أحتجتلك يا أطيب بشر وين ألاقيك؟؟

32

طلعوا محمد ونوره وردوا البيت وأول ما دخلوا البيت سمعوا صوت صريخ .. ركض محمد داخل الصاله وشاف ابوه قاعد يضرب امه بكل وحشيه .. حاول يدافع ويبعد ابوه لين قدر بالأخير وبعده عنها
محمد: يبههه حرااااام علييييييك شو هالوحشيييية الي فييييك
ابوحمود: جبببب ولا كلمههه .. اسمعيني عدل والله العظيم لو طلعتي من البيت بفرج برا البيت وروحي دوري اهلج نفس الجلاب فاهمههههه
وطلع عنها وام حمود دفنت ويهها ف حضن ولدها وتمت اتصيح .. ف هاللحظة دخل حامد وشاف البيت معتفس وأمه تصيح .. ركض عند امه
حامد: شصار شفيها تصيح
محمد: يعني ما تعرف ابوك انت بعد
حامد وهو ينتبه على ايد امه: يمه بشو ضاربنج ... شوفي ايدج كيف وارمه وصايره زرقه
محمد: ضاربنها بالعقال
حامد: لا حول ولا قوة الا بالله ... تعالي يمه تعالي معاي .. بعالج جروحج و ارتاحي ف غرفتي
حامد وقف وساعد امه ودخلها غرفته وطهر لها جروحها وغيره وخلاها ترتاح على الفراش وهو تم قاعد عندها عشان اذا بغت شيء .. أما محمد اول ما دخلت امه تنهد ورد راسه ورا وفجأة تذكر نوره .. قام بسرعه وطلع برا وشافها قاعده فالحوش ومنزله راسها بين ريولها
محمد: نوره
نوره رفعت راسها
محمد: تعالي معاي ..تعالي دخلي داخل
نوره بهمس: كل مره بيصير جذي
محمد: ما عليه تحملي كم شهر وبنطلع من هني بأذن الله
نوره تمت اتطالعه وبعدين مشت معاه ودخلوا قسمهم
........................................
ف بيت وليد ( بيت سعيد اللي مات )
ف غرفة جود ونجود
نجود وهي تضرب جود بالمخده: جوووووودددد قوووومييي .... قووووووومييييي يالدرااااام
جود: نجود اطلعي برا لا اكفخج الحين
نجود: قومي بسرعه .. خبر عاجل
جود بعصبيه: شوو تبييين
نجود: قومي بقولج شيء
جود: ما ابا اسمع اطلعي برا
نجود خذت قلاص الماي الي موجود على الطاولة وصبته عليها وشردت برا .. اما جود عصبت وركضت وراها .. وتموا على هذي الحاله يتراكضون من مكان لمكان ويصارخون كانهم يهال .. طلع وليد من غرفته وشافهم يتراكضون
وليد: اييييه اييييه شفيج انتي وياها
نجود وهي تنخش ورا وليد: وليد شوفها تبا تضربني
وليد: شفيج جود معصبه وتبين تضربينها
جود: يعني شو ما تشوف ... صبت عليّ ماي وشردت نفس البشاكير
وليد: وليش صابه عليها ماي
نجود: من الصبح اواعيها وما تبا تقوم .. قليلة الأدب
جود: وليش أقوم شو تبين فيني أقوم .. ابا انام ابا ارتاح
نجود: ابا اقولج شيء انزين
جود: شو تبين قولي
نجود: خلود ربت
جود تمت اتطالعها بنظرات وفجأة ابتسمت وحضنتها وتموا يغنون ويرقصون وهم حاضنين بعض و وليد يطالعهم باستغراب
وليد: شياكم بسم الله توكم معصبين وتتضاربون
نجود: معليش اخوي عطلناك على شغلك بس اختك الغبيه سنه لين تفهم
وليد: والله انا الغبي الي قاعد بينكم .. اطلع أتمشى وايد ابرك
جود: لا دقيقه دقيقه .. وصلنا وبعدين روح المكان الي تباه
وليد: ما ابا روحوا بروحكم
جود: ولييييييييد يلا عاد
وليد: لا
جود وهي تسوي نفسها مسكينه: ولييييييييييييد
وليد:..
نجود: ولييييدااااااان
وليد طالعها بطرف عينه :..
نجود ابتسمت: الله يخليك
وليد: دقيقتين اذا ما شفتكم ف السياره بروح عنكم
................................................
اليوم الثاني<< تحملوا عاد الأحداث الآكشن ما تصير الا اذا قدمت 😂😂
ف ألمانيا / غارميش
قاموا هند وذياب و تجهزوا عشان يتمشون برا