أحتجتلك يا أطيب بشر وين ألاقيك؟؟

24

وطلعت عنها تركض وراحت بيت ام فارس وعلى طول على غرفة فهد دخلت و حضنته وقَعَدت اتصيح هند وذياب مصدومين منها ان كيف تحضنه وهو مب محرم لها وصدمة فهد كانت اكبر منهم ... ابداً ما كان يتوقع ان نجود بتحضنه وهي جذي منهاره .. اصلاً ما كان متخيل انها تلجأ له ف حالتها هذي .. تم يمسح على راسها شوي ويحاول يهديها
نجود: اعرف الشيء الي اسويه غلط .. بس ما اقدر والله ما اقدر .. ما اقدر اتحمل المشاكل هذي .. اول شيء ابوي وبعدين وفاته وبعدها جود والغيبوبة وبعدها وليد الي ما اعرف من وين طلعلي والحين زعل جود .. زعلانه مني و تبا تبتعد بعد .. تعرف انها ضربتني .. اول مره ترفع ايدها عليّ وفوق هذا طردتني .. كله من وليد .. الكل يحاول يقنعني اني أتقبله وانه اخوي بس ما اقدر في شيء يقولي هذا مب اخوج .. في شيء يمنعني اني أتقرب منه .. أبا شيء يثبت انه اخوي عشان قلبي يتطمن .. أخاف منه .. اخاف يكون مثل ابوي .. اخاف يسحب عني جود ويخليني بروحي اخاف ان يعلق الأهل كلهم فيه وانا أتم بروحي الكل محاربني .. كل شيء اسويه وأقوله محاربني فيه (( رفعت راسها له )) حتى حبي لك محاربينه .. واذا كلهم عرفوا بيحاربوني ويمكن يقاطعوني.. (( وهي تبتسم باستهزاء)) .. وعادي يتبرأون مني بعد .. بس بحاربهم بموقف ضدهم وبتحدا الكل عشانك .. بثبت لهم عكس الكلام الي يقولونه .. بس انت حسسني انك تبا هالشيء .. بتوقف معاي صح .. بتساعدني
فهد: او شيء اهدي انتي الحين منهاره وما تعرفين شو قاعده تقولين .. هيه انا بساعدج وبوقف معاج مهما كان فالنهايه انتي بنت عمي و عزيزه وغاليه .. لا تشلين هم وليد وجود .. يضلون فالنهايه اخوانج ومن لحمج ودمج .. واذا على الي تفكرين فيه عن وليد انا من الحين اطمنج .. اذا كنت تثقين بكلامي..
قاطعته نجود بسرعه: اكيد اثق بكلامك ولا ما كنت بي عندك
فهد: عيل اسمعيني .. تفكيرج بوليد مجرد وهم وخوف من الماضي الي عشتيه .. عطيه فرصه اقعدي معاه بروحكم وتكلمي معاه واسأليه الي تبينه .. اذا تبين تكلمينه بالفون الحين بطلع لج رقمه واتصلي فيه وكلميه .. بس لا تخلين وهم وخيال وخوف يهدم الي بينج وبين اختج واهلج .. أطوي صفحة الماضي لان لو شو ما سويتي مستحيل يرد او يتصلح شيء.. كل الي عليج اتفكرين فيه كيف بتعيشين اليوم شو بتسوين بترضين منو بتسامحين منو وبتحبين منو .. عيشي حياتج وخلي كل هالهموم والأحزان لبعدين .. ما تحتاجينهم اصلاً
نجود: واذا ما قدرت او...
فهد يقاطعها: اشششش ما في شيء اسمه اذا .. بتقدرين وانا اعرف انج بتقدرين قولي اقدر لا تقولي اذا ما قدرت
نجود: ان شاء الله .. مشكور فهد حسيت بالراحه من بعد ما كلمتك .. وأسفه على الي صار
فهد: عادي ولا يهمج .. اصلاً استانست كل يوم تعالي
هند: هىىىئ فهود يالحمار استح على ويهك نحن قاعدين هني
نجود وتوها تنتبه على هند وذياب .. استحت على حركتها مع فهد وكلامها وركضت برا الغرفه
فهد: منو الحمار
هند: انت .. ما سمعت توك شو تقول حق البنت
فهد تقدم من هند عشان يضربها بس انخشت ورا ذياب
فهد وهو يسحبها من ايدها: تعالي تعالي .. خوافه وحده يوم مب قد الكلام ليش تتكلمين
هند ماسكة قميص ذياب بالقو: ذياب شوفه بيضربني ... ايييييه يالغبي هدني ايدي تعورني
فهد: لا تعالي اباج شوي عشان اعلمج الأدب
ذياب وهو يبطل ايد هند عن فهد: هههههههههه خلاص خلها خلنا نخلص شغلنا
فهد: مابا مابا لازم تنضرب القزمه
هند: القزمه حرمتك يالمعفن
فهد: وبعد تغلطين على زوجتي مجهولة المستقبل
ذياب: ههههههههههههههههههههههههههههه .. يا ريال خلها خلاص .. مجهولة المستقبل اونه .. التعبير عندك فالعربي يصيح فزوايه وفوق هذا يفكر ينتحر
هند: ههههههههههههههه انت خل هذا .. سمعته كيف قال زوجتي .. زَوّجَتييي
ذياب وهند: ههههههههههههههههههههههههههههههه
فهد وهو يحط ايده على خصره: لا والله!!.. قوموا قوموا اطلعوا برا يايبنهم عندي وينكتون عليّ مسودين الخشم
ذياب وهند: هههههههههههههههههههههههههه
فهد: اييييه بس كل ما قلت شيء ضحكتوا.. خلونا ف شغلنا .. وين وصلنا نسيت
ذياب: اكيد بتنسى بعد الحضن .. ههههههه ضاعت علومك ههههههههههههه
هند: هههههههههههههههههههه ... ايييه ذياب بس شوف كيف يطالعنا ههههههههههههههه
ذياب:خلاص خلاص اسف .. نزل حايبك وصل السما
فهد: بتسمعون ولا افركم من الدريشة
هند: تكلم تكلم .. نسمعك
فهد: المهم... قبل شوي ياني اتصال من المجهول قالي فيها جملة وحده بس وبعدها سكر .. قالي
" جهزوا عماركم يا عيال محمد ال.. بدت العاصفه"
ذياب باستغراب: تعتقد شو يقصد بالعاصفة
فهد: ما ادري .. بس الي مستغرب منه اكثر ان فنفس الوقت الي سكر من عندي ياني مسج منك ان وليد رجع
هند: فهد لا يكون شاك ان وليد من طرف المجهول
فهد: للأسف هي .. ولا كيف واحد بيرجع يعيش مع أهله وهو يعرف بانهم كانوا ذالين امه ذل .. وما رجع الا بعد هذي السنوات كلها .. وفوق هذا كله شمعنى رجع الحين يوم توفى عمي
هند: يمكن صدفه فهد .. انا قعدت معاه ما شفت ولا لمحت انه ياي عشان الانتقام او انه من طرف حد وياي غصبن عنه
ذياب عاقد حوايبه: لا والله !!! .. شو تسوين قاعده عنده
هند: كنت قاعده مع البنات مب بروحي
ذياب: يويلج لو قعدتي معاه مرا ثانيه الا اذا كنا مع الأهل
هند: زين
ذياب: قولي ان شاء الله
هند: ان شاء الله
فهد: المهم .. لازم أنراقب وليد عدل .. عشان نعرف انه ياي بحسن نيه ونثبت ان الي نفكر فيه غلط و مثل ما قالت هند ان هذا كله صدفه
هند: شوف الحين جود ونجود متضاربات مثل ما فهمنا قبل شوي .. اذا صالح بينهم يعني فعلاً هذا كله صدفه .. اما اذا كان يزيد الزعل بينهم ويبعدهم عن بعض يعني هو من طرف المجهول
ذياب: حلو .. وفي شيء ثاني لازم نفتح عيونا على باقي الأهل .. يمكن واحد منهم المقصود
هند: كيف يعني
فهد: يعني يمكن مورطين واحد من الأهل
هند: بس لازم تقولون حق محمد .. عشان يكون ف كل عائلة حد يراقب
ذياب: انا ببلغ محمد
فهد: خلاص جذي بنكون خلصنا الاجتماع تقدرون تتفضلون بنام
هند: انا بروح عند البنات
ذياب: وين وين .. قعدي مكانج كلهم رقود
هند: محد يرقد الحين
ذياب: اقعدي .. وايد تحبين تحوطين اشوفج
هند: شرايك اطلعنا .. ملل هني من زمان ما طلعنا
ذياب: ما اقدر تعبان
هند: ذياااااااااب ... اففف من الصبح قاعد و ما فيك شيء والحين صرت تعبان
ذياب: وين تبين تروحين
هند: ما ادري بشوف البنات ... يمكن يروحون البوادي
ذياب: انتي اختاري المكان هذيل بيودوني دبي عشان يحوطون
هند: خلاص البوادي
ذياب: خمس دقايق اذا ما شفتج ف بيتنا برقد
هند وهي تطلع برا: اوك
وطلعوا من عند فهد وكل واحد خذا طريجه .. هند راحت تتجهز واتصلت على جود ونجود وقالتلهم وذياب قال حق خواته يتجهزون
...........................................
ف بيت ابو خليفه ف قسم خليفه.. كانت قاعده ادرس بناتها وحصة قاعده فوق وتتكلم بفونها وكل شوي تضحك
خلود: انتي ما عندج دراسه
حصة: درست اول ما رجعت من المدرسه
خلود: ومن متى تحبين تدرسين هالوقت
حصة: جذي فجأه حبيت اغير روتين الدراسه
خلود: عاد ان شاء الله درجاتج ما تتأثر بالروتين الي مغيرتنه
حصة: لا متحسنة اكثر عن قبل
خلود: بنشوف .. ديموه اكتبي عدل
ديمة: ماما تعبت تعبت .. ابا العب
خلود: اكتبي وادرسي وبعدين بخليج تلعبين
ديمه: ماما تعبانه تعبانه .. شوفي فيني حمى ما اقدر اكتب
خلود: وانا أذني تعورني ما اقدر اسمعج .. اكتبي وخلصينا
حصة: ماما بطلع مع منال
خلود: وين ان شاء الله
حصة: ما ادري يمكن انروح المول ولا بنسير بيتها
خلود: انزين .. قولي حق ابوج وروحي .. وتردين البيت الساعه 7 اكثر عن جذي بتنامين برا البيت
حصة: ان شاء الله
نقزت حصه وباست راس امها وركضت على غرفتها تتجهز
................................................
ف سيارة ذياب كان قاعد يتريا البنات .. شوي ويو البنات وركبوا كلهم ورا الا نوره ركبت عند ذياب
ذياب: نعم حجية ردي ردي ورا
نوره: شو ارد ورا .. ما شيء مكان
ذياب لف على هند: مب على أساس انتي الي تبين تطلعين ليش قاعده ورا وبعدين منو حرمتي انتي ولا نوره
هند: ههههههه شفيك انزين .. نوره اختك عادي
ذياب وهو يدز نوره: يلا يلا انزلي من السياره وركبي ورا
نوره: ايييه ذياب لا تستهبل .. ما ابا انزل ما فيني
ذياب سكر سيارته: انزلوا ما بنروح مكان
هند: ذيااااااب .. ليييش
ذياب: بتركبين قدام ولا تردين بيتكم
هند: ما اقدر اركب الحين خوله بتي
ذياب: وهالصرصوره شو تسوين قاعده هني
الكل: هههههههههههههههههه
نوره اتطالعه بعصبيه: انا صرصوره يالجرداه .. عيل والله ما اي معاكم .. اطلع مع حمد ولا معاك .. تبببننن واحد
هند: ايييه نوروه لا تستهبلين .. تعرفين ان يمزح معاج .. تعالي ركبي ورا لان خوله الحين بتي
نوره: ماااابااااا اييييي معاااااكممم .. اطلعوااا بروحكم
ذياب: تعالي
نوره سكرت الباب ونزلت .. نزل وراها ذياب .. وخوله شافتهم و بطلت باب السياره
خوله: شفيها نوره
ميره: ذياب تم يلعوزها وزعلت ما تبا تي معانا
خوله : اها .. وانتي شو تسوين هني
هند: انا
خوله: هيه انتي .. روحي روحي قدام بركب ورا انا
هند: خوله انتي الكبيره عيب اركب قدام
خوله:روحي لا اصفعج اونه كبيره .. روحي اركبي قدام .. حرمة ذياب وقاعده ورا
هند: خولوه استحي ما ابا اركب
خوله : عشان جذي قلتيلي تعالي .. خلاص انا  ما بروح مكان
هند مسكت ايدها: خلاص خلاص .. تعالي ركبي
خوله: ما تي الا بالعين الحمرا
نزلت هند وركبت جدام وخولة ركبت ورا
عند ذياب ونوره كانوا واقفين قدام البيت يعني الي فالسيارة يشوفونهم
ذياب: يلا ركبي
نوره: ما ابا اي معاك روح بروحك مع الفراشات شو تبا فيني انا الصرصوره على قولتك
ذياب ابتسم: ياهل انتي .. يلا تعالي ولا ترا ما بتحرك
نوره: قتلك ما بي معاك .. عيل انا اتضحك عليّ البنات واتفشلني قدامهم .. كنت تعرف ان خوله بتي معانا واني بنزل .. بس انا اعرفك تبا تصير مهرج على حسابي
وحطت ايدها على ويهها وقَعَدت اتصيح
هند: اويييه صاحت .. توني اعرف ان نوروه تصيح من المزح بس
خوله: ما عليج تدلع على ذياب تعرف ان بيراضيها وما يقدر يزعلها .. وبعدين نوروه ما تصيح الا عند ذياب
هند: اونههه !!!
ميره: شوفي شوفي
هند لفت وشافت ذياب حاضن نوره ويمسح على ظهرها
ذياب: خلاص نوير انا اسف .. بس ترا والله ما كنت ادري ان خوله بتي لانها ما تحب تطلع هالوقت .. توني بس اعرف
نوره: انت كل جذي تحب تفشلني وتضحك العالم عليّ اصلاً ما ترتاح الا اذا انا تفشلت
ذياب وهو يبوس راسها: يا ختي والله ما كنت ادري .. حقج عليّ انا اسف
نوره: ما برضى عليك ولا بسامحك الا اذا سويت شيء واحد
ذياب: امري وادللي
نوره: توديني ماك لاني ما تغديت وبعدين دبي
ذياب يأشر على عيونه: من عيوني
نوره وهي تمسح دموعها: تسلم عيونك
ميره: نصابه نوير .. اتحدا اذا الحين ما قاعده تتشرط عليه وأتذله عشان تسامحهه
هند: حرام عليج تستاهل نوير ليش اخوها .. توني ادري كمية حنان ذياب عليكم
خوله: فوق ما تتصورين .. شخصيته فالبيت ومعانا نحن خاصةً غير عن شخصيته برا البيت .. و وايد طيب وحنون
ميره: عشان جذي نحبه اكثر عن خليفه وحمد
هند: يا حظكم والله .. الله لا يغير عليكم
خوله: ما عليج اتري شهر وبتعيشين معاه وبيغرقج حب وحنان
هند:بس هذا اخوكم يعني الشعور احلى .. وايد احب شعور خوف الأخو على اخته وحنانه عليها حتى لما يطفرها وغيره .. حلو الشيء
ميره: عندج فيصل وفارس
هند: فيصل الحين كله برا البيت .. يا ف النادي يا المدرسه يا مع ربعه .. اما فارس مشغول مع أميره .. محد فاضيلي
نجود: عندج فهد
هند تنهدت وفهموا عليها البنات .. صعب الواحد يعيش مع واحد منبوذ ومحارب ف عايلتهم .. ما تقدر تنطق اسمه الا والكل عصب عليها وسكتها .. أمنيتها الوحيدة انها تعيش معاه كأي اخو واخت قدام الكل بدون اي كلام يجرحه ويجرحها معاه
قطع تفكيرها ذياب ونوره الي ركبوا السياره
ذياب: اشوفج قعدتي قدام
هند ابتسمت ونزلت راسها
خوله: انا خليتها تقعد .. ما نقدر نخلي الحبيب بصوب والحبيبة بصوب ثاني
ذياب: كفو عليج خيتي .. ربي يحفظج ويخليج
ميره: اخ ذياب وانا سبير هني .. عطني ويه انزين
ذياب: هلا بميره شحالج
ميره: وايد عليك ويا رأسك .. عالعموم بخير انا الحمدلله
ذياب وهو يطالع جود ونجود والي كانت بينهم ميره وكل وحده صاده عن الثانيه
ذياب: كناري الحب بعدكم متزاعلات
جود: ذياب وين رايحين نحن
ذياب: دبي
هند تشهق: هىىىئ .. شووو!!!
ذياب: بسم الله عليج .. شفيج ... رايحين دبي
هند: ذياب انت قلت فالعين بس
ذياب: نوره تبا دبي
هند: صبر عيل بكلم امايا ما فيني تقعد تعصب بعدين
اتصلت هند فأمها وكلمتها وبعدين سكرت
هند: ما اقدر اي ما وافقت
ذياب: افا ليش
هند: ما ادري .. خلاص برأيكم روحوا بروحكم
ذياب: تعالي تعالي .. انا بكلمها
هند: ما بطيع بتعصب عليّ بعدين
ذياب: ما عليج انا بكلمها
اتصل ذياب فأم فارس وكلمها وأقنعها بان هند تروح معاه
ذياب: يلا توكلنا على الله
هند: وافقت😳
ذياب: هيه خلاص
راحوا اول شيء ماك وطلب لهم اكل وبعدين راحوا دبي وتموا يحوطون و بعدين قرروا يروحون دبي مول .. وصلوا والكل نزل وقعدوا يتمشون
نجود: ذياب بسير اخذلي كوفي راسي يعورني
جود بخوف: انتي بخير .. تحسين بدوخة .. تبيني اي معاج
نجود طالعتها بنظره ولفت على ذياب: بروح اوك؟!
ذياب: بنروح كلنا مع بعض
راحوا وخذولهم كوفي وكيك .. كلهم خذولهم كوفي بارد الا  جود و نجود خذوا كابتشينو لانهم ما يحبون يشربون كوفي بارد.. قعدوا ف الكراسي الموجودة .. نجود قعدت بين نوره و جود وهي مب منتبهه من الالم الي فرأسها .. تمت تشرب وفجأة رن فونها ونقزت وانصب الكوفي على ايدها
جود وهي تمسك ايدها: جوووووووجج
نجود: ااااااااااخخخخخخخخ
جود: تعالي اغسليها بماي بارد
نجود وهي تسحب ايدها: ما فيني شيء خلج فحالج ومالج دخل فيني .. لا تنسين الي صار بينا
طلعت من شنطتها wipes وتمت تمسح على ايدها وتنفخ فنفس الوقت اما جود حز ف خاطرها كلام نجود وقامت رايحه الحمام
..........................................
عند حصة ومنال .. بعد ما خلصت حصة تجهيز مرت عليها منال وركبت معاها
حصة: السلام عليكم
منال وهي تبوسها على خدها: وعليكم السلام .. هلا والله شحالج .. اشتقت لج الصراحه
حصة: هههههههههه كل ها بس عشاني غبت اليوم
منال: هي والله تميت فقيره قاعده بروحي ف البريك وفالصف محد وياي .. ليش ان شاء الله غايبه اليوم
حصة: ههههههه والله كان عندنا ضرف اليوم وما قدرت اي المدرسه
منال: سامحتج .. المهم وين تبينا انروح
حصه: عادي اي مكان .. بس لازم ارد قبل الثمان
منال: صدقيني نفسج .. المهم ما خبرتج اليوم شو صار ف الصف
حصة: شو صار لا تقولين ضرابه .. افففف قهررر ما تصير الضرابات الا يوم أغيب
منال: نوعاً ما
حصة: منو ومنو
منال: انا وعبير
حصة: هىىئ .. شو صار
منال: نرفزتني الدبه .. كل شوي تتكلم وتعلق عليّ لانج غايبه وانا قعدت بروحي .. وكله تقول اني انا السبب ف قطاعة صداقتكم وما ادري شو .. ما تحملت وقَعَدت اتلاسن معاهم وانتهت القصه بكف مني لها
حصة وهي تحط ايدها على حلجها: اويييييه...  مينونه هذي .. بس تستاهل الكف
منال: هيه والله تستاهله .. افففف كريهة ما ادري كيف كنتي مرابعتنها قبل
حصة: ما كنتي موجوده ولا ما كنت برابعها
منال: ههههههههههههه خلاص صرت موجوده الحين
حصة: فديتج والله
منال: شرايج انروح جبل حفيت بنحوط شوي و بعدين المول
حصة: لا ما في وقت انروح جبل حفيت خليها المره اليايه
منال:امانه حصيص خاطري اروح هناك لا تصير نحيسه عاد
حصة: منال هناك كله شباب ونحن بنات بروحنا
منال: شو يخصنا فالشباب .. برايهم .. نحن بروحنا وهم بروحهم
حصه: اممممم خلاص اوك بس ما نبا انطول
منال وهي تأشر على عيونها : من عيوني
ومسكت فونها وتمت تكتب شيء وتبتسم وحصة مستانسه انها وأخيراً اختارت الصديقه الصح والي تقدر تثق فيها ف كل شيء
..................................................
توقعاتكم وعطوني رأيكم يالجميلين♥️💫

اسمحولي تأخرت ب تنزيل البارت بس لاني كنت مشغوله شوي ومن فضيت نزلت لكم البارت .. و تراني مب مراجعته كامل يعني اي اخطاء او لخبطة انا اعتذر .. قراءه ممتعه
احبكم😘♥️