أحتجتلك يا أطيب بشر وين ألاقيك؟؟

30

يوم الخميس ف بيت ام فارس .. كل البنات متجمعين عند هند عشان يتحنون وكانوا مشغلين الاغاني و مستانسين
نجود:هندوه شو شعورج
هند: حالياً عادي مستانسه واحس بحماس وغيره يارب أتم جي لين باجر
خوله: يبتي فستانج ولا بعده
أميره: عموه و فارس راحوا ايبونه
خوله: والمسكة
هند: المسكة باجر بيروحون ايبونها
جود: نجود انتي متصله على وليد وقايلتله اي هني؟!
نجود: هي قتله ايبلنا غدا من ماك
هند: اسميييهههه الولد بيفلس من وراج
نجود: هههههههههه انا اخر العنقود لازم يصرف عليّ
طلعت برا وخذت الأكياس وتمت توزع الاكل على البنات والحنايات
هند: ميروه نوير وينها ما تبا تتحنى
ميره: مادريبها
خوله: هندوه قعدي معاها كلميها .. وايد هامله نفسها وضعفت اكثر بعد .. تخيلي انها ماخذه فستان احمر ومنفوش والله لونه خايس .. ديزاينه ديزاين هنووود
هند: وانزين ليش كل هذا .. يعني ما تبا محمد ولا كيف
خوله: بالعكس هي موافقه عليه وكانت مستانسه يوم يا خطبها بس ما ادري ليش جي فجأة جلبت
هند: أميره عطيني فوني عندج
خذت فونها واتصلت ف نوره وردت عليها
نوره: الو
هند: نوير وينج ما تبين تتحنين
نوره: لا ما احب الحنه
هند: ومن متى
نوره: من اليوم
هند: نوير شفيج ليش جذي قاعده تسوين بنفسج
نوره: سالفه طويله بقولج يوم بتكونين بروحج
هند: اوك بس امانه تعالي تحني عشان خاطري
نوره: اوك بس عشانج ..  بس بروح مع حمد الصالون ما فيني اجابل البنات ويقعدون يفتحون معاي تحقيق
هند : اوك .. اهم شيء تتحنين
خوله: بتي تتحنى
هند: بتروح مع حمد
خوله: اهم شيء تتحنى
.....................................
ف مكان من زمان عنه .. عند الزعيم
الزعيم: أباكم تعرفون وين بيسافرون .. ضروري اعرف
جاسم:انا عرفت وين بيسافرون ... بيروحون ألمانيا
الزعيم: الود ودي احرق عليهم القاعه و ارتاح
جاسم: انزين .. فكرة حلوه ليش ما أنفذها
الزعيم: جود ونجود بيكونون هناك وانا ما أباهم يتأذون
راشد:عيل شو بنسوي
الزعيم: بنخليهم يستانسون ف ليلة عمرهم وشغلنا بيبدأ يوم بيسافرون .. لازم نحول شهر العسل لشهر الرعب
جاسم: وكيف
الزعيم: ابا ثنين يسافرون ألمانيا واحجزوا ف نفس الفندق الي هم فيه . واياكم تراقبونهم .. كل ما شفتوهم مستانسين ويضحكون اباكم تجلبون هذي المشاعر ف ثانيه أباهم طول الوقت يحسون بالخوف وعدم الراحه
جاسم: حاضررر
الزعيم: وركزوا على هند اكثر شيء
راشد: طويل العمر بس انا ما اقدر اروح معاه
الزعيم: وليش ان شاء الله
راشد: عشان حصهً
الزعيم: ههههههههههههههههههه صح صح .. خلاص جاسم خذ حميد معاك
جاسم: ان شاء الله
الزعيم: انت شو مسوي مع حصه .. شو اليديد
راشد: أبشرك البنت وقعت في حبي
الزعيم: هههههههههههههههههههههههه حبيت حبيت ههههههههههههه ... خلك جذي استمر معاها .. لين تقع في شباكنا هههههههههههههههههههههههههههههـ
................................................
عند دانه ونوره .. من بعد ما خلصوا من الصالون اتصلت دانه ف حمد عشان يشلهم .. 10 دقايق وهو عند باب الصالون .. طلعوا دانه ونورة وركبن السياره
دانه: السلام عليكم
حمد: شليتوا حناكم؟!!
دانه: انزين رد السلام اول وبعدين اسأل
حمد: ايييههه اذا مب شالين حناكم انزلوا وروحوا شلوه بعدين ركبوا السياره ولبسن قفازات قبل لا تركبن السياره
دانه: حممممددددد!!!!.. بس خلاص شالين الحنه
حمد: عبالي بعد ولا كان نزلتكن هني .. كنتن بتردن مشي
نوره: اففف حمد وايد تتكلم .. ودني اي مكان ما ابا ارد البيت
حمد: بنروح بيتنا
نوره: ابا اطلع متضايقه
حمد: افا متضايقه وباجر عرسج
نوره بصوت خفيف: امحق عرس
حمد: وين تبين تروحين
نوره: اي مكان عادي اهم شيء اطلع
حمد: خلاص اوك .. برد البيت ببدل وبعدين بنطلع
دانه:زين عشان ابدل انا بعد
نوره: اوك
راحوا البيت وبدلوا وطلعوا بعدها يتحوطون
........................................
نقدم الأحداث
الفليل ف بيت ام فارس ف غرفة هند
كانت هند ونوره قاعدين ونوره خبرت هند كل السالفه من خطبها محمد لين الحين
هند: نوره بس محمد ماله دخل .. اكيد هو بعد مغصوب
نوره: مب مشكلتي هذي .. من الأساس ليش يسوون فينا جذي يعني لهدرجة نحن رخاص وما لنا قيمة ويبيعونا لأي حد
هند: مب جي السالفه صدقيني .. في شيء ثاني نحن ما نعرفه بس ما ردنا بنعرف كل شيء .. وباجر انتي بتصيرين حرم محمد رسمي يعني لازم تبدين تتقبلينه ف حياتج وتحبينه
نوره: ما اقدر ما اقدر.. احس صعب عليّ وايد صعب .. انا مب مستعده حق شيء لين الحين ما ابا اتزوج وانا ف هالعمر
هند: هذا نصيبج نوير .. ارضي باللي الله كتبه لج ..وان شاء الله خيرر
نوره: برضى لان ما اقدر اسوي شيء غير اني ارضى باللي كتبه ربي .. بس مع هذا بعاندهم وبخرب عليهم فرحتهم
هند: قصدج تخربين فرحتج انتي
نوره: لا فرحتهم هم .. مب امي تبا اتشوفني ب فستان ابيض وانا رفضت ألبس فستان ابيض وحتى ما اريد عرس ولا شيء .. من بعد ما تنزفون انتو ويبقون اهلنا انا ومحمد بننزل وخلاص
هند: والله ما انزل قبلج .. انتي تنزلين اول وبعدين انا
نوره: اوك اوك
شوي ورن فون هند ردت عليه
هند وهي تشوف نوره: هلا محمد
محمد: هندوه وينج
هند: ف غرفتي
محمد : انزين بييج و...
هند قاطعته: نعمممممم!!!!!ً
محمد: شفيج بسم الله خليني اكمل .. بييج وأباج تنزلين بكون ف الصاله
هند: شو تبا
محمد: اباج ف سالفه
هند: عن هذاك
محمد: انتي حد معاج
هند: هيه نوره معاي
محمد: عيل خلاص ما بي خلج معاها
هند: لا عادي هي الحين بتروح .. المهم ما قلتلي عن هذاك ولا
محمد: لا لا مب عن المجهول .. اخر فتره قطع عنا ما ادري بلاه .. المهم السالفه عن نوره
هند" سبحان الله كل حد يبا يتكلم عن الثاني": خلاص اوك تعال الصاله وانا شوي وبنزل لك
محمد: اوك اترياج لا تتأخرين لان حدي تعبان وفيني رقاد
هند: انزين
سكرت عنه وراحت لبست شيلتها ونوره ردت بيتهم وبعدها هند نزلت تحت ولقت محمد قاعد ويايب معاه اغراض
هند: ش يايب انت
محمد:هذيل حق نوره
هند بابتسامه جانبيه: قصدك هديه
محمد وهو يحك راسه: يعني تقدرين تقولين جذي ... اعرف انها انغصبت على الزواج مثلي وأنها مب مستانسه وغيره .. فقلت أفرحها ف هذي الاشياء على الاقل تطمن ان حياتنا بتكون احلى وأحسن مما تتخيل
هند: زين يوم انك فكرت بهذي الفكره .. البنت نفسيتها تعبانه وايد لدرجة انها تبا تتعس نفسها وعلى بالها بتتعس امها لانها غصبتها على الزواج
محمد : عموه غاصبه نوره على الزواج مستحييييل!!!! .. على بالي ابوها الي غاصبنها
هند: بالعكس ابوها خيرها لكن امها غصبتها عشان تتعدل العلاقات بين عمي سعد و عمي احمد
محمد باستهزاء: تخيلي ابوي شو حاط ف باله .. ان اذا تزوجت انا نوره بتتعدل العلاقة بينه وبين ابوها وبعدين يدخل معاه ف الشراكه وياخذ فلوس منه ومن يعدل اوضاع شركته بيفض الشراكة ويباني انا اطلق نوره وكلها ف ست شهور بس
هند بصدمه: مستحييييييللل !!!! ... شو هالتفكير .. يعني غصبك على الزواج عشان الفلووووس !! .. وغير هذا يباك اطلق نوره بعد .. يعني يزوجك ويطلقك بعد .. شو هالابو الي ما فيه ذرة رحمة
محمد نزل راسه:....
هند تنهدت : محمد اسفه على الكلام الي قلته .. بس ترا شيء ينرفز
محمد: فالنهايه لازم اطيعه ما اقدر أعصي اوامره
هند عقدت حواجبها: ليكون بطلق نوره مثل ما قال ابوك
محمد: لا لا لا ما بطلقها بالعكس بعد ست شهور بطلعها نسكن رواحنا .. حاط ف بالي ان خلال هذي المده احسن علاقتي معاها قبل لا انتقل
هند: وأبوك
محمد: ما له حق يتكلم .. نوره زوجتي وانا حر فيها ماله دخل ف زواجنا
هند: اففف ريحتني الله يريح قلبك .. انزين الحين هالاغراض انت بتعطيها ولا
محمد: لا انتي عطيها .. هذا فستان مع الشبكة وكل شيء والباقه بتوصل باجر
هند: محمد بس نوره مستحيل تا..
محمد: ادري انها مستحيل تاخذه بس انتي حاولي معاها فكري شوي ف خطه يخليها تلبس هذيل الملابس
هند: خلاص ولا يهمك
محمد: مشكوره بنت العم
هند: ولو ما سوينا شيء
.........................................
اليوم الثاني ف القاعه /غرفة العرايس كانوا البنات يتجهزون والكل متلبس الا نوره وهند .. شوي ودخلت ام حمود وف ايدها صينية صغيره فيها Turkish coffee وقلاص ماي
ام حمود: نوير خذي اشربي شوي
نوره: مشكورة عموه ما ابا شيء
ام حمود: افا انا متعنيه ومسوتلج اخر شيء ما تبين
نوره: خلاص ولا يهمج بس بشربه بعدين يوم بتخلص eyeshadow
ام حمود : بحطه قدامج عيل
حطت الصينية وطلعت
نوره: ميره تعالي شلي الصينية وحطيها فوق الطاوله اخاف يطيح فيها وصخ هني
ميره: اوك .. صح نوره حمد اتصل يايب باقتج
نوره: انزين روحي ايبيها
ميره: وين تبيني اروح جذي ..سلطان بيبه
نوره: انزين
ميره: وصح قا...
وطششششششششششش
ميره بألم: اخخخخخخخخ ... منو ها الي عطاني عين .. افففففف انكسر الكعب
نوره: ميروووووووه شوووووو سوييييتيييي ... خيستييييي الفستااااااان
ميره ودموع ف عينها: كعبي انكسر شارتنه بألف وشيء و ماركه بعد وانتي تحاتين فستان الهنود هذا
نوره بعصبيه: الكعب اي بداله مليون كعب ف ثواني لكن فستاني توصخ وما باقي شيء وبنزل شو تبيني البس .. هالجلابيه
خوله: عادي نوير يتنظف
تمت خوله تحاول تنظفه وتوصخ زياده .. نوره انقهرت وتمت اتصيح
هند: نوير خلاص اهدي .. بتصل ف محمد يودي الفستان المغسلة وينظفونه لج
نوره: شو هالحظ الخايس .. ما ابا محمد يشوف الفستان
خوله: ترا جي ولا جي بيشوف الفستان خلاص فكي نفسج وخليه يوديه المغسله
هند اتصلت ف محمد وخبرته بان خطتهم نجحت .. كانت هند متفقه مع البنات ان يوصخون فستان نوره ويخربون كل شيء نوره شارتنه عشان الملجة والبنات عيبتهم الفكره
:::::::::::::::::::::::::::::::::
شوي ودق بابهم وطلعت خوله وخذت الأغراض من الهندي
خوله: ها نوير الفستان وصل
نوره: شو هذيل .. هذا كله فستاني ... لا لا ويت ويت هذا لونه ذهبي مب مالي .. انا فستاني احمر
هند وهي تمدلها الفون: نوره مسكي الفون .. مكالمه لج
نوره: منو
هند: انتي مسكي وتكلمي وبتعرفين
نوره خذت الفون وتمت تتكلم وبعدين سكرت
نوره: هندووووه يالعنزه
هند: ههههههههههههههههه شرايج بمفاجأته
نوره : ما ابا اتكلم الحين .. بس دواج معاي بعدين
خوله:شفيكم .. كنتي تكلمين منو
نوره: محمد
خوله فهمت: ايوا هههههههههههههههه
نوره بقهر: وانتي ليش لابسه عبايتج لين الحين تراج واصله القاعه من زمان
خوله بدلع: عشان ما تشوفون كشختي الحين هههههههه
نوره خذت دبة الماي وكانت تبا تفلعها بس خوله طلعت برا وهي تضحك شوي وردت وهي ميته ضحك و فأيدها باقة نوره