أحتجتلك يا أطيب بشر وين ألاقيك؟؟

42

ف المطار .. خلصوا إجراءاتهم وكل شيء والحين بيركبون الطياره ونجود خايفه وكل شوي تكلم جود عشان وليد يعطيها الدوا .. ويوم توهم بيركبون
جود: وليييد
وليد لف عليهم وشاف جود واقفه ونجود قاعده تحت .. خاف عليها عباله ياها شيء
وليد: جوج شفيج
نجود: وليد ما ابا اسافر اخاف ما اقدر .. انت ما عطيتني المنوم يوم كنا ف المطار
وليد: نجود تعالي معاي ويوم بنركب بعطيج دوا على طول يخدرج انا يايب واحد مفعوله قوي
نجود: وليد لا تقص عليّ والله احس قلبي بيوقف
وليد: بسم الله عليج انتي بس تعالي معاي .. بخليج تقعدين عندي بعد وبعدين تراها الطياره طيارتي يعني بتاخذون راحتكم
جود بصدمه: وليييد صدق هذي طيارتك الخاصه
وليد: هيه ما شفتيهم مشونا بسرعه .. يلا الحين خلونا نركب
قامت نجود مع وليد ولحقتهم جود .. ركبوا الطياره ونجود لاصقه ف وليد وخايفه وجود قاعده عندهم .. ومن بدت الطياره تتحرك نجود ما قدرت تتحمل وصاحت وبطلت الحزام عشان تنزل بس وليد مسكها
وليد: نجود اقعدي وين رايحه
نجود: ما ابا اسافر خلاص ما ابا ... انت قصيت عليّ وما عطيتني شيء
وليد: نجود اهدي اهدي شوي
نجود تصيح وجسمها يرجف: وليييد بمووت ما ابا ما ابا خلاص .. انت قصيت عليّ ما ابا اسافر خلاص بموووت
جود وهي تمسك ايدها: نجود ما في شيء .. شوي وبتشوفين الطياره بين السما والأرض
نجود زاد صياحها: ماااا اباااا خلاص نزلوني بمووت والله ما اقدر ما اقدررر.
ام فارس: نجود حبيبتي استغفري استغفري اذكري الله ما بيصير فينا شيء .. الله الحافظ
نجود: ما اقدررر بموووت بمووووت
جود: نجود لا تقولين جذي .. وليد سو شيء
وليد: بروحها بتهدا خليها
تمت نجود جذي يوم استقروا ف الجو اغمى عليها من الخوف
جود: نجود نجود .. وليد اغمى عليها
نادى وليد المضيفه وهي بدورها نادت طاقم طبي الخاص بالطياره وفحصوا نجود وحطولها جهاز اوكسجين لانه كان ناقص ف جسمها
ام فارس تمت تمسح على راسها وتقرا عليها وبعدها قعدت ف مكانها اما وليد ف كان ساند راس اخته وماسك ايد الثانيه يطمنها والبقيه كل واحد ف مكان
—————————-
عند فارس واميره
كانت راده راسها ورا وحاطه ايدها على بطنها
فارس ماسك ايدها: بعدج تحسين بتعب ودوخة
اميره هزت راسها بهيه
فارس: تبين تشربين شيء
اميره : ما اقدر أخذ شيء
فارس: بنادى امايه تقعد عندج
اميره مسكت ايده: لا ما يحتاي لا أتعبها معاي خلها ترتاح شوي
فارس: على راحتج بس اذا حسيتي بتعب اكثر بناديها
———————
عند حمد ودانه
كان قاعد يلعب بأصابعها ويسولفون
دانه: الحين نحن اذا وصلنا كل واحد بياخذ له مكان ولا كلنا ف مكان واحد
حمد: لا كلنا مع بعض .. بس كل عائلة شقه يعني وليد وخواته شقه وانا وانتي مع خواتي .. فارس وعائلته شقه .. خليفه وبناته وامايه شقه .. الشباب شقه بروحهم
دانه: الحمدلله يوم انه جذي على بالي بيخلون البنات كلهم مع بعض والشباب مع بعض بروحهم
حمد: هم جذي كانوا بيسون بس انا رفضت قلت لهم ما اقدر أتم بعيد عن دانتي
دانه ضربته على. كتفه: هههههههههههه يلا عاد بلا كذب زايد
حمد: افا الحين انا اكذب عليج .. شوفي عيوني وتأمليهم بيقولون لج الصدق
دانه: والله ولا مبين حتى خشمك يكذب
حمد مسك خشمها وعصر عليها وبعدين بطلها
دانه وهي ماسكه خشمها: ايييييي حمد شوهت خشمي ويا إيدك العملاقه
حمد: احسن عشان مره ثانيه تصدقيني
دانه وهي تبطل ايدها من ايده: قوم قوم عني يالعملاق خلك بعيد عني .. دب واحد
حمد لف ويهها صوبه : اشوف خشمج بعد العمليه السريعة شو صار فيه
دانه: والله يعور وانت قاعده  تطنز .. تباني اسويلك الحين
حمد: يلا سوي
دانه: انت ما ينفع معاك ايد انت يبالك شنطة السفر على خشمك عشان تحس
حمد: ههههههههههههههه انتي اذا شليتي شنطت السفر تعالي كلميني .. جان ما الشنطة هي الي تشلج
دانه صدت عنه وطنشته .. حمد رد لف ويهها وباس خشمها
حمد: فديت الخشم الوردي والله .. شرايج أخليه ازرق
دانه ضربت ايده: قوم عني وبعدين نحن ف الطياره مب بيت ابوك
حمد: هههههههههه يعني الحين انتي معصبه ولا كيف يعني
دانه قامت بتروح عنه بس هو سحبها وقعدها عنده
حمد: خلاص خلاص اسف .. عنبوه نتفه وتعصب بسرعه
دانه طالعته بنظره
حمد: اسف اسف
مسك ايده ورد شبكهم ف بعض وكملوا سوالف
————————————
ف الصوب الثاني عند ميره وخوله 
ميره: مالت على هذي الشيفه وعععع ما ادري ليش حمد ميت عليها
خوله: نصيبهم
ميره: الا ساحرتنه .. ولا اخوي مب هذا ذوقه انا اعرفه
خوله: استغفري ربج واحسني الظن بالحرمه
ميره: افففف قاهرتني قاهرتني .. مسويه نفسها كيوت بنت الفقر
خوله: عيب عليج والله عيب الحين هذي حرمة اخوج
ميره: مب حرمته انا ما اعتبرها حرمته .. هذي يومين وبيفرها فرة الجلاب
خوله: لا حول ولا قوة الا بالله
ميره: بروح اشوف نجود وايد ابرك سمعت انه اغمى عليها
خوله : زين روحي وتعالي بسرعه ابا اروح عند عيالي اتطمن عليهم
ميره: اوك
—————————-
عند وليد و خواته
بطلت عيونها وتمت تتأكد من المكان وفجأة فزت
وليد : خلاص استقرينا ارتاحي
نجود يت تبا تشل الاكسجين
وليد وهو يمنعها: خليه لين يخلص الدوا الي فيه جسمج ناقص فيه أكسجين
نجود لفت على جود ولقتها راقده لفت على وليد
وليد: ما فيها شيء بس رقدت من التعب تقول امس كانت سهرانه
نجود هزت راسها وحطته على كتف وليد
يت ميره صوبهم وقَعَدت قدام نجود
ميره: انتي بخير الحين
نجود هزت راسها بهيه
ميره: ليش جذي معرقه
وليد: من الخوف .. تعرفين ترفعين شعرها
ميره: اعرف بس وين ترفعه وفي شباب هني حرام
وليد: ترا بعيدين عنا وبعدين في حاجز
ميره بطلت حجاب نجود وبطلت شعرها ورفعته كامل .. اما وليد ف خل المكيف عليها
ميره: وليد ترا خلص
وليد: ما ادري
ميره: خلص ما يطلع دخان شله عنها
وليد شل عنها الجهاز
ميره: فاتج الفلم الهندي الي ورا
نجود عقدت حوايبها
ميره غمزت لها: عنتر وهبله
نجود: هههههههههههههههههه
ميره ابتسمت: تخيلي انها بتم معانا .. يعع ما اعرف كيف بتحملها
نجود: حرام عليج والله انها حبوبه
ميره:وععععع لا حبوبه ولا شيء .. انا ما ادري انتو كيف متحملينها
نجود: ترا انتي الوحيده الي تكرهينها
ميره: قصدج انا الوحيده الي فاهمتنها وفاهمه حركاتها
نجود: الله يعينها عليج
ميره: المهم انا برد عند خوله مسكينه قاعده بروحها .. يت عشان اتطمن عليج بس
نجود: شُجراً
.........................................
ف بيت يدة محمد .. وصلوا محمد ونوره ومسك ايدها ودخلوا
محمد: السلام عليكم
الكل: وعليكم السلام والرحمه
وقاموا الكل يسلمون على نوره ومحمد يعرف نوره عليهم
بعرفكم على عائلتهم
" اليده( صالحه): انسانه عايشة على العادات والتقاليد ويهمها كلام الناس وايد بس وايد طيبه وما ترضى بالغلط.. ريلها متوفي وعندها 4 بنات و ولد
بخيته: اكبر بناتها عمرها 46 سنه ونفس امها وايد متمسكة بالعادات والتقاليد وعصبيه وما تحب الدلع وتميلح
عيالها:
حميد: عمره 28 متزوج .. عصبي و وايد متشدد ما يحب سوالف الحريه وغيرها
عنود:25 متزوجة وإنسانه عنيده وعصبيه وغيوره .. تحب كل شيء لنفسها وعندها بنت عمرها 2 سنتين اسمها بشرى
زينة: 18 سنه طيبه ودلوعه ما تحب الدفاشه وتحب اي شيء تقوله يتنفذ
خالد: عمره 13 فوضوي وراعي مشاكل ومقالب دومه يطفر ف زينه ويسوي فيها مقالب
بعد بخيته تي ام محمد ( سلامه)
ساره: ثالث اكبر بنات صالحة انسانه تحب تهتم ف نفسها وما تفكر تتزوج ابد وشاله الفكره هذي من راسها عمرها35
حلا: طبعاً تعرفونها انسانه ماخذه حريتها كامله ودايما مخالفه العادات والتقاليد .. عمرها 27 سنه وتحب تكون قريباً من الكل وغيوره شوي
عمر:20 اخر العنقود وحبيب امه .. كل شي يباه يحصله وانسان يحب الاكل بشكل فضيع بس وايد ضعيف وما يبين عليه"
نرد للروايه
بخيته: زين شفناك يا محمد انت وحرمتك ولا عشان أمك هني
محمد: لا والله خالو انتي تعرفين اني مشغول وانسان توني راد من السفر
بخيته: ما عليه معذور دامك ولد الغالية
محمد: عيل امايه وينها
ساره: يالسه تصلي ف غرفتي
محمد تنهد: مسوي فيها شيء
ساره: ما اعتقد لانها يايه تضحك
حلا: واذا تضحك يعني .. انتي ما تعرفين شو الي بقلبها
اليده صالحه : الكل ف قلبه شيء .. ما في حد قلبه خالي .. ودايماً نظهر الي نبا الناس اتجوفه ونخفي آلمنا داخل
نوره سرحت بكلام اليده صالحه :" صدقها الكل ف قلبه شيء .. محد يعرف كل الم وجرح وحزن داخل قلوبنا .. دايماً القلب هو دفتر اسرار الشخص يسمع يواسي يكبت وينزف وبدون ما حد يدري .. مثل علاقتي بمحمد تماماً .. اخاف اي اليوم ويعرف مشاعري اتجاهه .. اصلاً انا بروحي ما اعرف شو مشاعري اتجاهه بالضبط .. احس اني ما احبه بس اغار عليه .. وما يهمني بس اخاف عليه .. عادي يروح المكان الي يباه والوقت الي يباه بس احاتيه .. شعوري اتجاهه متلخبط .. مثل الياهل الي ضايع بوسط زحمة الناس .. يبا حد يمسك بايده ويدليه على الطريق الصح .. بس متى .. متى بعرف مشاعري لمحمد والطريق الصح لقلبه .. متى يا قلبي بتتقبل محمد وبتحبه متى؟!!! "
محمد وهو يمسك ايدها: نوووره !!
نوره وهي تنتبه له: هلا؟!
محمد: شفيج
نوره ابتسمت بحزن وتمت اتطالعه
محمد: نوره .. يدوه تناديج
نوره لفت على اليده: لبيه
اليده صالحه: لبيتي حاجة .. شفيج بنتي تعبانه من شيء
نوره لفت على محمد وردت لفت عند اليده: لا يدوه بس سرحت شوي ... عيبني كلامج وقَعَدت افكر فيه شوي
اليده صالحه ابتسمت: توج صغيره على الهم والغم .. والله ان شاء الله لا يذوقج اياه
الكل: امين يارب
ام حمود: السلام عليكم
الكل: عليكم السلام والرحمه
نوره قامت لها وحضنتها وهمست: اشتقت لج .. احسج امايه  لدرجة اني اباج طول الوقت قربي وبس
ام حمود بعدتها عنها شوي: حبيبتي يا نوير انا امج ومتى ما بغيتي بتلاقيني موجوده .. بس قوليلي شفيج احس صوتج فيه شيء
نوره نزلت راسها: ابا اكلمج شوي ف قلبي كلام ولازم اطلعه .. ابا نصيحتج كأم لبنتها
ام حمود: عن محمد
نوره هزت راسها بهيه
ام حمود: ما عليه يا بنتي .. بعد الغدا بنطلع الحديقه وبنتكلم على راحتنا
نوره: ان شاء الله
اليده صالحه: بخيته روحي شوفي شو مسوين ف المطبخ وانت حلا ضيفي البنت عطيها حلو عطيها قهوه
حلا : ان شاء الله  .. نوره شو تشربين
نوره وهي تقعد عند محمد: عادي اي شيء  على ذوقج
محمد مسك ايدها وقربها صوبه: فيج شيء احسج مب طبيعيه
نوره هزت راسها ب لا: ما فيني شيء لا تحاتي
حلا: محمد تبا كوفي
محمد: اوك بس ابا معاه قطعت حلاوه
حلا: سلاموه ترا ولدج وايد يتشرط تراه .. بصب الكوفي على راسه الحين
ام حمود: هههههههههه لبي طلبات ولدي شو فيها يعني
حلا وهي تقدم له الكوفي: بس لانك محمد ولا من زمان رافستنك برا البيت
محمد: هههههههههه دلعيني شو المشكلة معرس يديد تراني
حلا: دامك رديت من السفر خلاص تصير معرس قديم
محمد: ههههههههه من وي...
قاطعه كلامه دخول عمر وهو يغني
حلا : الناس أتسلم اول
عمر: اووه عندنا عرب .. السلام عليكم والرحمه
الكل: عليكم السلام والرحمه
عمر وهو يسلم على محمد: شحالك يا ريال شخبارك
محمد: بخير الحمدلله شحالك انت
عمر: ما نشكي باس
محمد: مديم الحال يارب
عمر لنوره: شحالج شخبارج
نوره : الحمدلله بخير
عمر: مديم الحال
اليده صالحه: وينك انت من متى ادق عليك وما ترد
عمر وهو يحضنها: كنت ف الدوام امايه وتعبان الف .. متى بتحطون غداكم
اليده : بخيته جهزتوا الغدا
بخيته من داخل غرفة الطعام : هيه حياكم الغدا زاهب
قاموا كلهم صوب غرفة الطعام عشان يتغدون .. وهم يتغدون رن فون محمد وكان المتصل فهد
محمد وهو يرد: الو
فهد: وينك تأخرت
محمد: بيت امايه العوده
فهد: زين ..انتبه على نفسك عدل سمعت
محمد: ان شاء الله شيء ثاني بعد
فهد: سلامتك ( وسكر عنه)
اليده صالحه: ليش يايب تلفونك معاك
محمد: يدوه لازم يكون معاي عندي شغل
اليده صالحه: وقت الاكل ما شيء شغل .. خلوا عنكم هالعله
محمد: ان شاء الله ان ش..
قطع كلامه اتصال من فونه .. رد عليه بسرعه لانه ابوه
محمد: سلام عليكم والرحمه
ابوحمود: وينك انت مخلي البيت فاضي
محمد: عند يدوه العوده
ابوحمود: امك موجوده
محمد: هيه
ابوحمود: اسمع رد حرمتك البيت وابدا دوامك سمعت
محمد: ابوي انا دوامي الصبح مب الحين
ابو حمود : نفذ الي اقولك عليه بدون ما تجادلني
محمد: انزين انا عندي اجازه الحين وين اروح
ابوحمود: انا قطعت الاجازه رد حرمتك البيت وروح الشركة
محمد: وين أوديها بروحها ف البيت على الاقل تريا لين الأسبوع الياي يوم بيوصلون ذياب وهند
ابوحمود: عندك نص ساعه ويبدا دوامك اذا ما شفتك موجود يويلك مني سمعتتت
محمد قام وطلع برا
اليده: لا حول ولا قوة الا بالله .. عشان جذي اقولكم لا تيبون هذا معاكم .. شوفوا الحين قام ولا كمل أكله
عمر: بيتكلم بفونه وبيرد يكمل أكله
ام حمود: ما بياكل .. دامه قام ما بيرد يأكل خلاص
عمر: والله يا خيتي ولدج هذا دلوع
ام حمود: تكلم عدل لا القلاص على رأسك .. شو دلوع ما دلوع بعد
عمر: اسف اسف
دخل عليهم محمد وهو عاقد حوايبه: نوره يلا مشينا
اليده: وين بتشل البنت خلها تاكل
محمد: ما عليه يدوه عندي شغل
نوره قامت وغسلت ايدها وردت عند ام حمود
نوره: عموه ما بتين معانا
ام حمود: لا بنتي ابا اقعد هني شوي
نوره هزت راسها وسلمت عليهم وطلعت ركبت السياره
محمد: بنزلج البيت وبروح الشركة ويمكن ارد الساعه 6 او 9 الفليل
نوره: شووو!! .. محمد لا تتمصخر شو تباني اسوي بروحي فالبيت
محمد: ما عليه بس اليوم .. ابوي يباني ضروري
نوره: ما ابا اقعد بروحي ف البيت
محمد: نوره لا تصعبين الموضوع عليّ خلاص قتلج بس اليوم
نوره: استغفر الله العليّ العظيم .. ما ادري وين قاعدين نحن كل يوم قرار وكل يوم أوامر الي يسمع يقول ترامب 
...........................................
توقعاتكم ؟!!