أحتجتلك يا أطيب بشر وين ألاقيك؟؟

26

ف مكتب الأخصائية .. كانوا واقفات يتريون الأخصائية تي وحصه متوتره وخايفه من الي بيصير
منال: حصيص خلاص لعوزتيني تراج
حصه: كله منج قتلج خلينا نرد الصف وما طعتي
منال: لو انتي شردتي معاي يوم المشرفه يت وما وقفتي لها جان الحين محد درا عنا
حصة: تراها زقرتنا اسويلها طاف
منال: اكيد اتسويلها طاف جي هي مب امج .. تراها مشرفه
حصه: وشو يعني مشرفه تراها انسانه وتعتبر عضو من أعضاء الاداره ما اقدر اخليها أتم اتزاقر وتراكض ورانا
منال بعصبيه: اذا لهدرجة خايفه عليها لا تيين معاي مره ثانيه محد جبرج
حصه: مب خايفه عليها ولا شيء بس خايفه يكلمون ابوي ويلعن خيري فالبيت
منال: ما بيخبرون لا تخافين just relax 
حصه: انزين لنفرض انهم قالولي اتصلي ف حد من اهلج او ولي امرج اتصل ف منو او اذا طلبوا رقم حد
منال: عطيهم رقمج
حصه: فوني عند امي تخيلي ترد
منال:منو اكثر واحد يحبج ف عائلتكم
حصه: يدتي
منال: خلاص عطيهم رقمها واذا كلموها او شيء اقعدي انتي وتفاهمي معاها وزيدي بهارات كذب من عندج
حصه: خلاص اوك
شوي ودخلت الأخصائية ومعاها أوراق إنذار
الأخصائية: خذوا هالاوراق كل وحده تكتب اسمها و وقعوا تحت .. واذا مره ثانيه تكرر اسمكم ف الاداره بتوقعون على تعهد والمره الثالثه استدعاء ولي امر
حصه ومنال: ان شاء الله
..........................................
ف سيارة حمد ... كانت دانه تمسح دموعها وحمد ميت ضحك عليها
دانه: ما في شيء يضحك يالسخيف
حمد: ههههههههههه عيل ف حد يصيح لانه شاف عصفور ميت
دانه: انزين حرام والله ما شفته كيف طايح المسكين
حمد: هذا يومه خلاص
دانه تسمح دموعها
حمد: وبعدين هذا حيوان وجي صحتي عليه عيل انا يوم بموت شو بتسوين
دانه تمت تضربه على كتفه وتقرصه وهو يضحك
دانه: شو هالكلام بعد لا تستهبل
حمد: هههههههههههههههههه
دانه: ما في شيء يضحك
حمد سحب ايدها وباسها: خلاص اسف اسف
دانه بعصبيه ودموعها اربع اربع: لا تيب طاري الموت الا هالشيء حمد الا هالشيء .. ترا مب حلاوه ولا مزحه جذي .. فهمت ولا لا
حمد: خلاص يا عمري اسف حقج عليّ .. بلاج جي صايره عصبيه هالايام
دانه: استغفر الله يارب استغفر الله
حمد: تبين تروحين مكان قبل لا اردج البيت
دانه وهي تمسح دموعها: ودني باسكن
حمد :من عيوني
دقايق ووصلوا المول نزلوا حمد ودانه عشان ياخذولهم من محل باسكن الي موجود داخل المول
حمد: شو تبين
دانه: فراولة
حمد: تبين الساده ولا
دانه: هيه ساده وما يحط شيء عليه ما احب
حمد: انزين روحي قعدي لين اخلص معاه
سارت دانه تقعد على الكراسي الموجودة وحمد تم يطلب حقه وحق خواته .. شوي دخلت وحده ووقفت عند حمد وتمت كل شوي تقرب صوبه وتسويله حركات .. راحت دانه عند حمد
دانه : حمد
حمد لف عليها: عيونه
دانه: ما خلصت
حمد: يلا خلاص خلصت بس ادفع الحساب
دانه: عطني الفلوس انا بدفع انت روح هناك
حمد: ليش كل ها خلاص انا بدفعه
دانه: عيل بوقف معاك
حمد: بتتعبين انزين
دانه: عادي
دفع حمد الحساب ولف عشان يطلع بس الي شاف فاجأه وخلاه يوقف مكانه ......
..................................................
ف بيت اليد ... كانت نجود عند هند الي رقدت من التعب .. كانت خايفه عليها لانها انجرحت ف ريولها ومعانده ما تبا تروح المستشفى
اليده: تعالي كلي لج شيء
نجود: ما ابا شيء بقعد عند هند ما اريد اخليها بروحها
اليده: هند الحين راقده بعدين بتقوم
نجود: لا ما ابا أتحرك من مكاني يمكن تقوم وتبا شيء
اليده: لا حول ولا قوة الا بالله
طلعت اليده برا وشافت جود و وليد
جود: ها يدوه رضت تاكل
اليده: اختج هذي عنيده .. رفضت الاكل تبا تقعد عند هند
جود: مب ماكله شيء من الصبح اخاف يصير فيها شيء
وليد: انزين خذي اكل وروحي كلي معاها
جود: يا ليت السالفه بهالسهوله .. نجود ما تكلمني
اليده: انا ما ادري انتو ليش متضاربين معنكم ما كنتوا جذي قبل
جود: سوء تفاهم يدوه
اليده وهي تمشي: الله يحفظكم ويحميكم من كل شر ويلين قلب اختج عليج
وليد وجود: امين يارب
وليد: شرايج نروح ناخذلها الاكل الي هي تحبه وعطيها اياه او وحده من بنات اعمامج تعطيها
جود: ترا اعمامك بعد .. وبعدين نحن عندنا بنت عّم وحده بس الي هي هند .. وباقي ثلاث بنات الي هم بنات عمو موزه
وليد: ما عليه توني يديد عليكم مب حافظ حد
جود: بتحفظ وبتتعود عليهم ان شاء الله
وليد: يلا روحي تلبسي اترياج ف السياره انا
جود: اوك
................................................
حمد: مهاااااااا
مها وهي اتطالع دانه بنظرات: ضاربنج ومكسرنج وبعدج على ذمته .. صدق ناس ما عندها كرامه .. بعتي كرامتج عشان ريال وفلوسه بس
حمد: مها ثمني كلامج .. هذي حرمتي وما ارضى حد يقول عنها هالكلام
مها: حد!!! .... الحين انا صرت حد ... شو حمد نسيت كلامك و وعودك لي .. نسيت انك وعدتني انك اتطلقها واتفرها فرة الجلاب وبتتزوجني انا
حمد: كنت غبي وحمار يوم فكرت بهالشيء .. كنت غبي وحمار يوم فكرت اني بخسر الذهب وببدله بتراب
مها بقهر: انا تقول عني هالكلام .. و قدامها هي بعد
حمد مسك ايد دانه: نحن لازم نروح مع السلامه
طلع وهو ماسك ايد دانه بايده اليمين وبايده اليسار ماسك كيسة باسكن بطل باب السياره لدانه وركبت وهو حط الايسكريم ولف عليها
حمد: دانه
دانه: ردني البيت
حمد: ممكن اتكلم شوي
دانه: لا .. ردني البيت ما ابا اسمع منك شيء
حمد: دانه خليني افهمج انزين
دانه بعصبيه وصراخ: قتلللك ردنييي البييييت ما ابااااا اسمع منك شيء
حمد: خلاص انزين اهدي اهدي بردج البيت
دقايق و وصلوا البيت نزلت دانه وركضت دخلت داخل اما حمد فخذ الأغراض وسكر السياره ودخل داخل البيت وحط الأغراض ف الفريزر وبعدها راح عند دانه ... دخل الغرفه وما حصل غير عبايتها المفروره على الارض
دانه :" ما ادري شو اسوي بالضبط .. افرح لان حمد واجه حبيبته القبلية ودافع عني قدامها .. ولا ازعل وانقهر على الكلام الي قالته عني .. انا يا حمد بتطلقني وبتفرني فرة الجلاب .. ليش انزين انا شسويت.. يا ربي ليش جذي يصير معاي .. ليش انا بالذات الي كل ما ذقت طعم السعاده أذوق المر بعده على طول .. ليش الدموع والحزن والقهر والحسره يرجعون لي كل ما افرح .. ليش انا الوحيده إلي مب مكتوبلي افرح ف هالدنيا .. لا ذقت حنان الام وطيبة قلبها ولا خوف الابو وحراسته ولا أمان الزوج ولا سند العايله ولا حتى الصداقه الحقيقية .."
حمد وهو يدق الباب: دانههه .. دانه بطلي الباب بكلمج
دانه قاعده ورا الباب ومتكوره على نفسها واتصيح
حمد: دانه بطلي الباب بس اتطمن عليج اذا ما تبين تكلميني برايج بس اهم شيء اتطمن عليج
دانه :...
حمد: دانه لا تعورين قلبي وبطلي الباب بس اشوفج واتطمن عليج م..
قاطعته دانه وهي تفتح الباب واتطيح بحضنه وعلا صوت صياحها .. تم حمد حاضننها فتره لين هدت وابتعدت عنه وهي تمسح دموعها
حمد: دانه انا ما..
قاطعته دانه: ما أباك تبرر لي .. انا فاهمه كل شيء .. حمد انا احبك وبظل احبك لآخر يوم بعمري .. لانك وقفت معاي وطلعتي من حاله ما يعلم فيها الا الله سبحانه وتعالى .. اذا تحبها وتباها روح أتزوجها عادي عندي بس لا اتطلقني .. حمد ما اريد ارد عند ابوي وظلمه وعذابه .. اذا تعزني لا اتطلقني .. أوعدك اذا تزوجت الي تباها انا ما لي دخل فيكم ابداً ولا بتكلم ولا بقول شيء وبنفذ كل أوامرك وأوامرها .. اصير خدامه لك ولها بس ما اتطلقني .. تكفى حمد اترجاك
حمد: وانا بعد احبج واعشقج فوق ما تتصورين .. وحبيتج اكثر وأكثر يوم عرفتج عدل ويوم حسيت بقيمتج ف حياتي .. يا دانه انا يوم وعدتج اني ما اكلم وحده غيرج وفيت بوعدي ولين الحين .. مها بالنسبه لي نزوه .. وبعدين انا مستحيل اطلقج ومن سابع المستحيلات بعد .. ما اقدر اخلي كل هالجمال والدلال يتعذب عند إنسان ما يعرف قيمة الذهب .. انا خليتج تتكلمين وما قاطعتج لاني ابا اسمع شو بتقولين .. بس صدقيني انا احبج ومستحيل افرط فيج وأطلقج .. معني عرفت وشفت بنات لكن مثلج ومثل اخلاقج وجمالج ما شفت انتي غير عن الكل صدقيني انتي غير .. قلتها لمها وبرد اقولها لج .. كنت غبي وحمار يوم فكرت اني ابدل الذهب بالتراب
................................................
ف سيارة وليد .. كان الجو هادي وبس صوت الأغاني شغاله
وليد: ليش ساكته
جود: ما احب اتكلم وحد يسوق
وليد: لا والله .. وليش ما تحبين
جود: اخاف .. احس اذا اتكلمت بيصير شيء
وليد: ترا عادي ما له دخل الشيء
جود:...
وليد:ايييهه بتمين جذي طول الوقت بنزلج ترا
جود:...
وليد: بس لان رايحين نيب اكل حق جوج ولا جان نزلته من زمان
جود ابتسمت
وليد: انزين شو ايبلها
جود: مندي لحم
وليد: تتمصخرين ؟!
جود: ما اتمصخر نجود تحبه ولان اليوم الغدا سمج ما بتآكل لانها ما تحب .. ف مندي لحم زين حقها
وليد: وانتي ؟!!!
جود:..
وليد: الله يصبرني يارب .. لازم اغير هالطبع فيج شو ها بتم اتكلم بروحي طول الوقت
جود:هههههههههه
...........................................
الساعه 2 ف بيت اليد .. الكل اتجمع عشان الغدا و كان وليد موجود بعد
فارس: امايا انتو ما زقرتوا هندوه
ام فارس: هند من الصبح مب ف البيت قالت بتي هني
اليده:هند داخل .. جود قومي ازقريها وازقري اختج بعد
جود: يدوه ما اقدر طرشي حد ثاني
اليده: يعني اطرش منو امي !!!... كلهم ياكلون
ذياب: انا بروح ازقرها
اليد: حمد وينه
نوره: الحين بي ف الدرب هو
ام خليفه: كلمتيه ؟!
نوره: هيه
شوي ودخل حمد: السلام عليكم
الكل: وعليكم السلام والرحمه
ابو خليفه: انت وينك من الصبح
حمد: كان عندي موعد وتأخرت عليه واخروني
ام خليفه: تعال تغدا
حمد:ان شاء الله
عند ذياب وهند .. دق ذياب الباب وبطلت له نجود
نجود: ذياب !!
ذياب: هند موجوده
نجود: هيه موجوده .. تبا شيء
ذياب: روحي تغدي
نجود: لا هند بتم بروحها
ذياب: انا بقعد معاها
نجود: اوك
طلعت نجود وذياب دخل داخل وشاف هند منسدحه على السرير وسرحانه .. قعد على طرف السرير ومسك ايدها
هند انتبهت عليه وعدلت قعدتها: ذياب .. انت متى يت و وينها نجود؟!!!
ذياب: راحت تتغدا .. ما بتيين تتغدين
هند: ما اقدر أتحرك
ذياب باستغراب: ليش ما تقدرين تتحركين
هند: عشان ريولي
ذياب شاف ريلها: شصااااااررر!!!
هند قالتله السالفه
ذياب: مره ثانيه ما تطلعين من البيت الا ومعاج ريال
هند: الصبح الكل ف دوامه منو بيطلع معاي
ذياب: فهد
هند: تعرف ان فهد ما..
ذياب: بيطلع .. انا الي بخليه يطلع .. تعرفين الجرح البسيط هذا شو ممكن يسوي .. انتي حاله خاصه لازم الكل يهتم فيج
هند: ما فيني شيء لا تقول حاله خاصه .. لا تحسسني اني مريضه
ذياب: ومنو قالج انج مريضه
هند برفعة حاجب: حالة خاصه ؟!!
ذياب بابتسامه: حاله خاصة لانج حرم ذياب لازم الكل يهتم فيج
هند : هههههههه
ذياب: تعالي تغدي .. بساعدج
هند:اوك
لبست هند نعالها بمساعدة ذياب وطلعت معاه ياب لها كرسي وخلاها تقعد وياب طاوله وجهز لها الغدا وحطه قدامها
ذياب وهو يعطيها الخاشوقه: بالعافية
هند: الله يعافيك
نوره: الدلع كله حق هندوه انا لو يتكسر راسي محد بيسويلي سالفه
حمد: بدت بدت الغيره
نوره: والله يا خي أتمنى حد يهتم فيني مثل ما تهتمون ف هندوه .. والله انا مسكينه
اليده:الحين حاسده البنت لان ذياب ساعدها شوي .. تراه ريلها
نوره: حتى محد يفهمني .. بروح ادور على اهل غيركم وايد ابرك
اليد: افا بس بتدورين غيرنا نوير .. اذا هم ما اهتموا فيج انا موجود كم نوره عندي
نوره: فديتك يا يدي انت شيخهم كلهم والله .. ربي يحفظك ويبعد عنك كل شر يارب
الكل: امين يارب
وليد كان يأكل وغص وتم يكح وعينه احمرت .. جود عطته ماي بس رفض
نجود خذت تمر وعطته: خذ كل هذا .. شكلك بلعت شوك
الكل استغرب من نجود واستانسوا.. اما وليد طار من الوناسه خذ التمر من ايدها وكله .. ويوم حس نفسه اوك
وليد بصوت مبحوح: مشكوره خيتي انقذتيني من الموت
جود ونجود: بسم الله عليك
وليد ابتسم
ميره بهمس لنوره: نوروه مسكيني بيغمى عليّ من ابتسامته بذوب بذوب ما اقدر
نوره: جب
ميره: ياخي انتي ليش جذي خليني اعبر عن مشاعري
نوره: خلي مشاعرج حقج مالت عليج
ميره: اف صايره سخيفه اليوم
نوره: شوكراً
ميره: شكراً شكراً مب شوكراً
نوره: كيفي
فيصل: هندوه تبيني ازيدلج عيش
هند: لا حبيبي خلاص شبعت
فيصل: انزين تبين شيء
هند: شو تعوض على الايام الي ما شفتني فيها ولا حاس بتأنيب الضمير على الي صار
فيصل: الاثنين والله .. بس والله مشغول
هند: ما عليه فديتك مقدره ضروفك
نوره: لا لا انا ما اقدر اتحمل .. شو ها ليش محد يدلعني .. الله رزقني بثلاث اخوان وأختين .. ولا واحد منهم يدلعني ليش جذي ياربي لييييش
ذياب: عاد نوير انتي ماخذه كل الدلع والدلال وبعدج تبين
نوره: هيه بعد ابا ما يكفيني
حمد: اتزوجي وخلي ريلج يدلعج
نوره: لا والله وانت ليش اخوي ليش ما ادلعني وتعطيني حنان
حمد: ما اقدر حناني مخلص
اليده: اكيد بيخلص دامك كل يوم مع بنت
الكل: ههههههههههههههههههههههههههه
حمد: يدوه شفيج عليه والله اني تبت انا شفيج
اليده: ما اصدقك .. مغازلجي مثل يدك
الكل:ههههههههههههههه
اليد: افا يا عوشه الحين انا مغازلجي
اليده: لا فديتك قاعده اقص عليه
حمد: يدوه نحن موجودين لا تتفدينه
اليده: انت جب جب كل وانت ساكت
الكل:هههههههههههههههههههههههههههههههه
........................................................
توقعاتكم💗💗