ف سيارة خليفه .. كانت السياره هدوء لان البنات رقدوا ... وخلود كانت تعبانه ومصدعه .. خليفه لف على خلود وشافها سانده راسها على الدريشة خليفه: شفيج ؟! خلود: ما شيء بس تعبانه ومصدعه خليفه: تبين بنادول خلود: هيه .. ما اقدر اتحمل الصداع خليفه : اذا ماكله خذيه فالسده الي قدامج خلود: ما كليت شيء .. من التعب ما لي خاطر اكل .. بأخذ بنادول وبس خليفه: عيل لا تأخذين .. اتري باخذلج عشا وتعشي بعدين خذي بنادول خلود: ما اقدر اتحمل الصداع .. بأخذ وبعدين باكل خليفه: ما عليه تحملي ثواني والأكل عندج .. اشربي ماي بارد عشان يخف شوي شربت خلود ماي بارد وخليفه طلبلها اكل وكلت وخذت حبتين بنادول .. ردت راسها ورا وهي تحسه بينفجر من العوار وغمضت عيونها .. شوي قامت ديمه اتصيح وخايفه خلود لفت عليها : ديموه ليش اتصيحين ديمه: ماما خلود: تعالي ماما انا هني .. تعالي عندي ديمه راحت عندها وحضنتها وزاد صياحها خليفه: بسم الله شفيها جذي اتصيح خلود وهي تمسح على ظهرها: اكيد حلمانه بشيء خوفها وقَعَدت تقرا عليها لين نامت ف حضنها .. دقايق ووصلوا البيت خليفه شل ديمه و خلود واعت حصه وهدى ودخلوا رايحين قسمهم .... .............................................. مكان ثاني عند ذياب وهند .. كانوا مشغلين أغاني و مقصرين على الصوت هند: ذياب ممكن أسألك سؤال ؟! ذياب: اسألي هند: مستانس لانك خذيتني ولا ندمان؟! ذياب أنصدم من سؤالها ولف عليها: اكيد مستانس ومستحيل اندم على زواجي منج هند: عيل ليش احسك غير عن قبل الملجه ذياب: هند انا مثل ما انا ما تغيرت .. يمكن انتي تحسين جذي لان ما تكلمنا مع بعض وايد هند: يمكن .. انزين سؤال ثاني ذياب: سالي هند: نحن وين رايحين؟؟! ذياب: اسف السؤال الوحيد الي ما اقدر اجاوب عليه هند: لييش عاد ذياب: ما درسته هههههههه هند: يا ربييه على السخافة ذياب مسك أيدها وباسها : ههههههههههه ... فديتج والله ................................... ف بيت ام فارس .. قسم فارس وأميره .. توها طالعه من الحمام( تكرمون) من بعد ما خذت شور .. مشطت شعرها وحطت كريماتها تعطرت وطلعت الصاله .. هذا كله وهو قاعد يراقبها .. يترياها تخلص عشان يكلمها .. لكن أنصدم منها يوم شافها تطلع برا وتسكر الباب وراها ولا كانه في حد ف الغرفه .. طلع وراها ولقاها اتطالع التلفزيون راح سكر التلفزيون ويا يبا يكلمها بس سبقته ودخلت داخل .. دخل الغرفه وشافها تلحفت وبتنام راح عندها وسحب عنها اللحاف وقومها بعصبيه فارس: وبعدين يعني تبيني الحقج من مكان لمكان أميره : انا ما قتلك الحقني فارس: أميره لا تستفزيني اقعدي ابا اكلمج شوي أميره : وانا ما اريد اتكلم معاك فارس: كل ها بس عشان فهد أميره: مب عشان فهد.. عشان الكلام الي قتلتلي اياه فارس: اسف والله اسف ما بتتكرر اوعدج .. كم مره تبيني أعيد نفس الكلام أميره: ما أباك تتأسف أباك تفهم الكلام الي تقوله .. أباك تحسب حساب لكل كلمه اتقولها قبل لا تطلع من لسانك .. ما أباك تجرحني او تجرح غيري .. ما أباك تكون قاسي .. ما أباك تفرق بين اخوانك فارس ما أباك أتكون جذي ... أباك اتردلي فارس القبلي .. فارس الي احبه وأعشقه وأموت فيه و ف هواه ضمها فارس لحضنه: اوعدج اني اكون مثل ما تبين .. اوعدج يا قلب فارس ... اوعدج ............................................ وقف سيارته عند البحر .. ولف عليها شافها قاعده تتكلم فالفون ذياب: يلا انزلي وصلنا رفعت راسها وشهقت: هىىىىئئ نحن وين .. اصلاً متى وصلنا هني ؟! ذياب: ههههه صباح الخير .. نحن ف دبي لفت عليه بخوف: شو!!! ... شو انسوي ف دبي .. مب على أساس ان بنحوط فالعين وبنرد ذياب: ومنو قالج ان بنحوط فالعين اصلاً .. كلهم يعرفون ان نحن بنروح دبي هند: ما ابا انزل خلنا انرد ذياب: هندوه يلا انزلي هند: قتلك ما بنزل .. خلاص روح بروحك وانا بترياك هني ذياب نزل وراح صوب بابها وبطله ونزلها .. يا يبا يمشيها بس وقفته هند بخوف : ذياب ما ابا اروح خلاص خلنا انرد ذياب: ليش !!؟ هند وهي تبلع ريجها وهمست: ذياب المكان كله ظلام ما في نور ذياب وهي يأشر فوق: ونور القمر ما يكفي؟! هند رفعت راسها وردت شافت ذياب: ذياب خلنا انروح مب لازم نقعد ذياب مسك ويهها: افا بس .. حبيبتي تخاف وانا معاها .. تعالي معاي وبس .. انا بكون معاج واوعدج ما يصير لج شيء ان شاء الله .. خلي ايدي ف ايدج وأمشي شافت المكان بخوف وبلعت ريجها ومشت معاه وهي ماسكه ايده بالقو ... هند:(( كنت ميته خوف من الظلام ... فيني فوبيا من الظلام .. ما احبه لانه يذكرني فأشياء أتعبني نفسياً .. اتذكر كل شيء سيء وشين ف حياتي .. بس مشيت معاه يوم شفت الحب والأمان ف عيونه .. شوي وشفت الأرضيه كلها شموع و منوره المكان وكانت الشموع صايره نفس الطريق لشيء.. مشينا وتفاجئت بالقعده .. والجو .. والطاولات .. ما ادري اعبر عن شو بالضبط .. كل شيء يجنن 😍😍)) << صورة المكان موجودة فوق ذياب: شرايج بالمفاجأة ؟؟! هند: روووعه .. جد جد حبيت المفاجأة .. المكان والأجواء و الترتيبات والتزيين كل شيء كل شيء ذياب: بعدج ما شفتي شيء .. قبل لا نقعد .. خلينا نوعد بعض ونتفق على اشياء معينه .. عشان بعدين ما تصير اي مشكلة معانا او تتأذى علاقتنا هند استانست على كلامه: حلوه الفكره .. أمم انا ببدا ... أوعدك اني ما اكذب عليك ابداً و أصارحك ف كل شيء ذياب ابتسم لها وكمل : وانا أوعدج اني اكون صريح معاج وما أخبي عليج شيء هند: أوعدك ان المقالب الي اسويلك إياها ما تكون قويه الا اذا زعلتني ذياب: هههههههههههه اوعدج اني ما ازعلج .. وإذا عصبتي فيني بتتعاقبين هند: أوعدك اني أتعلم الطبخ عشانك بس ذياب: ههههههههههههههههههههه .... شو الي ياب هذا الشيء ف مخج الحين ؟؟! هند: لاني اعرفك اذا عصبت تحب تاكل .. وقبل لا تسوي فيني شيء بطبخ لك عشان ما اتوهق ذياب بابتسامه: أوعدج اني اعيشج مثل الاميره .. واحميج واحطج ف عيني و وسط قلبي هند حضنته وهمست: أوعدك اني دايماً اكون عند حسن ظنك و اني اكون واثقه فيك للأبد ابتسم ومسك ايدها وراحوا قضوا احلى ليله تحت ضوء القمر ............................................ ف مكان ثاني .. ف بيت سعيد .. كان يايب ربعه وقاعدين فالصاله ومسوين ازعاج وكل واحد ما يدري عن عمره .. اما جود ونجود كانوا ف غرفتهم و خايفات
نجود بخوف: ليش اصريتي ان نقعد هني .. ليش ما خليتينا انروح عند قوم يدووه جود: وانا شدراني ان بيصير جذي .. عبالي بس هو الي بيقعد فالبيت نجود: تعالي خلينا انروح بيت يدتي جود: لا ما بطلع بروحي .. بتصل ف حد من شباب العايله اي يشلنا نجود: بتتصلين ف منو الحين .. كلهم نايمين ولا مشغولين جود: بتصل ف حامد .. اكيد واعي الحين وفاضي نجود: جربي حظج اتصلوا فيه مرتين وما رد عليهم ... شوي وصارخت نجود نجود: جود خلينا نطلع ابوج هذا ين .. يايبنهم فوق جود : نجود لا توتريني ... البسي عباتج ويبي عباتي معاج .. بتصل ف حامد اذا ما رد ما عندنا غير ذياب نجود راحت يابت عبايتها وعباية جود .. اما جود اتصلت ف حامد ورد عليها وهو منزعج من الاتصالات حامد بانزعاج: يعني ما رديت من قبل اكيد راقد كل ها الإزعاج ليش جود بخوف: حامد حامد: نعم !! جود: حامد انا جود بنت عمك.. حامد تعال طلعنا من البيت بسسسرررعههههه حامد وتوه بدا يستوعب: ليش انتي وين جود: انا ف بيتنا ... حامد بسسسرعهه لان ابوي ف البيت ومعاه ربعه وكلهم سكاره .. والحين ياين فوق حامد وهو يقوم بسرعه : يلا يلا الحين ياي دقايق ودق عليهم الباب .. اول شيء البنات خافوا بس بعدين زقر على أساميهم وراحوا بطلوا له الباب ... مشوا معاه وهم يشوفون ابوهم ف حاله ثانيه ومب حاس على نفسه.. شوي وصارخت جود .. لفوا عليها حامد ونجود بخوف جود: هدني يالوصخ هدددددننننني الريال: بهدج بهدج .. بس المشكلة قلبي ما يقدر يخلي الجمال هذا يروح ويخليه جود حاولت تبطل ايدها بس الريال كانت مسكته أقوى .. لين فجأة بطل ايدها وطاح على الارض متألم .. لفت الصوب الثاني شافت حامد يطالعه بعصبيه .. طلع حامد ضاربنه بوكس 👊👊 على ويهه .. ومن شافه يطيح على الارض انهل عليه بالضرب لين شاف الدم يغطي جسمه وبعدين هده ... طلع هو والبنات وراحوا بيت اليد .. وصلهم واطمأن عليهم .. راح بيتهم عشان يرتاح بس شد انتباهه السيارات السوده الي وقفت قدام بيت عمه سعيد .. قعد يراقبهم بالدسيّه << يعني من بعيد لبعيد وبدون محد يشوفه .. شاف مجموعه من ريايل بأحجام ضخمه نوعاً ما و لبسهم كله اسود ف اسود الا واحد فيهم كان لابس ذهبي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وشكله هو الboss مالهم لان الكل يمشي وراه كان يبا يروح وراهم ويعرف شو سالفة هذيل .. بس الي وقفه الأسلحه الي بإيد كل واحد فيهم والمشكلة ان في ريايل محاوطين البيت كأنهم سور البيت .. قعد ينتظرهم لين مل وهو ينتظرهم و دخل يكمل رقاده ............................................... اليوم الثاني الساعه 7 الصبح .. قامت جود بتعب وراحت غسلت ويهها ولبست عبايتها وحطت شيلتها وراحت متوجهه لبيتهم .. كانت تبا تتسبح عشان التعب يخف من جسمها .. دخلت بيتهم وكان هدوء كأن ما في حد يسكن هني او انه بيت مهجور .. ما اهتمت للشيء لانه اكيد ابوها محد .. راحت فوق ويت تبا تدخل غرفتها بس داست على شيء .. شافت الي تحتها وانصدمت .. صارخت صرخه وحده وبعدها اغمى عليها ..... ✖️✖️✖️✖️✖️✖️✖️✖️✖️✖️✖️✖️✖️
