الفليل ف المزرعه عند البنات ... نوره : خوله شفيج خوله: ما فيني شيء نوره قعدت عندها: تكلمي لا تخشين شيء ف قلبج .. سعيد مسوي فيج شيء خوله هزت راسها ب لا: لا ما سوالي شيء بس ما اباه ما اتحمل القعده معاه .. ابا اتطلق وخلاص ما اريده خلاص عفته والله العظيم وخبرتها عن كل شيء صار بينهم نوره: انزين عطيه فرصه وعطي نفسج فرصه وفكري ف عيالج .. وتبين الصدق باين عليه انه تغير صدق ومستعد ينسيج كل الم ذقتيه معاه والدليل انه وافق على كل شروطج وقاعد ينفذها خوله نزلت راسها: اخاف اعطيه فرصه و.. قاطعتها نوره: توكلي على الله ولا تخافين من شيء اذا كان سعيد خير لج الله بيسهل لج دربج وبيوفقج معاه اما اذا كان العكس ف اكيد انه بيبعده من طريقج وبيرزقج باللي احسن عنه خوله : ان شاء الله .. ادعيلي نوره: الله يوفقج ان شاء الله حصه: عموه نوره عمي محمد يباج نوره: انزين الحين يايه جود: يا عيني يا عيني ما اقدر على الي ما يصبر عن حرمته نوره: هههههههههه طلعت نوره وما حصلت محمد تمت ادوره وسمعت صوت تقربت وسمعت وليد يتكلم بالفون وكان معصب ويتوعد وغيره يت تبا تتحرك بس تخرطفت وطاحت و لف عليها وليد وشافها نوره: ااا .. اسفه قامت بسرعه وركضت صوب المطبخ وهي ميته من الخوف لانها سمعت كل كلمة قالها مع جاسم وانه يبا يقتل فرد فرد ف العائلة .. حطت ايدها على قلبها تحاول تهديه راحت خذت لها ماي وتمت تشرب .. شوي وحست حد يلف يده على خصرها لفت عليه وابتسم لها ابتسامه عريضه وليد: كل هذا خوف مني نوره نزلت راسها: ممكن تبتعد شوي وايد لاصق فيني وليد رجع خطوتين ورا : جذي زين نوره تمت اتطالعه بخوف : ااا انا بطلع برا وليد: شو الي سمعتيه نوره: ما سمعت شيء وليد تقرب صوبها وبعصبيه: تكلمي .. شو الي سمعتيه نوره هزت راسها ب لا : ما سمعت شيء تقرب وليد اكثر وف ايده سجين صغير ذهبي
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وحطه على بطنها وليد: تكلمي نوره : اااا .. سس .. سمعتك تقول ب ب بقتل ف فرد فرد ممم م م من ا العاي يله وليد: وشو رايج ابدا فيج انتي نوره بلعت ريجها واتجمعت الدموع ف عينها و ويهها صار احمر من الخوف وليد: تؤ تؤ تؤ .. الحين كل هذا خوف مني انا ليش عاد .. انا وليد الطيب والحنون تخافين مني ليش نوره: وليد خلني اروح وليد: تدرين ان مستحيل اخليج تروحين نوره : و وليد اا انا حامل .. و و السكين وليد : اووووه اسف حبي توني انتبه نوره: ابا اروح وليد: عطيني ايدج نوره تمت اتطالعه : ل لل ليش وليد قرب السكين من ويهها: ايدج ولا نوره مدت ايدها بسرعه وهي تحاول تبعد ويهها مسك وليد ايدها وجرح راحة ايدها بالسكين ونوره سكرت عينها بالقو تحاول تحبس دموعها من الالم وليد: هذا عشان ما تتكلمين واذا اي حد عرف .. المره الثانيه بيكون على رقبتج .. مفهوم هدها وطلع برا وهي بدورها على طول صرخت صرخه خفيفه وقعدت اتصيح .. شوي ودخلت ميره وشافت اختها قاعده على الكرسي و لاويه على بطنها واتصيح وايدها دم وقاعد ينقط على الارض من كثره خافت وراحت صوبها ميره : نوره بس ما ردت عليها وتمت اتصيح خافت عليها وطلعت تركض برا شافت محمد فويهها ميره: محمد محمد لف عليها:هلا ميره: محمد تعال شوي .. نوره ف المطبخ تعبانه من خلصت جملتها ركض صوب المطبخ وشاف نوره .. راح عندها وقعد على الارض محمد: نوره نوره رفعت راسها وشافته وعلى طول حضنته وعلا صوت صياحها ميره: محمد ايدها محمد سحب ايدها وشافه: عطيني علبة الاسعافات يابت له علبة الاسعافات خذه منها وقعد يطهر جرح نوره الي حاضنتنه واتصيح وينفخ عليه عشان يخفف من حرقه لفه بشاش ورفع راسها محمد: كيف قصيتي ايدج نوره تمت اتطالعه وعيونها ادمع محمد: ميره خلينا بروحنا شوي طلعت ميره وسكرت وراها باب المطبخ محمد: تكلمي كيف قصيتي ايدج نوره: مب انا محمد عقد حوايبه: عيل منو نوره صاحت: طلعت عشان اشوفك بس ما حصلتك دورتك ف كل مكان وما لقيتك .. لين سمعت صوت ورحت صوبه وطلع وليد يتوعد انه يقتل كل فرد ف العايله وشافني وقتها وانا من الخوف يت المطبخ وهو لحقني وهددني بالسكين وبعدين جرح ايدي عشان ما اتكلم محمد تم ساكت نوره مسكت ايد محمد وحطته على بطنها:حط السكين هني .. كان بيذبحني لو ما ترجيته كنت بخسره محمد انصدم وتم ساكت نوره حضنته: محمد انا خايفه .. قالي اذا حد عرف بيقتلني .. محمد ما ابا اموت مقتوله .. الله يخليك محمد سو شيء محمد تم يمسح على شعرها وقال بهدوء عكس الي داخله: اهدي انتي الحين وانا الي بتصرف معاه نوره مسكت ايده: لا تروح عنده .. امانه لا تروح عنده محمد: لا تحاتين ما بروح عنده .. بس انتي اهدي وروحي عند البنات واتصرفي بشكل طبيعي و ولا كانه صار شيء نوره: ما ابا اتم هني خلنا نرد البيت او خلك معاي .. اذا انت معاي ما بيصير فيني شيء محمد: ان شاء الله .. تعالي معاي بنقعد برا طلعت معاه وراحوا عند الاهل وشافوا وليد هناك واول ما شافته نوره مسكت ايده محمد بالقو وانخشت وراه بخوف اما وليد ابتسم لها وانشغل ف فونه محمد همس لها : لا تخافين تعالي انا معاج .. ما يقدر يسوي شيء ام خليفه: نوير حبيبتي تعالي كلي فواكه حطيت لج فراولة وتوت .. محمد قالي انج اشتهيتهم اليوم محمد:روحي نوره: تعال معاي راح محمد معاها وقعد وقعدت هي عنده وتمت تاكل جود: نوره تبين اناناس نوره هزت راسها بهيه ومدت ايدها خذت حبه تبا تاكلها بس وقفتها امها ام خليفه : نوره لا تاكلين الاناناس نوره: ليش ام خليفه: مب زين حق الحوامل .. بسرعه يجهضون محمد سحب منها الاناناس وحطه ف الصحن: لا تاكلينه خلاص .. خلج على الفراوله والتوت وايد احسن جود حطت ايدها على بطن نوره: نوير الحين انتي تحسين بحركة الجنين نوره ضربتها على ايدها: لا تحطين ايدج ما احب جود: منكر تراج الحين لو محمد الي حاط ايده ما بتقولين شيء محمد: هههههههههههههههه شو هالغيره جود: والله صدق كل ما حطيت ايدي ضربتني نوره:ما يخصج خلاص سكتي عني جود: انزين ما جاوبتي على السؤال نوره: شو جود: البيبي يتحرك و لا لا نوره: بعده نتفه ما يتحرك الحين جود: يارب تيبين بنت كتكوته حليوه وتشبهني محمد: ما شيء شغله تشبهج .. خلها تشبه امها عشان يكون عندي قمرين نوره احمرت وطالعته: يعني انت تبا بنت محمد: عادي عندي بنت ولا ولد ما تفرق .. صحتكم اهم شيء عندي جود: انزين اذا ولد شو بتسمونه واذا بنت شو بتسمونها نوره: ما اعرف ما اخترنا لين الحين قاطع سوالفهم تلفون محمد خذ فونه ورد على المكالمه من بعد ما شاف المتصل وتم يتكلم بعدين قام من مكانه وهو يتكلم بصوت خفيف .. دقايق ورجع محمد: نوره انا لازم اروح نوره مسكت ايده: وين محمد بلع ريجه: ابوظبي .. لازم اروح الحين نوره بطلت عينها: محمد لا تخليني بروحي هني.. مابا اقعد بروحي محمد: حبيبي انتي باجر عندج موعد وانا يمكن اطول شوي او اني ما ارد باجر نوره: محمد الله يخليك لا تخليني محمد: ما عليه حبي لازم اروح .. وبعدين الكل معاج لا تخافين ما يقدر يسوي فيج شيء باسها على راسها وسلم على امه والبقيه وطلع من المزرعه وعلى طول على ابوظبي ................................................ ف المستشفى .. عند ذياب وفهد يا دكتور النفسي وتكلم مع ذياب وشاف حالته وصرف له ادويه وعطاه موعد وبعدين رخصوه بطلب منه فهد: تبا تروح البيت ؟! ذياب: لا .. ودني المزرعه ابا اغير شوية جو فهد: تقدر تروح هناك .. اذا ما تقدر مب لازم .. لا تسوي شيء فوق طاقتك وبعدين تتعب ذياب: اقدر اقدر بعد نص ساعه وصلوا المزرعه ونزلوا فهد وذياب: السلام عليكم الكل: عليكم السلام والرحمه اليد: هذا الي ما بيتأخر فهد: ههههههههه انشغلت شوي والله نوره: ذياب ذياب لف عليها وابتسم ركضت صوبه وحضنته: الحمدلله على سلامتك ذياب: الله يسلمج .. وبعدين ليش تركضين تبين محمد يقتلنا نوره:هههههههه ذياب انتبه على ايدها: شفيها ايدج نوره حطت ايدها تحت الشيله: ما فيها شي بس انجرحت يوم اقص السلطه ذياب: انتبهي مره ثانيه نوره: ان شاء الله حامد:بتلعبون كرة قول انجليزي فهد: يلا انزين راحوا وكل واحد اختار له فريق وتموا يلعبون وصريخهم واصل المريخ ..................................... عند محمد بعد ساعه وصل المستشفى وشاف حمود ف الطوارئ محمد: السلام عليكم حمود: عليكم السلام محمد: شفيه ابوي حمود: ما ادري .. ياه اتصال وطاح على طول مغمي عليه محمد: كيف يعني ما تدري وين كنت عنه حمود: كنت معاه بس ما ادري مع منو كان يتكلم وشو السالفه محمد: لا حول ولا قوة الا بالله شوي وطلع الدكتور حمود تقدم صوبه: خير دكتور شفيه الوالد الدكتور: لا تحاتون حالته مب وايد خطيره هو بس صار عنده هبوط ف الصغط ونحن سوينا الي علينا وعطيناه دوا ..بس لازم يرتاح شوي لانه الظاهر طاح بسبب صدمه حمود: ان شاء الله .. ما تقصر يا دكتور دخلوا عند ابوهم وشافوه يطالع السقف بتفكير .. تقدم صوبه محمد ومسك ايده وباسها محمد: الحمدلله على السلامه ابويه .. ما تشوف شر ابو حمود لف عليه: الله يسلمك محمد: ابويه شو الي خلاك اتطيح جذي .. الدكتور يقول ان صدمه ابو حمود بتعب: خسرت الصفقه وخسرت كل فلوسي .. ما بقالي شيء ما بقالي شيء .. كل الي كنت ابنيه من سنين انهدم فوق راسي .. ما بقا لي غير البيت والسياره حتى الشركة مالي شيء فيها .. قصوا عليّ يا ولدي خدعوني عيال الحرام محمد: ما عليه ابوي الفلوس رزق من الله .. والي مسوي فيك جذي ما بيسلم من ايدي .. والله يا ابوي اخذ حقك منهم وارد كل فلس خسرته .................................... عند خوله .. طلعت عن البنات وتمت تمشي بروحها بين الاشجار لين حست بحد وراها لفت وشافته خوله: شو اتسوي لاحقني سعيد: شفتج تمشين بروحج .. قلت حرام اخلي زوجتي العزيزه بروحها فهالليل وبين الاشجار عن يشلونها الجن خوله رفعت حايب: احلف انت بس سعيد مسك ايدها: تعالي بنتمشى مع بعض خوله يت تبا تسحب ايدها بس هو ما خلاها سعيد: شرايج نسافر الدوله الي تبينها خوله: ما فيني سعيد: يلا عاد خلينا نسافر .. نغير جو ونستانس بعد .. قولي لي وين خاطرج تروحين خوله: مااعرف على راحتك سعيد: يلا اختاري دوله خوله : ما اعرف سعيد : ما تبين تكونين معاي صح خوله سكتت ولفت ويهها الصوب الثاني سعيد هد ايدها: على راحتج ما ابا اجبرج على شيء خوله مسكت ايده: لحظة شوي سعيد لف عليها بدون ما يتكلم خوله: موافقه سعيد: على شو خوله: على الفرصه والسفره .. ابا تثبت لي انك صدق تغيرت وانك مستعد اتداوي جروح وتعدل كل الي هدمته ف قلبي وترد تبنيه سعيد باس راسها: بثبت لج وبتشوفين .. وصدقيني بي يوم وبتقولين لي احبك يا احلى سعودي بصوت عالي وقدام الناس بعد خوله: هههههههههههه خير ان شاء الله ............................................... توقعاتكم
