أحتجتلك يا أطيب بشر وين ألاقيك؟؟

20

الصبح في بيت ابو خليفه ف الصاله .. كانوا قاعدين كلهم مع بعض ويتقهون .. ام خليفه طرشت ميره عشان تزقر نوره .. بس ما حصلتها ف غرفتها نزلت تحت
ميره : امايه نوره مب ف غرفتها
ام خليفه: كيف يعني مب ف غرفتها .. وينها عيل
خليفه: سيري شوفيها ف المطبخ يمكن هناك
خوله: انا توني يايه من المطبخ ما في حد هناك
ذياب: يمكن عند جود ف المستشفى
ام خليفه: هذي البنت بتينني .. اتصل فيها شوفها وين
خلود: انا بروح أشوفها فالحوش .. و فبيت يدي
ابو خليفه: اليوم محد بيروح البيت الكبير ( بيت اليد) لانه طالع من الفجر راح عزبته
حمد: السلام عليكم
الكل: وعليكم السلام
حمد وهو يسلم على امه وابوه : شحالكم يالغوالي
ام خليفه: بخير الحمدلله .. انت وينك من امس ما بينت
حمد: امس كان عندي شغل وما قدرت أخلصه الا الفليل
ابوخليفه: مره ثانيه ما ترد البيت بعد الساعه 11 سمعت
حمد: ان شاء الله .. ميره صبيلي قهوه
ميره: صب بروحك
ذياب: ميره!!
ميره: انزين انزين افففف
حمد: خلاص لا تصبين ما ابا
ميره : احسن بعد
ام خليفه: ها ذياب ردت عليك
ذياب: تلفونها يرن بس ما ترد
ام خليفه: وين راحت هالبنت .. يا رب انك تحفظها يا رب
حمد باستغراب: شفيكم .. شسالفه
خليفه: نوره من امس ما نعرف وينها ونتصل عليها وما ترد
حمد: نوره فوق راقده
ميره: انا رحت شفتها ما كانت ف غرفتها
حمد: راقده ف غرفتي مب غرفتها
ام خليفه: وشو اتسوي ف غرفتك
حمد: ما شيء بس امس كنا نسولف ورقدنا بدون ما ندري
ابو خليفه: وليش ما تتكلم من الصبح انها ف غرفتك ونحن قاعدين أندروها
حمد: ما كنت ادري انكم ادورون عليها
نوره وهي تثاوب: صباح الخير
ابوخليفه: صباح النور .. تعالي تعالي .. انتي ساعه كم امس رديتي البيت
نوره : هااا ... ابوي شوف ترا انا ما يخصني .. كنت ادق على ذياب وما يرد عليّ من الساعه 8 وانا اتصل فيه وتلفونه مغلق .. بعدين اتصلت ف حمد ورحنا حطنا وردينا البيت 11
ذياب وهو يطالع نوره بنظرات: اسمحلي ابوي نسيت اقولك ان امس تلفوني كان مفضي وضايع .. اليوم الصبح حصلته
نوره ابتسمت له وبلعت ريجها : ااااا .. بروح اسويلي ريوق
ام خليفه: تعالي اقعدي .. الحين الخدامه بتيبلج الريوق
قعدت نوره عند حمد وهمست له: كيف حالك اليوم ؟!
حمد: الحمدلله احسن .. بس نوره ما ابا الي صار ام..
قاطعته نوره: لا ما عليك محد بيعرف غيري انا وياك سرك ف بير
حمد: انزين خدمه ثانيه .. اباج تتعرفين على دانه عشان ما تحس انها وحيده وجذي
نوره: ان شاء الله
ام خليفه: انتو الاثنين شو عندكم تتساسرون
خليفه: عاد نوره وحمد مع بعض هذا شيء من اول المستحيلات
الكل: ههههههههههههههههههههه
نوره: ليش يعني شو فيها اذا قعدت مع اخوي
ام خليفه: ما فيها شيء فديتج .. يا رب دوم تكونون جذي
ميره: نوروه يا ويلج مني لو كنتوا مخططين تطلعون مع بعض بدوني
حمد: اف اف مزعجه تراج .. انتي اصلاً ليش مب مداومه اليوم .. ما وراج مدرسه شو؟!!
ميره: مصدعه عشان جذي
حمد: مصدعه وهالكثر تتكلمين
ذياب: بسكم خلاص
نوره: انا بسير اتريق هذي سنه لين تيب الريوق
......................................
ف مدرسة البنات ... في الصف .. كانت قاعده ورا وتسولف هي وربيعتها منال
منال: اقولج بتيين اليوم بيتنا
حصه: لا ما اقدر .. امي ما بطيع .. لازم تعرفج وبعدين بتخليني
منال: اممم خلاص عيل انا بي بيتكم شو رايج
حصه: هي تعالي براويج شيء احبه وايد
منال وهي تغمز لها: ها قوليلي شو تبين تراويني ..تراني ما احب سوالف المفاجآت هذي
حصه: كل شيء انتي تحبينه بس تعالي
منال: خلاص اوك
الابله: حصه ومنال ممكن وحده فيكم تقوم تشرح الدرس
منال: والله يا مس ودي اشرح بس ما ابا
الابله: وانت استاذه حصه ؟!!
حصه: اااا .. مس ما انتبهت
الابله: عيل انتبهوا وخلوا عنكم السوالف ولا بطلعكم برا الصف
حصه: ان شاء الله
منال وهي تهمس لحصه: انتي شفيج جذي تكلمينها .. مسوتلها راس بعد ردي عليها ولا بتصيرين جبانه
حصه: عيب ارد على المسات وأطول لساني عليهم
منال: ومنو قالج انج اتطولين لسانج بالعكس انتي تأخذين حقج جذي و بتثبتين للكل انج قويه ومحد يقدر عليج
حصه: هيه عشان يسون استدعاء ولي امر وابوي يغسلني قدامهم
منال: عادي اوقفي ف ويهه دافعي عن حقج تراه مب شيء غلط
..........................................
فالمستشفى عند جود .. تمت تحن على يدها عشان يطلعها وفعلاً راحوا اليد وحامد وطلبوا إذن خروج لجود وطبعاً وقعوا على تعهد انهم يتحملون مسوؤلية جود اذا صار فيها شيء .. الحين هم طالعين ورادين البيت وف بيت اليد كلهم اتجمعوا هناك يوم عرفوا عن طلعت جود وجهزولها النثور وغيره .. وأخيراً وصلوا
اليد: حامد ساعد بنت عمك تنزل
حامد: ان شاء الله
جود: لا يدي عادي اقدر انزل بروحي
اليد: خليه يساعدج انتي خسرانه شيء يعني ؟!!!
حامد وهو يطالع قدامه: هذي نجود يت
جود ف داخلها : الحمدلله انج حسيتي فيني ويتي .. ولا كنت بتوهق وبتفشل مع فكرة يدي
بطلت جود الباب ونزلت .. يت نجود تركض وحضنوا بعض تمت نجود تصيح وجود تضحك عليها
جود: ولا كأنج كنتي عندي امس
نجود وهي تمسح دموعها: شو اسوي يوم كل دقيقه اشتاق لج
جود: هههههههههه اونج عاد
ودخلوا داخل ونثروا عليها الحلويات وسلمت جود على الكل وتحمدوا لها بالسلامه وبعدين قعدوا يسولفون 
جود بهمس لنجود: هندوه ونوره وينهم
نجود: هند ف بيتهم ما طلعت اليوم ونوره قالتلي انها بتروح مشوار مع حمد وبترد
جود: حمد ونوره ومشوار !! .. في ان ف السالفه 🤔
نجود: اكيد في ان .. خليها ترد وبنستلمها
جود: انزين هند ما تبا تطلع من بيتهم اليوم ولا كيف
نجود: قومي بنسير عندها
ميره بلقافه: وين بتروحون سمعت كلمة قومي
جود: عند هند
ميره: بي معاكم اوك؟! .. اوك يلا قوموا
نجود: تعالي محد جاوب عليج
جود: هههههههههههههههه
راحوا جود ونجود وميره بيت هند وسألوا عنها وقالتلهم الخدامه ف غرفتها ..راحوا غرفة هند ولقوها راقده والغرفة بارده
جود: هذي كيف راقده جذي
نجود: شوفيها كيف متعمقه  ف رقادها
ميره: بنات تفكرون في الي افكر فيه
جود: لا تقولين مقلب
ميره: اكيد ههههههههههههه
نجود: لا لا .. مب زين
ميره: امانه خلونا انسويلها مقلب هي دايماً اتسويلنا
جود: لا تستهبلين تعرفين ان هند مريضه ومب زين انسويلها مقلب لو صار فيها شيء!!!
ميره: افففف استغفر الله منكم .. لو نوروه معاي جان سوت من زمان
جود وهي تقوم هند: هند هند .. هندوه قومي
نجود: هذي صدق غارقه ف نومها ما احيد نومها ثقيل جذي
جود وهي تحط ايدها على راس هند : افففف راسها حار .. شكلها محمومه
نجود: صبري بشوف مال الحرارة وينه
ميره: اروح ازقر عمو مزنه
جود: هيه روحي ... ولا اقولج لا لا تروحين هي الحين عند قوم يدوه وإذا قلتيلها هند مريضه بيسون سالفه
ميره: هيه صح نسيت ان اهلنا شوي دراما
جود: اشششش ..هههههههههههه ما ادري من وين تيبين هالكلام ؟!!
............................................
ف الصاله عند نجود .. كانت ادور على جهاز الحرارة وما حصلته
نجود بصوت عالي : صفييييهههههه .... صفيوووه
صفيه: نعم
نجود: وين جهاز مال حراره ... مال حمى وييين
صفيه : ما اعرف
وراحت عنها بدون ما تعطي نجود ترد عليها ..نجود عصبت وردت ادور وما حصلته شلت رموت التلفزيون وفرته وراها من القهر .......
اااااااااااااااااااااااخخخخخخخخ
لفت وراها بخوف وشافت فهد ماسك راسه ويطالعها
نجود : فهددد ... اسفه اسفه كنت مقهوره من خدامتكم و اوني بفره عليها وو..
فهد: حد يفر بدون ما يشوف .. زين ما كسرتي جمجمتي
نجود وهي كاتمه ضحكتها: انزين ما انتبهت .. خطأ مطبعي اسمحلي
فهد: شو فريتي عليّ انتي ..... ريموووووت ااااه فقدت نص ذاكرتي الحين
نجود: شدعوه يعني لهدرجة يعور ترا الا ريموت .. ههههههههههههههه
فهد : وتضحكين بعد .. شرايج افلعج فيه وتجربين الا ريموت كيف ؟!
نجود: ههه وايد ظريف .. شكراً ما اريد اجرب
فهد: شو ادورين جالبه الدنيا .. شوفي كيف خربتي الصاله!!!
نجود: هندوه تعبانه وابا جهاز الحرارة
فهد: تعبانههه!! ... من متى اليوم الصبح اتسولف معاي عادي وما فيها شيء
نجود: ما ادري 🤷‍♀️🤷‍♀️🤷‍♀️
راح فهد ونجود عند هند .. وحط ايده على راسها وكانت ضووو ... شلّها ووداها المستشفى و وصى البنات ان محد يعرف عن شيء لين يرد .. وطبعاً البنات غطوا على هند وكل ما حد سأل عنها طلعوا حجة
............................................
ف المستشفى عند دانه .. كانت لافه ويهها عن الباب واتصيح بدون صوت .. دخل حمد و وراه نوره
حمد ونوره : السلام عليكم
دانه وهي تمسح دموعها: وعليكم السلام
حمد: افا شفيها حبيبتي اتصيح
دانه: ما فيني شيء .. شحالج نوره عساج بخير
نوره بابتسامه: تمام الحمدلله انتي شحالج اليوم عسى بس احسن عن امس
دانه: الحمدلله احسن شوي عن امس .. بس ايدي تعورني شوي
نوره: ما تشوفين شر .. فالعدو ولا فيج
دانه:  الشر ما ايج .. امين يارب
نوره وهي تنتبه لاخوها الي يطالع دانه .. دانه انتبهت ان نوره ركزت نظرها على حمد لفت عليه وشافته يطالعها
دانه: شفيك جذي اتطالعني
حمد: انتي الي شفيج اتصيحين
دانه: قتلك ترا ايدي تعورني
حمد:وليش ما دقيتي عليهم يبولج مسكن
دانه: ما بيعطوني شيء دام اني ما كليت شيء
حمد: ما يابولج ريوق ؟!
نوره: حمد الله يهديك منو يأكل اكل المستشفى .. يبلها اكل من برا من مطعم هي تحبه
حمد: وكيف بتقعدون بروحكم
نوره: ترا نحن فالمستشفى مب البر عادي يعني
حمد: انزين بس لا تطلعين من الغرفه الا لما تقوليلي او تقولين حق دانه .. وبلا فوضى وكلام زايد  لا تصدعين راس حرمتي بسوالفج
نوره: ان شاء الله ان شاء الله .. تحسسني ياهل
حمد: ترا انت اذا قعدتي بروحج تتصرفين مثل اليهال
نوره عقدت حواجبها ويت تبا تتكلم بس قاطعها حمد ويطلع
حمد: مع السلامه ( وسكر الباب)
نوره وهي تأشر على الباب: شفتي الخواف كيف شرد
دانه: هههههههههههههههههههه والله انكم حفله
................................................
ف مكان ثاني كان قاعد يتكلم مع العامل .. دخلوه عليه ثنين من الي يشتغلون عنده وهم يتنفسون بصعوبة وباين على عيونهم الخوف والقلق .. صرف العامل والتفت عليهم
الزعيم : شفيكم ليش احس ان الي بتقولونه مصيبه
جاسم: يالزعيم نحن سوينا كل الي علينا بس هالمره كان صعب شوي
الزعيم وهو يعقد حواجبه: قول الي عندك بدون مقدمات
جاسم وهو يبلع ريقه: ج جود
الزعيم وهو يعدل قعدته: شفيها جود
جاسم: ما حصلناها ف غرفتها دورنا فالمستشفى كلها وما حصلناها
الزعيم بعصبيه: شوووووووو!!!! ... كيف يعني ما حصلتوها .. انا ما نبهت عليكم تراقبونها وتنتبهون عليهاااااا؟؟!!!!!!!
فيصل: يالزعيم نحن ...
قاطعه بصراخ: ماااااا اباااااااا اسمععع صووووت .. ترووووحووووون المستشفى وتسألووون عن جوووود ابااااكم تعرفووون عن مكاااانهاااا وخل ثنين يرووحوون بيتهم ويشفونها اذا هناك ولا لا ... ومن الحين اقولكم اذا ما طلعت ف بيتهم ولا مع الجماعه الي يحمونها اونهم يويلكم مني سمعتوني ولا لا؟!!!
جاسم وفيصل: ان شاء الله
قال وهو يضرب على الطاوله : على شغلكم بسرعههه!!
طلعوا من عنده وهم خايفين من عصبيته وأنهم ما يحصلون جود
الزعيم: يويلك مني يا فهد لو طلعت انت وجماعتك مأخذين جود ... كله ولا جود .. سو اي شيء الا انك تلمس اثنين جود و نجود هذيل خط احمر .. اااخخخخخخ بس لو اعرفك واعرف منو الي معاك واعرف أشكالكم ما كنتوا بتسلمون مني .. بس ما عليه بحصلكم يعني بحصلكم .. انا الBoss يا فهد مب اي حد ههههههههههههههههههه 😈😈
.................................................
بيت بو خليفه .. كان الكل طالع الا خوله كانت قاعده ف البيت تقرا كتاب امها وأختها ميره راحوا بيت اليد وهي تعايزت تطلع وقَعَدت تكمل قرايت كتابها .. شوي سمعت صوت الجرس .. طنشت وقَعَدت تكمل قرايه .. رد رن الجرس وكل مره اطنش .. لين انزعجت من صوت الجرس ونزلت تحت اتشوف منو الي يدق الجرس والخدامه مب طايعه تبطل الباب
خوله من ورا الباب: منو عند الباب
...: انا انا بطلي الباب
خوله: منو انت .. ترا ذياب وحمد مب فالبيت جانك تبا واحد منهم
...: بطلي الباب بتعرفيني
خوله: قتلك محد ف البيت ما بطل الباب .. تعال بعدين
...: خوله بطلي الباب ابا اكلمج
خوله ف نفسها:هذا اكيد واحد من عيال خوالي ولا ما بيعرف صوتي ... يمكن حد فيه شيء
بطلت خوله الباب : هل... اننننتتتتتتتتتتتت!!!!!!
...................................................
رأيكم فالبارت وابا توقعاتكم يالعسل انتو🥰🍯♥️

🔸منو الي كان عند الباب ؟!

🔸شو علاقة الزعيم ب فهد وليش يبا ينتقم منه ؟!

🔸هل منال ربيعة حصه بيكون لها دور فالرواية وهل بتأثر على تصرفات حصه ولا ؟!

🔸شو تتوقعون الأحداث اليايه بتكون ؟!