أحتجتلك يا أطيب بشر وين ألاقيك؟؟

38

الساعه 6 المغرب  ف بيت ام فارس .. دخلت نجود وهي اتدندن وتآكل الحلاوة حبه حبه .. ومستمتعه و ولا حاسه بلي حواليها
:عسى مديمه هالوناسهه
نجود رفعت راسها: هئئئئئئئى فهددد!!!!
فهد وهو يتقدم صوبها:مشتاقلج .. صار لي كم يوم ابا اشوفج وما تكون في فرصه
نجود: وليش كل هذا اخطبني من وليد ويدي
فهد: بس انتي تعرفين شو رأيهم فيني
نجود: من هذي الناحية تطمن محد يقدر عليّ الشيء الي أباه بأخذه ولو دفعت دم قلبي عليه
فهد وهو يدخل شعرها الي طالع برا : يعني بتحاربين و بتوقفين قدام الكل عشاني
نجود: لا .. عشان الزواج
فهد مسك ايدها وقربها صوبه: شقصدج يعني هاااا تكلمي!!!!
نجود تمت اتطالعه وبعدين يت تبا تمشي: بروح اشوف عموه مزنه
فهد وقف قدامها: ما خلصت كلامي انزين
نجود: فهد ابا امر
فهد: شفيج
نجود: تعرف شيء عن هند
فهد: لا
نجود برفعة حاجب: مب على أساس انها مرقده ف المستشفى
فهد مسك ايدها و وداها الصاله السرية دخل ودخلها معاه
نجود بعصبيه: شو تسوويي انتتت مييينووووون
فهد: ما ابا حد يعرف عن هند شيء فهمتييي
نجود: وليييش تخش عنهم .. ولا ليكون انت وذياب تبون تقتلونها
فهد تم يطالعها
نجود: يعني صح كلامييييي !!!!... زين يا فهد انا براويك انت وذياب وانا اشوف البنت ليش ما ترد علينا او تتصل فينا
ويت تبا تتطلع برا بس مسكها فهد
فهد: بلا خبال .... اوك بقولج شو فيها بس يتم بيني وبينج ولو حد درا يويلج مني فهمتي 
نجود كتفت ايدها: يلا قول شفيها
فهد: تهجم عليها واحد ف الشقه و هددها وهي تعبت ورقدوها
نجود : شووووو!!! وليييش ما تخبرهم والحين شحالهااا
فهد: هي الحمدلله بخير و انتقلوا مكان ثاني
نجود نزلت راسها : مسكينه ما تستاهل الي ياها... انزين عرفتوا منو الي تهجم عليها 
فهد: هيه .. طلع واحد من عصابه 
نجود بطلت عيونها : عصابه شو يبون فيها؟!!!
فهد: عصابه شو تتوقعين يبون يعني .. المهم يلا انا بروح وايد تأخرت
نجود: اوك... وأسفه لاني نرفزتك شويتين
فهد وهو يطلع:ما عليه اهم شيء شفتج
................................................
ف بيت بو حمود .. قامت من نومها وتوضت وصلت وبعدها تلبست طلعت من قسمهم رايحة الصاله
نوره: شكله ما في حد ف البيت
حمدان من وراها: ما في حد غيري انا وامي .. تبين شيء ؟!
نوره: محمد وين
حمدان: ما ادري طلع .. اكيد راح المستشفى لانه كان يشتكي من راسه
نوره:...
حمدان: امايا ف المطبخ اذا تبينها
نوره هزت راسها ومشت عنه صوب المطبخ
نوره : السلام عليكم
ام حمود : وعليكم السلام .. هلا والله تعالي نوير تعالي قعدي بحطلج  عصير
نوره:لا عموه ما ابا شيء انا بس يايه اطمن عليج
ام حمود: فديتج والله انا الحمدلله بخير ما فيني شيء
نوره: تبيني اساعدج ف شيء
ام حمود: لا حبيبتي ارتاحي اصلاً انا خلصت
نوره:عموه ليش ما تيبين خدامه تعاونج بدال هالوقفه قاعده تغسلين وتنظفين وترتبين
ام حمود: وخالج يخلي .. تراه ما يطيع بس فالح يصارخ ويضارب
نوره: الله يعينج ويصبرج
ام حمود: الله كريم .. المهم انتي تعالي قعدي ف الصاله ترا محمد موصني عليج قبل لا يطلع
نوره:شو قالج
ام حمود: قالي احطج بعيوني لانج تعبانه شوي واعطيج عصير اذا قمتي .. من شو تعبانه
نوره:بس مصدعه شوي من السفر
ام حمود وهي تصب العصير ف القلاصات :ما تشوفين شر .. يلا مشينا
نوره هي تشل صينية العصير: يلا
............................................
ألمانيا/فرانكفورت
دخل عليها الغرفه وشافها واقفه قدام الدريشة و سرحانه ف العالم الي برا .. تقدم صوبها وحضنها من ورا
ذياب: شفيها ملكتي سرحانه وزعلانه
هند بابتسامه خفيفه: ما فيني شيء .. قاعده اطالع الناس رايحين ورادين
ذياب لفها صوبه وباس راسها: شحالج الحين .. احسن؟!!
هند: هي الحمدلله .. اممم ذياب خلنا نرد البلاد ما ابا اقعد ف ألمانيا خلاص
ذياب: لا بنقعد .. ما بنسافر الا وانت فرحانه وتتمنين انج اتمين هني طول العمر
هند حضنته: الله لا يحرمني منك .. يكفي انك معاي
ذياب: ولا منج يا بعد عمري
هند رفعت راسها وهي بعدها ف حضنه: ذياب شرايك نطلع
ذياب: وين تبينا نروح
هند: اي مكان .. اممم ابا استكشف المدينة يعني نحوط فكل شوارعها لين نتعب ونرد
ذياب: حاضر .. روحي اتجهزي وانا  ببدل و بترياج ف الصاله
هند: اوك
..........................................
ف بيت ام خليفه .. كانت دانه ف غرفتها وفجأة سمعت صوت ناصر .. تمت شوي وبعدين سمعته زاد ف صياحه وبدا يعلى صوته طلعت ولقته بروحه ف الصاله يت تبا تشله بس في ايد دزت ايدها
ميره: لا تفكرين انج تلمسين واحد من عيال اخوي سمعتي
دانه: ميره شفيج .. بشل الياهل ما تسمعينه يصيح
ميره: خلي يصيح برايه انتي مالج دخل فيه
دانه طنشتها و شلت ناصر وقعدت تحاول اتسكته لين سكت ورقد بحضنها .. ميره انقهرت منها وتمت تفكر كيف تبرد على قلبها
خلود بسرعه: زين يوم انج شليتيه .. خفت انه محد يشله  و يتم يصيح جذي
دانه: انا سمعت صياحه من داخل ويت شفته بروحه وشليته سكته ورقد
خلود: ما قصرتي .. طول عمرج راعية واجب
دانه: وين كنت انتي.. اتدرسين البنات؟؟!
خلود: لا لا كنت اتسبح وحطيته هني مع ديمه وقتلها اذا سمعتيه يصيح ازقري حد يشله
دانه: خلاص مره ثانيه ايبيه عندي .. انا فاضيه وما عندي شيء.. بس جذي قاعده
خلود: إن شاء الله
حمد:السلام عليكم
الكل: عليكم السلام
حمد: شحالج ام ناصر
خلود: بخير الحمدلله
حمد: مديم الحال
شلت خلود ناصر وأغراضه ودخلت قسمها
دانه: وين سرت وخليتني بروحي
حمد : رحت مع حامد معرض السيارات تمينا نشوف السياير الموجوده
دانه: اها
ميره: حمد ابا أكلمك شوي
حمد: قولي شو عندج
ميره: حمد لو سمحت امسك حرمتك عني .. قولها ما لها شغل فيني ابداً عندي ام وأبو يتحكمون فيني
حمد: وليش كل ها شو مسويه دانه
ميره: كنت ابا اطلع بروح بيت يدي اونه لا تطلعين ما في حد فالبيت وتمت اتصارخ عليّ زين ما ضربتني
دانه:هئىىىى ميره حرام عليج انا متى قلت ها كله
ميره: قلتيييي ولا بعددد تبين تكذبيني قدااام اخووويي
حمد: بس خلاااااص .. انتي روحي المكان الي تبينه امايه موجوده تحت.. وانتي دخلي داخل
دانه: بس حمد انا ما س...
قاطعها حمد بصوت عالي: دااااااااااااخللل
..........................................
ف بيت بو حمود ... دخل الصاله وشاف امه ونوره قاعدين يسولفون ... قعد عند نوره
ام حمود: ها خلصت شغلك ؟!
محمد: هي الحمدلله
ام حمود: شفت ابوك
محمد هز راسه راسه بهيه و لف يطالع نوره : شحالج الحين
نوره: زينه .. عموه انا بدخل داخل تبين شيء قبل لا ادخل
ام حمود: لا حبيبتي
قامت نوره ودخلت داخل ودقايق دخل محمد وشافها قاعده اتطالع تلفزيون ويوم شافته يت تبا تدخل الغرفه وراح بسرعه وقف قدامها
نوره نزلت راسها: ابا امر
محمد: شفيج .. حد قالج شيء
نوره: ما فيني شيء بس تعبانه شوي
محمد: ما كنتي جذي الصبح شو الي صار فجأة
نوره: انا بروح بيت امي .. ابا اقعد مع حرمة اخوي شوي
محمد: نوره اذا في حد مضايقنج قوليلي لا تسكتين
نوره طافت من عنده وخذت فونها وطلعت من الغرفه .. اما محمد فدخل الحمام " وانتو بكرامه" يتسبح وهو ف راسه ستين الف فكرة وفكرة
............................................
ف ألمانيا.. كانوا يتمشون ف الحديقه وهم ماسكين ايد بعض
ذياب: بعدج مفكرة تردين البلاد
هند:دامك معاي ما يهمني اذا رديت ولا لا
ذياب: يا بعد عمري والله .. انا معاج ودايماً معاج
هند: ذياب عادي اسئلك سؤال
ذياب: سئلي
هند: انت كنت تحب قبل لا نتزوج
ذياب: لا
هند وهي توقف قدامه: لا تكذب
ذياب: ما اكذب عليج شفيج
هند تمت اتطالعه
ذياب :خلينا نمشي ياين نغير جو مب نكدر خواطرنا
هند عطته ظهرها ومشت عنه .. تم يمشي ذياب وراها وهو يفكر لين شافها تقعد على الكرسي الخشبي الطويل .. راح وقعد عندها ولف ويهها صوبه
ذياب: بقولج بس بتتحملين
هند هزت راسها بهيه
ذياب: هند انا اذا تكلمت عنها ما اقدر امسك نفسي
هند:شو اسمها
ذياب:علا .. كانت أية من الجمال والاناقه .. كان كل شيء فيها حلو .. صوتها شعرها جمالها هدوئها حنانها ووو.....
هند: وو .. ووو شو كمل ذياب
ذياب وهو ينزل راسه: فستانها الأصفر
هند تمت اتطالعه مستغربه
ذياب بابتسامه حزينه: توفت هند ... توفت وهي لابسه فستان اصفر المشجر .. كانت اول مره تلبس هذا اللون لانها تتشائم منه لين اقنعتها انا ولبسته وانا الي اخترت لها الفستان .. يومها طلعنا عشان نتمشى قالت لي انها تبا ايسكريم من سياره الايسكريم القديمة حاولت معاها ان ناكل ف مكان ثاني بس اصرت انها تاكل من السياره هذي .. نزلت عشان أخذ لها وقبل لا انزل مسكت ايدي وقالت :" احبك وبظل احبك للأبد ... دير بالك على نفسك وعلى قلبك بعد ... تحمل تعطيه حق اي حد عطه لشخص يستاهله ويقدر يحافظ عليه مب يهمله " عبالي قاعده تمزح معاي لان دومها جذي تسوي سايرتها وبستها على راسها وحضنتها ونزلت ... مشيت خطوتين وما وعيت الا والسيارة منفجرة وكلاها النار اكل حاولت اطلعها من السياره بس منعوني الن...
حس بغصة وما قدر يتكلم .. حضن هند وهي بدورها تمت تمسح على ظهره عشان يهدي
...............................................
عند نوره دخلت بيت ابوها وشافت امها قاعده ف الصاله تتقهوى
نوره: السلام عليكم
ام خليفه: عليكم السلام .. هلا والله هلا بروح البيت
نوره: شحالج امايه
ام خليفه: بخير يوم شفتج انتي شحالج مع محمد عسى اموركم طيبه
نوره تنهدت : الحمدلله على كل حال
ام خليفه: شفيج .. مسوي فيج شيء قال لج شيء
نوره: لا امايه ما فينا شيء .. المهم وينهم البنات عنج
ام خليفه: خواتج وحده ف غرفتها والثانيه عند يدج وخلود مع ريلها ف الغرفه ودانه بروحها ف الغرفه
نوره: مسكينه هالدانة لا اهل ولا سند
ام خليفه: هي والله كاسره خاطري .. روحي ازقريها خل تي تقعد عندي توه اخوج طلع من عندها وهو معصب ما ادري شفيهم
نوره: ان شاء الله
قامت نوره وراحت غرفة دانه دقت الباب اول مره. ومحد رد ودقت مره ثانيه بطلت دانه الباب
دانه:هلا نوره حياج
نوره:شفيج تصيحين
دانه: ما اصيح ليش اصيح
نوره: رد ضربج
دانه هزت راسها ب لا: بس عصب عليّ وطلع
نوره: ليش شو مسويه
دانه وهي تتحرك ف الغرفه : ما شيء بس حرقت كندورته اليديده
نوره وهي مب مقتنعه: ما عليه انا براويه هالحمد اذا ما هزبته ما اكون بنت ابوي
دانه: لا نوره دخيلج لا تكلمينه ما فيني يعصب زياده ويضربني بعدين .. انا قلت لج لانج تعرفين حالنا وكيف وضعنا
نوره: انزين على راحتج
دانه: تعالي خلينا نقعد عند امايه
نوره: انزين
...........................................
في بيت سعيد .. نجود مسويه ازعاج الا تبا تروح السوق ومحد طايع يوديها
جود: بس خلاص ازعجتيني سكري حلجج شوي
نجود: ما يخصني ما بسكت الا يوم تودوني السوق .. بنسافر باجر وانا لين الحين ما جهزت شنطتي
وليد: انزين بوديج بس اتري شوي
نجود وهي تدخل غرفتها: بروح اتلبس وأول ما تخلص بتوديني السوق
جود: الله يعينك عليها
وليد: ما عليه اختي بعد شو اسوي فيها.. المهم انتي روحي خبري البنات اذا حد بيروح معانا وانا بروح اكلم الشباب
جود:الكل مجهز شنطته الا هي
وليد: انتي خبريهم يمكن حد يبا شيء او ناقصنه شيء
جود: ان شاء الله
وليد: وانا بروح اخلص لي شغله بسيطه وبكلم الشباب وبنسير .. خلكم جاهزين
جود: ان شاء الله
..........................................
توقعاتكم🧐🧐