بعد ثلاث ايام ... ف بيت اليد / غرفة جود ونجود قامت نجود وهي تحس بنشاط .. قامت اتسبحت وتلبست وسوت makeup خفيف و لبست شيلتها وطلعت ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شوي وردت طلعت ملابس حق جود ويابت ورقه كتبت عليها شيء وحطتها فوق الملابس وطلعت نجود: غريبه يدوه مب قاعده ف الحوش .. اكيد راحوا العزبه .. افف ملل ..اممم بروح عند هندوه احيدها تقوم الساعه 8 راحت بيت ام فارس ولقت الخدامه تخم الحوش نجود: السلام عليكم صفيه"الخدامه": عليكم سلام نجود: في حد واعي صفيه: بابا فهد وهند نجود: بابا فهد وين صفيه: روح بالسياره نجود: زين .. بروح عند هندوه راحت غرفة هند ولقتها قاعده تمشط شعرها نجود:صباح الخير هند: صباح النور والسرور .. شحالج نجود: بخير الحمدلله هند: مديم الحال.. شعندج قايمه من وقت اليوم نجود: ما شيء فيني نشاط اليوم هند: اها .. بروح اسويلي ريوق تبيني اسويلج معاي نجود: خاطري ف كروسون حار مع كابتشينو هند: منو بيبلج كروسون الحين الكل راقد .. اليوم عندهم اجازه نجود: اممم فهد واعي خليه ايبلنا هند: فهود طالع من الصبح ما ادري وين رايح بس بتصل فيه بخبره .. خليني ايب الفون نجود: لا خلاص خلاص ما ابا .. فشله هو يدفع آكلي هند طالعتها بنظره واتصلت حق فهد وقالتله هند: خلاص بيبلنا .. تعالي توني انتبه لويهج .. محلوه ما شاء الله. .. المكياج مرتب نجود: تسلمين فديتج هند: شو المناسبه نجود: قتلج فيني نشاط ومزاجي رايق .. عشان جذي حاطه مكياج هند: تعالي انزين خلينا نطلع برا .. بنقعد ف الحوي نجود: خدامتكم قاعده تخم هند: عيل بنطلع الصاله نجود: خذيتي ابرتج ؟! هند: هي خلاص نجود: شحالها ريولج هند: زين الحمدلله .. اقدر امشي بس بعده الجرح ما التأم نجود: اخخخ اليوم مستانسه حدي .. لدرجة اني ابا ارقص هند: ههههههههه صالة فهد بتحققلج رغبتج نجود: اي صاله هند وهي تغمزلها: السريه .. الي هذاك اليوم دخلتيها وقالج انه سر ومحد يدخلها غيري انا وهو نجود: ايوااااااا .. لا لا وين اروح هناك فهد: السلام عليكم هند ونجود: عليكم السلام والرحمه فهد: شحالج نجود نجود: بخير الحمدلله هند: شدراك انها نجود ومب جود فهد: ترا اعرف افرق بينهم هند: ما عرفتك فهد: ترا الصبح معدل غبائج يكون اعلى عن ذكائج هند: شووووووو!!! فهد: يعني اكثر وحده تي عندنا نجود اكيد بعرفها هند: انزين انزين كليتنا افففف ... وين الاكل البنت يوعانه فهد وهو يعطيها الكيس: بالعافيه هند ونجود : الله يعافيك اول ما راح نجود ضربت هند على كتفها: ليش قاعده تستهبلين معاه هند: كيفي اخوي نجود: لا مب كيفج .. اااااه اليوم صاير جمييييل فديته قلبه والله هند: طاع .. انزين احترميني تراني قاعده معاج انا ... يالسه تتغزلين بأخوي نجود: لانج اخته ما بقولج شيء هند: كلي كلي خلصينا تريقوا وخلصوا وبعدها راحوا غرفة هند لان هند تبا تاخذ شيء .. شوي وسمعوا صوت الباب هند بصوت عالي : منوووووو؟!!! فهد: عمج هند: اصبر شوي .. نجود فهد بيدخل نجود: خليه يدخل انزين هند: تعال فهد دخل فهد وشافهم قاعدين: قلتي شيء هند: لين الحين لا فهد: احلفي انج ما نطقتي بكلمة وحده هند: والله شفيك فهد: افففف الحمدلله نجود: هندوه انا بروح البيت مشت نجود تبا تطلع برا بس وقفها صوت فهد وهو يغني لها غنّوا لحبيبي وقدّموا له التّهاني في عيد ميلاده عساها مية عام افرح حبيبي واطلب أغلى الأماني الليلة يا عمري تناديك الأحلام
