اما الباقي بعد ما خلصوا الاكل قعدوا شوي يسولفون وبعدين فجأه الكل اختفى ما بقى ف الميلس غير الريايل محمد: عمي سعد .. انا انا .. ابا اقولك شيء بس مستحي منك وخاصة ان مب وقته ابو خليفه: خير محمد قول الي عندك لا تستحي انت بحسبت ولدي محمد: مشكور عمي ما تقصر .. بس اااا .. انا ان.. ابوخليفه: شفيك متوتر تكلم عادي محمد لف على ابوه ورد نزل راسه ابو حمود: والله يابو خليفه الولد اليوم يا كلمني ان عنده دورة إدارة أعمال ف هولندا وانا اشترطت عليه انه يتزوج قبل لا يسافر لاني صرت ما أأمن عليه اخاف يطيح ف الحرام وغيره ابوخليفه: ما شاء الله عليك ... ومنو سعيدة الحظ الي اختارها محمد محمد: عمي ... انا اطلب ايد بنتك.. نوره .. وأباها هي الي تكون معاي ف السفر وشريكة حياتي وام عيالي ان شاء الله وانا ما بحصل حد نفس نوره ونفس أخلاقها ابوخليفه: والله يا ولدي يا بختها نوره دامك انت ريلها وانا ما بحصل حد احسن عنك اامن عليه بنتي .. بس يا ولدي الشور الاول والأخير لبنتي نوره وأنا ما اقدر اجبرها على شيء محمد: وما أباك تجبرها .. اذا وافقت ولا ما وافقت ف النهايه هذا النصيب وقدر و مكتوب من رب العالمين ما نقدر نقول شيء ابو خليفه : ونعم فيك والله ..................................... عند البنات تموا يجهزون حق حفلة التوأم بدون ما يعرفون ويوم خلصوا زقروا الريايل وزقروا التوام وتموا يغنولهم الكل: كل عام وانتو بخير جود ونجود: وانتو بخير خوله: تعالوا قصوا الكيك
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
قصوا الكيك وكل وحده خذت قطعه صغيره واكلت الثانيه نجود: امممم كيكتي احلى عن كيكتج جود: لا والله تراهم نفس الشيء نجود: لا مب نفس الشيء مالي احلى جود: اوك اوك وبعدين الكل بدا يعطيهم هداياهم وهم متشققات وطايرات من الفرحة .. جود لفت ادور وليد وشافته توه يدخل الميلس وبايده الفون راحت عنده ومدت ايدها وليد انتبه عليها واستغرب: نعم !! .. اذا تبين فلوس ما عندي فلست جود: هههههههه ايييه وليد بلا استهبال .. وين هديتي انا وتوأمي اليوم عيد ملادنا ولا نسيت نجود: شكراً انا ما اريد شيء وليد: بما ان اليوم عيد ميلادكم والكل عطاكم هداياكم الا انا .. ف اكيد بتكون special مدامها لكم .. اول شيء هذي الباقه وحده لج و وحده ل جوج
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
