بعد صلاة العصر .. قاموا الشباب يزهبون اغراضهم ويحطونهم فالسيارة وطبعاً مرتبشين وحالتهم حاله .. أما البنات ف تجمعوا عند نوره وميره بطلب من نوره .. سوولهم كوفي وحطولهم بوبكورن وحلويات وجبسات وغيره وقعدوا يسولفون هند وهي منزعجة من صوت الحب: اييييه بسكم ازعاج نوره وهي تاكل حب: لو تاكلين ما بتحسين بالإزعاج جود : وبعدين السالفه ما تحلى الا اذا كليتي حب هند: لا والله .. عادي كلوا جبس حلويات شربوا كوفي مب لازم حب نوره بخبث: تعرفون ليش منقهره لانها ما تقدر تاكل شيء من الي موجود هند: لا اقدر آكل بس لاني healthy ما ابا اكل شيء نوره: هيلث ها .. قولي انج ما تقدرين لا تقولين هيلثي هند تنرفزت: افففف تقهرين تراج نجود: بترول بترول مب هند قربي منها على طول اتشب هند بتحدي: لا تتحدوني نوره وجود: انا اتحداج هند شلت الحلويات وقعد تاكل وبطلت البيبسي و قعدت تشربه والبنات يحيونها .. مر ذياب وسمع صوت البنات وراح لهم عشان يسألهم عن شيء .. دخل الميلس الي كان مفتوح على الصاله وانصدم من هند قاعده تاكل حلاوه وتشرب بيبسي ... راح عندها بسرعه ودز علبة البيبسي من أيدها الي كانت يايه تبا تكمل شربه ذياب بصدمه وعصبيه: مينونه انتي!! ... يعني ما تعرفين حالتج قاعده تشربين من ها .. وانتو قاعدين اتشجعونها بدال لا تهزبونها نوره: شفيك ذياب قاعدين نمزح ذياب: مزح جذي .. تبون تذبحون البنية انتو ولا شو .. وانتي ياهل يعني ما تعرفين هذا الشيء صح ولا غلط لازم حد يقولج هند: لا تصارخ عليّ .. كيفي انا اسوي الي أباه محد له دخل فيني .. تحدوني البنات وانا قبلت التحدي وسويته ذياب: تحدوج ها .. انزين تعالي معاي هند: وين !! ذياب عاقد حواجبه: تعالي اقولج هند: ما بي معاك مكان مسك ذياب أيدها وسحبها معاه .. طلع برا بيتهم وراح بيت قوم ابو فارس وشافوا فارس فويههم .. فارس باستغراب : ذياب .. شفيكم ليش جي ساحبنها ذياب: اختك قاعده مع خواتي وبنات عمي سعيد وتآكل حلويات وتشرب بيبسي اونه البنات تحدوني وانا قبلت التحدي .. و يوم كلمتها اونه محد له دخل فيني وبسوي الي أباه فارس: تستهبلين هندووه ياهل انتي شو هالحركات بعد هند: انزين فارس كنت مشتهيه ذياب : عن الجذب .. شو ها العذر البايخ هند: انت بالذات مالك دخل .. خلاص خلك ف نفسك لا تدخل فارس بصوت عالي: ههههههننننننددد ... انقلعي داااخل وما ابا اشوفج ويهج برا سمعتي ولا لا .. والحين بكلمهم ما يخلونج تطلعين خليي تحدي البناات يفيدج ركضت هند داخل وهي معصبه راحت عند اخوها فهد وأول ما دخلت راحت صوب التسريحة وخذت عطر من عطوره وفرته على اليدار بكل قوتها .. طلع فهد من غرفة الملابس بسرعه وهو خايف من صوت فهد: هندوه شفيج .. ليش كسرتي العطر ؟؟! هند وهي تعطيه ظهرها : ما فيني شيء فهد وهو يسحبها صوبه : تعالي بعيد عن الزجاج عن تتعورين هند وهي تبعد ايده بقوه: خلاااص خلنييي فحااااالييي فهد: اهدي اهدي شفيج .. بتتعورين تراج لا تردين ورا اكثر عن جي هند: كيييفييي اسوييي الي ابااااه مالك دخل فيني راح فهد وقعد على الكرسي ومسك فونه يلعب .. وسوا عمره انه مطنشنها .. لانه يعرف انها الحين معصبه وما بتهدا الا اذا قعدت بروحها وكسرت شيء .. وعادةً تكسر الاشياء على حسب مدى عصبيتها .. ومن تهدا بتي تنخش فحظنه وبتطلع الي فيها .. متعود عليها .. من وهي صغيره وهي اتسوي جذي بس ما تطلع عصبيتها الا قدام فهد وهو الوحيد الي يعرف كيف يتصرف معاها .. شوي ويت هند عنده وانخشت ف حظنه وقَعَدت اتصيح فهد وهو يمسح على شعرها: خلاص ما صار شيء .. ما في شيء يستاهل انج اتصيحين عشانه هند وهي تصيح:نازعوني وصارخوا عليّ .. كأني خدامتهم فهد: ما عليه .. خلاص الحين امسحي دموعج .. قاعده اتصيحين عشان بس نازعوج .. وبعدين يالحماره عطري اليديد كسرتيه ما رشيت منه الا رشتين وكسرتيه هند تمسح دموعها وتبتسم :ما عليه بيبلك غيره .. اسفه ............................... بيت بوخليفه .. قسم خليفه .. كانت خلود قاعده اتطالع رسوم مع بنتها ديمه الي حاطه راسها بحضن امها واتطالع باندماج .. شوي وطلعت بنتها هدى وهي تفرك عيونها خلود: مساء الخير.. زين نشيتي هدى: فيني رقاد بس اتذكرت ان عندي امتحان باجر خلود: امتحان شو هدى: عربي ... ماما يوعانه ابا اكل خلود: شوفي فوق الطاوله بتحصلين الغدا تغدي وروحي درسي هدى : ابا سندويج ما ابا عيش خلود: نزلي الاكل المطبخ وقولي حق مدينه" الخدامه" اتسويلج سندويج خذت هدى صحن العيش وطلعت .. شوي وطلعت حصه وقَعَدت فالصاله وخلود كانت مطنشتنها خلود: ديمه قومي شوي بسير عند ماما موزه ديمه :.. خلود: ديموه قومي عن الدلع عاد ديمه:.. شافت خلود ديمه و لقتها راقده شلتها و ودتها الغرفه ويوم تبا تطلع حصة نادتها بس سوت عمرها ما سمعت وطلعت رايحه عند ام خليفه .. لحقتها حصه وطلعت وراها ويوم وصلت عندهم سلمت على يدتها ام خليفه: ها حصيص شحالج شخبارج قمتي ما تيين عندي الحين حصه : كنت مشغوله مع الدراسه ام خليفه: هيه زين زين .. شدي حيلج عاد حصه: ان شاء الله من عيوني .." لفت على امها وبنبرة حزينه" ماما .. اسفه والله اخر مره أعيدها خلود: وإذا سمعت شكاوي ثانيه من المدرسه ؟!! حصه: والله اني بصطلب خلود: بنشوف كيف تصطلبين .. وتأسسفي من ابوج تراه وايد معصب حصه: ان شاء الله ام خليفه: ليش شفيهم خليفه وحصه خلود: المدرسه مكلمينه عشان حصه وأنها وتشاغب ومن ها السوالف وعصب عليها وضربها ام خليفه وهي تحط أيدها على قلبها: يممهههه بنتييي .. ضاربين بنتي وانا ما ادري وفوق هذا كله ما تكلمونها !! .... ما عليه يا خلوف يا الهرم تعال رد البيت وشوف شو بسوي فيك قعدت خلود تضحك على طريقة كلام ام خليفه وكيف تتوعد له " والله و وراك هزاب يا خلوف .. جان ما تشخط بالخيزران بعد 😂😂😂" ................................................ عند الشباب صلوا العصر وطلعوا .. شوي ووقفوا كلهم عند شيشة ادنوك .. ونزلوا كلهم يشترون لهم اغراض .. عند حمد وحامد كانوا واقفين عند قسم الحلويات ويتشرون شوي ويو بنتين و وقفوا عندهم وتموا يسوون حركات ويتساسرون البنت1: اقولج شوفي هذيل كيف جميلين ما شاء الله البنت2: جب انتي وصوتج هذا الحين بيسمعونج وبيقعدون يلحقونا البنت1: امبيييه شوفي هذاك كيف يجنن بمعنى الكلمه الله يحفظه " تقصد حمد" الله يحفظه هو والي معاه البنت2: يا حماره قصري صوتج سمعوج البنت1: شوفيج انتي ما تخلين الواحد يكحل عيونه حمد سمع البنتين وشك ف وحده فيهم حمد: اقولك حامد مب جنه وحده من ها البنات صوتها مثل صوت دانه؟!!! حامد: ما ادري ما ركزت حمد: بقتلها لو هي طلع حمد فونه من مخباه واتصل وشاف وحده من البنات طلعت فونها من شنطتها وقالت بخوف حق الي عندها البنت2 بخوف: اقولج ها حمد يتصل فيني قومي خلينا نطلع عن يسمع الحشرة ويشك البنت1: روحي انزين الا هو حمد قوليله انج طالعه معاي وخلاص البنت2: لا تستهبلين .. والله بيقتلني لو عرف اني برا البيت وبدون ما أقوله بعد البنت1: خلاص ردي عليه وانا بكلمه البنت2: لا ما اق.. حممممددددد!!!!! حمد راح عندها ومسكها بعصبيه: شو تسوين هني دانة وهي ترتجف: كنت .. حمد .. ا .. انا .. م.. مم حمد :اتكلمي عدل دانه: ب .. بب ااا.. مم .. ممم .. كك حمد عصب عليها اكثر : انقلعي السياره وانا الحين ياينج البنت1: ايه انت وين مودنها .. تراها ربيعتي حمد : باجر بيكون عزاها .. " لف على دانه بعصبيه " انقلعي السياره شو تترين " وهو يدزها" راحت ركبت السياره وهي ميته خوف ودموعها اربع اربع قعدت تدعي ان ما يسويلها شيء .. راح حمد وحاسب وطلع لحقه حامد وركب معاه ذياب باستغراب: بلاه حمد جذي يسوق .. تخبل ولا شو فارس: الله يحفظه يا رب ................................ ف السياره عند حمد كان مسرع ويصارخ على دانه وهي خايفه وتصيح حامد: حمد بس خلاص .. هد شفيك اتصارخ عليها دانه: ح حمد والله ما س سويت شيء غلط بس كنا ناخذ شوية اغراض حمد بصراخ : جب .. وما ابا اسمع صوتج لين نوصل البيت حامد: خلاص حمد .. دانه خلاص لا تكلمينه الحين بعدين برري موقفج سكتت دانه .. ومع السرعه وتعدي كم اشاره وصلوا بيت دانه .. نزل حمد ونزلها معاه وسحبها لداخل البيت .. دخل وسكر الباب ودزها على اليدار وحط ايده على اليدار " حاصرها" حمد: شو كنت اتسوين هناك دانه: والله ما كنت اسوي شيء بس لاني كنت يوعانه رحت طلبتلي غدا وبعدين قلت باخذلي حلويات لين ما يخلصون الاكل حمد بصوت عالي : رحتي تطلبين ولا تغازلين انتي والي معاج دانه: والله ما كنت أغازل حمد .. والله ان كل الي قتلك اياه صدق .. يعلني الموت اذا اكذب .. الله يأخذني اذا كذبت عليك ف يوم " حطت أيدها على عيونها وصاحت" قعد حمد يطالعها شوي ووو ..... ✖️✖️✖️✖️✖️✖️✖️✖️✖️✖️✖️✖️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هذي صورة دانه🌸💗 ( ما بتكلم عنها الحين مع البارتات بتعرفون شخصيتها)
