أحتجتلك يا أطيب بشر وين ألاقيك؟؟

50

ذياب: انا مب موافق
خليفه: وانا رايي من راي ذياب
ميره : لييييييششش
ذياب: ميره وليد ما يناسبج
ميره: لا يناسبني .. اصلاً انت شدراك انه ما يناسبني
ذياب: في وايد اشياء تصير انتي ما تدرين عنها
ابو خليفه: ميره مب بس وليد الي تقدم لج حتى خالد ولد عمج
خليفه: انا موافق على خالد بس وليد لا
ميره: ليش يعني .. انا ما اريد خالد ولا احبه وبعد خالد واحد غثيث وثقيل دم .. عكس وليد واصلاً انا احب وليد
ذياب: شو انتي ما تستحين تقولين جذي قدامنا
ميره : لا .. كل واحد حب وحده وخذاها الا نحن البنات خوله زوجتوها من عيال عمي وشوفوها الحين متطلقه طلقه وحده وتتريا الطلقتين .. ونوره زوجتوها غصب ومب مستانسه ف حياتها وكل يوم تعاني .. وتبون يكون مصيري مثل مصيرهم بعد
نوره: ما اسمحلج تألفين على كيفج عشان بس تاخذين وليد .. انا انسانه مستانسه وسعيده مع محمد واكبر دليل اني حامل الحين .. ولو كنت مثل ما تقولين كنت طلبت الطلاق منه من زمان ..اساساً ما كنت بوافق عليه
ميره: بسج كذب انا اكثر عن مره سمعتج تتكلمين مع هند عن محمد وانج مغصوبه عليه وانج ابداً ما حبيتيه او قدرتي تتقبلينه .. وعرفت بعد انه بيطلقج بعد ست شهور من زواجكم
نوره وقفت بعصبيه: جب ولا كلمة .. لا تقعدين تقولين اشياء انتي ما تدرين عنها .. اذا تبين وليد خذيه وان شاء الله ف ستين داهيه لكن لا تقعدين اتطلعين قصص وروايات على حسابي انا .. واذا على وليد حتى انا مب موافقه .. مب لان وليد فيه شيء .. بس لاني ما اباه ينخدع فيج واتطيحين ف جبده بعدين ويطلقج ولا يخليج معلقه لا انج مطلقه ولا متزوجه
ابو خليفه: اهدوا شفيكم جذي فجأه .. نوره تعالي اقعدي
نوره: ما اريد اقعد .. برد البيت وايد ابرك من مجابل وحده منافقه
وطلعت من البيت وهي معصبه
ذياب: ابويا كلم عمي وقوله نحن موافقين على خالد .. و رد على وليد ان ما له نصيب مع ميره
ميره بصوت عالي : والله ما اخذ غير وليد فهمتوا
وراحت غرفتها وهي تصيح
ابو خليفه: لا حول ولا قوة الا بالله
خوله: انا بروح اشوفها
حمد: لا خلج انا بروح .. لاني اباها ف موضوع بعد
خوله: اوك
............................................
ف بيت ابو حمود .. دخلت نوره غرفتها وهي معصبه وقعدت على الكرسي وهي تهز ريلها بعصبيه .. دخل محمد وعلى طول دخل غرفة الملابس وبدل كندورته وبعدها طلع عند نوره وهو شال عبايته وعطاها
محمد: لبسي عبايتج بنطلع
نوره: ما اريد اروح مكان
محمد: قومي قتلج
نوره قامت لبست عبايتها وهو مسك ايدها وطلعوا .. ف السياره
نوره: اصبر شوي لا تتحرك
محمد: شو نسيتي
نوره: ما نسيت شيء بس ما اقدر اركب السياره ريحتها زقاير وجبدي لايعه من الريحه
محمد: ربيعي كان راكب معاي وقاعد يدخن
نوره: خذ سيارتك الثانيه انا هذي ما بركبها
محمد: تعالي ركبي خلاص اتحملي شوي وبننزل
نوره: مابا
محمد بصوت عالي: ركبيييييي!!
نوره ركبت معاه وتمت طول الطريق ماسكه خشمها ولايعه جبدها .. شوي و وقف محمد ونزل ونزلت هيه معاه
نوره: وين هالمكان
محمد: ممشى
نوره: وشو اسوي يايبني هني
محمد: تمشين بعد شو تسوين
نوره عقدت حوايبها: شو انت صاحي .. انا حامل بالاسبوع الاول ويايبني هني عشان امشي تبا تذبح البيبي
محمد: انزين تعالي قعدي ..بيبلج اكل وبسوي رياضه
نوره: ما اريد اكل شيء
محمد: تراج مب ماكله شيء من الصبح
نوره: حتى انت مب ماكل شيء
محمد: ما يخصج فيني .. بس انتي حامل ولازم تاكلين
نوره: ما ابا اكل شيء
محمد طنشها وراح يابلها اكل وعطاها وبعدها راح يركض .. اما نوره ف خلت الاكل على جنب وتمت تكلم حمدان على الواتس .. نص ساعه و وقف عندها محمد وهو يتنفس بصعوبه
محمد: يلا خلينا   نمشي
نوره: انزين اقعد ارتاح شوي .. شوف كيف قاعد تتنفس
محمد قعد عندها وهي عطته ماي وشرب
نوره: متى ناوي تروح المستشفى
محمد: ما فيني شيء عشان اروح المستشفى
نوره: وشو تس..
قطعت كلامها وتمت اتشوف الشيء الي يتقرب صوبهم بخوف .. محمد لف يطالع الي اتطالعه وشاف كلبين
نفس جذي👇👇