أحتجتلك يا أطيب بشر وين ألاقيك؟؟

7

دانه: والله ما كنت أغازل حمد .. والله ان كل الي قتلك اياه صدق .. يعلني الموت اذا اكذب .. الله يأخذني اذا كذبت عليك ف يوم " حطت أيدها على عيونها وصاحت"
قعد حمد يطالعها شوي وحاول يهدي نفسه .. تقرب منها اكثر ونزل ايدينها من على ويهها ورفع راسها وقال بهدوء
حمد: اخر مره تقولين الكلام هذا .. لا تدعين على نفسج كم مره تبيني اقول وأكرر هالاسطوانه
دانه وهي تمسح دموعها : عشان اتصدقني
حمد: مصدقنج بدون ما تحلفين بس لازم تخبريني قبل لا تروحين مكان .. حتى لو بمسج مب لازم تتصلين .. سمعتيني ؟!!
هزت دانه راسها بهيه وتمسح دموعها وخشمها الي صار احمر من الصياح وعيونها مع الدموع بانت لونها عدل وصار احلى وخدودها توردن اكثر وقذلتها كانت طايحه على ويهها مما عطاها ويه طفولي بريء .. حمد ما قدر يمسك نفسه وتقرب منها اكثر و طبع بوسه طويله على يبهتها ونزل وباسها على خدها وتقرب من أذنها وهمس
حمد: احبج واموووت فيج .. ما ارضى حد ثاني يشوف هالجمال غيري
وتقرب اكثر يبا يبوسها بس صوت الهرن قطع عليه .. غمض عيونه بعصبيه : الله يخسك يا حامد .. انا اصلاً ليش يايبنك معاي
دانه ابتسمت بخوف وتمت اتطالعه .. لف عليها وابتسم وابتعد عنها
حمد: برد لج اول ما نرد من البر
دانه: أوكيه
حمد: تبين شيء ؟؟!
دانه: لا تسلم
حمد: مع السلامه
....................................
الساعه 9:00 .. راحوا البنات بيت ام فارس عشان يقعدون ويشوون .. وكل وحده مسكتلها شغله وقَعَدت اتسويه
نوره: بنات شرايكم نلعب ؟؟!
ميره: لا لا ما نبا ما فينا نتحرك
جود: صدقها ميره ما فينا نتحرك . كلونا انسولف احسن
نوره: انا عن نفسي ما عندي سوالف
ميره :ولا انا
جود و نجود : me too
نوره: ما شاء الله توام ف كل شيء
ميره وهي تهمس حق البنات: بنات شفيها هندوه مب على بعضها وكله سرحانه
نوره بمزح: اكيد شايفه ذياب ههههههههههه
البنات: ههههههههههههههههههههههههههه
جود بصوت عالي: هندوه يلا دورج انتي تتكلمين
هند نقزت ولفت عليهم: بسم الله الرحمن الرحيم .. شفيكم جذي تصارخون ما تعرفون تتكلمون شوي شوي
نوره: من الصبح نتكلم معاج وانتي ف عالم ثاني " وهي تغمز" .. ف شو تفكرين بالضبط عادي خبرينا
جود باندفاع: هندوه تفكرين ف ذياب صح !!!!
هند قعدت اتطالعها شوي وبعدين هزت راسها بهيه الكل أنصدم لانها اعترفت و لأول مره
نوره بصدمه: هندوه تتكلمين جد ولا مقلب
هند: اقولكم الصدق .. فالبدايه ما حبيت اخبركم بس حسيت اني اذا قعدت افكر بروحي بصير مينونه
نوره بدون ما تحس: لا الله يخليج لا تصيرين مينونه ولا شيء .. يكفي اخوج فهد هالمينون
هند ابتسمت ابتسامة الم وسكرت عيونها
نجود بعصبيه: نوره عيب عليج اتقولين حق ولد عمج جذي ... وانتي تعرفين انه ما فيه شيء من هذا كله
جود : نجود شفيج عصبتي جذي فجأة اكيد نوروه ما تقصد .. هندوه ما عليج منها انتي تعرفين كيف لسانها اطول عن برج خليفه
هند: لا عادي ما صار شيء .. المهم خلوني اكمل لكم السالفه .. العصر يوم كن..
نجود قاطعتها : ليش ما اتدافعين عنه مب اخوج .. شو هندوه حتى انتي بعتي اخوج !!
هند باستغراب: شفيج نجود ... عن اي اخو تتكلمين
نجود بصوت عالي : لا تستهبلين هندوه .. قالت عن اخوج مينون وما قلتي شيء .. حتى ما تأسفت ولا قالت شيء .. وانتي بكل بساطه قلتي لا ما صار شيء .. ما تحسين انتي ولا شو .. ليش تسكتين عنهم يوم يغلطون عليه ولا عايبنج الوضع .. ولا ليكون انتي بعد مب معترفه فيه انه اخوج وتخليتي عنه مثل البقيه عشانه على قولتهم انه مينون !!
جود: نجود بس خلاص شفيج انتي اليوم
نحود قامت بعصبيه : اووووههه انا اذا تكلمت من اليوم لين باجر محد بيفهم ما ادري لين متى بيتم غبائكم هذا
قامت عنهم ودخلت داخل البيت وراحت غرفة هند .. اما عند البنات فكانوا في حالة صدمه من تصرف نجود
جود: مب صاحيه هالبنت .. ما ادري شفيها
هند: اول مره أشوفها معصبه جذي
نوره: هندوه انا اسفه لاني قلت عن اخوج جذي
هند: لا والله عادي ما صار شيء
نوره: خلاص كملي سالفتج
هند: اليوم العصر قبل ما اي عندكم كلمت ذياب
البنات: شووووووو!!!!
هند: قالي انه يبا يخطبني وانه هو يحبني من زمان .. وقال قبل لا اخطبج ابا أخذ رايج عشان بعدين ما ينحرج وانا بعد ما انحرج او انغصب عليه
نوره: وشو الي قاعده تفكرين فيه الحين ؟؟.
هند: محتاره أوافق ولا لا ...لان بعد موقف اليوم.. يوم البيبسي حسيت انه ..
قاطعتها جود: هندوه لا تحكمين عليه من موقف واحد .. وبعدين المفروض من بعد موقف اليوم توافقين عليه لانه يخاف عليج وما سوا هذا كله الا وانتي تهمينه .. هندوه ذياب كل بنت تتمناه وغير انه الوحيد من عيال عمومي ما عنده سوالف المغازل وغيره .. وإذا خذاج اكيد انه بيصونج وبيحطج ف عيونه.. وإذا بعد الكلام هذا وبعدج محتاره الجئي لرب العباد .. صلي استخارة وردي عليه بالي حسيتي فيه
......................................
عند نجود اول ما قامت من عندهم .. راحت غرفة هند وقَعَدت فيها تصيح .. قعدت تقريباً 3 دقايق وهي تصيح بعدين راحت تغسل ويهها
نجود: ما ادري متى بيحس اني احبه وأموت فيه .. افف استغفر الله شو هالغباء يا نجود يعني كيف بيحس وهو ما شافني يمكن حتى ما يعرف منو انا .. بس ااااه يا قلبي ما قدرت أتحب الا هذا يعني من بد الكل .. والبقر الي تحت ولا وحده فيهم فكرت تي تراضيني ولا تمنعني ادخل داخل .. وعندي توأم عالفاضي انزين تعالي شوفي اختج الوحيدة يمكن فيها شيء ولا صارلها شيء .. بس فالحه تاكل وتسولف .. الله رزقني بتوأم بارده فالوقت الي انا احتاجها وحاره يوم اباها تهدا عنيده .. يا رب اتصبرني .. يارب تلهمني الصبر قبل لا أسويها صالونة لحم وأعطيها حق ابوي .. بس كله تقول نجود شو فيج .. نجود ليش معصبه .. الغبيه الحماره الكل شيء ف العالم .. يعني ما تعرفين انا شفي...
قاطعها صوت من وراها: اخت نجود منو تقصدين فكلامج هذا
نجود لفت وحطت أيدها على خصرها: لا والله .. توج حسيتي فيني .. روحي كملي قعدتج مع البنات انا ما ابا اقعد معاكم اصلاً برد البيت
جود: ترا حاسه فيج من زمان اعرف انج تدلعين عليّ .. واتسوين كل هذا بس عشان اهتم فيج اكثر وما اسويلج طاف
نجود: ويوم تعرفين ليش ما تتحركين ليش ما تقولين شيء بس كله قاعده تاكلين واتسولفين مع الباقي وانا اختج مسوتلي طاف حتى ما قعدتي عندي
جود باستغراب: نجود شفيج اليوم قبل ما كنتي تقولين هالكلام
نجود: ما فيني شيء خلاص خلينا ننزل
جود: نجود اسمعيني .. اعرف بالي تحسين فيه وفاهمتنج عدل .. بس لا تعيشين فوهم وانا اختج .. يعني الريال ما شافج ولا حتى انتي شايفتنه.. بس تسمعين انه مينون ونادر ما يتكلمون عنه اهلنا... خلج واقعيه .. ولا تتوهمين على واحد وتبنين احلام وأماني عليه وآخر شيء تنصدمين بالواقع .. وحاولي تخبين مشاعرج عن الكل .. اذا كنا رواحنا وفالبيت اتكلمي معاي عادي بسمعج لكن لا تتكلمين قدام حد عشان ما تصير مشكلة
نجود: الحمدلله انج حسيتي فيني .. والله جود ما اقدر امسك نفسي يوم يغلطون عليه .. والي سويته اليوم كانت ردة فعل .. وما قدرت امسك أعصابي وقلت الي قلته
جود: ما عليه المره الثاني حاسبي على الكلام الي تقولينه
نجود:عادي احضنج
جود وهي تفتح أيدها: تعالي تعالي.. انتي بعد كل نقاش تقولين عادي احضنج.. ما تخافين اقولج لا
نجود: طبعاً لا .. لانج ما تقدرين تردين اختج الوحيدة
..........................................
عند الشباب.. طبعاً عندهم الجو وناسه بمعنى الكلمة .. الي يشوي والي يلعب والي يغني وغيره .. قعدوا فالبر لمدة ثلاث ايام وبعدها كل واحد رد لروتين حياته
.....................
بعد مرور ثلاث شهور .. ذياب تقدم لهند ووافقت وحددوا الملجة والحين قاعده تستعد للملجه .. طبعاً فارس مانع ذياب انه يقعد مع هند ف فترة الخطبه لين تملج .. لكن ذياب مسويله طاف وكل يوم يشوفها ويقعد معاها
:
:
:
:
:
:
:
يوم الاحد العصر كانت هند عند يدتها قاعدين يسقون الزراعه .. والباقي كل واحد فبيته ..كانت قاعده اتسولف مع يدتها وتتقهوى معاها..لين ياها اتصال من فهد وطلب منها ترد البيت ضروري .. طلعت وهي خايفه على اخوها وكانت قاعده تركض لين شافها ذياب ووقفها وهو مستغرب من حالتها
ذياب: هند شفيج؟!!
هند: ما فيني شيء
ذياب: انزين قاعد اكلمج اوقفي
هند وهي خايفه على فهد: خلاص ذياب حل عن سماي عاد طفرتني تراك اوفففف
وركضت على بيتهم اما ذياب وايد أتضايق من تصرف هند وحزت بخاطره كلمة حل عن سماي
:
:
:
:
:
عند هند تدخلت بيتهم وعلى طول على غرفة فهد .. بطلت الباب
هند: فهههههدددددد !!!!
✖️✖️✖️✖️✖️✖️✖️✖️✖️✖️✖️✖️