أحتجتلك يا أطيب بشر وين ألاقيك؟؟

15

الدكتوره: الحمدلله .. نحن سوينالج فحوصات والحمدلله النتايج سليمه وما فيها شيء .. بس الي فيج أعراض حمل .. مبروك انتي حامل ف الشهر الثاني
خلود بابتسامه: الله يبارك فيج
خليفه باسها على راسها: مبروك يا قلبي
خلود: الله يبارك فيك
الدكتوره: بكتب لج أدويه عشان تتبعينها خلال فترة حملج .. ولازم ما ترهقين نفسج او تجهدينها خاصةً ف الفتره هذي
خلود: ان شاء الله
الدكتوره: استأذن انا الحين
خلود: مشكوره
الدكتوره: العفو .. واجبنا هذا
اول ما طلعت الدكتوره خليفه حضن خلود وباسها على خدها .. دقايق ويت الممرضة وشلت المغذي من خلود .. وركبوا السياره بعد ما خذوا الادويه وتصريح خروج لخلود .. وصلوا البيت ونزلوا وخليفه ساعد خلود تركب الدري .. بعدها دخلوا القسم وكانوا البنات ف غرفهم
خليفه بصوت عالي: يا بنات .. حصيص هدوي .. تعالوا بسرعه
حصه وهدى طلعوا بسرعه من الغرفه : نعم بابا
خليفه وهو يلس وخلود قعدت عنده وديمه قعدت ف حضنه: تعالوا أباكم شوي
هدى: نعم!
خليفه: اقعدوا انزين لا حول الله
حصه وهدى وهم يقعدون: ها
خليفه: قوموا قوموا دخلوا داخل ما بقولكم شيء خلاص
حصه وهدى: بااااااابااااااا!!!!!
خلود: ههههههههههههههههه .. ليش تلعوزهم
خليفه: خلاص خلاص بقولكم .. اممممم انتو الحين كم
حصه: كيف يعني كم
خليفه: يعني كم بنت انتو
حصه : ثلاثه
خليفه: الرابع ف الطريق
حصه وهدى قعدوا ثواني يستوعبون كلام ابوهم .. ويوم فهموا قصده قعدوا يناقزون من الفرح وكل وحده باست امها وباركت لها .. وبعدها كل وحده قعدت اتخمن اذا بنت ولا ولد ويختارون الاسماء
...............................................
بعد أسبوع مر بالنسبه للبعض و عادي بالنسبه للبعض الاخر .. اكثر شخصين كانوا حزينين بوفاة سعيد هم اليد واليده .. وايد اثر فيهم وفاته ودايماً يوم يتذكرونه يقعدون يصيحون .. اما الباقي ف تأثروا اول يوم بس بعدين عادي ..بالنسبه لجود دخلت ف غيبوبه ونجود انهارت يوم وصلها الخبر والكل ينتظرها تقوم
.............................................
الصبح ف بيت اليد كان الكل مجتمع هناك الا هند .. كانت متأخره كالعاده
اليده: هند وينها .. تأخرت  وايد اليوم
فارس: بتي يدوه .. قاعده تاخذ ابرتها
اليده: كل ها تاخذ الابره .. حد يروح يشوفها
اليد: ذياب
ذياب: هلا أبويه
اليد: قرب أباك شوي
ذياب وهو يقرب من يده:آمرني
اليد وهو يمسك أذنه : انت مزعل هند ؟!
ذياب: اي يدي والله مب مسويلها شيء
اليد: احلف انك ما زعلتها ولا ضايقتها !!
ذياب: والله العظيم اني ما زعلتها ولا ضايقتها .. يدي تعورني تراك
اليد وهو يهد أذنه: خلاص روح
ذياب وهو يحك أذنه : هههههههههه
اليده: حصيص روحي شوفي هند .. خليها تي تاكل
حصه وهي تقوم: ان شاء الله يدوه
نجود وقفت: اقعدي اقعدي .. انا بروح أشوفها
وطلعت رايحه عند هند ... دخلت البيت وعلى طول راحت غرفة هند وبطلت الباب بقوه
نجود بصوت عالي: هنننندددوووووو....
قاطعها وجود فهد الي التفت عليها بخوف من طريقة فتحها للباب و صراخها
نجود بفشله: امممم .. احممم .. اسفه .. السلام عليكم
فهد وهند : وعليكم السلام
هند: تعالي نجود حياج
نجود : لا أنا بروح .. بس يت ازقرج يدوه كانت تباج
هند: ادري .. بس تعالي شوي فهد يبا يكلمج
نجود: شوووو!!! .. ليييش
فهد: مب انتي دقيتي عليّ عشان تكلميني وقتلج اني مشغول وبكلمج يوم ثاني .. هذوه انا موجود وهند معانا عشان محد يشك بشيء .. قولي الي تبينه واعتبري هند محد
نجود: ما عندي شيء أقوله
فهد:...
نجود يايه تبا تطلع برا: هندوه يدوه تباج تعالي بسرعه لا تبطين
مسك فهد ايدها قبل لا تطلع : قولي الي عندج .. اعرف انج تبين تقولين شيء
نجود بعصبيه وهي تبطل ايدها: فهد الزم حدودك عاد .. ف اليوم الي يت ابا أكلمك كنت مشغول وقلتلي انك بتكلمني وما يت .. و الحين يوم ما احتاج حد ياي تقولي قولي الي عندج .. انا انسانه اذا ما لقيتك مره احلم اني ارد لك ثاني مره فهمت
وطلعت وخلت فهد وهند مصدومين من قوتها وعصبيتها وجرأتها
هند:مستحيل الي شفته توني
فهد باستغراب: شو الي مستحيل .. دومها جذي
هند: الي كانت جذي جود .. اما نجود كانت حساسه وعلى ابسط الاشياء تصيح وكانت خوافه بعد .. اشك ان هذي جود مب نجود
فهد: تلاقينها كانت خايفه من عمي سعيد ومن بعد ما توفى طلعت شخصيتها الحقيقية
هند: يمكن ليش لا
فهد: يلا روحي عند قوم يدوه اكيد قاعدين يتريونج الحين
هند: أوك .. تبا شيء قبل لا اروح
فهد: لا
هند وهي تقلده: لاااااء .. انزين قولي تسلمين ابا سلامتج شيء جذي .. اففف كم بعلم فيكم انا .. والله المفروض احصل راتب يومي على التعليم الي أعلمكم إياه
فهد: ليش الأخت خدامه مسترجعه تبين راتب ... يلا يلا اطلعي برا ابا ارتاح شوي
هند: شدخل الخدم ف الراتب .. ولا انت هذا مستواك اصلاً .. وبعدين شو اطلعي برا .. حجي ترا هذي غرفتي .. يعني تفضل انت واطلع برا
فهد سوا عمره بيلحقها وهي خافت وطلعت تركض برا
...............................................
ف بيت حمد ودانه .. كان تعبان ودخل الغرفه عشان يرتاح شوي .. دخلت وراه دانه
دانه: حبيبي تبا ريوق
حمد: لا حبي ابا انام .. بس قوميني على اذان الظهر
دانه: امممم بتطلع ولا بتقعد معاي
حمد: لا بطلع عندي شغل اليوم .. اذا خلصت بسرعه بي اقعد معاج
دانه: اممم اوك .. نوم العوافي
حمد: الله يعافيج
طلعت دانه وقَعَدت فالصاله من بعد ما سكرت الليتات والباب ... قعدت اتشوف التلفزيون لين يأذن الظهر وتروح أتقوم حمد ... ثواني واندمجت ف مسلسل اتباعه يومياً .. شوي ولا تسمع رساله من فون و وراها رساله .. وكل شوي حد يطرش رساله .. انزعجت من الصوت.. وشلت فونها عشان اتشوف منو الي يطرش لها .. بس طلع مب فونها قعدت ادور شوي وشافت فون حمد وكانت 14 رساله من ((❤️ My)) طنشت وقَعَدت اتكمل المسلسل .. شوي ولا يرن الفون والمتصل ((❤️ My)) طنشت .. ورد اتصل وطنشت .. وكل ما يتصل اتسوي طاف .. لين أزعجها وردت بعصبيه بس الجمها العباره الي سمعتها من صوت أنثوي وبكل دلع
" بيبي وينك.. ليش ما ترد عليّ "
.........................................
ف بيت اليد.. بعد الريوق كل واحد توجه لدوامه واليهال على مدارسهم .. وبقوا الحريم والبنات عند اليد واليده
هند وهي تهمس للبنات: بنات شرايكم انسوي فعاليات شوي
نوره: شكلج تبين تيبين العيد بس مب عارفه كيف
نجود: انا عن نفسي ابا انام وبس
هند: امممم شرايكم انروح الحديقة او الجمعيه
نوره: انا اقول قري مكانج احسن لج
هند : امانه خلونا انروح الجمعيه .. خاطري ف حلاوه
نجود:هندوه بروحه فيج السكر وتبين تاكلين حلاوه بعد
هند: امانه والله خاطري ف حلاوه .. راعوا مشاعري شوي
نجود: هههههههههه بخصوص راعوا مشاعري هههههه
نوره: تبين توهقينا مع ذياب صح .. نفس هذاك اليوم قعد ينازعنا وهي ولا على البال
هند: لا والله تراني انهزبت نفسكم وغير جذي ما خلوني اطلع من البيت ..وبعدين ذياب محد الحين
نجود: نوروه كسرت خاطري خلينا نطلع وناخذلها حلاوه وبعدين بنروح انزور جود
نوره وهي اطالعهم بطرف عينها: خلاص اوك موافقه .. منو بيستأذن عنا الحين
هند: انا بستأذن ولا يهمكم
وراحوا استأذنوا وطلعوا مع دريول العايله
.............................................
ف مكان ثاني .. دخل عليه وهو يلهث وينادي بأسمه
الريال2: Boss .. Boss
ها بشرني عسى عندك اخبار حلوه :Boss
الريال1: تونا كنا فالمستشفى .. شوي وشفنا مجموعة دكاترة دخلوا غرفة جود .. وشوي وطلع الدكتور وبشرنا ان جود قامت وما فيها شيء الحمدلله حالتها مستقره
الزعيم بفرحه: الحمدلله يا رب الحمدلله ... اسمعوني زين تروحون الحين عند احسن محل ورد فالإمارات وتسوون باقه حلوه لجود .. وبوصي محل يسوي لها الهديه .. روحوا انتو وخذوا الهديه .. وبعدين ودوا الأغراض المستشفى
الريال3: ان شاء الله طال عمرك تبا شيء ثاني
الزعيم: لا تقدرون تتوكلون .. بس اسمعوا .. مب انتو الي توصلون الورد والهديه .. خلوا servers هم الي يودون الأغراض فهمتوا
الريايل: فهمنا
ملاحظة <<< بكتب اسم الBoss الزعيم
..........................................
عند دانه من بعد ما سمعت الجمله قعدت ساكته
البنت: الو .. الو حبي وينك ليش ما ترد .. الو
دانه: ن .. نع .. نعم
البنت: الو .. هذا فون حمد
دانه: ه .. هه .. هيه
البنت: منو انتي .. ليكون اخته
دانه: حمد .. راقد الحين اتصلي بعدين
البنت: ومنو انتي .. وليش فون حمد عندج ؟!
دانه: انا حرمته .. اذا تبين حمد اتصلي بعدين
وسكرت فويهها وقَعَدت اتصيح .. هي تعرف ان حمد يغازل ويكلم بنات قبل لا يتزوجها .. بس ابداً ما توقعت انه يستمر ف هالشيء بعد ما تزوجوا .. وفوق هذا كله يكذب عليها .. كيف ما لاحظت هالشيء .. كل ما اتصلت فيه قال انا مشغول ولا طالع ودايماً يحط مية عذر .. ما عرفت شو اتسوي غير انها تصيح ..
...............................................
عند البنات راحوا الجمعيه وخذولهم الي يبونه وبعدين راحوا المستشفى عند جود .. سألوا عنها وقالولهم انها قامت صارلها ساعه تقريباً  .. البنات ما صدقوا خبر وراحوا ركض لغرفة جود دخلوا ولقوها قاعده تتكلم مع الممرضة .. نجود اول ما شافت اختها ركضت عندها وحضنتها وقَعَدت اتصيح بصوت عالي .. وجود تمسح على ظهرها وتبتسم .. اما هند ونوره اتصلوا ف الباقي وبشروهم ان جود قامت .. شوي وسمعوا صوت الباب .. راحت هند وبطلت الباب
...: good morning madam
‎هند: good morning
....: madam this gift is for miss jood
‎هند: !?? from whom is this
...: I don't know madam.. but there are card
هند وهي تشل الأغراض: ok .. thank you
..: you welcome
✖️✖️✖️✖️✖️✖️✖️✖️✖️✖️✖️
توقعاتكم يالورود 🌸💗💗؟؟!

🔸شو بتسوي دانه من بعد ما عرفت عن خيانة حمد ؟؟.. وهل بتصارحه بهذا الشيء ولا بتسكت ؟؟!

🔸 منو boss او الزعيم ؟؟ ... وليش مهتم بجود هالكثر ؟؟!

🔸تتوقعون شو في الهديه الي وصلت لجود غير الباقه؟؟ ... وشو بتكون ردة فعل جود من بعد ما تشوف الهديه ؟؟!