دخل فارس الغرفه وشاف أميره قاعده على الفون فارس: كم مره اقولج اذا انا وامي تكلمنا انتي ما لج دخل أميره: بس الي قاعدين اتقولونه حرام .. تعاملون فهد وكأنه ولد حرام مب ولدكم إنتوا فارس: لا تتدخلين يا أميره لا تتدخلين أميره بعصبيه: لييييش .. تباني اسمعك تقول جذي واسكت ... فارس فهد اخوي مثل ما هو اخوك وانا ما ارضى اسمع هذا الكلام عنه فهمت فارس: لا مب اخوج .. فهد مب اخوج .. فهد مي.. أميره بتهديد وصوت عالي: يويلك .. يويلك مني يا فارس لو قلت عنه مينون .. والله العظيم بتندم .. وتعرف اني اقدر اسوي وايد اشياء ويت تبا تطلع بس مسكها فارس وخلاها اتجابله فارس : صوتج مره ثانيه اذا رفعتيه عليّ بكسرلج راسج .. ثاني شيء لو دافعتي عن الي اسمه فهد .. بتروحين بيت اهلج سمعتيني أميره دزته وصارخت: سو الي تبا اتسويه عادي عندي .. أساساً كرهت العيشه معاك .. صرت ما اتحملك وانت جذي .. كيف تقدر تنام وأخوك يعاني .. كيف تقدر تكمل حياتك والناس يقولون عنه مينون .. الحيوانات ارحم على بعض منك انته وطلعت عنه رايحه بيت اليد واليده .......................................... عند حمد .. كان طالع هو ودانه يتمشون حمد: يلا ما خلصتي ؟؟! دانه: لا خلاص خلصت حمد وهو يسحبها من أيدها : تعالي باخذلج شيء دانه: ويت حمد .. ههههه بلاك جذي تسحبني .. اييييههه حمد وقف ولف عليها: شفيج؟! دانه وهي تعدل حجابها: افففف .. زين ما طاحت الشيله حمد وهو كاتم ضحكته: وليش ما قلتيلي انزين دانه فجت عيونها: وانت خليتني اتكلم على طول سحبتني .. استغفر الله بس استغفر الله حمد: ههههههههههههههههههههههههه ... اااه يا ربي يلا يلا أمشي مسك أيدها وراحوا محل مجوهرات وخذالها ساعة فيرزاتشي وكانت اتجنن على أيدها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
استانست دانه على الهديه .. و وعدته ان تاخذله شيء احلى وأغلى من هذي .. بعدها طلعوا يتمشون ف مكان ثاني .......................................... ذياب ببرود: انتي وين هند: فالمستشفى ذياب: اي مستشفى ؟؟ هند :ال***** وسكر فويهها .. هند عصبت منه ودخلت عند فهد وراحت عنده و ضربته بكس قوي على كتفه فهد مسك كتفه بألم : ااااااااااااييييي .... شفيج يالعنزه!! هند بقهر: عيل اتخليني انا اروح ادق على الخروف ولد عمتك وأتأسف منه وما ادري شو اخر شيء يسكر فويهي .. خدامة ابوه انا ولا شحاته .. الحمار قهرني اففف يا رب اتصبرني قبل لا اقتله!! 😠😠😠 فهد: ههههههههههههههه افا هندوه سكر فويهج عاد ههههههههههههه هند: لا تخلني اكسرلك كتفك واخليك تترقد فالمستشفى لمدة شهر فهد: هههههههههههههههههه ... اااااه هندوه صايره تحفه .. معصبه ومقهورة وبعدها تنكت هند: جب جب .. ربي رزقني اخوان يحبون يعذبون أختهم .. انزين احترموا اني انا اختكم الوحيدة يعني مالت عليكم بس فهد: ههههههه .. انزين يا اختنا الوحيدة .. ابا ماي هند: من وين ايبلك ان شاء الله فهد: هذوه وراج على الطاوله يبيه هند قعدت على الكرسي وطالعته بخبث: تصدق فهد اني تعبت .. ما اقدر اروح ايبلك ماي .. روح انت بروحك فهد: هندوه لا تستهبلين كيف تبيني أقوم .. روحي يبيلي ماي عطشان هند: مب مشكلتي انا قتلك اقعد اضحك فهد: هندووووووه !!! هند حطت أيدها على أذنها: ما اسمعك ترا فهد: لا حول الله .. خلاص ما ابا ماي هند : احسن .. خلك جذي لين يخلص المغذي فهد: حرام عليج انزين بس شوي والله عطشان هند صغرت عيونها واتطالعه: اممممم ما كسرت خاطري للأسف يعني هههههههههههه فهد: هندوووووه !! هند: نعم فهد: عطشان يالعنزه .. قومي يبيلي مااااي هند: ما ابا ذياب: السلام عليكم فهد: وعليكم السلام ذياب خذ الماي وراح عند فهد : عنبوه اخوج يبا ماي وما تبين تعطينه .. ما فيج رحمه شو هند:.... فهد وهو يطالعها: من الصبح اترجاها تعطيني ماي ومب طايعه اونه محد قالك تضحك هند:..... ذياب : ما عليك منها .. شحالك الحين فهد: الحمدلله تمام ذياب: ممكن اعرف السبب فهد يطالع هند: هندوه روحي ازقري الممرضة عشان اتبطل المغذي شافته بنظره وبعدين قامت وطلعت برا راحت تزقر النيرس .. اما فهد خبر ذياب كل شيء على السريع قبل لا تي هند ... شوي ودخلت النيرس وبطلت المغذي عنه وراح ذياب يسويله ورقة خروج ويوم خلصوا قعدوا يتريون هند فهد: وبن راحت هذي بعد .. ذياب دقلها شوفها وين ذياب: المشكلة ما ترد عليّ فهد: اكيد معصبه ذياب: من شوه معصبه فهد: لان.. قطع كلامه دخول هند ذياب: ساعه لين تيين .. وين كنتي كل هالوقت فهد: خلاص يلا خلنا انروح وقف فهد ولبس نعاله" تكرمون " ويا يبا يمشي بس فاجئته هند الي انخشت فحضنه وقَعَدت اتصيح .. أنصدم ذياب لانه اول مره يشوفها اتصيح .. اما فهد فقعد يمسح على راسها فهد: هند تراه ما كان يقصد .. يمزح معاج هند:... فهد: هندوه عاد.. بتقعدين جذي يعني .. شوفيه قاعد يطالعج تراه هند:... فهد: انزين خلاص اشششش دقيقتين وهدت وعطت ظهرها حق ذياب وقعدت تمسح دموعها فهد: خلاص؟! هند: هيه فهد مسك أيدها ومشى مع ذياب : دلوعه انتي بعد ..................................... بيت بو خليفه .. كانوا مجتمعين فالصاله ويسولفون ميره: أبويا نبا نسافر مليت انا .. ارحموا حالي يا نااس ام خليفه: وين تبين اتسافرين وانتي ما خلصتي امتحاناتج ميره: عادي ابو خليفه: خلصي امتحاناتج بعدين بسفرج المكان الي تبينه ميره: لندن ابو خليفه: حاضر من عيوني نوره: لا أبويا ما نبا لندن .. اممممم سويسرا احلى ميره: على كيفج انتي .. منو الي يدرس ويمتحن انا ولا انتي !!! نوره: منو الأكبر انا ولا انتي ميره: صح انتي الأكبر بس انا اعقل عنج الكل: ههههههههههههههههههه نوره: ابوي قاعد هني ما ابا اسويلج شيء ام خليفه: اخوكم ذياب وينه نوره وميره: ما ندري خليفه: اكيد راح عند حد من ربعه ابو خليفه: عاد ذياب ما ينخاف عليه .. ريال ويعتمد عليه .. لكن ولدج حمد هذا الي ما يعرف يقر فالبيت وينه ام خليفه: طالع .. قالي انه يبا يطلع وقتله روح شوي ودخل حمد: السلام عليكم الكل : وعليكم السلام ابو خليفه: وينك انت اليوم .. ليش مب مداوم حمد وهو يبوس راس ابوه وأمه : كنت مشغول اليوم ما قدرت أداوم ابو خليفه: وشو الشغل المهم هذا الي خلاك اتهد شغلك وما تداوم حمد: كن... قطع كلامه ديمه وهي تركض من بعيد : عممييييي حمدددد حمد يشلها: يا هلا والله بالقمر .. شحالج ديمه: بخير حمد: اليوم بالذات احبج .. انقذتيني تراج ديمه ابتسمت لانها ما فهمت عليه وطلعت غمازاتها حمد: يوييييل حالي على هالغمازات "وبأسها على خذها" شوي ونزلوا حصه وهدى .. وسلموا على عمهم .. هدى باسته على خده اما حصه لا وراحت قعدت عند ابوها حمد : خلوف شوف حل مع بنتك تراها تكرهني خليفه: اي بنت حمد: الي قاعده على يمينك .. عطها كف يطير راسها ام خليفه: جرب حظك انت وياه عشان اروغكم من البيت .. كله ولا بنتي عاد .. خط احمر خليفه: ليش نحن نقدر انسوي شيء بدلوعة امي ابو خليفه: ميره .. روحي ازقري اختج خليها تي تقعد معانا ام خليفه: سلطان عنده امتحان وزايد عنده موعد .. بعد شوي بتنزل عشان توديه نوره: غريبه حصيص اليوم ساكته .. شفيج حصه: ما شيء حمد: دام قعدت عند ابوها يعني مسويه مصيبه نوره: واو حمد .. اول مره تقول شيء وانا أوافقك عليه .. قولي قولي ضاربه منو فالمدرسه عادي ترا حمد: اوووه طلعتي جون سينا تتضاربين فالمدرسه ها .. فالبيت .. صايره دياية قوم يدوه حتى ما تقدرين ترمشين نوره وحمد: هههههههههههههههههههههههههههههه خليفه: يوزوا عن بنتي احسلكم شوي ودخل ذياب: سلام عليكم الكل: وعليكم السلام على طول راح فوق بدون ما يقول اي شيء ثاني .. والكل استغرب لان العاده يقعد يشرب قهوه ويسولف مع ابوه ويلعب مع اليهال بعدين يطلع فوق .................................................. بيت ام فارس .. كانوا كلهم قاعدين فالصاله الا أميره ام فارس: اتصل فأختك شوفها وين ؟؟ فارس: بترد ما بتروح مكان ام فارس: حسبي الله على ابليسك جانك خليت بنتي ترد بالتكسي فيصل: يمه تراني بطلع المغرب ام فارس: وين بتروح فيصل: بروح المول مع ربعي ام فارس: الله يحفظك شوي ودخلت هند وهي ماسكه ايد فهد ام فارس: هند .. وينج يمه ليش ما رجعتي مع اخوج هند: ماما شفيج تراني مع اخوي الحين ام فارس: اخوج فارس هند: لان اخوي فهد ما كان عنده حد ام فارس: بس انتي تعرفين حالته عدل هند: هيه اعرف .. ما فيه شيء الحمدلله هذا الي اعرفه انا ام فارس: هند ترا مب وقت عناد .. روحي غرفتج فوق هند: اوك خلاص بروح بس قبلها بوصل اخو.. قاطعها فارس وهو يسحبها بعصبيه: ذبحتينا انتي اخوي واخوي كم مره قتلج هالمينون مب اخوج ليش مب راضيه تفهمين هند بعصبيه: لو مهما كانت حالته بيضل اخوي .. من ام وحده وأبو واحد ... انا وهو وانته وفيصل من بطن واحد فارس: هند .. بتندمين تراج على الكلام الي قاعده اتقولينه .. صدقيني بتندمين اذا عرفتي الصدق هند صارخت: وشووووو هوووو الصددققق هاااا ... قولولي ليييييش سااااااكتييين .. ولا قاعدييين ادورون كذبه يديده .. عشان تمشونهااااااا عليّ فهد مسك ايد هند: هندوه تعالي روحي غرفتج هند هدت ايده وقالت بطنازه: لا دقيقه ابا اعرف شو الصدق الي انا ما اعرفه فارس تنرفز من اسلوبها وتقدم يبا يضربها بس فهد سحبها وراه: خلاص خلها .. هي الحين معصبه وما تعرف الي اتسويه صح ولا غلط .. برايها الحين بتروح غرفتها هند راحت صوب التحفه الموجودة بالصاله .. وكسرتها بكل قوتها وراحت الثانيه نفس شيء والثالثة نفس الشيء راحت امها تبا تشل بنتها بس وقفها فهد فهد: خليها بروحها بتهدا دقايق وهدت هند وراحت غرفتها .. ما تقدر اتشوف حد ولا تروح عند حد تبا أتم بروحها شوي .. تحس ان كل شيء تغير بلحظة وحده بس .. قعدت أتفكر واتفكر.. لين نامت ✖️✖️✖️✖️✖️✖️✖️✖️✖️✖️✖️✖️✖️
