أحتجتلك يا أطيب بشر وين ألاقيك؟؟

47

ف المستشفى .. كان محمد رايح وراد ومتوتر وام حمود قاعده عند نوره وتقرا عليها
ام حمود: محمد خلاص اقعد وترتني معاك
محمد:امايه شوفي حالتها كيف .. ما ادري شو نتايج الفحوصات بعد .. خايف يصير لها شيء
ام حمود: ما بيصير الا كل خير انت بس ارتاح والحين الدكتور بي وبيخبرنا عن حالتها
محمد:انا بطلع برا شوي وبرد
ام حمود: وين رايح
محمد: بهدي اعصابي
وطلع رايح صوب سيارته وخذ علبة الزقاير الي خاشنهم وتم يدوخ ويدوخ ويدوخ لين رن تلفونه رد عليه وكانت امه تخبره ان الدكتور يترياه .. طف الزقاره وعلى طول راح على غرفة نوره وسلم على الدكتور
محمد: طمني دكتور كيف حالتها
الدكتور: لا تحاتي مجرد كدمات وبنعطيها مرهم وجروح بسيطه
محمد هز راسه باوك
الدكتور: ولازم تهتم فيها واتداريها لانها حامل فالاسبوع الاول والحمدلله ان الجنين بحالة سليمه وما فيه ولا شيء .. ما شاء الله الجنين قوي والام اقوى .. بس لازم ترتاح اكثر هالفتره هذي
محمد يطالعه بصدمه
ام حمود شافت ولدها فهه فردت على الدكتور: مشكور دكتور وما قصرت والبنت فعيونا.. بس متى تقدر تطلع
الدكتور: لازم نتريا لين تقوم ونتأكد اكثر من صحتها وبعدها على طول بعطيكم اذن خروج
ام حمود: ما تقصر يزاك الله خير
الدكتور: مشكوره خالتي كثري من الدعاوي محتاجينها هالفتره
ام حمود: ربي يرزقك كل خير وسعاده ابدية ويحقق لك كل الي تتمناه ويحفظ لك احبابك يارب
الدكتور: امين يارب .. يلا انا استأذن
وطلع الدكتور ومحمد بعده واقف ف مكانه ومفهي راحت ام حمود وقرصته ولف عليها وهو مبتسم
ام حمود ابتسمت لابتسامته: مبروك يا ولدي مبروك
محمد: الله يبارك ف حياتج .. يعني الي سمعته صدق امايه .. الحمدلله يا رب الحمدلله .. خلني ببشر الكل بهالخبر الحلو .. واخيراً واخيراً بصير ابو هههههههههههههه
ام حمود: ههههههههههه بس اعقل ما يصير ابو ومب صاحي .. وبعدين لا تخبر حد الا لما نوره توافق على هذا الشيء
محمد : ان شاء الله .. بس م..
قاطعه صوت نوره وهي تتأوه من الالم
محمد مسك ايدها: نوره
نوره تمت اتطالعه وايدها على بطنها
ام حمود مسكت ايدها الي على بطنها: بخير يا بنتي الجنين بخير وما ياه شيء
نوره ابتسمت وسكرت عيونها براحه
محمد تقرب صوبها وباس راسها: مبروك  حبيبتي والله يحفظه ويحفظج
نوره: امين يا رب .. ويحفظك ويخليك لنا يا رب
......................................
عند دانه كانت قاعده تتريا حمد وغفت وهي ما تدري بعدها بخمس دقايق دخل حمد وشافها راقده ف نص الشبريه وتتنافض ..راح ولحفها وبعدها دخل الحمام( وانتو بكرامه) ويوم سكر الباب دانه فزت وتمت تتلفت وبعدها قامت ونزلت المطبخ اتجهز غدا حمد وردت غرفتها ولقت حمد منسدح عشان ينام
دانه: ما تبا غدا
حمد: لا ما اقدر اكل شيء بنام وبعدين باكل
دانه: انزين تعال كل شوي بس
حمد: دانه ما اقدر جسمي متكسر بعدين باكل اي شيء
دانه:بعدين بيروحون العزبه تعرف ؟؟!
حمد: هيه الحين بيطلعون بس نحن بنطلع المغرب
دانه: اوك
طلعت وراحت المطبخ وحطت الصحون وطلعت قعدت ف الصاله .. شوي وطلعت ام خليفه وشافتها وراحت عندها
ام خليفه: دانه .. شو تسوين قاعده هني بروحج
دانه: ما شيء عموه بس اتريا الدريول عندي موعد
ام خليفه: ويييي الدريول انا طرشته الجمعيه قبل شوي
دانه: خلاص بروح مع ربيعتي ..بيتهم قريب من هني
ام خليفه: انزين اتري الدريول شوي وبيوصل
دانه: ما اقدر عموه موعدي ما باقي عليه شيء ولازم اروح لان الادويه الي عندي خلصت
ام خليفه: على راحتج يا بنتي بس بلغي حمد قبل
دانه: هو الحين راقد .. بطرش له مسج عشان يوم يقوم يشوفه
ام خليفه: انزين انا بروح اجهز الاغراض عشان العزبه
اتصلت دانه ف ربيعتها ودقايق و وصلت وراحوا المستشفى
...............................
ف قسم خليفه كان قاعد وبناته حواليه وف حضنه ناصر وقاعدين يلعبون ..شوي وطلعت خلود من غرفتها وهي متلبسه
خلود: انتو ليش لين الحين مب متلبسين
حصة: ليش وين بنروح
خلود لفت على خليفه: انت ما قلت لهم
خليفه: هههههههه تخيلي ان سولفنا عن كل شيء الا سالفة العزبة هذي
هدى: يعني بنرووح العزبههه!!!!
خلود: روحوا تلبسوا يلا ولا تخربون الكبت قبل شوي معدلتنه
راحوا كلهم يتلبسون الا ديمه تمت قاعده عند خليفه
خلود: ديمه روحي بدلي
ديمه: ملابسي نظيفه ما فيها شيء .. بروح مع بابا انا
خلود: انزين ترا كلنا بنروح معاه
ديمه: لا انا بروح مع بابا
خليفه يحضن ديمه: خليها اميرتي ملابسها حلوه ونظيفه برايها
خلود شلت ناصر: انا لو قعدت معاكم اكثر بصير مينونه
خليفه : وانا بصير ملح
خلود لفت عليه برفعت حاجب
خليفه بابتسامه غبيه: يعني ليمونه وملح فهمتي هههه... اااا ما يضحك؟!! .. اوك اوك انا اسف اخر مره
دخلت خلود وهي تهز راسها اما خليفه شل ديمه و راحوا برا
.............................
عند محمد ونوره .. من بعد ما ردوا البيت دخلوا غرفتهم ومحمد دخل الحمام ( تكرمون) عشان يتلبس .. شوي وطلع من الحمام وشاف نوره ماسكه كندورته الي توه كان لابسنه واتطالعه
محمد: شفيج
نوره: انت ادوخ
محمد: اااا .. لا .. لا ما ادوخ ليش تسألين
نوره وهي تسكر خشمها: ريحة كندورتك زقاير
محمد وهو يسحب الكندوره: كنت واقف عند واحد يدخن يمكن لصقت فيني الريحة
نوره: افففف شلها من عندي وعقها ف الزباله
محمد: شووو !! كندورة يديدة هذي شو اعقها ف الزباله
نوره: محمد عقها والله ريحتها خايسه وايد
محمد: انزين انزين
راح محمد وعق كندورته ف الزباله .. اما نوره ف قعدت بارتياح من بعد ما رشت عطر ف الغرفه
محمد: يلا قومي تلبسي عشان نروح
نوره: اوك
يت تبا تروح بس محمد مسك ايدها
لفت عليه نوره : شفيك
محمد: مستانس .. واخيراً بصير ابو وانتي بتصيرين ام .. اخيراً بيصير عندنا ممكله بروحنا فيها
نوره ابتسمت: بيصير عندي طفلين
محمد باس ايدها: الحمدلله ان الله رزقني وحده مثلج .. طيب واخلاق وقلب ابيض وصافي وفوق هذا كله جمال ودلال.. الحمدلله ان الله اختارج انتي ام لعيالي .. الله يحميه ويحميج من كل شر يارب و الله يرزقنا بالذريه الصالحه.. انتي بالنسبه لي هبه من رب العالمين
.........................................
نقدم الاحداث المغرب الكل كان موجود ف العزبه .. وطبعاً الكل عرف بخبر حمال نوره وفرحوا وباركولها .. بالنسبة للشباب اتجمعوا كلهم ف مكان واحد والبنات معاهم  عشان اونه يشجعونهم لانهم كانوا بيلعبون
ذياب: بنلعب طائره
فهد: لا لا احسن كرة قدم
محمد: سمعوا انا عندي الحل .. شرايكم نلعب لعبتنا ونحن صغار
الكل: لاااااااااااا
محمد: ههههههههه يلا نبا نرد ايام الطفوله
وليد: انزين شو هي اللعبه
محمد: اوووه نسيت انك ما كنت معانا
ذياب: محمد!!!
محمد: شفيك ما قلت شيء المهم شوف وليد اللعبه هي انسوي قرعه ونختار اسمين وهالاثنين يطلعون ويتبارزون لازم واحد من اللاعبين يطلع الثاني برا الدائرة فهمت
وليد: حلو .. هيه فهمت
نجود: احم احم .. يستوي نحن البنات نشارك
فهد: لا ما يصير ما فينا حد يتكسر وبعدين نحن ناكلها
نجود: انا اقصد بنات ضد بنات
ذياب: اوك .. بنسوي القرعه مره مع الشباب ومره مع البنات بس سجلوا اساميكم
الكل سجل اسمه وبدو اللعبه .. اول شيء سو القرعه وطلع اسم حمد و وليد
ذياب: يلا حمد دورك انت و وليد .. شوفوا اي حد يطلع من الدائره هو الخسران
حمد: وانت ما لقيت غير وليد تخليني معاه
وليد: ههههههه ليش شفيني
حمد: ما شاء الله عضلاتك يعني احس بصبع بطلعني
وليد: هههههههههههههه والله مش...
قاطعه حمد وهو يدزه ويطلعه برا والبنات يصارخون يحيون حمد والشباب نفس الشيء
وليد: اييي غش هذا
حمد: يبالها تركيز ومكر اللعبه هذي هههههههههه
ذياب: يلا الحين دور البنات .. جود و نجود << ترا صدق قاعده اسوي قرعه بينهم 😂😂
نجود: لا لا غش ما يستوي اباري جود اختي تراها
خوله: هههههههه اللعبه هذي ما فيها اختي واخوي فيها منافس
نجود: تعالي انزين بباريج
خوله: لا شكراً ما ابا العب بس بطالع
ذياب: يلا تعالوا وبدون عواطف رجاءً
جود: هههههههه اوك
وتموا يحاولون يطلعون بعض برا لين جود دزت نجود .. ونجود سحبت جود معاها لانها كانت بتطيح .. وطاحوا برا مع بعض
الكل: هههههههههههههههه
ذياب: الحين منو الي مفروض اسجل لها النقطه
جود: ولا حد خلاص ههههههه
ذياب: يلا شباب .. الحين فهد ووووو فارس
الكل سكت وتم يطالعهم .. فهد نزل راسه
فهد: سو مره ثانيه
فارس: ليش تخاف تنهزم
فهد تم يطالعه باستغراب
فارس:يلا تعال نتبارى
هند بصوت عالي: عاش اخواني ووووووووههه👏👏👏
وتموا يتبارزون وكان المسيطر فارس لين اخر شيء فهد لف بسرعه ودز فارس برا الحلبه
هند: عاش اخوي البطل وووووو هههههههههه
فهد: ههههههههههه مب صاحيه
ذياب: يلا بنات دوركم .. الحين دور .. هند وووو دانه
دانه: لا انا ما ابا العب اختاروا حد ثاني
ميره: يوم ما تبين تلعبين ليش كتبتي اسمج
دانه: انا ما كتبت اسمي نوره الي كتبت
ميره: انزين خلاص لعبي شو فيها يعني
دانه قامت من عندهم ودخلت داخل
ميره: اففففففف نفسيه هالمخلوقه ما ادري كيف متحملينها
نوره: استحي على ويهج عيب عليج هالكلام حرمة اخوج هذي
هند: هدووو هدووو شوي شفيكم ..المهم ذياب شوف منو معاي
ذياب: الي معاج اممممم .. نوره ؟؟!!!!
نوره: يسسسس يلا تعالي
هند: انت تستهبلين حق شو كاتبه اسمج
نوره: عشان العب حق شو بعد
محمد: ردي ودي مكانج ما شيء لعب
نوره: ليييش عاد .. ذياب شوفه ما يخليني العب
ذياب: نوره انت بكامل قواج العقليه ولا شو
حمد: اييييه بدلي مع حد ثاني حامل وتبا تلعب بعد
نوره: انزين عادي عشان ولدي يطلع قوي .. خله يتعود من الحين
هند: ياربي مينونه هالبنت .. اميي ما يصير ما يصير
نوره قعدت داخل الدائره : ما بتحرك الا لما العب
محمد: تبين تلعبين ها اوك
راح محمد وشلها و طلعها برا الدائره ورد نزلها
محمد: يلا خسرتي
نوره: غش غش غش .. شو هذا
محمد : خلاص محد بيلعب .. اصلاً بنسير خلاص
نوره طالعته بنظره طفوليه اونها معصبه ..اما محمد راح عنها والكل راح
هند: اييييه وين رحتوا .. يوم يا دوري الكل طلع
ذياب من وراها: حظج عاد
هند لفت عليه: اصلاً هم خافوا مني عشان جذي الكل راح
ذياب: هممم لا واضح ما شاء الله
هند حضنته: ذياب ليش ما نسير البحر
ذياب: خلاص يوم الجمعه بوديج
هند: نبا انام ف شاليه على الاقل ثلاث ايام او اي مكان
ذياب:حبي باجر ببدا دوامي يعني وايد صعب الموضوع
هند رفعت راسها: خذ اجازه انزين
ذياب: ما اقدر لان توني طالع من اجازه طويله
هند: خلاص ما ابا شيء اهم شيء ان ينا العزبه
ذياب: زعلتي
هند هزت راسها بلا: ما زعلت .. بنروح مره ثانيه ان شاء الله
ذياب باسها على خدها: ويلوموني ف حبج بعد
......................................
عند البقيه .. كانوا قاعدين حوالين اليد ويسولفون معاه .. و ام خليفه و ام حمود كانوا قاعدين يقصون فواكه وغيره ويعطونه نوره
محمد وهو يهمس لنوره: بسج اكل بتمتنين بعدين
نوره: ما يخصك فيني .. خلك فحالك
محمد: اذا قلتي ودني السوق ملابسي ضاقت عليّ يويلج
نوره: افففففف
محمد: انزين عطيني فواكه بدال ما تاكلينهم بروحج
نوره عطته الصحن: كل بروحك ما ابا شيء
محمد: لا خلاص ما ابا كلي بروحج
نوره وقفت: مابا
خلته وراحت عند البنات الي كانوا متيمعين ف الميلس الي داخل
نجود: تعالي قعدي وين كنتي قبل شوي
نوره: يدات المستقبل ماسكيني ويأكلوني ف الفواكه
هند: لازم حبيبتي .. بتصيرين ام
نوره: عقبالج
هند:لا انا ما ابا الحين بعد ثلاث سنوات احسن
نوره: على اساس انه على كيفج
هند: عيل على كيف منو
نوره: اففف ما اقدر اناقشج الحين .. دانوه وين
ميره: شو تبين فيها تعالي اقعدي انتي حامل
نوره: حسستوني عاجز .. ترا عادي اقدر اروح وارد شفيكم.. حتى محمد ما قالي جذي
ميره: خلاص انزين تعالي قعدي .. خليها هذيج بروحها بتي
نوره: انا بروح اشوفها
طلعت عنهم وتمت ادورها .. اخر شيء حصلتها صوب الدراجات يالسه تصيح
نوره: دانه ليش تصيحين
دانه وهي تمسح دموعها: ولا شيء
نوره وهي تقعد عندها: قولي لي شفيج تصيحين حمد قالج شيء
دانه هزت راسها ب لا
نوره: عيل شفيج .. ليكون ميره
دانه: نوره محد قالي شيء .. خلاص خليني بروحي
نوره: والله ما اخليج وانتي بهذي الحاله.. قولي لي شفيج ومحد بيعرف بعد
دانه: اوعديني ان محد يعرف
نوره: قولي
دانه: في حد يهددني بابوي .. ما ادري منو هذا بس كل شوي يتصل ويقول سوي و سوي واذا رفضت يقول بقتل ابوج .. وقاعد يراقبني بعد
نوره : وليش ما تخبرين حمد عشان يتصرف معاه
دانه: نوره حمد ما يحب ابوي واذا قلت له ما بيسويلي شيء
نوره: وليش ما يحب ابوج
دانه نزلت راسها: قبل لا نتزوج كنت اكلم حمد ومرات اشوفه .. ويوم ابوي عرف بالموضوع ضربني ضرب لدرجة اني ترقدت ف المستشفى .. وحمد عرف بالموضوع ويا زارني فالمستشفى و وقتها ابوي دخل وشاف حمد وتم يسمعه كلام ويهزبه واخر شيء قاله تعال اتزوجها ولا بقتلها وبقول انها كانت عندك وانت السبب ف موتها .. ومن يومها حمد يكره ابوي لدرجة انه اكثر عن مره تضارب معاه وطرده من شقتنا
نوره بصدمه: مستحييييل .. يعني حمد ماخذنج بالغصب
دانه هزت راسها بهيه: عشان جذي ما اقدر اقول حق حمد واذا اصريت عليه اخاف يطلقني
نوره مسكت ايدها: الله يعينج يا دانه والله انج ما تستاهلين كل الي يصير فيج
دانه:والله خلاص ما اقدر اتحمل كمية المشاكل الي على راسي تعبت خلاص.. حتى مرات افكر اتطلق من حمد عشان هو يرتاح من مشاكلي ومرات اقول انتحر وانا الي ارتاح ما اعرف شو اسوي بحياتي بالضبط
نوره: ما عليه دانه كلها فتره وتعدي باذن الله .. شوفي اذا ما تبين تكلمين حمد شرايج انا اكلم محمد واخليه يتفاهم مع هذا الي يتصل فيج و بحذره ان محد يعرف بالسالفه
دانه: ما اريد اتصير مشاكل بينج وبين ريلج والسبه انا خلاص خليه برايه انا مب مستعده اخرب حياة حد عشان احل مشاكلي
نوره: ما عليج انا ومحمد علاقتنا قويه.. الاشياء التافهه ما تفرقنا ولا بتيب المشاكل ف حياتنا
دانه حضنتها: مشكوره نوره والله انا ما ادري لولاج شو كنت بسوي
نوره: افا عليج بس .. انتي مثل ميره وخوله اذا ما وقفت معاج بوقف مع منو .. يلا قومي خلينا نروح عند البنات
دانه: اوك
.......................................
بعد كم ساعه .. الكل اتجمع عشان العشى .. الحريم بصوب والريايل بصوب
اليد: يلا وين العشى
ام خليفه: ابويه خلاص كل شيء زاهب بس قاعدين ينجبون
اليد: ومن الصبح شو تسون عيل
اليده: شو فيك اتصارخ خلاص الحين بيحطون لك الاكل .. بس فالح يصارخ ويزعج الناس
اليد بصوت خفيف للشباب: زين ما صفعتني بعد .. هي الي تعصب وتقول انت وايد عصبي واتصارخ
الشباب:ههههههههههههههههه
حمد: عاد يدي دام جذي السالفه خذ الثانيه وريح راسك
اليد: اذا عندك يلا قوم انسير نخطبها
الشباب: اووووووووووووههه
اليده: منو الي يبا يخطب
اليد: محد محد .. هذا حمد يقولي روح خذ الثانيه
حمد: هيه ويدي وافق
اليده: شووووو!!
اليد: يقص عليج هالصبي .. انا رفضت وقلت اخسي اخذ وحده على غنات الروح
الكل: اووووووووووووهههههه عاش يدي عاش
اليده: جب انتو جب .. وانت ايييه روح عند ابوك وقول له ياخذ الثانيه .. وخلك بعيد عن يدك احسن لك
حمد: وينها امايه ما سمعتج تقولين جذي
اليده سوت له طاف وراحت عنه والباقي ميتين ضحك عليها .. شوي ودخل عليهم حارس العزبه
حارس العزبه: بابا .. في رجال يقول يريد كلام فاميلي
اليد :شو يقول هذا
حمد:يدي يقولك في ريال يبا يتكلم مع العائلة كلها
اليد:منو هذا بعد
حمد:ما ادريبه
ذياب: قوله يروح محد بيطلع له
خليفه: لا لا خله يدخل .. عيب انخلي الريال يروح .. يمكن يبا شيء ولا متوهق ف شيء .. روح قول حق الريال يدخل
شوي ودخل الريال وسلم عليهم
خليفه: حياك اقرب اشرب قهوه
الريال: لا شكراً مب ياي اشرب قهوه .. بقولكم شيء وبروح
فهد تقرب صوبه: شو تبا تقول
الريال: ابا خليفه
خليفه: انا خليفه
الريال يا يبا يتقرب صوبه بس فهد وقفه: اوقف مكانك وكلمه لا تتقرب .. ومنو انت
الريال رفع حايبه: انا راشد .. ويت هني عشان اتكلم مع خليفه مب معاك انت
خليفه : قول شو عندك اسمعك
راشد طلع ظرف من مخباه وفره على خليفه: هذا حقك
خليفه رفع حايبه: وشو هذا يا محترم
راشد: شوف وبتعرف
خليفه شل الظرف وشاف صور حصه مع راشد .. من اول لقاء بينهم لاخر مره شافوا بعض وملابسها وشعرها ين ينونه ما قدر يتحمل انهد على راشد وتم يضربه ويضربه ويصارخ عليه والشباب كلهم اتجمعوا عشان يشلون خليفه عن راشد بس ما قدروا عليه لانه ف قمة عصبيته مثل ما يقولون ما يشوف شيء قدامه من العصبيه... والحريم كلهم طلعوا برا يشوفون شو السالفه
راشد: اذا مب قادر تمسك بنتك لا تفرها وتنساها وبعدين تقعد تتضارب .. ربها عدل اول شيء
خليفه: غصباً عنك متربيه احسن تربيه .. وشل صورك هذي واطلع برا احسن لك
راشد: هه تراها طالعه معاي اكثر عن مره .. كانت تقولكم بروح مع منال وتطلع معاي انا .. يعني كانت طول الوقت تكذب عليكم
خليفه ما قدر يتحمل كلامه وطلع برا العزبه وركب سيارته وراح
فهد: منو الي مطرشنك .. كيف عرفت مكان العزبه .. تكلم!!!!!
راشد:بنتكم ما تقصر قالت لي انتو وين وطرشت اللوكيشن بعد
ذياب بعصبيه: لا تقعد تتبلى على البنت .. وقول حق رئيسك مره ثانيه يخطط خطط شرات العالم والناس مب خطط فاشله ومكشوفه
راشد طلع من مخباه فونه وراوه ذياب محادثته مع حصه.. ذياب تم يقرا ويسمع المحادثات بينهم وخلاص مب قادر يتحمل .. ضرب راشد ضرب وطلعه برا العزبه ورد دخل داخل
ذياب بصوت عالي: حصصههههه .. حصييييص
هند مسكت ايده: ذياب خلها اكيد الريال قاعد يتبلى عليها
ذياب: حصصههههه
حصه وهي منزله راسها وترتجف: عمي والله ما يخصني
ذياب: تعالي
حصه تمت واقفه مكانها
هند: ذياب خلاص خلها
ذياب تقدم صوب حصه:منو هذا
حصه تمت منزله راسها
ذياب بصوت عالي : تكلمييييي!!
حصه:....
...........................................
توقعاتكم؟؟!