أحتجتلك يا أطيب بشر وين ألاقيك؟؟

21

بطلت خوله الباب : هل... اننننتتتتتتتتتتتت!!!!!!
سعيد ابتسم لها: مفاجأه هههههههههههههههه
خوله وهي تحاول تقوي نفسها : اذلف من هني لا ادق على الشرطه تي تسحبك من هني مثل الجلاب
سعيد: ههههههههههههه صدقيني اي شيء تقولينه عني كأنج تمدحيني
خوله: مالت عليك بس.. الحين جلاب مدحه .. هه هذا مستواك اصلاً عشان جذي اتشوفها مدحه .. يلا يلا روح من هني ولا ترد هالمكان ابداً فهمت ولا لا
سعيد: لا تحاتين ما برد بس ابا اقعد مع حرمتي شوي ابا اكلمج
خوله: اي حرمتك مالت عليك 20 طوفه قول امين .. طليقتك انا طليقتك
سعيد: اباج تكونين حرمتي .. ابا اردج ف ذمتي
خوله: تحلم يا الوسخ اني اردلك واذلف من هني لا اشوف رقعت ويهك هني مره ثانيه ولا ترا ما بيصير خير
سكرت الباب فويهه وقفلت الباب .. تم سعيد يدق الباب بالقو ويصارخ ويهدد انه بيكسر الباب .. ركضت داخل ودخلت غرفتها وقفلت الباب من الخوف عشان اذا دخل داخل البيت .. تمت تتصل ف ابوها عدة مرات وما كان يرد عليها واتصلت ف أمها وطلع التلفون مغلق وأختها ميره ناسيه الفون عندها اتصلت ف اخوانها كلهم و محد يرد عليها
خوله وهي تصيح لانها سمعت الباب تبطل: ليييش محدد يرد عليييي !!!! ردوااا الله يخليييكمممم
شوي ورن فونها وكان المتصل حمد .. ردت عليه
خوله: الو
حمد: هلا خوله
خوله: حمد .. انتي وينك ليش ما تردون عليّ .. س .. سع .. سعيد دخل البيت بي.. قتل ..ني
حمد: خوله ما اسمعج تكلمي شوي شوي اهدي .. شفيج جي تتنفسين بسم الله
خوله : حمد تعال البيت بسرعه ... سعيد يايني البيت ويبا يدخل ....... حمد شكله دخل .... سمعت صوت الباب يتبطل
حمد: خو...
قطع كلامه صراخ خوله : حححححححححممممممددد
وانقطع الخط
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
:
حمد: الوووووو الووووو خوله
رد اتصل فيها اكثر عن مره ويطلع له مغلق
دانه: حمد شفيك شفيها خوله
حمد: سعيد عندها يبا يدخل البيت .. نوره قومي خلينا نلحق عليها
طلعوا حمد ونوره وطيران على البيت .. وصلوا هناك وشافو الباب مفتوح نزلوا بسرعه ودخلوا البيت وكل واحد حاط فكره ف راسه .. راحوا طيران على غرفة خوله .. دخل حمد وشاف خوله قاعده على الكرسي والخدامه عندها تعطيها ماي
حمد: خوله .. شفيج .. صار فيج شيء .. دخل البيت
خوله هزت راسها بلا
حمد تنفس براحه : عيل شصار
خوله رفعت عينها على الخدامه وردت شافت حمد ونوره وفجأة : هههههههههههههههههههههههههههههههههههـ
نوره: شفيها ؟!!!!
حمد : ما ادري .. خوله شصار .. شفيج تضحكين
خوله: ههههههههههههه كحححح كححححح .. اااه يا ربي
حمد: تكلمي
خوله: يوم كنت أكلمك سمعت صوت صريخ فالصاله .. خفت وطاح الفون وطلعت اشوف بس من فوق .. ههههههههههههههه شفت هههههه مدينة ( الخدامه) ماسكة المخمه وتضربه وتهزبه وسعيد يصارخ يبا يطلع ومب قادر اتذكرت لقطة توم وجيري يوم الحرمة تضرب توم بالمخمه هههههههههههههههههههههههه والله كانت نفس اللقطه بالضبط الفرق الوحيد هو الي ينضرب سعيد وهذاك قطوه هههههههههههههههههههههههههههههههـ
الكل:ههههههههههههههههههههههههههههههههههههـ
..................................................
ف المستشفى عند هند .. عطوها ابره عشان الحرارة وركبولها المغذي وتوهم مخلصين وراكبين السياره .. شوي ورن فون فهد
فهد: الو
نجود: شحالها هند
فهد: منو انتي
نجود: شفيك انا نجود
فهد: اعوذ بالله .. ما تعرفين اتسلمين شو
نجود: دقيت اسأل على هند البنات يحاتونها
فهد: بخير بخير يلا باي
نجود: اييييه شو باي بكلمها بتأكد انها بخير
فهد: راقده الحين بعدين يوم بتقوم بتكلمج
نجود: اعرف انك كذاب بس بمشيها لك
وسكرت فويهه .. فهد وهو يطالع الفون: سكرته فويهي قليلة الأدب
هند: روح البيت على طول ما ابا أحوط
فهد: ومنو قالج ان بنحوط
هند: غيرت طريق البيت شو منو قالي
فهد: باخذلج ريوق عشان تاكلين وتاخذين دواج وبعدين أبرة السكر خذيها
هند: خذيتها
فهد: والله اشك انج تأخذين ابر السكر كل يوم شيء
هند: خلاص لا تزعجني ابا هدوء
فهد: يعني صح كلامي ما تأخذين الإبر صح ؟!!!
هند: افففففف ... ما احب أعيد كلامي مليون مره
فهد: بتشوفين اذا ما خبرت عليج اصبري شوي
هند ما حبت تتكلم معاه اكثر ويطول السالفه .. سكتت وتمت اطالع برا اما فهد ف كان يفكر ب نجود وكل ما يتذكر موقف الريموت يبتسم
............................................
ف بيت اليد .. كانوا البنات قاعدات على صوب ومستلمين نوره يسألونها عن سبب طلعاتها مع حمد فجأة << طلعت معاه مره وحده وحاشرين البنت 😂😂
نوره: ما شيء بس امس قالي اسويله شيء وسويتله اياه بشرط ان يطلعني اليوم وطلعني بس هذي كل السالفه
ميره: جذابه .. عيل ليش كنتي راقده ف غرفته
نوره:كنا نطالع فلم ومحد حس بعمره ورقدنا
ميره:افففففف ما اصدق احس ان في شيء اكبر عن الي تقولينه
جود: انا أصدقها .. خلاص بس خلوا البنت فحالها لعوزتوها ترا
نوره: زين ان في حد حس فيني
نجود: الجو عجيب يبالنا طلعه البر ولا العزبه
نوره: ومنو بيطلعج يا حظي .. اهلنا مملين
نجود: جود كلمي يدي
جود: انتي كلميه .. منو يبا يطلع انا ولا انتي
نجود: انتي الكبيره
جود: ما يخصني
نجود: جوووود عاااد والله خاطري اطلع البر انتي كلميه بيلبون طلبج
جود: روحي عند يدي كأنج جود وانتهت السالفه
نجود: لا تستهبلين انتي على راسج في ربطه وانا لا
جود: عادي ربطي راسج وروحي
نجود: جوووود
جود: انا بروح انام و ارتاح شوي تعبت من كثر القعده
نجود: بي معاج
جود: قعدي تغدي واشربي ماي تراج ما شربتي اليوم وبعدين تعالي نامي
........................................
فالمستشفى عند دانه.. كانت تحاول تتصل ف حمد ونوره عشان تطمن على خوله بس محد يرد عليها .. لين سمعت صوت دق على الباب
دانه وهي مركزه على فونها: تفضل
دققق دقققق دققق
دانه: اففف آد...
قطع كلامها الشخص الي واقف قدامها .. خافت وبلعت ريجها .. حاولت تتصل ف حمد مره ثانيه وأي رقم اتطيح عليها عيونها تتصل فيه .. بس الي واقف قدامها سحب الفون وهو يطالعها وعلى ويهه ابتسامه خبث
...: انزين قولي تعال تفضل شيء جذي مب على طول ادقدقين بتلفونج
دانه: الله يخليك اطلع برا لان لو حمد يا فأي لحظه بتصير كارثه هني ما أباه يشوفك ويسويلنا سالفه الله يخليك
...: تؤ تؤ تؤ تؤ تؤ مايصير مايصير .. اهدي حبيبتي .. انتي تعرفين اني مب ياي على الفاضي ولا حتى عشان سواد عيونج
دانه وهي اتطالعه بخوف: ادري ... وبسويلك الي تباه بس اطلع وبعدين بنتفاهم
...: وشو يضمني انج بتعطيني الي أباه
دانه: والله العظيم بيك لين بيتك وبسوي الي تباه بس اطلع قبل لا حمد يشوفك
...: ابا فلوس .. ابا 25000 درهم كاااااش
دانه بطلت عيونها: 25000 من وين تباني ايبهم ما عندي
...: خذي من ريلج ولا اسرقي ما يخصني اتصرفي وابا المبلغ بعد خمس ايام
دانه: ما اقدر بعد خمس ايام  والمبلغ وايد كبير عليّ ما اقدر أوفره لك
... وهو يمسك فكها بالقو: اسمعيني قلت كلمه وحده وما بعيدها 25000 و أباهم بعد خمس ايام اذا ما وصلني شيء بعد خمس ايام ريلج الثانيه بكسرها وفارس احلامج بيموت .. يعني وفريلي المبلغ ولا انج تترملين وتقعدين بدون بيت وأهل وزوج ... شو قلتي يا الحلوه
دانه: ان شاء الله ... ان شاء الله
ضربها على خدها بالخفيف وطلع من عندها .. تنفست دانه بالقو وبدت تصيح و هي مسكره حلجها بأيديهنها عشان ما يطلع صوتها تخاف انه يرد
...........................................
عند الزعيم ... من بعد ما عرف مكان جود استانس وبدا يطبق خطته اليديده
الزعيم: ابا ثلاث منكم يراقبون بيت محمد( اليد) واهله .. وثنين يحمون جود ونجود ما ابا اي غلط عشان ما يعرفون منو انتو .. وفي شيء بعد راقبولي فهد وشلته لازم اعرف منو هم و وينهم عشان ما يقدر يهددنا بشيء ونقدر ان نسيطر عليه ونسبب له توتر شوي ... واباكم دايماً تكونون جاهزين لأي شيء وانتو فاهمين قصدي .. (بخبث) خلاص الاوراق المخبايه لازم تبدا تطلع الحين ... بتتدمر يا محمد انت واهلك والله ما ارحمكم كلكم بأخذ حقي منكم كلكم واحد واحد .. بس صبروا عليّ شوي
......................................
العصر عند البنات من بعد ما عرفوا برجوع هند من المستشفى تغدوا وخلصوا والحين هم عندها .. كانت هند منسدحه على فراشها ونجود عندها ونوره وميره على الكنب
هند: وينها جود ما قلتوا انها طلعت
نجود: هيه اليوم طلعت بس راحت تنام تبا ترتاح
هند: ايوااا
نوره: بنات ابا اطلع .. ملينا من البيت والغرف ومجابل ويوه بعض
ميره: هيه والله صدقج ملينا من روتينا الخايس نبا نسوي اكشن شوي او دراما على الاقل
نوره: شرايكم نروح دبي
نجود: ومنو بيوديج يا حظي
نوره: شوفوا خلونا أول شيء نتفق على مكان وبعدين بنشوف منو بيودينا
ميره: انروح نجهز حق عرس هندوه وبالمره هيه بعد تخلص شغلها
هند: ما فيني أتحرك من مكاني وخاصة احين مريضه يعني الكسل الف
نجود: هندوه ترا انتي املنا الوحيد .. نبا نطلع تكفين
هند:اففف خلاص اوك .. بس وين تبون تروحون
نوره: دبي
ميره: لا لا نسير ابوظبي احلى
نجود: اذا هندوه تبا تتجهز يعني نسير الشارقة
نوره: هندوه وين تبين تروحين
هند: امممم والله كلهم حلوين وابا اروحهم كلهم .. ف شوفوا شو بنسوي ... اليوم بنروح ابوظبي لانها قريبه من العين .. وبعد يومين ثلاثه دبي و بعدها الشارقة .. شرايكم
البنات وهم يصفقون : وووووووووووووو 💃💃💃
هند: ههههههههههههههههه
نوره: فديتج وفديت افكارج الحلوه .. الحمدلله انج حرمة ذياب .. من تعرسين اباج كل يوم تخلين ذياب يطلعج
هند: هههههههههههه خير ان شاء الله
نجود: بنات الحقوا
البنات: شفيج
نجود: خاطري بأكله محد بيتوقعها
نوره: افا عليج قولي شو تبين والحين بنيبلج إياها
نجود: خاطري بسريلاك اهئ اهئ
البنات: ههههههههههههههههههه
ميره: شو تبين تردين لايام الطفوله
نجود: خاطري فيه خلاص .. بروح عند جود بلعوزها خلها تطلبلي
هند: الله يعينج يا جود احسها ندمانه انج توأمها ما تقدر ترد لج طلب او ترفضه
نجود: بتيون معاي ولا اروح بروحي
البنات: روحي بروحج
نجود: مالت عليكم على بالي وحده بتقوم تفزع معاي
ميره: روحي بروحج وبعدين قوليلنا شو بيصير
نجود: بصور لكم سناب خلوا الفونات قريبه منكم
طلعت نجود رايحة بيت يدها صوب جود .. دخلت عليها الغرفه ولقتها غارقه ف سابع نومه
نجود بهدوء: جود .. جوووود ... جوجو ... جوووووود
جود: همممممممم
نجود: جووود قومي ابا اكلمج شوي
جود: قولي اسمعج شو تقولين
نجود: قومي بعد شوي اتفقنا ان نطلع ابوظبي
جود: روحوا بروحكم تعبانه انا ما بي
نجود: لا ما اقدر اروح بروحي تعالي معاي الله يخليج
جود: زين زين لا تحنين طلعي الملابس وجهزيهم
وانا بلبسهم بعدين
نجود: انزين في شيء ثاني بعد
جود: هممم
نجود: خاطري ف سريلاك اباج تطلبين لي
جود: بعدين يوم بنطلع باخذلج الحين اطلعي برا وسكري الباب
نجود شافت ان ما في فايده انها تقوم .. ركبت فوق السرير وقَعَدت تناقز و تصارخ باسم جود .. لين انزعجت جود وقامت فلعتها بعلبة الكلينكس وانقهرت ان العلبه ما ضربتها فقامت تركض وراها بالعلبه لين فلعتها وردت تنام وهالمرة قفلت الباب
.............................................
توقعاتكم يالحلوين☺️❤️

هالمره بروحكم حطوا الاسئله وجابوا عليها ... واسمحولي اذا البارت قصير او شيء بس لاني تعبانه وهذا الي قدرت عليه

احبكم😘♥️