أحتجتلك يا أطيب بشر وين ألاقيك؟؟

45

اليوم الثاني ف اسبانيا .. قام ودخل الحمام(وانتو بكرامه ) ودقائق وطلع من الغرفه يدور الي فالشقه وما حصل حد .. بعدها طلع وراح شقه قوم خليفه ولقاهم هناك
حمد: السلام عليكم
الكل: عليكم السلام والرحمه
ام خليفه: ما شاء الله عليك راقد امس المغرب وقايم الحين الساعه 9
حمد وهو يحط راسه على ريولها: تعبان امايه .. جسمي متكسر
ام خليفه: من شو أبويه شو الي متعبنك  
حمد: ا..
قاطعته ميره: من حرمته من شو بعد امس  طول اليوم تتضارب معاه وهو يقولها انا تعبان و تعبان وهي مستمره ما شيء فايده  
ام خليفه: دانه صدق هالكلام .. تميتي تتضاربين مع حمد
دانه نزلت راسها: عموه انا ااا...
قاطعها حمد: امايه الله يهديج خليج من هذي وهمزيلي راسي وعشان أعصابي تسترخي  
ام خليفه وهي تهمز له راسه: وانت ليش اتعب نفسك جذي ما تروم ترتاح يعني
حمد:ما عليه امايه ما عليه
شوي وقام حمد وراح شقته وراحت دانه .. يوم دخلت سمعته يتكلم بالفون 
حمد: والله حتى انا مشتاقلج .. قتلج تعالي انتي ما تعطي .. والله تبين الصراحه ملل بدونج هني ما في جو .. ههههههههههههه يكفي انج وهقتيني امس مع الأهل بعد اليوم .. لا ما اقدر اليوم تعبان محتاج ارقد قرن كامل .. ههههههههههه هيه امس سهرتيني معاج بسوالفج الي ما لها داعي .. هيه انا انام الساعه 7 اصلاً بس انت سهرتيني ساعه زياده ههههههه ... لا لا افا بس انتي القلب كله .. هههههه لا حبيبتي انتي غير ودانه غير .. هيه هيه يلا مع السلامه
لف حمد وراه وشاف دانه قاعده اتطالعه 
حمد: شو تسوين واقفه هني
دانه: ابا أكلمك
حمد: ليكون بعد شاكه اني قاعد اكلم غيرج
دانه: اعرف انها نوره بس ابا اتكلم معاك شوي
حمد: شوفي دانه انا تعبان وأبداً مب فاضي حق هذي السوالف
ومشى عنها ودخل الغرفه ودانه دخلت وراه ومسكت ايده
دانه: حمد انا اسفه لاني شكيت فيك والله ما كان قصدي بس غرت عليك يوم شفتها كيف تتقرب منك وشوي وتحضنك وكلامها معاك ما قدرت استحمل
حمد: وضحت لج مره واعتقد هذا يكفي .. اذا انتي صدق تحبيني كنت بتصدقيني من اول لحظة مب اتكذبيني وتتهميني بشيء انا ما لي ذنب فيه
دانه حضنته وصاحت: والله حمد اني احبك والله الشاهد بس ما اقدر استحمل أشوفها قريبه منك جذي .. صدقني حمد صدقني
حمد وهو يمسح على شعرها: مصدقنج خلاص انتي اهدي الحين
دانه وهي تبتعد عنه: امس الفليل حلمت اني راقده بروحي على الفراش و الخاتم مب ف ايدي يوم فسرت الحلم طلع انه يدل على الطلاق

حمد وهو يمسح دموعها: ما بيصير الا الي كاتبه ربج .. مب كل شيء يقولونه يعني صدق ..  وبعدين امس لان كنا متضاربين عشان جذي حلمتي  هالحلم .. يعني مب صدق هذا حديث نفس
...........................................
ف بيت ابو حمود .. كانت نوره ف المطبخ قاعده اتجهز الريوق وتغني.. شوي دخل عليها محمد وهي ما كانت حاسه عليه ويوم لفت عشان تاخذ الزيت شافت محمد و خافت وطاحت
نوره: اخخخخخخخ يا ربييييه
محمد وهو يمسك ايدها: هههههههههههه سلامات سلامات ما تشوفين شر
نوره:قوم عني قوم .. كله منك
محمد: انا شو يخصني الحين
نوره يت تبا توقف بس  ما قدرت عشان ريلها
نوره: ااااااييي ريلي
محمد: تعالي بشلج
نوره: قوم عني ما ابا منك شيء .. ادريبك بتقعني وبتعورني اكثر
محمد : هههههههه لا عاد مب لهدرجة يلا تعالي
شلّها وراحوا الغرفة وخلها على الشبرية( السرير) وبعدها راح ياب مرهم مسكن للألم وتقرب منها
نوره: يب انا بحط بروحي
محمد: ما عليه انا بحطه حقج
فصخ نعالها( وانتو بكرامه) وتم يمسح بالمرهم ونوره كل شوي تتأوه
محمد: يعورج وايد
نوره هزت راسها بهيه
محمد مسك ريلها ولفه فجأة وطلع صوت ونوره صارخت وضربته  بكس على كتفه
نوره بعصبيه: شو انت مينون اقولك يعورني تقوم تكسره اكثر
محمد وهو يمسك كتفه: انا ماخذ مصارع مب حرمه .. وبعدين تستاهلين حد يدخل المطبخ بكعب
نوره: والله بخبر عليك ذياب كسرت ريولي وبعد تتشرط عليّ
محمد: حركي ريولج هالمكسوره وشوفي وين الكسر بالضبط
نوره حركت ريولها شوي شوي وبعدين لفت على محمد
نوره: انت شو سويت ف ريولي خليتني ما احس بالألم .. ليكون كسرت الأعصاب
محمد: هههههههههههههههههه .. الأعصاب ما تنكسر تنقطع يالذكية هههههههههههههههههه
نوره:قوم عني كله منك اصلاً
محمد تقرب منها: الحين انا عالجت ريولج كتفي منو بيعالجه
نوره ابتسمت له: يدتي .. تعرفها وين روح عندها وخلها تعالج كتفك بالعصا
محمد ابتسم لها وبعدها ضحك : هههههههههههههه .. وبعدين يوم بداوم لا تقولين ليش ما تقعد معاي وانا ملانه .. شوفي اليوم قعدت معاج وكسرتي لي كتفي
.....................................
عند هند وذياب .. كان قاعد ف الحوش يشرب كوفي وسرحان شوي ويت هند و وقفت قدامه
هند: ف شو سرحان
ذياب هز راسه بلا
هند: شفيك
ذياب مسك ايدها وقعدها عنده: ما فيني شيء .. المهم رقدتي عدل امس
هند:امممم ما ادري .. اصلاً ما كنت حاسه بنفسي كنت تعبانه.. ليش تسأل
ذياب: لانج فزيتي مرتين امس و وايد كنتي تتحركين
هند: ما ادري يمكن كنت احلم بأشياء مزعجة
ذياب: ا..
قاطعه رنة الجرس
هند وهي تقوم: هذا اكيد فهد قال انه بي عندنا
راحت بطلت الباب
فهد: صباح الخير
هند: صباح النور
فهد: جهزتي الريوق ولا بعدج
هند: هههه جاهز جاهز .. حياك ادخل
دخل فهد وراح عند ذياب
فهد: شحالك ذياب
ذياب رفع راسه: ب..
تم ذياب يطالعه وفهد مستغرب من حاله الي تبدل فجأه
فهد يتقرب من ذياب: ذياب شفيك .. انت بخير
ذياب وهو يبتعد عنه: خلك بعيد .. لا تقرب صوبي ابداً لا تتقرب
فهد: شفيك ذياب .. شياك
ذياب: فهد افصخ القميص لا تلبس اصفر لا تلبسه
فهد: ذياااااب بعدك ما نسيت السالفه .. خلاص انت الحين متزوج
ذياب: لا .. افصخه فهد قبل لا يصير فيك شيء .
هند وهي شاله الصينيه: تعال فهد ريوقك جاهز .. ذياب ما تبا تتريق
ذياب هز راسه ب لا
هند تقربت من ذياب: ذياب شفيك
فهد: ما فيه شيء خليه انا بتفاهم معاه
ذياب: لا تقرب صوبي .. وافصخ الي لابسنه هذا اللون نحس مب زين .. بيصير فيك شيء بعدين افصخه
هند استغربت ولفت على فهد اتطالع قميصه .. وفجأة اتذكرت سالفه ذياب وعلى طول راحت عن فهد وخلته يفصخ القميص وعقته برا
فهد : لييييييشششش!!!
هند عقدت حواجبها: يعني ما تعرف انه ما يحب هذا اللون ويتشائم منه ليش قاعد أتعبه اكثر ومصر انك تلبس القميص
فهد: فكرته نسى السالفه .. ولازم ينساها لانه ماله ذنب ف شيء .. البنت الله كتب انها تتوفى ف هذاك اليوم وتوفت خلاص ليش مسوي منها سالفه كبيره.
ذياب: ماتت مني انا .. انا الي قتلتها .. لو اني ما جبرتها انها تلبس اللبس جان الحين هي معاي وكانت بتصير ..
قاطعه فهد: ذياااب .. تراك مب حاس على نفسك .. خلاص القميص وعقوه برا .. تعال تريق .. يلا هندوه
هند: انا ما ابا كلوا بروحكم بالعافيه
ذياب: بس انتي ما كليتي شيء .. وتراج ماخذه الابره يعني لازم تاكلين
هند: ما ابا اكل .. كليت خيار ف المطبخ وشبعت
ذياب تقرب منها وهمس: زعلتي لاني تكلمت عن علا
هند: لا ما زعلت واصلاً ليش ازعل انت تحبني وانا زوجتك الحين وعلا شيء من الماضي ماله داعي نفتح ملفات الماضي عشان بس نزعل ولا نضايق بعمارنا
ذياب: دام جذي ليش ما تتريقين
هند: بيني وبينك مسويه رجيم .. تخيل اني قست قميصي. الي ما خذتنه من شهرين وطلع ضيق عليّ وقررت اسوي رجيم
ذياب: تدرين انج ما أقنعتيني ابداً .. تعالي تريقي
هند: اوك اوك بقولك الصدق .. اممم نوره عازمتني ف بيتها وانا الحين رايحه هناك وبعدها بنروح بيت عمي سعيد الله يرحمه
ذياب باستغراب: وشو تسون هناك
هند: جود تبا صورة لدوا هي تاخذه وقالت حق نوره تصور لها .. وانا بروح مع نوره بطلب منها ما تبا تروح بروحها لان محمد ما بيخليها
ذياب: اوك .. ديري بالج على نفسج .. انا وفهد بنطلع شوي
هند: اوك
باسها على راسها وهي لبست شيلتها وطلعت
..........................................
ف اسبانيا .. كانوا جود ونجود ف الغرفه يتجهزون .. شوي وسمعوا صوت شيء ينكسر فالمطبخ.. طلعوا يركضون وشافوا وليد ايده منجرحه وصحن مكسور وباين عليه انه معصب
جود وهي تمسك ايده: وليد كيف جرحت إيدك .. شوف كيف تنزف
وليد سكر عيونه عشان يخفف عصبيته: خليني بروحي .. روحوا داخل
جود: بس إيدك وايد قاعده تنزف خلني انظفها لك عشان بعدين م...
قاطعها وليد بصوت عالي: قتلج دخلييييي دااااخل .. خلااااص خلووونيييي بروووحيييي
نجود بخوف وهي تسحب جود: خلاص جود تعالي ندخل .. هو يعرف كيف يتصرف بروحه .. تعالي ولا تسويلنا مشاكل
جود بطلت ايدها بعصبيه وراحت قدام وليد: شو يعني اذا عليت صوتك وصارخت عليّ تحسب اني بخاف منك وبدخل داخل لين حضرتك تهدا .. قتلك بنظف الجرح وبعدها بروح وانت تقدر تسوي الي تباه فاهم
وليد: نجود شلي اختج وادخلوا ترا مب مت..
جود قاطعته: جب .. متفيق ولا مب متفيق الجرح هذا بيتنظف الحين ولو سمحت الصحن الي كسرته تنظف وتدفع تكلفته فاهم .. نجود يبي علبة الإسعافات من غرفة وليد
راحت نجود غرفة وليد وبطلت السدا ولقت علبة الإسعافات .. شلت العلبه ولقت تحتها صورة بنت خذت الصوره وطلعت .. عطت جود العلبه وتمت جود تعقم جرح وليد ولفته بشاش
جود: الحين تقدر تقول الي تباه واتسوي الي تباه .. محد بيقولك شيء
ويت تبا تروح بس وليد مسك ايدها
وليد: دقيقه جود 
جود: تبا شيء
وليد: اسف لاني عصبت عليكم وعليت صوتي .. كنت معصب من شغله وكسرت الصحن من العصبيه
جود: ما عليه اهم شيء انك ارتحت الحين
وليد:هه من بعد هزابج لي غصباً عن راسي ارتاح مب بكيفي .. ما شاء الله طول القلم وبعد فيها حيل تعصب وتصارخ
جود ضربته على كتفه: لا عاد تراني طويله اوك طولي 168 بس انت ما شاء الله تعديت برج خليفه
وليد: ههههههههههههههه
نجود: اامممم وليد .. يوم رحت ايب العلبه حصلت شيء ف السدا
وليد: شو حصلتي
نجود راوته الصوره : هذا
جود شلت الصوره: ما شاء الله .. جميله منو هالبنت
وليد شل عنها الصوره وحطها ف مخباه : اااا .. انا بطلع
نجود مسكت ايده: أمم اخوي العزيز ممكن تقول منو هذي .. اممم ليكون حبيبتك
وليد تم يطالعها: انتي بكامل قواج العقلية
نجود هزت راسها بهيه وهي تبتسم
وليد وهو يطالع فوق: اااه يا رب انك ترحمني
نجود: يلا قول منو هذي
وليد: امممم اوك بقولكم بس ما ابا حد يعرف بالموضوع
جود ونجود: وعد ان محد يعرف بالموضوع
وليد: هذي اختي من امي
جود : كيف يعني اختك .. تقصد ان عميمه سحر اتزوجت ... بس كيف اتزوجت وهي متزوجة أبوي
وليد: الشيء الي محد يعرفه ان ابوي طلق امايه من بعد ما أمكم حملت .. قالها ان خلاص ما يباها وصارت ما تهمه ولا يبا ولدها الي هو انا .. وبعدها امي راحت عند اَهلها ومحد طاع يساعدها غير اخوها الكبير اجر لها بيت وسكنا فيه لين صار عمري 10 سنوات بعدها امي قالت انها بتتزوج عشان كلام الناس لانهم ما رحموها .. وفعلاً تزوجت وأجرنا بيتنا ورحنا سكنا عند ريل امي .. كان وايد طيب لدرجة انه كتب نص حلاله باسمي ويوم امي حملت بأختي هو توفى وامي من زود حزنها عليه توفت بعده بأسبوعين
جود: الله يرحمهم .. انزين والبنت وينها الحين وشو اسمها
وليد: علا .. اسمها علا .. ماتت بس ما اقدر اقولكم شو سبب موتها
نجود حضنت اخوها: وليد احسك وايد عانيت ف حياتك .. كيف قدرت تستحمل هذا كله .. وانت كنت صغير بعمر لازم امك وأبوك يكونون عندك ويعلمونك الصح والغلط
وليد: هذي حال الدنيا بعد شو نسوي
جود: بس ما شاء الله عليها جميلة .. احلى عنك <<ما تعرف تواسي 😂😂😂
وليد ونجود طالعوها باستغراب
وليد: صاحية انتي
نجود: ما عليه وليد اختي ما تعرف تراسي حد ف انت خذها على قد عقلها
جود وهي تضربها بالمخده:شو قصدج على قد عقلها .. ياهل ولا مينونه
نجود ردت فرت عليها المخده: افهمي الي تبين تفهمينه لان ثنيناتهم مرفوع عنهم القلم
وتموا يتضاربون بالمخدات و وليد يحاول يوقفهم بس ما شيء فايده لانهم ضربوه هو بعد
.................................
عند هند .. راحت بيت ابو حمود وتمت ادق الجرس عشان حد يبطل لها الباب .. تمت حوالي 5 دقايق وبعدين محمد بطل لها الباب
محمد:اووووه هندوه .. حياج حياج
هند: سنه لين تبطلون الباب .. حر حر
محمد: والله محد قالج تيين
هند برفعت حاجب : لا قول بعد اطلعي برا اختصر على نفسك الموضوع
محمد: انزين اطلعي برا
نوره وهي يايه من داخل : ما عليج منه تعالي قعدي
هند: بلاج تمشين حافيه
نوره وهي اتطالع محمد بنص عين: واحد الله يهديه كسر ريولي وارتاح
محمد: ههههههههههههههه والله مالي دخل انتي الي داخله المطبخ بكعب
نوره: اتشوفينه كيف يتمصخر عليّ
هند: خليه عنج المهم سمعي .. شو رايج انروح عند قوم يدوه
محمد: ههههههه واتشاورينها هي ليش روحي شاوري ريلج
هند عصبت من محمد وفرت عليه المخده وراغدته من البيت
نوره: ههههههههههه تعالي قعدي شفيج معصبه
هند:ما احب السخافه الزايده ف المواضيع الجاده اففف
نوره: المهم ما علينا ... تعالي عشان نروح نصور ادوية جود
هند: قالت لج وين مكانهم
نوره: قالت يا ف غرفتها او غرفة وليد يعني بنقعد اندور عليه
هند: وكيف ان شاء الله بنعرف دواها
نوره: وصفتلي اياه وبعدين مكتوب اسمها
هند: اوك يلا عشان ما نتأخر
طلعوا هند ونوره وراحوا بيت سعيد ودخلوا غرفة جود وتموا يدورون الادويه وما حصلوا شيء وبعدها دخلوا غرفة وليد وتموا يدورون لين
نوره: هندوه لحقي
هند: شفيج
نوره وهي تراويها الي داخل السده: شوفي شو حصلت
هند: سلاح!!!!
نوره: وشو يسوي السلاح عنده .. مب المفروض تكون عنده رخصه او شيء
هند: يمكن عنده او شيء المهم خلينا نطلع الحين دام ان حصلنا الدوا
نوره: اوك .. خلينا نروح بيتج ما ابا اقعد بروحي ف بيتنا اكيد خالي الحين بي وما فيني اجابله
هند: اوك
طلعوا من بيت من بعد ما صوروا الدوا حق جود رايحين بيت قوم هند ... دخلت البيت ولقت قوم ذياب موجودين وقاعدين يلعبون بالماي ويتراكضون شرق وغرب كأنهم يهال
هند: انتو شو مسوييين ف البييت
كلهم وقفوا وتموا يطالعونها
فهد:هذا محمد الي بدا .. ونحن عيبتنا الفكره
نوره: وانا اقول الفكره الغبيه هذي من وين
محمد: افا يعني انا غبي الحين
نوره: هيه و وايد بعد .. شوف شو مسوي ف البيت كأنك ياهل
هند همست لنوره: ايييه انتي عيب تقولين حق ريلج جذي قدامنا احرجتيه و فشلتيه بعد ... حرام عليج
نوره: احسن عشان يتأدب
محمد تقدم صوبها وهو يطالع عيونها .. نوره ارتبكت وخافت ف نفس الوقت لانه يطالعها بصرامه بس ما بينت هالشيء وخلت عمرها قويه .. ويوم شافته قرب اكثر منها تمت ترد ورا لين لصقت ف اليدار
محمد: قد الكلام الي قلتيه قبل شوي
نوره وهي اطالعه: قدها وقدود بعد .. شو بتسوي يعني .. شوف تراك ما تقدر عليّ لان ذياب موجود فاهم
محمد لف على ذياب وغمز له: بتفزع لاختك ولا اقتلها
ذياب فهم عليه: لا عادي اقتلها عندي بدالها اثنين
نوره بطلت عينه: شووووو!!! .. ذياب يالعنز والله براويك عادي عندك ها اوك انا اراويك
محمد: بما ان الحين عندي تصريح ف اني اقتلج تشهدي عاد
نوره: محمد لا تستهبل الكل موجود هني .. وبعدين لا تنسى انا حرمتك يعني ا..
قاطعها محمد وهو يشلها ويمشي ونوره تمت اتكلمه واتصارخ وتترجى ومرات تعصب بس هو طاف .. تم يمشي لين
تتتتتششششششششش!!!! << عقها ف المسبح 😂😂
نوره شهقت وتمت اتطالع محمد بصدمه والكل يضحك عليها
محمد ابتسم لها: الحين انتي صرتي اغبى عني ما تشوفين المسبح قدامج يعني ولا شو
نوره: انت قد الحركه الي سويتها توك
محمد: قدها وقدود
نوره : والله براويك اتريا شوي
وطلعت من المسبح وتمت تلحقه عشان تضربه وفجأه تزحلقت وطاحت
نوره: اييييييييي يمههه ريولي انكسرت ااهههه
ذياب : نوووووره .. وين تعورتي
محمد مسك ايدها: نوووييير
نوره سحبت ايدها وحضنت ذياب وتمت اتصيح والكل اتجمعوا حواليها
ذياب: نوره وين يعورج
نوره: ريولي ذياب وايد تعورني
ذياب: انزين اهدي .. تعالي داخل بهمزلج اياه
نوره: ما اقدر اتحرك ما اقدر
محمد: انا بشلها
يا يبا يشلها بس نوره قامت وركضت بعيد وهي تضحك
نوره: مشى عليكم المقلب ها هههههههههه
محمد تنهد: اففففففف وقفتي قلبي
نوره: عشان مره ثانيه ما تعقني ف الماي
هند: انتو اذا تميتوا تتكلمون ما بتخلصون تعالوا ندخل الصاله
ودخلوا كلهم داخل وتموا يسولفون وغيره
..................................
توقعاتكم للاحداث اليايه ؟؟!!