عند البنات .. وصلوا القاعه ودخلوا العروس ف غرفه وقعدوا عندها شوي وبعدين طلعوا يسلمون على الناس ويضيفونهم .. اما هند قعدت مع نوره يختارون أغنية حق رقصة tango.. وكل مره يغيرونها .. لين طفرت منها نوره وهزبتها وآخر شيء اتفقوا على أغنية نوره بتعب: افففف وأخيراً ما بغيتي ويا راسج هند: انتي ما تعرفين تختارين انا شو ذنبي نوره: خلني اروح اكل وايد ابوك هند: ايييييه وين بتروحين اقعدي عندي حرام عليج نوره: وين تبيني اقعد عندج .. بروح اكل وراي رقص بعدين هند: مب لازم تعالي اقعدي نوره: روحي انزين .. بطرشلج خدامتكم تقعد معاج هند: انقلعي ما منج فايده نوره: الحمدلله يا رب ان ما مني فايده وطلعت عنها وشوي ودخلت عليها وحده ما عرفتها منو .. سلمت عليها هند باستغراب: عفواً اختي منو انتي ما عرفتج دانه بابتسامه: اسمي دانه هند: هلا والله تشرفت فيج .. وانا اسمي .. قاطعتها دانه: هند .. اعرفج ما شاء الله عليج .. طلعتي جميله ما توقعتج بهالجمال هند استحت : تسلمين فديتج .. والله انتي الجميلة .. وتبين الصدق غرت .. طلعتي احلى عني دانه: ههههههههههههههههه لا عاد وايد بالغتي .. ريلي ما مدحني مثل ما انتي تمدحيني هند بصدمه: انتي متزوجه!!! دانه: هيه هههههههه .. ماخذه ولد ع.. اقصد ما خذه ولد ناس طيبين وحبوبين ما شاء الله عليهم الله يبعد عنهم كل شر يا رب هند: امين يا رب .. معنه ما يبين انج متزوجه .. احسج وايد صغيره دانه: عمري 18 سنه .. نفس عمرج يعني هند: انتي كيف تعرفين كل ها المعلومات عني دانه بابتسامه: ترا كنا ندرس ف نفس المدرسه عشان جذي اعرفج هند: غريبه ولا مره شفتج او سمعت عنج ... اويييه ف مدرستنا كان الجمال هذا كله وما ادري عنه .. وين كنت يا ربيه ولا جان الحين انتي ربيعتي المقربة دانه: هههههههههههه اكيد حبيبتي ما بتشوفيني .. كنت مشغوله بالمشاكل والمقالب مع الابلوات والبنات .. امممم والشيء الثاني لاني كنت وايد هاديه وكله اقعد بروحي و وايد أغيب .. عشان جذي هند: ايوااا .. يلا مب مشكلة بتصيرين الحين ربيعتي .. بس اول شيء لو سمحتي سنابج والانستا والتويتر والواتس ورقم الفون عطيني اياهم دانه: هههههههههههه من عيوني ................................................ الساعه 9 .. موعد نزول هند وزفتها من بعد ما وقعت هي وذياب ف الكتاب "عقد الزواج" .. انزفت هند على ابيات شعر باسمها .. وبعدها دخل ذياب ونفس الشيء انزف على ابيات شعر باسمه .. وطبعاً خليفه و حمد دخلوا معاه و فارس وفيصل .. سلموا عليهم وباركولهم من بعد ما لبسوا الدبل وطلعوا الا خليفه وحمد بطلب من نوره خليفه يهمس لذياب: تعرف نوروه الخبله شو تبا فينا ذياب: هههههههههههه لا والله خليفه: يا ريال ناشبتلنا نشبه تبانا نقعد هني ما اعرف شو تبا بالضبط ذياب: الله يعينكم عاد .. الحمدلله اني المعرس ولا كنت بتوهق معاها خليفه: استانس ابوي استانس .. باجر بتكون مكانا تراك .. بعده اخوك حمد ما عرّس تراه ذياب:هههههههههههههههههه نوره: خليفه وحمد .. أباكم ترقصون على الاغنيه الي بيحطونها الحين خليفه وحمد : شوووووووووو!!!! نوره: شوااايه تشوي عيونكم .. شو الي شو .. ما قتلكم ابنولي قصر ف ثانيه الا هو رقص خليفه: روحي لا اعطيج كف أطير مخج نوره: خلووووف عاد خليفه: ما ابا ما ابا .. روحي بعيد عني لا كف والله العظيم نوره: دواك عندي بعدين اصبر شوي .. " ولفت على حمد وشافته بنظرات بريئة" .. حمووود حبيبي بترقص صح حمد: لا طبعاً نوره: يلا عاد والله بخبر عليك ترا حمد: بتخبرين منو بالضبط نوره ابتسمت بخبث: خروفاتك منو بعد حمد: اقول حلي عن سماي بس ويا يبا يروح بس نوره سحبته من كندورته وهو تفشل لان البنات ضحكوا عليه حمد بعصبيه: زين جذي الحين ضحكتي الناس علينا نوره: هههههههه والله سوري .. أمممم أوعدك اذا رقصت بسويلك اي شيء تباه حمد قعد يفكر شوي : بس بشرط نوره: موافقه حمد: اول شيء اسمعي الشرط نوره: بدون ما اسمع موافقه .. يلا تعال وسحبته وراحوا فنص القاعه وشغلوا أغنية عيضه المنهالي ((شمس المحبة)) .. حمد يوم سمع الاغنيه أنصدم حمد: يالمكاره .. كنت تخليني ادربج على الحركات عشان ترقصين معاي نوره وهي تحرك حوايبها: شفت كيف .. فديتني بس هههه ((يوم حددوا موعد الملجه نوره يتها فكره انها ترقص هيه وإخوانها ف ملجة ذياب .. و قالت حق حمد يدربها بس بدون ما تقوله حق الملجه وحمد .. دربها على الحركات وعلمها حركات يديده بعد .. كانوا يرقصون نفس حركات البنات والشباب فالأغنية الي بالسيوف)) يوم خلصوا الكل صفق لهم وهند استانست على رقصهم .. راحوا عند ذياب وهند نوره: شرايكم هند: روعه ما شاء الله عليكم ذياب: وانا اقول شفيها نوروه حبت حمد فجأة وقامت ترقص معاه .. طلعت جذي السالفه الكل: ههههههههه نوره وهي اتشوف خليفه بنص عين: انت لا تضحك ويا رأسك .. وزعلانه منك ترا خليفه: ما عليه بنراضيج بأيسكريم مال نص الكل: هههههههههههه نوره: بخيل واحد .. يلا يلا اطلعوا برا .. احس هندوه اختنقت وهي متغطيه هند بهمس: الحمدلله في حد حس فيني سمعها ذياب وابتسم .. و خليفه وحمد طلعوا وبعدها شلوا العباه من على هند ذياب وهو يبوسها على خدها: القلم لو حس بإحساسي تكلم وابتسم حبره على صفحة غلاك ::::::::::::::::::::::::::::::::: الساعه 9:50 فضت القاعه من الناس وكانوا بس الأهل الي موجودين واتجمعوا كلهم مع بعض وقعدوا يسولفون عن الملجه وغيرها نوره بهمس لهند : متى بتسوين فكرتج هند: خلاص ما بسوي كنسلت الفكره نوره: لييييش عااااد هند: ما اقدر نوروه .. احس بالطريقة هذي بتزيد المشاكل بينهم .. وخاصةً ان الحين كلهم تعبانين نوره: والله زعلتيني منج ترا .. كنت متحمسه للفكره وآخر شيء اتقولين كنسلت هند: اسفه يا قلبي .. خلاص بنسويها فالعرس شرايج نوره: يصير خير هند: نوره عاد بلا هالحركات الحين نوره: اي حركات ما سويت شيء يت هند تبا تكلمها .. بس قامت وراحت صوب الحمامات.. وهند انصدمت لانها ما توقعت ان نوره صدق تزعل على شيء مثل هذا ام خليفه: اليوم شفت وحده ما شاء الله عليها .. اول مره اشوف بنت بجمالها الصراحه يعني ام فارس: هيه والله ما شاء الله جود سوت نفسها مستحيه: وييي استحيت .. بس بس لا تمدحوني اكثر بعدين بيغارون مني ويمكن يحسدوني بعد البنات: يالثقههههه جود: هذي الغيره والحسد الي اتكلم عنهم .. اعوذ بالله الكل: ههههههههههههههههههههههه ام خليفه: عاد جود محد يقدر يقولها شيء جمال واخلاق وشخصيه بعد جود ونجود: مشكوره عموه جود : وانتي ليش تشكرينها تراها تمدحني انا نجود: تراها قالت جمال واخلاق وشخصيه .. وكلهم نفسي شو تبيني اسوي جود: والله عاد هذي مشكلتج محد قالج كوني توأمي نجود: لا والله .. احلفي انتي بس جود: ا.. قاطعتهم ام خليفه: اتضاربوا التوأم الحين .. يا بوي كلكم حلوين واخلاق وشخصيه بعد ما شاء الله تبارك الرحمن البنات كلهم شقوا الحلج ام خليفه: بس البنت الي شفتها ولا وحده فيكم البنات: شووووو!! هند بشك: عموه شو مواصفات البنت ام خليفه: ما اقدر أوصفها بس هي جميله وكانت لابسه فستان اخضر شيء جذي وطويل هند: هيه عرفتها .. هذي ربيعتي .. كانت معاي فالمدرسه ام خليفه: متزوجه ؟! هند: هيه متزوجه ام خليفه: الله يهينها يا رب .. كنت بخطبها لحمد .. بس يلا مب من نصيبه ذياب وقف و وقف هند معاه: يلا عيل نحن نستأذن الحين الكل: الله يحفظكم وراحوا ذياب وهند من بعد ما بدلت هند فستانها ولبست
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ومن بعدهم كل واحد راح بيته .......................................... عند حمد من بعد ما طلع من القاعه .. اتصل ف دانه وقالها تطلع .. وهي طولت .. رد اتصل فيها مرتين وما ردت وشوي وطلعت من القاعه وركبت السياره حمد بصراخ: سنههه ليييين تطلعييين .. شو كنتي اتسوين هالكثرر داخل دانه ما قدرت اتقول شيء غير انها لفت صوب الدريشة وقَعَدت اتصيح بهدوء ... حرك حمد السياره وراح كوفي طلبلهم حلويات وعصاير وراح صوب البحر حمد: انزلي دانه: ما ابا حمد: انزلي بتاكلين وبعدين بتردين البيت دانه: تعبانه ابا ارد البيت انام حمد مسك ويهها ولفه صوبه: اسف على طريقة معاملتي لج اليوم .. كنت متوتر لان اليوم ملجة ذياب و كنت شال وايد مسوؤليات دانه وهي تمسح دموعها: عادي ما صار شيء حمد: حبيبي والله اسف حقج عليّ .. اوعدج اني أعلن عن زواجنا بعد عرس ذياب عشان ما اخرب عليهم .. راضيه جي دانه هزت راسها بهيه: ما بننزل حمد بابتسامه. امبلا .. يلا نزلي ✖️✖️✖️✖️✖️✖️✖️✖️✖️✖️✖️✖️✖️
