اليوم الثاني ف دبي /ف الفندق ... عند هند وذياب قام ذياب من النوم واتسبح واتلبس وتعطر وطلع برا .. شاف هند قاعده ترتب الصحون .. وأول ما شافته ابتسمت هند: صباح الخير ذياب وهو يبوسها على خدها: صباح النور والسرور هند: متى بنطلع المطار؟! ذياب وهو يشوف ساعته: الحين الساعه 8:00 والطياره بتطير 9:15 يعني بنطلع 8:30 لين نوصل ونخلص الإجراءات وغيره هند: وكم ساعه بنقعد ف الطياره؟! ذياب: 6 ساعات هند: يويييييلييييي كل هالوقت شو بنسويييييي ذياب: ما عليج دامج معاي ما بتحسين بالوقت ... المهم .. خذيتي دواج هند: هيه خلاص ذياب: زين عيل انا بروح اسوي check out وبخليهم ايون ياخذون الشنط هند: اوك طلع ذياب وراحت هند اتطلع الشنط واتحطهم عند الباب عشان العامل اذا يا يأخذهم على طول .. لبست عبايتها وعدلت مكياجها شوي وقَعَدت تكلم البنات ف الواتس لين يوصل ذياب .. شوي وسمعت صوت الباب هند: اكيد ذياب وصل راحت وبطلت الباب وشافت واحد متساند على الباب ويبتسم لها وعيونه فيها شر ... خافت هند و يت تبا اتسكر الباب لكن هو كان أقوى عنها ودز الباب بالقو هند بخوف: انت منو وشو تبا ... اطلع برا الريال مسكها من رقبتها و لصقها على اليدار: احفظي شكلي عدل لانج بتشوفيني ف كل مكان هند: منو انت ... وشو تبا مني الريال طلع سكين من جيبه وحطه على رقبتها : ابا اقتلج انتي وذياب ومحمد ونوره واهلج كلهم .. بس ابا ابداً فيج انتي هند وهي تحاول ادزه: قووووم عنيييي اقووووولك قوووم الريال: تؤ تؤ تؤ تؤ لا تتحركين عشان ما تجرحين نفسج بالسكين ما اباج تموتين بهالسرعه. هند بدا جسمها يرتجف : اطللعععع برااااا اطلععععع اقوووولكك الريال ابتسم وطير لها بوسه ف الهوا وطلع .. أما هند ف قعدت على الكرسي وهي خايفه وترتجف .. بعد 10 دقايق دخل ذياب وشافها قاعده على الكرسي ومنزله راسها ذياب: حبي هند رفعت راسها ووقفت ذياب: شفيج هند وهي تحاول تبتسم: ما فيني شيء ذياب: صار لي 5 دقايق تقريبا وانا ادق الباب وما تبطلين عبالي فيج شيء هند بتوتر: اسفه ما سمعت كنت سرحانه واسمع أغاني ذياب استغرب منها : انزين يلا خلينا نطلع هند خذت شنطتها ومسك ايدها وطلعوا من الغرفه متوجهين للمطار " لبس هند"
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
"لبس ذياب"
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
