أحتجتلك يا أطيب بشر وين ألاقيك؟؟

10

بعد أسبوعين .. كان الكل مرتبش والي متوتر والي يحاول يخلص أشغاله ع سريع والي والي ...
ف الصالون
هند بنرفزه : أمور شوفي شو مسويه ف شعري
أميره: حلو انزين
هند:ما ابا جذي .. كم مره اقولها شيء اتسوي شيء ثاني
أميره: هندوه والله حلوه التسرحيه ما فيها شيء .. اتجنن عليج اصلاً
هند اتجمعت الدموع ف عيونها: يا خي شو ها .. كل شيء مب عايبني .. حتى الفستان 😢
أميره: هذا توتر فقط لا غير .. اهدي شوي وكل شيء بيكون تمام ان شاء الله
هند حطت أيدها على ويهها وقَعَدت اتصيح .. اتجمعوا عليها البنات .. لانهم كانوا خايفين عليها
جود: افا هندوه .. كل هالجمال واتصيحين
نجود: ما شاء الله عليج .. هندوه الحين الملجه و صايره كأنج سندريلا .. عيل العرس كيف
أميره: هند تعالي معاي .. ارتاحي شوي وبعدين تعالي كملي شعرج
هند: اتصلي ف فارس خلاص برد البيت ما ابا شيء
جود: هندوه بلا استهبال شو بتردين البيت اليوم ملجتج
هند: تتأجل
البنات بصدمه: شوووووو!!!
هند: شو.. شوفيكم .. ما اقدر ادخل القاعه وانا مب عايبني شيء!! (( وردت اتصيح ))
نوره تمدلها الفون: خذي الفون واتكلمي مع ذياب
ذياب: الو
هند: ...
ذياب: هند
هند: هلا
ذياب: شفيج ي قلبي .. ليش اتصيحين
هند: ذياب ما ابا الملجة اليوم .. خلاص اجلها
ذياب: ليش!؟
هند: ما في شيء عايبني .. لا اللبس ولا المكياج ولا التسريحة ولا شيء ... ما في شيء مرتب ابداً
ذياب: هندوه اهدي شوي .. مستحيل اللبس ما يكون عايبنج لانج اخترتيه بعد عناء كبير .. انتي بس متوتره
هند:.....
ذياب: الو .. هند وينج ؟! .. الو
هند: معاك
ذياب: اذا في شيء ثاني مضايقنج قوليلي
هند: ليش سويت الملجه فالقاعة ولا بعد عازمين وايد ناس .. كان بيكون احسن لو كان فالبيت وتكون اهليه
ذياب: هذا الي مضايقنج
هند: هيه
ذياب: اذا تبيني اكنسل كل شيء انا حاضر .. بس لا تتوترين عشان ما تتعبين بعدين لا تنسين ان فيج السكر
هند:صدق؟!
ذياب: شو الي صدق؟!
هند: بتكنسل كل شيء !!
ذياب:اذا هذا الي بريحج بسويه.. اسوي اي شيء لأجل القمر
هند ابتسمت:...
ذياب: يلا بسكر عنج الحين
هند: ذياب
ذياب: عيونه
هند: خلاص لا تكنسل شيء برايه
ذياب: هههههههه شو غيرتي رايج
هند:اممم هيه خلاص .. حرام وايد تعبت انت
ذياب: خلاص على راحتج .. ببند عنج الحين بيهزبني اخوج
هند: اوك .. باي
:::::::::::::::::::::::::::::::::::::::
نوره: خلاص ؟!
هند تنهدت: خلاص .. شكراً كنت احتاج هالمكالمه
أميره: عيل يلا قومي خليها تعدلج مكياجج و تضبط التسريحة
هند : اوك
.....................................
بيت بو خليفه .. ف قسم خليفه .. كانت قاعده اتعدل بناتها وملعوزينها
خلود بعصبيه: بسكم ازعاج .. وقوموا عني خلاص ما بسوي شيء حق حد
هدى: لييش ماما .. انا شو يخصني الحين
خلود: قوموا عني لا تنضربون الحين
هدى: انزين ما سويتيلي شعري
حصه: وانا مب عايبني الفستان
ديمه: انا ابا نعالي
خلود مسكت راسها: يمه بموت من إزعاجكم افف يا ربي
طق طططق طق << صوت الباب 😝😂😂
خلود:منو!!
خولة تبطل الباب : انا
خلود: ما شاء الله خلصتي
خوله: هيه الحمدلله .. شرايج بالكشخه
خلود: اتهبلين ما شاء الله عليج
خوله: تسلمين فديتج .. وانتي ليش لين الحين مب مخلصه
خلود: والي عنده بنات نفس بناتي بيخلص
خوله: ههههههههههههههه .. ليش عاد شو مسويات
خلود: كل مره وحده تبا شيء .. يننوني قسم بالله
خوله: خلاص انا بساعدج .. شو بقالهم
خلود: شعورهم بس
خوله: خلاص عيل انتي روحي اتجهزي وانا بسويلهم شعورهم
خلود: الحمدلله يا رب .. افراج
خوله: هههههههههههههههههههههههه
................................
ف مكان ثاني .. كان واقف تحت يترياها .. شافها تأخرت واتصل فيها
دانه: الو
حمد: دانوه اطلعي بسرعه .. تأخرت عليهم ترا
دانه: ههههههه خلاص الحين بنزل .. بلبس ساعتي بس
حمد: البسيها فالسيارة .. بسرعه اطلعي ولا ترا
قاطعته دانه: خلاص طلعت
ثواني وركبت السياره
دانه: السلام عليكم
حمد وهو يسوق: وعليكم السلام
دانه: الحين شو الفايده مخلني اروح الحفله
حمد: تتعرفين على اهلي
دانه: اوك تعرفت عليهم.. بس انا رايحه بصفتي شو بالضبط
حمد شافها وبعدين رد يشوف الشارع: بصفتج حرمتي وحبيبتي
دانه استحت واستانست فنفس الوقت: يعني بتعلن عن زواجنا؟!
حمد: مب الحين
دانه بإحباط: ليش عاد
حمد: ما ابا اخرب فرحة اخوي و اهلي
دانه بعصبيه: عيل ليش مودني هناك خلاص ردني البيت
حمد بصوت عالي: خلاص دانه .. لا تزعجيني .. بتروحين هناك وبتردين .. ما بيصير فيج شيء اففف
صدت صوب الدريشه وقَعَدت اتصيح بهدوء ..
دانه: " ما اعرف ليش دايماً يحب يجبرني على شيء انا ما أباه .. والحين يجبرني اروح الحفله بس بدون ما يعلن عن زواجنا .. انزين ليش تباني اروح .. ليش تعذبني يا حمد ليش .. حرام عليك الي قاعد اتسويه فيني .. والله حرام .. انا شو ذنبي.. وفوق ها ما اقدر اتكلم معاه الا وهو عصب عليّ.. يعني يا أنفذ كلامه يا يعصب عليّ "
.........................................
ف الصالون عند البنات .. خلصوا كلهم وبقت اللمسات الاخيره لهند
هند: أميره اتصلي ف فارس .. ما فيني اقعد اترياه
أميره: اوك
اتصلت أميره فيه مرتين وما رد عليها
أميره: ما يرد
هند: ردي اتصلي فيه
أميره: ما فيني هندوه .. خلاص اذا شاف المكالمة بيتصل
هند بهمس لأميره: انتي بعدج زعلانه منه .. ما سامحتيه
أميره هزت راسها ب لا: ما اقدر أسامحه على تفكيره الغبي
هند: أمور مهما كان ترا فارس ريلج ... مب زين تقعدين زعلانه منه كل هالمده .. وخاصةً انه كل مره يطلب منج السماح
أميره: قتلج ما اقدر أسامحه على تفكيره الغبي والي قاله لي بعد .. انا مب خدامه عنده .. لازم امشي على كلامه والطريق الي هو يباه ولا بيردني بيت اهلي
هند ما عرفت شو تقول لان كلام أميره صح .. كل الي قالته : الله يهديكم يا رب
شوي واتصل فارس وقالهم انه عند باب الصالون وطلعوا البنات وركبوا معاه
البنات: السلام عليكم
فارس: وعليكم السلام
هند: شحالك اخوي
فارس: خلج من حالي الحين .. كيف النفسيه
هند: تمام الحمدلله
نوره: اكيد تمام يا قلبي .. من بعد صوت الحبيب كل شيء بيكون تمام
الكل: هههههههههههههههههه
ميره: فارس شغل شيء خلنا نتدرب قبل لا نوصل القاعه
فارس: هههههههههههههههه تدريبيين على شوه !!
ميره: الرقص بعد شو
فارس: ههههههههه حمدلله والشكر .. محد صاحي فيكم ترا
وشغل لهم الأغاني وطول على الصوت والكل ارتبش مع الاغنيه .. وهند نست توترها شوي وقَعَدت تضحك على حركات ميره ونوره
فارس: ما تبين تكلميني ؟!
أميره:...
فارس: انزين على الاقل لفي عليّ خليني اشوفج
أميره: ....
فارس مسك أيدها بس أميره سحبت أيدها بالقو .. ولفت عليه عطته نظره وردت شافت قدام .. انتبهت عليهم هند بس ما قالت شيء .. كل الي سوته دعت ف خاطرها ان الله يهديهم يلين قلوبهم .. و فجأة يتها فكره و تحمست انها اتسويه اليوم رغم انها جريئة شوي
هند همست لنوره: نوير الفزعه
نوره: امري
هند: ما يأمر عليج العدو.. اباج اول ما نوصل القاعه تنزلين أغاني tango بس تكون رومانسيه ها .. بخلي كل المتزوجين يرقصون مع بعض
نوره بخبث: ايوا .. جذي نظامج ها.. تبين ذياب يقدم موعد العرس بس ما تعرفين كيف .. انزين تري ليش مستعيله عليه
هند ضربتها على جتفها: انتي ايييه شو ها التفكير الماصخ.. انا بسوي جذي عشان أراضي بين أميره وفارس والباقي يستانسون فهمتي يالبقره
نوره: فهمت فهمت .. بس من الحين اقولج اول شيء انا برقص وبشبع وهذا مالج اخر شيء
هند: هيه احسن يكون اخر شيء .. بيكونون الناس راحوا وبيبقون الأهل بس
نوره: خلي ها كله .. شو بنسوي ف يدوه ما بتخليهم يتهنون
هند: ما عليج دام اليوم ملجتي انا وذياب ما بتقول شيء
......................................
بيت بو خليفه ف قسم خليفه .. خوله خلصت من شعر البنات وحطتلهم مكياج خفيف واستانسن .. شوي وطلعت خلود
خوله : ما شاء الله عليج .. اتهبلين .. حبيت التسريحة
خلود: تعبت وانا أسويها .. يلست يومين اتعلم كيف يسونها والحمدلله ضبطت
خوله: لا بس حلو عليج ... مع المكياج والفستان .. صايره مثل أفلام اسود وابيض
شوي ورن فون خلود .. ردت عليه كان خليفه المتصل
خلود: الو
خليفة: جاهزين
خلود: هيه خلاص .. انت وينك
خليفه: عند البيت الحين بنزل من السياره
خلود: ليش تنزل بنيك نحن
خليفه: كندورتي تخيست وبي ابدل بعدين بنروح .. خوله موجوده ولا راحت القاعه
خلود: لا موجوده بتي معانا
خليفه: خلاص تمام يلا بسكر الحين
وسكر عنها
خلود: خوله خليفه ياي .. بيبدل كندورته وبنطلع
خوله: خلني اروح البس عبايتي عيل
خلود: ديمه تعالي البسي نعالج
ديمه:بروح عند بابا
خلود: بابا بروحه بي لين عندج انتي تعالي البسي
ولبستها النعال وطلعت نعول باقي البنات وخلتهم يلبسونه .. دخلت الغرفه وخذت دهن العود وحطتلهم .. شوي ودخل خليفه وابتسم على منظرهم وديمه اول ما شافته ركضت عنده
خليفه وهو يشل ديمه ويبوسها: هلا .. هلا والله بأميرتي .. كاشخة بنتي اليوم .. ما شاء الله عليج
هدى وهي حاطه أيدها على خصرها: لا والله .. وانا شو
خليفه: شو انتي شو
هدى برفعت حاجب: يعني انا مب حلوه ... ولا مب بنتك .. ولا بس ديمه ها ؟؟!
خليفه باسها على خدها : كلكم أميراتي
حصه وهي مربعه أيدها : وانا بنت البطه السوده يعني .. كلهم اميراتي وبنتي وبوسه وانا طاف!! .. ولا لاني الكبيره عشان جذي
خليفه: هههههههههههههههه.... ايهاااا اليوم نحن ما بنخلص " باسها " .. احلى وحده فيهم انتي اصلاً
حصه : احم احم
خليفه: هههههههههههه
ديمه: بابا يلا بنروح
خليفه: اصبري شوي ببدل انزين
خلود: وانا مالي نصيب يعني .. ولا مزهريه واقفه هني🙂
خليفه باسها على خدها: انتي عاد قمرهم .. ما نقدر انزعلج
خلود استحت لان البنات يطالعونهم .. همست له: بناتك يطالعونك ترا
خليفه حضنها : بعدهم يطالعون
خلود: ههههههههه لا
✖️✖️✖️✖️✖️✖️✖️✖️✖️✖️✖️✖️✖️
توقعاتكم؟!!! 🤔