دانه: دقيقه .. الحين نوير مسافره وهندوه محد .. انا اذا رحت عند خلود وسألوني منو انتي شو اقول .. وعلى اي أساس اروحلها اصلاً حمد: روحي لها على أساس انج حرم حمد سعد ال... واذا رحتي عندهم قولي لهم انج حرمتي دانه: حمد بلا استهبال ... انا قاعده اتكلم جد .. تخيل يسألوني انتي منو شو تباني اقول .. ربيعة نوره وهند .. اوك لو ربيعتهم ليش رايحه وانا اعرف انهم محد .. بينقدوني اكيد حمد: ما يحتاي هذا كله .. قتلج قولي انج حرمتي وخلاص تمت دانه اتطالع حمد .. تبا تعرف هذا صاحي ولا في شيء طايح على راسه .. تقدم حمد ومسك ايدها حمد: شفيج جي اتطالعيني دانه: اشوفك اذا انت بكامل قواك العقلية ولا فيك شيء حمد ابتسم وبعدين ضحك : هههههههههههههه دانه ضربته على بطنه: سخيييييييييفففف حمد باسها على راسها: اليوم بعترف بزواجنا وبعلن عنه قدام الأهل دانه ابتسمت: صدق!!! حمد: هيه صدق دانه حضنته وهي مستانسه واخيراً بيكون عندها اهل شرات العالم والناس .. أخيراً بتقدر تكلم اي حد وما تتهرب منهم او انها تخاف ان يسوولها شيء حمد باسها على خدها: عسى دوم الفرحه والابتسامة هذي دانه: وياك يا رب حمد: يلا اتزهبي عشان انروح دانه: ان شاء الله لبست عبايتها وطلعت مع حمد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
.................................................. هولندا / أمستردام كانت اتقص السلطه واتجهزهم ف الصحون وبعدها طلعت القلاصات وحطتهم على الطاولة .. دخلت غرفتها تتريا محمد .. شوي وسمعت صوت الباب طلعت وشافته يدخل المطبخ وراحت وراه نوره: ما تبا غدا محمد: السلام عليكم نوره: وعليكم السلام محمد: شحالج عساج بخير نوره: الحمدلله محمد: ما تبينا ناكل برا نوره: مسويه غدا محمد بصدمه: طبختي نوره: هيه .. قلت حرام توك ياي من سفر وعلى طول الدوام وبعد اتطلعني عشان اكل .. فاطبخ احسن لي محمد: ومن وين يبتي اغراض الطبخ نوره: نزلت السوبرماركت الي موجود قريب الفندق وخذيت ورديت محمد: اسمحيلي عاد ما كنت ادري انج بتطبخين ولا ما خليتج نوره: يلا تعال تغدا راح محمد وغسل ايده وطلع عشان يتغدا مع نوره محمد: بعد الغدا برتاح شوي وبعدين بنطلع نحوط نوره: لا ما اقدر اليوم خلها باجر .. تونا واصلين محمد: على راحتج نوره: اااا .. محمد ابا أكلمك عن شغله بعد الغدا محمد: خير ان شاء الله بعد ما تغدوا وخلصوا شلوا الصحون وتموا يغسلون ويوم خلصوا قعدوا ف الصاله .. كانت نوره تكلم هند فالواتس ومحمد يشتغل على لابه هند: نوير كل هذا الي سويتيه والحين مب قادره تكلمينه نوره: صعب والله احس جي اذا كلمته بجرحه هند: ليش انتي شو تبين تقولين له 🤨 نوره: ابا أقوله ان نعيش نفس الاخوان هند: شووووووو!!!! ... نوره لا تستهبلين شو تقولين حق الريال خلنا نعيش شرات الاخوان نوره: مستحيل أخليه يلمسني وانا ما احبه .. ما ابا هند: نوره تراج بتدمرين بيتج ف ثواني نوره: ما اقدر ما اقدر .. صعب عليّ والله صعب هند: تبيني اخلي ذياب يكلمج نوره: شو تبيني أقوله هند: قوليله الصدق نوره: لا ما اقدر هند: عيل صارحي محمد .. خليه هو الي يساعدج .. وبعدين صدقيني بيكون لج ستر وغطى واكيد انه بيفهمج نوره: ان شاء الله .. معنه شيء صعب بس بحاول ......................................... عند منال و حصة .. اول ما طلعوا من المستشفى ركبوا سيارة منال وقالوا حق الدريول يحرك حصه: منال وين بنسير منال: المول حصة: شووو .. ليش منال: حصيص راشد حاشرني يبا يشوفج روحي شوفيه حصة: منال كيف تبيني اروح له وانا مب متعدله ومتبهذله منال: يايبتلج ماسكرا وايلينر وروج وبلاشر حطيهم بطريقة حلوه ولا اقولج انا بحط لج وانتي كل الي عليج تروحين تشوفينه حصة: مشكورة منال ما ادري بدونج شو بسوي منال: فالخدمه فديتج ...................................... ف بيت ام فارس كانت قاعده ف الصاله مع ام فارس ويالسه تسولف معاها ام فارس: كيف الحمال معاج الحين أميره: متعبني .. بس مستانسه واحمد الله على كل شيء ام فارس: مديمه فرحتج يا رب أميره وهي تقوم: امين يا رب .. بروح اسويلي بسبوسه تبين شيء ام فارس: وين تروحين قعدي قعدي .. عن تتعبين أميره: عموه ابا بسبوسه خاطري فيها ام فارس: قعدي انا بروح اسويلج أميره: لا والله ما تروحين .. بروحي بروح اسويلي فارس: السلام عليكم ام فارس واميره: وعليكم السلام والرحمة فارس وهو يبوس راس امه: شحالج يالغاليه ام فارس: بخير الحمدلله شحالك انت فارس: يسرج حالي أميره: انا استأذن بروح المطبخ ام فارس: تعالي قعدي شلج بالعباله والتعب فارس: ليش شفيها ام فارس: خاطرها ف بسبوسه ورافضه اني اسويلها الا اتسوي بروحها أميره: والله يا عموه ما تدخلين المطبخ عادي انا بروح ام فارس: شوف يا فارس اذا حرمتك دخلت المطبخ بضربك وبروغك من البيت بعد سمعت!! فارس: هههههههههههه انزين انا شو يخصني .. خلاص أميره اقعدي وانا بروح أخذ لج جاهز اميره وهي تضحك: ان شاء الله ان شاء الله ام فارس وهي تمشي لغرفتها: ما تيون الا بالعين الحمره اميره وفارس: هههههههههههههههههههههههههههههه اميره وفارس من بعد ما دخلت ام فارس راحوا قسمهم فارس: متى تبينا نطلع اميره: امممم ودي اقولك الحين بس حرام توك ياي .. ف خله بعدين العصر أو المغرب جي فارس وهو يقعد بتعب على السرير: زين عيل عشان ارتاح اميره: تباني اهمز لك كتفك عشان تنام عدل فارس: لا حبي ما اباج تتعبين بس ايبيلي قلاص ماي بارد اميره : ان شاء الله راحت اميره يابت قلاص ماي وعطت فارس شرب وعطاها القلاص فارس: تسلم ايدج اميره: بالعافيه فارس: تعالي ارتاحي ..شوفي ويهج كيف صاير اميره: هند ما اتصلت عليك فارس: لا والله ما اتصلت .. حتى ريلها ما اتصل اميره: اكيد مشغولين فارس: برايهم معاريس يداد .. الله يهنيهم يارب اميره: امين يارب ........................................... ف محل الورد كانوا حمد ودانه يغلفون هديتهم ويجهزون الباقه حق خلود و ولدها حمد مسك ايد دانه: شفيج ترتجفين ؟! دانه: بردانه حمد: تعالي بنطلع برا شوي دانه: لا برايه خلنا قاعدين هني احسن حمد: وبتميين ترتجفين جذي دانه حطت ايدها ف مخباة عبايتها : الحين بدفا بعد دقايق خذوا الباقه و الهديه وطلعوا وهم طالعين رايحين صوب السياره دانه وهي تمسك كتف حمد: حمد اصبر شوي حمد وهو يلف عليها: شفيج دانه وهي تمسك راسها: ما ادري احس بدوخه حمد وهو يمسك ايدها: بسم الله عليج شياج دانه: ما ادري ما ادري .. خلنا نروح السياره ابا ارتاح شوي حمد مشاها لين السياره وحط الأغراض و ساعدها تركب السياره وركب بعدها حمد: بوديج المستشفى وبعدين بنروح انزور حرمة خليفه دانه: لا ما اقدر .. خلنا نروح البيت راسي وايد يعورني واحس بدوخه قويه حمد: انزين خليني اوديج المستشفى يشوفون شو فيج دانه:حمد ما ابا ما ابا .. بس ردني البيت عشان ارتاح حمد: ان شاء الله ان شاء الله .................................. عند حصة ومنال.. وصلوا المول ونزلوا وطبعاً العبي مفتوحة والبنطلون ضيق والقميص قصير والمكياج تارس الويه حصه: وين رايحه منال: بنروح شاكسبير هم هناك حصة: منو هم ؟؟؟ منال: راشد و سيف حصة: بتقعدون معانا منال: هيه كلنا بنقعد مع بعض حصة: زين عيل عشان ما أتوتر وانا معاه وصلوا المطعم منال: السلام عليكم سيف وراشد: وعليكم السلام والرحمه سيف وهويحضن منال: شحالج يا قلبي منال: بخير بشوفتك شحالك انت سيف: بخير دامج بخير راشد: حصه شحالج حصة: بخير الحمدلله شحالك انت راشد: الحمدلله بخير .. تعالي اقعدي ليش واقفه قعدت حصة عند راشد ومنال عند سيف وتموا يسولفون مع بعض وطلبولهم كيك وتموا ياكلون ويوم خلصوا ودفعوا الحساب سيف:يلا عاد نحن بنروح الحين حصة: منال وين بتروحين و بتخليني بروحي منال: ما بتكونين بروحج راشد بيكون معاج .. وبعدين انا بروح أحوط مع سيف وانت بتروحين مع راشد وبنتلاقى هني فنفس المكان .. يلا باي enjoy ها 😉 راشد: تبينا نروح ولا نقعد هني حصة: اااا .. كيفك راشد: عيل خلينا انروح السياره احسن وأريح حصة: اوك طلعوا من المطعم وراحوا السياره .. بطل راشد لحصة الباب وهي ركبت وبعدها ركب هو معاها راشد: تبينا نحوط ولا نتم هني حصة: لا احسن نتم هني راشد: على راحتج حصة ابتسمت راشد مسك ايدها: تعرفين انج طلعتي احلى عن الصوره الي رسمتها ف بالي .. طلعتي وايد اجمل ما توقعتج جذي ابداً حصة نزلت راسها بحيا راشد رفع راسها بصبعه: وعيونج السود فز لهن قلبي وصفق وارتعد حصة ضحكت بحيا راشد تقرب وباسها على خدها: فديت الضحكه عساها مديمه يارب حصة: خلنا نرد داخل راشد: ليش.. ليكون عصبتي لاني بستج حصة: لا مب جي بس ااااا.. اا بس اخاف منال ترد وما تحصلنا راشد: لا ما عليج ما بيردون الحين .. خلينا نستأنس مع بعض وبعدين بنروحلهم حصة: اوك راشد مد ايده لشيلتها ونزلها من راسها وبطل ربطتها وشعرها نزل كامل راشد: ما شاء الله ما توقعت شعرج بهالطول والجمال حصة: انا ما احبه طويل ويلعوز ومفكرة اقصه بعد المدارس راشد: لا لا تقصينه خليه جذي احلى حصة: عشانك بس بخليه راشد: فديتج بس ....................................... ف هولندا / أمستردام دخل محمد غرفته ونوره دخلت غرفتها وبعدها محتاره اذا تكلم محمد ولا لا .. لين اخر شيء قوة نفسها وراحت عند محمد .. دقت عليه الباب ودخلت محمد: تعالي نوره نوره: مشغول؟! محمد: لا تعالي حياج نوره: محمد ابا أكلمك ف موضوع مهم شوي محمد: اوك تعالي قعدي نوره: بس ما أباك تعصب او تزعل او اي شيء محمد ابتسم عشان يطمنها: ما عليج انا ما ازعل ولا اعصب بسرعه نوره:اااا... محمد انا ... انا... اااا ابا محمد: شو نوره شو تبين نوره نزلت راسها تفكر شوي وبعدين رفعت راسها اتطالع عيونه محمد ابتسم لها: عادي قولي الي تبينه ما بعصب ولا بزعل نوره ببطء: ابا نعيش كأي زوجين ف الدنيا .. ما ابا كل واحد ف غرفه و بعيدين عن بعض محمد تم يطالعها منصدم نوره نزلت راسها: بدل الشقه هذي وخذ وحده فيها غرفه وحده بس وقامت عنه ودخلت غرفتها وقفلت الباب وتمت اتصيح وهي حاطه ايدها على حلجها عشان ما يطلع صوتها نوره:" ما قدرت ... ما قدرت ... كنت رايحة والكلام الي بقوله على طرف لساني بس من شفت ابتسامته والأمان الي ف عيونه ضاع كل الكلام .. ما قدرت اني أقوله خلنا نعيش مثل الاخوان .. خفت اني اجرحه او يزعل ولا يعصب .. خفت من وايد اشياء .. لساني انربط .. خفت باجر يكون حالي مثل حال امه وابوه.. كل مره يضربني وكل مره مشكلة وضرابه على اشياء تافه ونهايتي تكون مثل نهاية خوله .. ما عرفت شو اقول غير الي قلته " ...................................... عيدكم مبارك وعساكم من عواده يا رب .. عطوني توقعاتكم الحلوه يالحلوين حق البارت الي بينزل باجر باْذن الله 🥰♥️
