أحتجتلك يا أطيب بشر وين ألاقيك؟؟

34

بعد أسبوع .. هند وذياب عايشين فالعسل ومستانسين وهند دايماً جاسم يهددها وتخاف ومرات تتعب بس يوم تكون مع ذياب تحس بالأمان وتنسى .. نوره ومحمد بدلوا شقتهم وسوا مثل ما قالت نوره وعايشين حياتهم بس نوره بعدها ما قدرت تتقبل محمد ف داخلها وقاعده تحاول ما تبين الشيء هذا .. دانه وحمد لين الحين ما أعلن عن زواجه منها بسبب حالة دانه الصحيه صارت كل يوم تشتكي من جسمها وتحس بدوخه ورافضه تروح المستشفى .. منال وحصه صاروا يطلعون مع بعض بشكل يومي ويتلاقون مع سيف وراشد ف كل طلعاتهم .. الزعيم بدت مخططاته تنجح وبعده يخطط انه يدمر باقي العايله .. خلود وخليفه طلعت من المستشفى هي والبيبي وبيسون عزيمه عشان هالمناسبه وطبعاً لاهين عن حصه
.........................................
ف بيت اليد الكل كان متجمع هناك عشان ولد خلود ومستانسين فيه
اليده: بسكم خلوا الولد لعوزتوه
نجود: يدوه شرايج تخلينه عندج هالاسبوع
اليده: شو أخليه عندي الولد يبا امه يبا حليب
نجود: عادي بنسويله حليب نيدو
اليده: حليب نيدو خليه حقج انتي واختج ردوا الولد لامه
نجود: بلعب فيه وبعدين برده
اليده: لعبه هو لعبه
خلود وهي تشل ولدها : خليني بروح ارقده
نجود: لا خليه شوي وبعدين روحي
خليفه: البنات وينهم
ام خليفه: اي بنات
خليفه: بناتي
خلود: داخل قاعدين
ام فارس: القعده هذي ناقصنها هند ونوره وريايلهم
اليده: هيه والله صدقج
اليد: حمد وينه ما اشوفه بينكم
حامد: يدي حمد عنده شغله بسيطه بيقضيها وبيرد
اليد: و وليد وينه
جود: يدي وليد ف البيت تعبان شوي
اليده: ليش شو فيه ولدي
جود: حمى وزكام
اليده: خلي اي بدهنه بفكس
جود: خذ دواه ورقد
شوي وسمعوا حد يدق الجرس .. قام خليفه وبطل الباب ولقى ظرف موجود على الباب خذه ودخل داخل
اليد: منو عند الباب يا خليفه
خليفه: محد ابويا بس لقيت الظرف هذا
اليد: ظرف .. شوفيه الظرف هذا
خليفه: ما ادري
بطل خليفه الظرف ولقى فيه صور ورساله
خذ الرساله وو.......
..........................................
عند حمد ودانه ... كانت قاعده تتجهز و حمد قاعد وسرحان ... خلصت دانه ولبست عبايتها ولفت عليه لقته سرحان ويفكر
دانه: حمد
حمد:
دانه وهي تقعد قدامه : حمدد
حمد وهو ينتبه لها: هلا
دانه: شفيك
حمد: ما شيء بس متوتر شوي
دانه مسكت ايده: حمد اذا خايف ان يصير شيء لا تعلن خلاص
حمد: لا لازم أعلن عن زواجنا .. كملنا سنه ونحن متزوجين .. لين متى بنخش يعني
دانه تمت اتطالعه
حمد مسك ويهها بايدينه: لا تحاتين ما بيصير شيء .. وبعدين حامد يدري واكيد انه بيوقف معاي
دانه: واذا صار شيء
حمد: ما بيصير ان شاء الله .. وبعدين اهلي طيبين مب شريين لهدرجة .. وانا متأكد يوم بيشوفونج بينسون السالفه
دانه ابتسمت بخوف
حمد باسها على راسها : يلا قومي خلينا نطلع و نروحلهم كلهم متيمعين ف بيت يدي
دانه: ان شاء الله
......................................
ف هولندا / أمستردام .. دخل الشقه وقعد ينادي باسمها وما في رد .. حط اغراضه على الطاوله ودخل الغرفه ولقاها غارقه ف رقادها وما تدري عن الدنيا.. شغل الليتات وبطل الدريشة وراح قعد عندها
محمد: نوره .. نوير نوووورههه
نوره: همممم
محمد وهو يدخل الحمام: قومي صارت الساعه 1
نوره :...
دقايق وطلع محمد من الحمام ولقاها بعدها راقده .. راح محمد صوبها
محمد: نورهههه
نوره:..
محمد: لا حول الله ولا قوة الا بالله
شوي وشاف فراشة ملونه على حافة الدريشة .. عجبه شكلها وصورها
محمد: نوره قومي شوفي في فراشه ف الغرفه
من خلص جملته ما حس الا بوحده منخشه وراه وتزاعق
محمد: شفيج بسم الله
نوره: يععع محمد طلعها من الغرفه ما احب الحشرات
محمد : حرام عليج عاد هذي احلى حشره اصلاً حرام الواحد يقول عنها حشره
نوره وهي تشد قميصه: يع يععع .. امانه محمد روح شلّها وطلعها من الدريشة قبل لا تدخل الغرفه وتطير
محمد: انزين انزين
راح محمد يبا يمسكها بس الفراشه طارت وطلعت برا ونوره من شافتها طلعت سكرت الدريشة وتنهدت بارتياح
نوره: اووف واخيراً
محمد برفعة حاجب: وطلعتي تخافين من الحيوانات ها
نوره: منو انا .. منو قالك اني اخاف من الحيوانات اصلاً .. انا بس اخاف من الفراشات
محمد : اوك دام جذي عيل اليوم بنروح حديقة الحيوانات الي قريبة من ساحة دام سكوير
نوره: لا ... اااا اقصد .. انت قلتلي انك .. انك .. ب بب بتوديني سوق الزهور
محمد وهو يتقدم صوبها: والله يا زوجتي العزيزه غيرت رايي .. اليوم بالذات بوديج حديقة ارتيس مال الحيوانات ومتحف زنزانة أمستردام الرعب
وقرص خدها ومشى عنها وطلع اما نوره ف خافت و توترت ما تحب الحشرات ولا الحيوانات بشكل عام ولا تحب الاشياء الرعب وتحس انه اكبر غلط سوته انها قالت حق محمد عن الاشياء الي تخاف منها
...........................................
ألمانيا / غارميش
كانوا مأخذين سياكل وقاعدين يسوقون عند المكان المخصص للسياكل عند بحيرة ايبسي
هند: عجيبة ألوان البحيرة تحس كأنها لوحة فنيه
ذياب: والله انتي اللوحة الفنيه الي الواحد ما يقدر يبعد عينه عنج
هند ابتسمت له بحيا وطالعت قدام
ذياب: ما تبينا نروح ناخذ لنا قارب
هند: بلى ابا بس بعد ما نخلص من السياكل
ذياب: اتسابقين
هند وهي تعدل يلستها:  طبعاً انا الي بفوز
وقبل لا تخلص جملتها سبقها ذياب وهي وراه وتموا على هذي الحاله لين سبقت هند ذياب وتمت تضحك عليه وكل شوي تلف وراها واتطالعه .. فجأة وما حست الا وهي طايحة والسيكل فوقها
الريال: اسف اسف ما شفتج
ذياب: هند صار لج شيء
هند وهي تحاول تقوم: لا لا ما صار شيء
الريال: اسف اخوي ما شفتها
هند رفعت راسها وانصدمت
ذياب بعصبيه: شو ما شفتها لو صار فيها شيء الحين
هند وهي تسحب ذياب من ذراعه: خلاص ذياب خلنا نروح ما فيني شيء
الريال يمد ايده لذياب: اسمي جاسم .. اسمحلي والله ما كنت اقصد
ذياب مد ايده وسلم عليه: معاك ذياب ال.. بس اخوي مره ثانيه انتبه دخيلك بغيت ترّوح الحرمه
جاسم وهو يطالع هند : لا ما عليك بس لاني كنت سرحان وقاعد افكر ف اشياء كثيره وما انتبهت لها
هند رصت على ذراع ذياب بخوف وهي تحاول ما تشوف جاسم
ذياب: حصل خير .. يلا عيل انا استأذن الحين
جاسم: إذنك معاك و اسمحلنا مره ثانيه
ذياب: بالحل بالحل
راح جاسم وذياب لف على هند الي ميته خوف وترتجف
ذياب: شفيج
هند: ليش قاعد تتكلم مع الريال هالكثر
ذياب: تراه يستسمح مني
هند: ماله داعي ابداً يعني ما يشوف اني واقفه معاك ولا شو
ذياب: انزين شفيج معصبه
هند تمت تتنفس بشكل عميق عشان تهدا
ذياب وهو يمسك ايدها: شفيج ترتجفين
هند: ما فيني شيء
ذياب: انزين انجرحتي .. دقيقه خليني اشوف ايدج
هند وهي تسحب ايدها: ما فيني شيء  وما انجرحت
ذياب: انزين تعالي معاي خلينا بنقعد عند البحيرة يمكن تهدين شوي
يت هند تبا تمشي بس
هند: ااااااااااايييييي
ذياب: شفيج
هند بألم: ريلي .. ما اقدر امشي
ذياب رفع بنطلونها شوي ولقى ريولها وارمه من الطيحة
ذياب: تعالي خليني اوديج المستشفى يشوفون ريولج
هند: ما ابا اروح المستشفى ودني القارب .. بس بنتم قاعدين
ذياب: والسياكل كيف بنردهم لصاحبهم
هند: انا بقعد اترياك قدام البحيرة وانت روح وتعال
ذياب: مستحيل اخليج بروحج ف هالمكان
هند:ذياب عاد قدر وضعي والله ما اقدر امشي
ذياب: امممم خلاص اوك تقعدين لين اروح واي وتكون بعد اعصابج هدت
هند: اوك
.......................................
قدام بيت اليد .. وقف حمد سيارته ونزل هو ودانه و دقوا الباب ودخلوا
حمد: السلام عليكم
حامد : وعليكم السلام
حمد: وينهم
حامد: ف المستشفى
حمد: ليييش شفيهم
حامد: أمك طاحت علينا وودوها كلهم وقوم يدوه راحوا بيت قوم فارس
حمد: شفيها امي شياها
حامد وهو يمد له الظرف: شوف
حمد: شو ها
حامد: خليفه لقى الظرف عند الباب
حمد: شوفيه انزين
دانه: انزين بطل الظرف وشوف شو فيه
حمد: حاس ان فيه شيء انا ما ابا اشوفه .. ف مستحيل افتحه .. مسكي فتحيه انتي
خذت دانه الظرف وفتحته وقَعَدت تقرا الي فيه و شافت الصور
دانه : هئئئئئىى ... مستحيل منو مسوي جذي
حامد: هذا الي ابا اعرفه
حمد: شفيكم شو الي مكتوب
دانه: مكتوب " يا عائلة محمد ال.. الي ما تعرفونه ان ولدكم حمد متزوج بالسر من سنه والي مآخذها بنت فقر مب من ثوبك .. انا قلت أبلغكم الحين عشان ما تنصدمون بعدين اذا خبركم .... الزعيم"
حمد بعصبيه: الجلب  ... منو ها الحيوان الي كاتب جذي
حامد: هذا الي ابا اعرفه منك .. انت مخبر حد غيري بزواجك
حمد: والله العظيم محد يدري غيرك انت و نوره
دانه: في .. مها .. مها تدري .. و ابوي بعد
حمد: والله لو طلع واحد منهم ما برحمه والله العظيم
حامد: هه انت بعدك ما شفت الصور .. مصورينكم فكل مكان شكلهم يراقبونكم
دانه: شو بتسوي الحين
حمد: بنروح عند امايه
حامد:شوووو انت ينيت .. بتعبها اكثر دخيلك اقعد
حمد: ما اقدر لازم اروح أشوفها
حامد: يا ريال اسمع مني خلك قاعد مكانك وكلمها يوم ثاني
حمد: اذا ما كلمتها اليوم ما بقدر أكلمها بعدين
حامد: حمد..
حمد: يلا دانه
مسك ايدها وطلعوا من البيت متوجهين للمستشفى
.............................................
توقعاتكم😜😂