش شو مستوي
نوره: يوم عرف شو فيج عصب علينا وقعد يهزبنا وكل ما قلت كلمه سكتني
هند: اويييييه يعني عرف ليش صار فيني جذي
نوره: شرايج انتي بس .. اكيد عرف
هند: يا ويييلللليييي وأنا اقول ليش مب معطيني ويه
نوره: لانه معصب الف .. انفخي عليه وبينفجر .. حتى يدوه معصبه عليج
هند: والدكتور هذا ما عرف يقول الا حق ذياب ويدوه
نوره: والله مب منه .. منج انتي الي متشبثه فيه و تهذين باسمه .. ذياب بموت وذياب بموت
هند حطت ايدها على ويهها: يمهههه يالفشلههه .. قومي قومي خليني انتحر انتحار مؤقت
نوره: انتحار مؤقت شو بعد
هند: يعني انتحار بس لمده قصيره .. اممم يعني انط من الشبرية للأرض
نوره: هههههههههه انتي صاحيه ولا شاربه شيء
هند: ههههه المهم روحي قوليلهم يطلعوني بروح عند جود
نوره: وليش ان شاء الله اروح .. دقي الجرس الي عندج وهم بروحهم بيون
هند: انزين انزين .. حشى انزين راعي شوي اني انا مريضه
نوره:ما اعرف أجامل
هند:شو يخص المجامله الحين ههههههههههههههههه
.......................................
عند أميره وفارس .. رجع فارس من دوامه وشاف أميره بعالم ثاني كانت متوتره ومتضايقه وكل شوي عيونها عالفون
فارس باستغراب: حبيبي فيج شيء؟!
أميره: فارس ابا اروح عن اهلي
فارس: ليش
أميره: ما ادري شو فيهم .. قلبي ناغزني
فارس: خلاص بنسير العصر
أميره: لا الحين .. ما اقدر اتريا لين العصر
فارس: أميره الحين ما اقدر توني ياي من الدوام
أميره: انزين بروح مع الدريول
فارس: لا طبعاً مستحيل اخليج تروحين مع الدريول .. خلاص قومي بوديج
قامت أميره ولبست عباتها وخذت أغراضها وطلعت هيه وفارس متوجهين بيت اَهلها .. وهم فالطريق اتصلت عليها اختها وقالتها ان اخوها مسوي حادث والحين هم فالمستشفى .. وغيروا وجهتهم وراحوا المستشفى
.........................................
نقدم الأحداث .. المغرب عند دانه .. كانت قاعده ف غرفتها وتقرا كتاب .. شوي وسمعت صوت الجرس .. قامت لبست شيلتها وطلعت
دانه: منو؟!!
حمد: انا انا
دانه فتحت له الباب .. وهو دخل
دانه باستغراب: مفتاح البيت مب عندك
حمد: لا نسيته قبل لا اطلع العصر
دانه " اكيد بتنساه .. مستعيل على عنزته لا تضيع": اها
حمد وهو يحضنها: ليش ما  تلبستي لين الحين
دانه وهي كارهه ريحت العطر النسائي الي عليه: ما فيني اطلع الحين
حمد: افا .. ليش عاد .. بوديج دبي
دانه وهي تقعد على الكنب:روح بروحك انا اليوم متعايزه
حمد راح المطبخ وخذاله قلاص ماي ورد عندها: انزين تبينا نروح ناخذلنا عشا و نشوف فلم
دانه : حد يتعشا المغرب !!
حمد حوط ايده على خصرها ونزل راسه لها: حبيبي شكله زعلان اليوم ... انزين اممم شو تبيني اسوي عشان ترضين يا بعد قلبي 
دانه وهي تبعد ويهه: اصبر الحين بقولك شو اتسويلي
قامت دخلت الغرفه وثواني وطلعت و ف ايدها مرايه .. وقفت قدام حمد ومدت له المرايه
دانه: شوف
حمد: هههههههههه .. تستهبلين دانوه شو تبين اشوف
دانه: انت امسكها وانا بقولك شو اتشوف
حمد مسك المرايه وحطها قدام ويهه : يلا مسكناها شو تبيني اسوي الحين
دانه لفت ويهه على الخفيف وأشرت على رقبته : شوف هذي
حمد شاف وما اعرف شو يقول .. ويهه صار ألوان طيف .. انحرج منها ما يقدر يبرر موقفه لو شو ما قال .. ما كان يباها تعرف بهذي الطريقه ..كانت طبعة شفايف على رقبته 💋.. ويوم نزل راسه لدانه بانت
دانه: شو هذا حمد .. هذا الشغل الي كنت مستعيل عليه لدرجة انك نسيت مفتاح بيتك .. هذا الشغل الي عشانه ما تبا تعلن عن زواجنا .. هذا الشغل الي يخليك دايماً مشغول عني و تصرفني اذا اتصلت فيك .. هذا الشغل الي مخليك دايماً لاهي بتلفونك
حمد: دانه اقعدي بفهمج
دانه: ما ابا افهم حمد ما ابا افهم شيء منك .. انا بس عندي سؤال وجاوبني عليه .. اذا تحبها ليش تزوجتني ؟!
حمد: لاني احب..
قاطعته دانه: لا لا لا لا لا ... لا تقول لاني احبج ... انت ما تحبني ... انت تعرف شو تحب .. انت تحب جمالي بس .. انت تحب طاعتي لك وتلبيتي لاحتياجاتك .. ودايماً اذا بغيت شيء تلاقيه قدامك .. هذا الي انته تحبه .. انت تحبني اكون خدامه عندك .. خدامه وبس
حمد: دانه اقعدي خليني افهمج .. لا تنرفزيني بكلامج هذا
دانه بصوت عالي: ما ابا اقعد معاك خلااص .. كرهتك حمد كرهتك .. كرهت اسمك .. كرهت عطرك الي دايماً يكون مخلوط بعطرها.. كرهت صوتك وانت دايماً اتسمعني كلام حب وغزل مثل ما تسمعها .. كرهت كل شيء يخصك .. أكرهك حمد أكرهك ومن كل قلبي أكرهك
حمد وهو يمسك ايدها بالقو: لا تعلين صوتج عندنا جيران .. احترميني على الاقل

دانه: خايف الجيران يسمعونك وما خفت من ربك .. ما خفت من ربك يوم تروح تمشي مع فلانه وعلانه .. ما خفت من ربك يوم تحضنهم .. ما خفت من ربك يوم تكذب عليّ كل يوم .. انت حتى اهلك كذبت عليهم .. ولا وتباني احترمك .. انت اصلاً تعرف الاحترام .. انت لو فيك ذرة احترام و رجوله جان ما طلعت مع كل شقرا شفتها ف الشارع .. يالزبالة

حمد ما قدر يتحمل كلامها وانهد عليها بالضرب .. ضربها بكل قوته .. وهي اتصارخ عشان يهدها .. لكن لا حياة لمن تنادي .. فرغ كل طاقته فيها
حمد وهو يشوتها: انا تقولين عني ما فيني رجوله .. انا تقولين عني زباله يالرخيصه .. كم مره قتلج صوتج هذا لا ترفعينه عليّ ورديتي ترفعينه .. شو يعني تعانديني

دانه وهي تصيح: اذا ما تباني ردني بيت اهلي
حمد وهو يصفعها كف: مب بهالسهوله بردج .. ما بردج عندهم لين تتعذبين صح وبعدين بتردين عند أهلج .. وانا بنفسي بوديج وبفرج فرت الجلاب عند الباب
دانه: تف عليك وعلى الي مثلك .. الله ياخذك يا رب الله يأخذك
حمد مسكها من شعرها: قومي قدامي ونظفي البيت كامل .. هذا عقابج لانج رفعتي صوتج عليّ وعلى الكلام الي قلتيه توج .. قوووووومييييي

دانه وهي ادزه واتصارخ: مب خدامه عند ابوك انا .. اذا تبا خل عنزتك هي الي تي واتنظف البيت
حمد مسك راسها ودقه  ف اليدار بالقو: عيدي الي قلتيه عشان اقتلج هني .. سوي الي اقولج اياه ولا ترا والله العظيم بتشوفين الويل
دانه: قوم عني قوم.. والله العظيم لاروح باجر وأخبر ابوك على الي اتسويه فيني
حمد عصب عليها اكثر وانهد عليها بالضرب أقوى عن المره الي فاتت .. ما تركها الا لما شاف الدم ينزل منها
حمد وهو يشوتها على بطنها: المره الثانيه انتبهي تتكلمين مع منو فاهمه
وطلع وخلاها طايحة على الارض والدم ينزل منها ..قعدت اتصيح من الالم .. تبا توقف بس ما تقدر ..ريولها ما تشيلها .. قعدت تزحف لين وصلت للفون .. ودقت على الأرقام وثواني ورد الطرف الثاني
دانه وهي تصيح: الو
✖️✖️✖️✖️✖️✖️✖️✖️✖️✖️✖️✖️✖️

توقعاتكم يالجميلين 💗💗💗

🔸دانه على منو اتصلت؟ .. وهل بتطلب الطلاق من حمد بعد الي سواه ولا؟!!

🔸هند كيف بتراضي ذياب .. وذياب بيسامحها ولا لا ؟؟!!

🔸جود لين الحين ما تعرف عن ابوها .. تعتقدون منو الي بيخبرها بهالخبر ؟!!!